Blendin Restaurant & Lounge (已結業)

諗住帶女朋友去食個港女tea 同佢慶祝聖誕節，去到見新開所以都幾新淨環境睇落都算唔錯嘅，但就見到戶外嗰度有啲聖誕裝飾已經爛咗同跌咗但職員都冇整返上去，職員態度麻麻哋，冇咩特別有禮貌同熱心招待我哋，最後仲吹埋單，而且價錢上我打過去同埋當日食到嘅價錢係唔同，覺得職員嘅服務同解釋略嫌不足，食物方面，以為$300一個人食幾舊嘢，想像會幾好食，點知勁普通仲要冇乜味，純粹係環境唔錯，但呢個價錢喺出邊絕對可以食到環境唔錯食物好食職員態度好嘅餐廳，總括來講唔會再去第二次，都搞到女朋友有啲失望。

下午茶套餐未計加一$298一位，只有幾件嘢，好期待以為會好好食，點知全部嘢食都好普通，尤其係啲鹹點完全冇味，食物普通都算，餐牌寫住係有咖啡飲，但去到話剩係得檸荼檸水，然後當時任何食物都未上，想調另外一個位坐，職員話個張枱一早俾人book mark咗，所以唔可以調，點知去到走嗰一刻我想轉嘅個張枱都係冇俾人坐過，服務態度真係有啲差，食物又好普通，價錢又唔係平，唔值得去食，性價比真的勁抵，建議大家千萬不要去食

本身對食野都冇咩要求，同埋聖誕節出黎食都預左貴，但依間野d 食物質素真係何其難食，所有既菜式都好普通，同埋係完全冇味，龍蝦湯淡味到M 記都好飲過佢，越式包卷完全好似食緊草咁，得青菜，個羊腩係同羊腩煲一樣味，咁我做咩要上黎食，全晚個餐真係冇一樣好食，好彩叫左支酒當飲下野，一唔係真係連坐都唔想坐耐D,總知食物質素真係好差，仲有明明出面露台都冇人坐，連聖誕都唔full booking , 都要Hold 住d 位唔比坐，最後好夾硬先話安排個位比我地，同埋D waiter 係咪太冇野做，客人明明未食完，仲有一半都會走上黎問收得野走未，洗唔洗咁趕，咁既價錢但咁既質素真係好垃圾，唔會有下次

之前同friend book左呢間餐廳食嘢，因為佢個景都幾靚又見到海景，就book左呢間，唸住係食嘢嗰陣又影下相咁。因為我地係book左晏晝，個景係真心靚，見到哂維港，望住咁靚嘅景食嘢，心情都好啲，如果係話想打卡嘅話，真心推介！令我最surprise 嘅係食物質素都好好！海鮮都新鮮，種類都算多。我哋嗌左長通粉同埋個明太子意粉，我比較鍾意明太子意粉，因為佢嗰汁係掛住哂係啲意粉到，好好食！都係百幾蚊一個main dish咁，仲有咁靚嘅景，真心唔差！

超難食嘅聖誕餐，兩個人總共要$3000，聖誕雞加糯米入邊啲糯米係冧晒完全冇口感，啲雞肉完全係硬嘅，牛扒方面全部都係渣，完全落唔到口，全部都係根嚟嘅，肉丸薯蓉同宜家傢俬比宜家傢俬仲好食，預訂位置之前仲話好多Booking叫我哋5:30就要拎定位去戶外位，點知食到八點幾都仍然係冇客嘅得兩台(戶外），點樣睇到有呢一間餐廳就係因為喺OpenRice睇到佢哋有廣告見到都唔錯，點知上到嚟就係咁樣千祈唔好比佢哋呃到。

今期openrice有做呢間Blendin Restaurant & Lounge推廣佢地今期有個訂座優惠 十點後只要消費滿398就可以328Free Flow飲酒，398求其都搞得掂，如果中意飲酒 真係要trytry佢，328free flow唔話平但都唔貴，但勝在個環境真係Chill，十點後人都少d 不過幾緊要就係記得book露天位置，咁到時候先可以再Chill d飲酒，酒品都多 Mocktails都有中意飲又唔怕醉不妨真係trytry佢，幾正又chill

午餐想試新嘢搵求其行咗去呢間到試，點知有驚喜喎。唔知有咩好食，店員就推薦咗香煎鱈魚，南瓜蓉，法邊豆，串茄，香草檸檬牛油俾我，食咗又幾唔鍾意。呢幾樣配埋一齊估唔到又幾夾，鱈魚冇落咩調味，簡簡單單反而好突出魚肉嘅味道，香草檸檬牛油係幾夾鱈魚配埋南瓜蓉打得幾爛幾易入口，撈埋法邊豆同串茄食落好清甜。整體來講以呢個價位係lunch係幾貴，但食物質素都cover咗，月頭可以豪少少吃餐好。加上餐廳裝修得幾好，啲位幾闊落坐得幾舒服，又可以對住個海景食係幾嘆。

晏晝去食lunch，揀咗呢間試吓。叫咗個低溫慢煮法國黃油春雞，一上枱即刻聞到陣陣香味，忍唔住即刻切開佢試味。隻雞唔肥唔瘦，雖然唔係幾大隻但焗得香得滯，食過返唔到轉頭，想去廚房偷師。牛油+雞肉好夾，加埋低溫慢煮令肉味係慢慢滲出嚟，加埋牛油香好好味。估唔到呢個價錢都有呢質素，烤春雞之前去食都要$300，價回票價啦。加上可以食住飯睇住維多利亞港嘅夜景真心唔錯💯下次想去試吓其他嘢食，會想再食多次食嘅餐廳

同事辭職book咗呢間做散水飯，以呢個價位同環境都唔錯。喺lunch menu 嗌咗個灸燒醬油漬親子三文魚明太子意大利粉$168，一送到上嚟賣相勁靚，即刻相機食先打咗個卡。三文魚整得幾鮮，好肥美，意粉有咬口唔粉加埋啲醬油好日式。明太子略微失色，但整體都幾好食。食物質素：4.5/5環境:5/5同同事一路傾偈一路食飯幾舒服㗎，又有得對住海食飯，店員又好好人咁主動幫我哋影相幫我哋影相添，服務態度幾好👍🏻

😆😆今次再次黎食呢間Blendin Restaurant and Lounge， 佢地個景色真係冇得頂，吸引我上黎好大一個誘因就係黎睇風景👍🏻👍🏻 食住好西 睇住佢地樓下個維園景色 真係好舒服😌😌黎到食物 今次叫左份意粉🍝，未開始食 佢地個擺盤已經夠曬靚 ，😆好靚 打卡一流🤤🤤帶子大粒放係中間 甜品湯品等等都繼續維持水準👍🏻 得閒過黎食飯 打下卡影下相 係幾開心ge成餐加埋三百蚊到 cp值都好高 🤤唔錯

13年後重逢今次係十三年黎首次和她見面7點鐘 出面out door 落雨唯有坐入面一黎就打大佬叫左最貴既set 但係食開西餐一睇就個抵食 有8道菜 頭盤牛他他 我哋冇揀， 我有主見地揀咗魚子醬pancake 費事 同 main course 威靈頓有衝突， 嘢食方面 精緻得來實際食左一粒先醒起要影 迷你pancake 食到有酸忌廉中和咗 魚子醬嘅鹹度 唔會死鹹 反而有提鮮嘅作用 鹹鮮味喺口入面卜卜卜 面頭仲有金箔 裝飾 完全充撐場面. 7.5/10蟹肉酥盒冇影相 係一個好難失敗嘅菜式 非常聰明 6/10周打魚湯 侍應 介紹有煙燻鰻魚 立魚 鰹魚 幾款魚去淆味道不過不失 7/10要讚既係 蝴蝶粉拼大虎蝦 同埋檸檬雪葩蝴蝶 粉調味好 大膽 xo醬 牛油 巴馬臣芝士， 隻蝦 啲肉好紮實 好彈口 有燒過， 出奇地合襯 食完呢個 侍應 自動波 上埋 檸檬雪葩 酸酸地 成件事好 清新. 8/10服ok👍👍食完識得收碟 唔使叫 係咁加水由於我地坐喺前台比較近酒吧， 睇到啲員工 醉心製cocktail 好吸引 我見到標曬 煙霧瀰漫 仙境咁 可惜 同行女伴唔飲酒 得個睇字成個套餐 最抵係有威靈頓 目

冇諗過銅鑼灣都有咁抵食嘅餐廳。叫咗個日本毛豆蘆筍意大利飯（$148）之前食毛豆最怕味道太單調，呢間整得唔寡同蘆筍好夾。蘆筍可口爽脆，意大利飯份量幾足，質地幾creamy同煙韌。3樣加埋一齊好襯，creamy得嚟又有咬口。食物質素幾好，用日本食材所以貴少少都冇問題。一路食一路望住個海景都值啦😂餐廳幾開揚坐得又舒服，整體都好新淨。鬧市嚟講喺銅鑼灣有呢個價錢又有質素同服務係幾唔錯，店員仲好好人咁幫我影相添👍🏻

假日選中了銅鑼灣新店😀朋友介紹到Sugar+ 19樓西餐廳，冇想到outdoor 位置環境好靚好舒服👍🏻我哋選擇了set Lunch ~Salad （Lunch Set)🥗👌 ~Soup (Lunch Set)🥣👌~Seafood Risotto🐟🍚😘 ~SousVide Beef Cheek with Red Wine🐮🍷🤩 ~Chocolate Lava Cake🍮❤️下次有機會會再訪😋溫馨提示，如要坐outdoor 要預先book位

想講我係因為慶祝而book呢間餐廳唔記得request 戶外位上到餐廳見個景好靚即時request 戶外職員回覆d戶外比人book晒註：戶外有4檯，得1檯有人坐就無再follow up直至我request佢，如果d客no show 可否移出去佢先打比客確認其實個晚另外3檯戶外客都no show我眼見，後尾有2檯人都係坐落request佢先幫忙轉檯另外員工對餐牌完全唔熟問d食物名唔識答我要自己google食物方面我地叫左佢話新嘅luxury set味道真係好一般其實份量overall 係ok 嘅但味道係好深刻邊樣叫好食，我覺得同普通工廈西餐差不多較好食係個scallop同中間夾咪sorbet 係唔錯嘅但龍蝦湯都係無味而最差最差一定要數個甜品個拿破崙係比地鐵站內連鎖舖仲差一上檯係會倒下我都未掂個餅就無啦個酥皮，應該係同食tartar 個個墊嘅餅完全一樣，硬ban bancream Brulee... 個焦糖面係太硬太厚仲有佢手生日字，未見寫到咁

▪️ Blendin Restaurant & Lounge ▪️•見到銅鑼灣有新開嘅靚景餐廳即刻訂位同朋友慶生Outdoor可以望住維港用餐老實講係幾chill嘅🥰不過限時90分鐘 就算全間餐廳得幾檯客 期間職員都會無限踢檯所以呢間餐廳純粹一次打卡就夠🫢•💬 北海道帶子羅勒菠菜苗長通粉 ($158)Total 叫咗3個lunch setSet會包埋餐湯、沙律同飲品咁嘅環境嚟講價錢都幾可取長通粉份量正常帶子有兩粒長通粉軟硬適中但略嫌偏油咗啲啲不過個人覺得呢個係3個main中最好味嘅•💬 低溫慢煮法國黃油春雞 ($188)本身想試豬鞍可惜已sold out惟有改慢煮黃油春雞春雞份量算幾大但雞肉比較乾同鞋食落真係幾失望•💬 炭燒美國西冷 ($288)炭燒嘅坑紋幾吸引可惜食落偏韌 味道一般般而且有一大舊肥膏同根部變相可以食嘅份量唔算多🙈•💬 心太軟 ($88)訂位時有備註甜品要寫生日字句當日向職員查詢時職員話一定要order 心太軟先可以寫字🤔心太軟朱古力味濃不會太甜而且流心感十足 整體不俗•🌬️ 推 介 指 數：3/5•📍 Blendin Restaurant & Lounge 銅鑼灣糖街25-