Blue House (已結業)

放假天，兩姐妹在家附近覓食，眼見這間門外有不少人客站著等待外賣，心諗應該不太差，便膽粗粗嘗試一下。晚上七點不到，雖然紅日但堂食人客不多，得幸運不用等位就可以坐定定點菜了👏🏻餐廳環境以藍白色作為主色設計，簡單、舒適、帶來放鬆心情的感覺，很喜歡使用不同的藍色設計，概簡約亦不會過於乏味，單單裝修設計，簡直女士打卡最愛👍🏻餐牌中的選擇不算太多，但很符合環境外觀設計簡潔為主。妹妹點了這個日式帆立貝明太子牛乳意粉，兩姐妹作為意粉的愛好者，我很喜歡這個意粉的軟硬度適中，不會煮得太軟沒有口感。而味道方面較為濃郁，份量較多。而我就點了 醬烤原條鰻魚滑蛋飯，值得一提的是，鰻魚無骨啖啖厚肉，滑蛋真的是滑嘟嘟，水嫩感覺。唯一美中不足的是，飯的口感較軟，我個人比較喜歡口感煙韌的飯。妹妹另外點了這個 茉香蜜桃茶，味道比想像中甜很多，原本食物味道濃，而飲品又太甜，會令人感太膩。總括然而，餐廳環境很好，食物不錯，下次亦會再次光顧他們，性價比高，價錢合理，作為大埔人當然要支持大埔用心的黃店。

去開大埔，朋友推薦呢間高質小店！7點去到都幾多人等位，不過都唔係等好耐～ 等位嘅時候周圍望下，發現附近都仲有幾間幾吸引嘅食店，下次再黎食埋啦！叫左4款主食加1款小食，全部份量都好多！•🥢 香煎帶子黑松露牛乳意粉 $82今次叫左兩款意粉，意粉偏硬，但係個人幾鍾意嘅軟硬度～呢個意粉係推介之一，黑松露份量好多，醬汁好creamy，掛滿每條意粉，味道超級濃，配料仲有好多菇同洋蔥，面有兩隻帶子，帶子表面有煎過，但唔會太熟，剛剛好！•🥢 煙三文魚青芥末牛乳意粉 $78除左煙三文魚，配料仲有煙肉、洋蔥同紫菜，青芥末味道淡淡地，唔會好攻鼻，牛乳令個汁更加濃稠，食到後尾會有少少膩。如果煙肉再脆啲/乾身啲會更好。•🥢 日式咖喱滑蛋飯(牛肉) $78咖喱味好濃郁，有少少辣，牛肉都唔少，滑蛋好滑，滑蛋同咖喱汁都好足夠，可以每啖都有。•🥢 明太子醬薯條 $42薯條幼身，好脆，成碟都係滿滿嘅薯條！食落唔似急凍嘅炸薯條，似係薯仔切出黎炸嘅！！明太子醬味道好濃，明太子味道好出，同薯條都幾夾！•🥢 醬烤原條豬肋骨伴薯菜 $78一份足足有7-8條豬肋骨，好抵食！豬肋骨係bbq味，味道偏甜，唔會太濃味，肉質唔會好嚡/乾。本

身邊唔少住大埔嘅人都未聽過、未食過呢間小店，我哋都係有次睇其他 #大埔黃店 推介先識，點知一試之後驚為天人😂連嘴刁仔都覺得好好食，如是者就翻兜咗起碼5-6次，所以都試咗幾款唔同食物同大家分享下～而家follow佢哋FB或IG仲有得減$5！.<香煎帶子明太子牛乳意粉 $88>推薦❗️超creamy🤤明太子fans一定鍾意！味道同Dazzling cafe嗰個有90%相似，但價錢又抵啲仲多咗兩粒帶子😂建議share食，一個人食晒會有啲膩～<醬烤原條豬肋骨配薯條 $88>推薦❗️上次食數過有8-9條豬肋骨，超大份好抵食，味道都好好🤤不過薯條仲幼過我手指尾🤪如果配粗薯條就完美（利申粗薯fans)<醬烤原條鰻魚滑蛋飯 $98>推薦❗️饅魚超大條又冇骨，滑蛋都整得堅滑好好食，加埋啲醬一齊食真係perfect池！<香煎百里香厚切豬扒 $78>味道Ok，但比較推薦其他食物<炸雞、蜜糖雞翼>小食味道正常，冇咩特別驚喜但又冇特別失望<茉香蜜桃茶（900ml) $18>超大枝，夠兩個人飲幾杯，亦有600ml可選擇。唔會

星期六諗住近近地同男朋友嚟食嘢上網見到有好多好評，特別係意粉！所以決定過嚟會一會佢！但係期望越大，對於一間餐廳唔係好事...我嗌左黑松露雜菌意粉同埋牛肉汁滑蛋飯配烤雞。先黎沙律同埋特別飲品。正常沙律菜加一啲日式芝麻醬實好食嘅。個飲品偏甜所以我哋都飲唔晒。講返兩個食物先！黑松露雜菌意粉：意粉都幾有黑松露味，意粉口感好煙銀，唔錯嘅。個cream都好creamy, 但係最敗筆嘅地方係:成個意粉超!級!甜 ! (要落咗幾多匙羹嘅糖先會甜到咁？）我覺得如果你鍾意食甜野。咁個意粉會好啱你！但係我同男朋友一啲都唔好甜, 特別係喺鹹嘢嘅上面食到咁甜。。。所以覺得個意粉真係非常麻麻，本身諗住佢個意粉係成間舖頭最好食嘅嘢牛汁滑蛋飯：個蛋係煮得好滑，但個蛋香真係冇乜。 正常普通嘅交貨蛋（一定吾係湖北蛋/日本蛋）可能係因為日式，所以個牛汁都係偏甜，又係甜呀！另外所謂嘅烤雞，我懷疑係炸，不過都食晒啦 口味ok其實埋單以$60一個午餐，我覺得係交到貨㗎喇。不過口味呢加野真係人夾人，無特別我應該唔會再返嚟...

放假既下晝冇咩做相約朋友喺大埔食Lunch 早幾日睇到網上有人介紹呢間黃店所以就決定試下餐廳位置喺翠怡花園 面對太和邨方向 地點黎講都算就腳內部裝潢簡潔得黎有格調 而且餐桌位置唔多 比人好舒適既感覺蜆肉蟹柳明太子牛乳意粉 $62 白汁好Creamy 意粉軟硬適中咖喱牛肉滑蛋飯 $62 日式咖哩汁味道香濃 配埋滑蛋撈飯一流 而且牛肉既比想像中多對我黎講午餐份量好足夠 男士就可能會差少少

餐廳裝修簡單令人好舒服，疫情期間都有好多人嚟幫襯支持小店～午餐有包沙律同特飲，沙律加咗日式芝麻醬幾好味，而特飲就係茉香蜜桃茶，同屋企人三個人食所以餐廳俾咗一大樽我地分，飲落唔會好甜幾refreshing。我就嗌咗蜆肉蟹柳明太子牛乳意粉－有兩條蟹柳同大量蜆肉，幾足料；明太子牛乳汁好creamy又惹味，同意粉好夾；意粉煮得剛剛好同埋好掛汁；唯一係配料嘅洋蔥有啲生，如果炒熟啲味道就唔會咁搶。整體嚟講係簡單又滿意嘅一餐💛

打電話問 冇得Book位唯有去等位最驚訝係...限時55分鐘要交枱... 第一次聽食一個鐘都唔夠既餐廳。1800去到冇人等緊但朋友未到,見到原來間餐廳小店經營,唔算好多張枱,可能因為咁要限時交枱。1930去返等位已經好多人等緊,最後等到2015左右終於入座可以叫野食。叫左3樣野香煎百里香厚切豬扒伴夏威夷芥末醬香烤雞半隻配薯菜烤菇黑松露煎帶子牛乳意粉自家精選茉香蜜桃茶全部野食都好高質啊！而且係新鮮熱辣出爐厚切豬扒好Juice 又大塊 食落唔韌而且香料味好夾個夏威夷芥末醬,個醬係帶有菠蘿味 幾特別烤雞既肉好嫩 半只份量都好足 而且配既薯菜都係外脆內軟 有自助調味區可拎黑椒 不過都幾粗粒個意粉好滑不過略有點硬 但味道係好食 唔會好漏帶子不過不失個桃茶都唔錯 唔會太甜或好假既桃味$18已經有900ml 食食下已經2130 其他枱都走哂,原來已經夠鐘關門,都算係早...樓面人手主要係一個女 埋單都唔使$300真係好抵食又高水準 性價比好高值得推介

太和近翠怡花園其實係一區開左好多小店餐廳的地方，車輪轉咁食都食唔完。因為真係附近都好附間。今次試了Blue House, 環境雖然唔係好闊落，但裝修歐陸帶希臘風情，算幾有心思❤️————————食物款式選擇唔多，但其實係貴精不貴多！加上睇到價錢相比出面大商場西餐廳真係打左好多折。但食完之後，真係會令人回頭翻食👍🏻1. 香煎帶子明太子牛乳意粉味道有點日式，以為明太子好咸，但又配埋牛奶醬包住個意粉係恰道好處！意粉硬度適中，最怕食到腍意粉！帶子有兩粒，配上少少鰹魚碎、燒汁，多左層口味！推介食🤭2. 醬烤厚條豬肋條配薯菜依個更驚喜！份量超多！超碼有7-8條！仲要即order先烤！醃料唔重手，味道剛剛好，肉質仲好嫩唔鞋，唔似有d餐廳一早焗好哂再整熱就搞到肉質又乾又梅！叫兩罐飲料埋單都係$192👍🏻唯一就是冇咖啡/特式飲品，如果有就perfect 👍🏻

可能太早到，餐廳開咗門但所有人都喺廚房 😂😂😂餐廳細細但裝飾都幾骨子舒適，叫咗個温泉蛋沙律，燒豬仔骨同飲品，諗緊 2 個人夠唔夠飽，點知沙律嚟到一啲都唔欺場，大大碟又新鮮 👍👍叫咗 900ml 蜜桃茶，清清地唔會死甜，但其實 900ml 係好大 jar 🤭🤭醬燒豬仔骨都好大份，肉夠淋身，醬汁夠入味，薯條新鮮厚身，唔會係翻炸。主打招呼客人係位後生哥哥仔，答問都有禮，要客人等都會講句唔好意思，今時今日要咁嘅服務態度先得架 😅😅希望餐單多啲變化，咁先可以多啲幫襯架 🙊😍

今日同屋企人喺太和食飯，發現有間西餐裝修好似幾靚，就入咗去試吓。佢有啲午市套餐，我哋就叫咗兩個套餐加一個意粉。佢啲套餐會跟一個沙律同埋果茶。呢個叉燒蛋包飯超級好食。雖然啲叉燒有啲肥，但係佢個蛋炒得超滑，賣相超靚，甜甜地好惹味。呢個蟹棒明太子意粉好creamy，但有啲明太子平衡返味道啱啱好。佢餐廳推介呢個必食嘅帶子黑松露牛乳忌廉意粉，果然冇介紹錯。我本身唔係好鍾意食忌廉，但係都覺得佢好好食，唔會話好膩好漏。整體來講食物都好高水準，環境都好好。

唔好見佢個名叫Blue House，其實佢係黃架💛不過餐廳設計以藍色為主！————————一送黎就見到大大條鰻魚鋪係個滑蛋飯上面🤩鰻魚都幾肥美，汁又唔太鹹。個滑蛋炒得岩岩好，仲有d沙律醬吱係上面，就係你地想像到既味😂-本人唔食帶子俾唔到comment，不過個意粉好好味！意粉軟硬適中，個汁加左d明太子鹹鹹地冇咁膩，比起就咁白汁意粉好食勁多！-個熱狗就中規中矩，個人覺得太多沙律醬好膩，少返d就好！

之前經過太和都唔為意佢喺度，係最近再經過先見到，然後就發現佢只係開咗大半年😳OpenRice見到嘅啲嘢食相好靚，所以專登打去Book咗位嚟食晚餐試下好唔好味😝哩間Blue House裝修好靚，佢嘅設計簡約，主要係用藍白色，俾人有好寧靜嘅感覺🧜🏻‍♀️.🐽香煎百里香厚切豬扒伴夏威夷芥末醬🐽。💰$78佢一上枱嘅時候我都嚇親，通常人地出面話厚切豬扒只係細細塊有少少厚咁，但佢嘅豬扒冇呃人，真係好大塊又好厚，咬落啖啖肉🐖仲有唔好睇佢咁厚就以為佢一定好實淨好難咬，佢咬落係好淋，仲要煎得好香，完全顛覆我對厚切豬扒嘅印象🤩仲可以點埋佢嘅夏威夷芥末醬，甜甜地好開胃🤪連佢嘅伴碟薯條都我最愛嘅粗薯條🍟.🐽烤菇黑松露牛乳意粉🐽 。💰$68一上枱已經聞好香嘅黑松露味，食落口就更加香，更加濃黑松露味😋加上佢啲汁好Creamy，真係會令人食唔停口😍而佢啲烤菇都同平時食嘅唔同，平時食嘅可能會好淋，但佢嘅烤菇係有少少彈牙🤓仲有叫嘢食嘅時候店員都好貼心🥰知道有啲素食者係唔食洋蔥，會專登提醒話入面有洋蔥，如果係唔食嘅話可以幫手同廚房講唔落洋蔥🧅.總括嚟講覺得哩間小店好高質!! 雖然你可能會覺得我講得好誇張，但我真心覺得好好好

小店裝修簡潔明亮，由樓面至廚房都是由年青人打理。今日試左蜆肉蟹棒明太子牛乳意粉$62，溫泉邦尼意粉$58。意粉剛剛好熟透芯唔會過稔，每口意粉都有足夠醬汁，戳破溫泉蛋，看著蛋汁慢慢流出，享用美食前另一視覺享受。

大埔嘅黃店話多唔多 但間間都高質㗎🤣 太和呢間都唔例外🤪 週末晚市時間好快已full，不過上菜速度都快嘅，如果要等都唔會太耐啊😗 店鋪雖小，五臟俱全。整體嚟講我會再黎食嘅🥳—————————————————🍝香煎帶子明太子牛乳意粉 $88帶子煎得好香口，兩粒都好大粒好厚肉😌 明太子汁就較稀身，稀身有佢好處就係較易滲透入意粉內🤪 所以今次個意粉係好入味😍 如果木魚絲可以再多啲就更加吸引喇☺-🐟醬烤原條鰻魚滑蛋飯 $98真係好大條鰻魚😯 有手掌咁大😜 但可能處理嘅時侯唔係咁仔細? 我食到有少量骨🤣 都可能係我本身唔太鍾意食鰻魚啦，所以對佢有偏見XDD overall 都係正常嘅😉-🍢自家焗釀芝士醬烤竹輪卷 $42超超超邪惡嘅芝士竹輪卷😅 上碟嘅時間芝士仲係流心㗎🙂 加上大量木魚絲令成件事更加肥仔😈 味道係非常juicy🤤 記得趁熱食呀 如果唔係啲芝士凍咗就會扣哂分🤡—————————————————💰設加一服務費🕰星期二至日 12:00 - 21:30 **星期一全日休息**🔄Encore 指數 8/10 (抵食又大碟😗)

今次黎食意粉,餐廳裝修唔錯,外表睇落已經好靚,入到去更靚,但驚影到其他客人騷擾到人,所以無影店內環境啦揀左陣揀左個雜菌意大利粉套餐,套餐包左個沙律首先係沙律到左先沙律菜大致上都幾新鮮,但美中不足係芝麻醬落得太多,令到個沙律變得太咸食完沙律等多陣意大利粉都到啦菌類都炒都好香,醬汁味道好獨突,有令人想一口接一口ge衝動份量係cafe黎講算ok,唔算特別少,不過應該大部份男仔都食唔飽,做下午茶都唔錯ge優閒餐廳