Blendin Restaurant & Lounge (已結業)

我在12月3日訂了12月11日晚上 6 時, 去到嗰陣户外及窗邊枱都完全冇人, 但個帶位小姐帶咗我對住 bar既裡面枱, 於是我問户外及窗邊枱可以嗎？間餐廳都冇客. 帶位小姐話户外及窗邊枱都俾人訂咗啦 😒 我話我係8日前訂枱 帶位小姐話“你訂枱嗰陣又冇指定要户外及窗邊枱”, 我話我係8日前訂枱啦,俾張bar 影枱, 咁book嚟做乜P帶位小姐話我哋餐廳d客人一個月前訂啦, 我環顧四周都冇客人 🙄 我於是決定走

今日要為一位食家既姊妹慶祝甜日，加上愛打卡既我，就試試銅鑼灣新開的日法料理，見到唔小朋友去過了打卡，當然唔會放過～預約左平日時間1230，到達時大概只有兩台客，店員指用餐時間得90分鐘，對於想打卡或者想同姊妹傾下計既客人真係唔夠，而且價錢上不是低價餐廳。叫了兩份Set lunch，沙律🥗正常水準，沒特別，而湯就…比較稀同偏酸，會令人感覺似係一間好普通既cafe用餐甘🫣雞胸意大利飯， 雞胸唔會乾同硬..但係飯底味道有點怪，我地兩個都唔太適應到個味，所以只係食左幾啖。另一份豬鞍算比較好入口，肉質都不錯，不過整體味道未算出色。最後心太軟可算是最好的一道，有流心不會太甜。由開始到甜品大概提了我三次快夠鐘交枱😂但其實係唔full無人等，可能我地最後係甘影相總算可以坐耐左，無再叫我地交台～其實無人等真係可以比人坐多陣喔，可能員工仲新都係跟規矩辦事。

Book咗枱，八點到，眼見全場兩三枱客，問reception可唔可以坐outdoor,佢話可以,但有min charge $500per head,我話OK (心諗outdoor一枱客都冇，indoor得三枱客，min charge有什麼意思)坐低前，佢同我講只有set dinner, 無a-la-cart…. 哦。而set dinner 只係得一款俾我揀, 哦。以這個價錢收費，食物質素真係Below Standard， 個wellington beef 我哋食咗少少就冇食，根本係雪藏貨翻熱，唔係餐廳自己整。其他唔逐樣講，毫無驚喜味道一般，感覺想扮高檔，但完全唔到位。埋單兩位 無飲酒～$2100😅今晚得10幾度，我哋坐outdoor因為食煙,但你同我講得有min charge 又收二千幾蚊 都唔會細心地放幾個暖爐喺outdoor 俾人坐得舒服啲, 咁成個冬天點搞呀。叫人吹住西北風, 仲要收min charge 😅 你個景有幾靚都冇用啦。唔會返轉頭亦都唔會Recommend to any friends.開張唔夠兩個月，真係替老闆擔心，其實係咪做開F&B 㗎。

來這裡lunch 食物質素真的好一般 Lunch set 有沙律+湯+main+ 茶 沙律ok湯….完全沒有西湯的濃稠主菜都好一般，一點都不驚喜餐茶 齋啡都要加錢😂 基本上是只可叫檸茶檸水 只能說，三個人，4-course lunch menu, 落樓才$560… 當搵個地方坐

有個地方可以望住維港夜景食飯係舒服，呢間餐廳開係Sugar Plus樓上，估佢唔到呢棟野居然有個景色咁開揚的位，預約左去個露台位置，雖然呢幾日個天氣超凍🤧🤧但係佢地外面食野都唔會話點覺得凍。黎到食物，我叫左份牛排，塊扒好靚，因為我都未食，我女朋友就捧走左佢黎打卡😂😂d相影出黎係真心靚，開揚夜景海景加靚野食加（靚女）😂最後我叫埋個蘋果批，食得出係即叫即整，溫度好好，有少少酸酸甜甜加埋一齊，有霖過下次可以當佢開胃菜食😂😂

預約黎食個fusion菜，見到佢地d料好多都係日本黎，好好奇就黎試一試😂叫左個 日本毛豆義大利飯 Japanese Edamane Aspragus Risotto我見到個名就係用個試伏個心情黎食🚁🚁又毛豆又蘆筍兜嘢上到黎真係綠油油😂😂而味道就不錯，高湯食得出有心整，得確有義大利risotto的感覺。佢地描述有話自己用都幾多日本料，而見到都的確唔少 尤其是海鮮而豬肉牛肉都見到有西班牙同美國，所以係ok既，都齊全唔錯。👍

銅鑼灣的西式餐廳這間blendin restaurant and lounge 的餐廳賣相很不錯。聽說他們的風景很漂亮，所以我們預約的時候特意預約了靠窗口的位置，上到餐廳我們就坐在了角落靠窗那個位置，雖然是角落位置，但是能夠剛好看到兩邊的景色，還不錯。吃的相對就可以，我也不知道點什麼 就問了問，最後吃了個帶子通粉，帶子我記得是有三顆，蠻大顆的，只是通粉給的有點太多了😂😂變成吃麵粉了。餐廳還不錯，看著公園海景吃的挺舒服的。

得閒黎同d師奶仔行下街，攰就梗係要食下野傾下計，一早就plan好曬行程😎。下奏黎到坐低座位都好舒適，寬敞無壓迫感，用落地大玻璃去做牆，令到室內的光線很光猛，感覺很好，比起其他餐廳佢地呢一方面係做得唔錯，觀感上很不錯.食物方面都算水準以上，叫左佢地個黃油春雞，中價位$188蚊，一個人食算有d多，而隻雞內裡好嫩好多汁，整體Ok之後叫多個甜品食 百零蚊加加埋埋一個人埋單300蚊左右，算對得住個地方，食個景都唔錯。

睇Openrice呢間餐廳好似係2022年9月先開，上網睇啲環境相覺得唔錯，所以就約咗朋友去食飯傾偈☺️先講環境，好闊落，坐得好舒服，係同朋友傾偈食飯嘅好地方。出面有outdoor位置，因為有💧🌫(睇得明就睇，打出嚟會比人ban）所以唔suggest孕婦坐出去，但真心值得宜家呢啲唔熱嘅季節坐outdoor hightea一下，有興趣生完再嚟relax下☺️鱈魚|南瓜蓉 $188魚好滑，熟嘅程度剛剛好，魚皮煎得好脆！南瓜蓉配搭得好好，略嫌法邊豆有啲硬同埋味道淡啲。帶子菠菜苗長通粉 $158帶子又係超滑，熟嘅程度剛剛好，好食！長通粉軟硬程度適中，都幾好👍🏻蘑菇忌廉湯，沙律正常發揮寫寫下食評發現佢個Lunch set好似係有包tea？但嗰日無嘅？😂如果大家有興趣，記得上網book位。我哋嗰日係星期六4:00pm，餐廳6點就趕我哋走啦！

服務下午茶時間入到黎，帶位員帶左入室內位置。見有幾個室外景觀位空置緊，即刻問可否坐戶外位置，員工話呢個時間好full安排唔到。（最後坐左個幾鐘，發覺一路都吉住）食物 - lunch set沙律 - 平平無奇湯 - 極咸牛頰肉意粉 - 又係極咸，意粉偏硬龍蝦湯蟹肉伊麵 - 又係咸.得罪講句，食物水平真係差到自己整都仲好食..

朋友特登book左呢間餐廳同我食生日飯，見佢啲相好靚又似fine dining，點知上到去完全貨不對辦🤦🏻‍♀️一坐低waiter已經話得返tasting menu揀，7點半咁早竟然無得揀？仲要冇得散叫煎帶子配西蘭花蛋白泡帶子有鮮味唔會乾，西蘭花蛋白泡係完全無味又無口感南瓜湯配帶子南瓜湯調味偏甜，南瓜肉無味而且好難挖嚟食，加左煎帶子格格不入，上一道菜煮多左放埋落嚟嘅感覺😐碳燒八爪魚配鰻魚汁八爪魚燒得好稔，配埋鰻魚汁好似食緊章魚小丸子咁，炸羽衣甘藍加左七味粉幾得意，可惜鰻魚汁將底部牛油果醬變酸，成件事完全唔夾；朋友個份八爪魚較粗身完全咬唔到，睇嚟廚師功力有待改善龍蝦汁蟹肉伊麵個汁有好濃郁嘅蝦蟹味道，唔可以話唔好食，但用伊麵口感係怪怪地嘅澳洲M4和牛肉眼扒對住鐘意食扒嘅人嚟講，會偏愛整塊牛扒上碟，享受切開中間見到粉紅色嘅嫩肉個份悸動，所以見到已經切好有少少失望；呢塊扒質素唔錯，雖然肥肉偏多，煎得頗香口，敗北之處卻係紅酒汁調味偏酸法式羊架由於友人唔食洋蔥，而本身個汁有洋蔥係入面，直接走左汁；羊架調味稍濃、無咩羊味，煎得有啲過燶，透出陣陣苦味心太軟唔太甜，影相放耐左仍然流心，值得一讚服務方面：員

今日約咗一個移左民嘅friend食飯,難得咁耐冇見,咁就緊係搵下有冇D乜嘢可以食好D啦！搵下搵下就見到呢間餐廳,睇啲相環境唔錯,啲嘢食都好似幾好味,咁就提早book咗餐廳的環境同啲相望落差唔多,一樣係咁靚嘅,而且都好安靜,所以同朋友傾計都幾舒服。見到大家都話和牛好食,咁就一人點左一份,然後比較少見嘅就係爐端燒,有點咗幾樣share嚟食,D嘢食味道好好,品質都好高,和牛好juicy,食落口仲有少少肉質嘅鮮甜,爐端燒嘅食物好新鮮,同餐酒好夾如果想食好嘢又唔介意貴少少,本人都幾推薦

首先提醒大家 這間餐廳係要預約嘅~餐廳個環境好靚 落地大玻璃 再加上室內燈光充足 個環境都幾high class你打開個menu 會見到啲食物價錢偏貴 食物種類都算多 甚至連爐端燒都有 酒嘅選擇都好多 有中英對照 唔使驚睇唔明我嗰日去食lunch 就叫咗一塊炭燒美國西冷扒 一切開塊牛扒 肉呈現粉紅色 輕輕用力就切得開 炭燒嘅味道好香 肉嘅質素都算高lunch set 本身就有送餐湯沙律同飲品 食完都夠飽除咗要預約 比較麻煩整體都唔錯

見到新開業 就book左去食呢間餐廳當日餐廳人數唔多安排左我地坐出面位置當然無問題啦😝睇menu 既時候 只係得tasting menu同串燒可以選擇 選擇種類比較少唔知之後會唔會有多啲選擇😆最後我哋兩個都叫咗佢既tasting menu - FOIE GRAS ON TOAST 好好味呀！配埋少少果醬 酸酸地 幾開胃 唔會覺得太膩😝- KABOCHA PURÉE SERVED WITH HOKKAIDOSCALLOP 帶子好鮮甜爽口💕同個南瓜湯好match！- CHARCOAL GRILL OCTOPUS WITH EEL SAUCE八爪魚偏硬身 介紹嘅時候 形容呢個羽衣甘藍好似炸咗嘅小老闆紫菜😂😂😂食完我都覺😂😂😂- GIANT MUD CRAB BUTTER AND MEAT E-FU NOODLE當日餐廳改咗做海膽醬 個汁唔錯不過個麵我覺得偏冧身 所以感覺一般- RIBEYE WAGYU M7 AUSTRALIA個牛肉好嫩口 下面配薯蓉 值得一試💕💕：不過坐坐下真係好凍如果去呢間餐廳坐出面真係要帶番件外套後面凍到要坐番室內所以之後啲相都光左好多😝

銅鑼灣嶄新高端飲食新地標 Sugar Plus，最近進駐了Blendin日法餐廳，裝潢時尚簡約，座位寬敞舒適，空間開揚明亮，其露天戶外座位可遠眺銅鑼灣及維港美景，可以吹著海風俯瞰維園及維港，無論日與夜，同樣令人輕鬆寫意，讓人煩惱盡消，訂座時記得要說明喔。Lunch Menu午市套餐由$148起，是日餐湯、沙律及餐飲。Grilled U.S. Sirlon 炭燒美國西冷 $288小編跟同是牛魔王的朋友一齊揀了美國西冷，牛扒表面烤出漂亮的坑紋，賣相吸引。Fuji Apple Pie 富士蘋果批 $128蘋果批即叫即製，一片片超薄的富士蘋果片鋪在酥皮上烤烘，加上一球雲尼拿雪糕，帶來冷熱交錯的口感。