Bittersweet (已結業)

行經過望到呢間cafe,細細間又唔太顯眼，諗唔到食咩就試下新野坐位唔多，幾張枱，人流又唔多，如果睇書聽歌，呢間可以考慮Menu都算幾多款，有埋圖，一清二楚，飲品又有和式各樣，價錢都唔貴Order咗all day breakfast,食物質素就普普通通，炒蛋比較港式，煙肉同煙三文魚都好味，咖啡又係冇咩特別，勝在環境寧靜，又唔會趕你走，多數都係街坊客下次都會再試埋其他款式

服務超級差，千祈唔好黎。d員工好似當你係乞丐咁既態度，超級無品德和無禮貌。2個女侍應態度超級寸，客人簡直係俾錢買難受既感覺。我食完才來open rice來看，真想不到原來這間餐廳之前已有咁多無禮貌既負評。

服務態度勁差，無禮貌黑面又串。 原來都好多食評話佢地服務態度差！！！Wondering why their service level can be that poor. Seems they don't welcome any people to dine in nor take away.Those staff members are quite rude and many review comments also point this out. 

粉嶺區本身cafe 唔多，見到有特色小店都會特別支持，可惜e 一間店真係俾一次機會佢都嫌多第一次去堂食，三位有兩位到左先，店員唔俾入，話一定要人齊先可以入座，但明明店內並冇客人。雖然覺得態度差，但都想嘗試下d 食物，店內裝修同menu 都算有誠意，而且食物質素算不錯。第二次去，本身一位先入座，之後有朋友後到一齊坐，店員反應極大，好大聲呼喝話要人齊人座，又話我地本來話一位 blah blah blah...雖然最後話ok(其實我唔明有咩唔ok 囉，店內只得兩三個客）但另一位店員走到我地附近話："下，我諗住唔做佢地生意！"身為顧客你聽到d 咁嘅說話會有咩感受？已經唔係"態度差"形容到，直頭係趕客我好好奇佢地係打工定自己做老闆，出於咩心態會咁樣對客人？！我同朋友當然唔會比錢受氣食你d 野，食龍肉都冇味啦！原來今時今日仲會有d 咁嘅服務態度，真係勸大家唔好俾錢去受氣！！食完都背脊骨落

態度惡劣明明有位都話沒有位逼人係外面等候仲要落緊雨我們本來三人打算入座 見入邊仲有位所以諗住坐住嗌嘢食先點知店主不停強調沒有位置不讓我們進去以後都不會再幫襯！態度極之惡劣！！

落單時只想問下距地仲有無bagels提供，距地好似唔明我講咩咁，跟住話:「個menu寫左咪話有囉。」然後我再問下，啲炒蛋可唔可以轉做烚蛋果啲，個職員即刻黑面，話:「我地無呢啲野㗎喎，你使唔使再睇下個menu先再落單。」我當然係睇左menu先落單，只係想問下啲野有無得轉下姐，唔得都無所謂嘅。原本好期待咁想食個all day breakfast ，點知落完單之後一啲想食嘅意欲都無晒。P.S. 距地最後仲要落漏左單。。。

這間店舖很細，只有兩張四人桌、一張雙人桌、和一張面壁吧檯可供四人坐。 一星期前，第一次去，見有人在門外等位，我們便放棄了這間，今天二人同行，難得剛好有張二人桌。我們叫了兩份全日早餐，配上鮮奶咖啡。細小的餐廳只有二人工作，等了約二十分鐘才可上菜。食物的味道不錯，看上去滿滿的擺了一碟，但分量其實不多，碟子也不大，我們當作午餐來吃，吃完也沒有飽的感覺，難怪見鄰桌的客人們都會加添小食。咖啡味道淡薄，不夠順滑， 奶太多比較像喝鮮奶。這間小店好像主要是做熟客生意，跟部分客人有傾有講，對其他客人顯得很冷淡，但仍算有禮。 在我們等候上菜的時段，有好幾批客人想進來，店員都只是冷淡地說：冇位喎， 那些人只好走了。

經常說香港是吃的天堂，小小的聯和墟，吃完星加坡菜又可以吃西餐～ Bittersweet Cafe，主打all day breakfast和咖啡。All day breakfast有多款配料配搭，選擇非常多，有選擇困難症最後是先決定好才入座，因為同樣是店子小小，大約10個位置左右，氣氛寧靜，在慢活氣氛本來就濃厚的粉嶺，再添一分慢活的感覺（笑）All day breakfast一般偏貴，這裡索價約$60，算是便宜之選，能不能吃飽則是另一個議題（笑）現成食材，味道不會差，但不得不提這裡的比高包烤得夠香，多一分脆口，配cream cheese一大顆，很有滿足感。咖啡質素不錯，不會太甜，latte香濃幼滑。Bittersweet Cafe 在粉嶺谷一直被受爭議，因為店子的老闆（？）經常板起臉，零笑容，說話語氣粗獷，給人的感覺是拒人於千里。小編覺得... 香港人普遍就是這個樣子，比起台灣人的熱情立即顯得冷冰冰，不過並不代表是壞人，只是說話沒太多感情而已。反正小店不是賣服務，大家不要太在意嚕。

放假最好就係瞓到自然醒再嘆返個brunch，今次揀左聯和墟嘅bitter sweet。個門口貼左反光貼紙，唔細心留意嘅話好容易就行過左。鋪仔細細得十零個位，而且得兩個職員，一個負責煮，一個負責收銀同樓面。除左All day breakfast 之外，仲有意粉，小食等等。我就揀左Set C$50，因為有班戟男朋友就揀左Set A$58，因為乜都有。野飲就揀左熱朱古力同鮮奶咖啡，都係唔洗加錢嘅。All day breakfast仲可以加錢要多d野，但其實個Set都已經好豐富。另外就散叫左個焗薯皮，即叫即焗所以都食到七七八八先黎，但值得嘅，薯仔唔乾，餡都好食。All day breakfast 方面大部份野都好食，除左班戟，應該係交返黎嘅，所以有d乾。整體黎講係非常好，係要預多少少去食，因為出餐有d慢。

一關上門就同出面街完全兩個唔同感覺，入面鋪頭細細，但好有風格.去過兩次，都覺得係可以再去款色很多，好多唔同組合.我叫左蜜糖芝士牛肉厚三文治，超好味，有多料😍😍估唔到蜜糖甜，芝士咸，咁配搭係咁正另外跟一杯普通咖啡，我個lunch就完滿了😌佢連隻碟都靚，見唔見到d牛肉蜜糖同芝士流哂出黎，不得了👍🏻👍🏻👍🏻我望到隔離枱係食all day breakfast ,好多料，仲好似有粟米片，真係不得了😍咁既價錢同味道出面真係食唔到.我最後買多份比朋友食🤣🤣

今日突然好想食all day breakfast 同飲咖啡粉嶺既選擇其實冇乜所以特登搭小巴去聯和墟試下呢間小店位唔多好易滿 所以要齊人先入得All day breakfast $52蒜蓉多士好香 雖然唔係厚多士有啲失望炒蛋滑 但份量唔多Yogurt 同生果都唔錯Rose Latte +$8好香玫瑰味 如果有拉花既會開心啲Overall 覺得野食同野飲都幾好 咖啡選擇好多見到好多comment都話服務唔好咁坦白講小店生存唔容易 服務唔算好好但又唔係受氣會再幫襯 下次試下其他咖啡

人生第二次去粉嶺😂就係約咗朋友食tea💕呢間cafe距離火車站大約15分鐘啦，行過去都好近！因為朋友未到，諗住入去坐住等，點知一行入去店員問幾多位之後，就叫我等齊人先好入黎，d態度有d惡😦我聽到都呆咗一呆。後尾出返去街度等朋友，發現出面餐牌有寫話齊人先入座嘅。但店員態度真係有待改善🙊入面是咁的，舖位唔大，有幾張枱。落單嘅時候店員都係無乜禮貌🌚叫完野食等咗一陣就有得食，可能因為平日下午冇乜客，都幾快。飲品我點咗Rose latte, 幾好飲喎，同埋都幾大杯。幾抵飲架朋友就點了爆谷朱古力。杯野個賣相又幾得意，我就無試飲，但朋友話幾好飲🤗野食黎啦😍香蕉朱古力雪糕pancake好食呀呢個又唔會太甜入面都多香蕉！泡菜豬肉三文治個包烘得好脆，入面都足料幾特別呀泡菜配三文治🥪其實標題已經總結哂😂食物質素唔錯架，價錢又平。如果d店員寬容d就perfect 啦😂

自選配搭早餐:斑戟+炒蛋+腸仔+茄汁豆配搭斑戟的蜜糖好好味，會再食!自選配搭早餐:牛角色+炒蛋+腸仔+茄汁豆早晨必飲咖啡: 熱朱古力咖啡+Cream早晨必飲咖啡: 熱朱古力咖啡(如怕甜，建議不加cream)份量初頭會覺得唔夠飽，但當你飲埋杯野就好飽!

因為我同友人都住上水粉嶺,想搵個地方食tea, 友人食過幾次,而我係第一次去.去前友人已經預告左入面既staff 講野態度會有d 倔。Staff 係唔熱情，而且講野有d 倔姐。入到去個menu 係自己畫既,好有heart. menu 有好多野簡，好多野飲都好想試，好特別。今次只簡了一個薯容同香蕉朱古力雪糕pancake. 薯容好夠熱,好味道。pancake 都好柔軟。最欣賞係佢個野飲，好普通既紅豆冰但出到黎個樣幾唔錯，而且都幾大杯，感覺好特別，唔會係死甜既感覺。再黎係雲呢拿咖啡，唔會太甜，好香，咖啡味都好濃。👍🏻成個感覺今次野食係抵既，兩人先食左$12x會想再去試下all day breakfast.

去過三次 三次的經驗都是一樣所有店員的態度也是極惡劣全部客人也被呼喝不知所謂當時全店一個客人都冇 (所以一定唔係因為忙)問他signature coffee係乜 佢黑面 然後態度極差地指住塊黑板說: 咪寫咗囉！但係黑板搵唔到 "signature coffee", 只有 "手工咖啡" 是一樣的嗎？咁 handcrafted coffee 呢？建議店員串之前首先要肯定自己冇錯 去惡補英文吧食物非常一般 所有食物都係現成貨然後放入焗爐熱一熱一定不會再去