Bonheur

營業中

休息中

上網見到好多好評，就試下啦果然無令我失望，由前菜到甜品都令人回味無窮最欣賞fish of today 好滑，同個汁好夾，連埋蕃茄食會清淡點又唔會無咗個魚嘅味，要比十個鑽芒果拿破崙用成塊芒果整，酥皮好脆芒果又好甜， 一絕一定會再來試哂全部菜

Bonheur是一間法國餐廳，性價比高，一般都環提早預訂。今次同同事去吃farewell lunch,所以提早一星期就訂定位。佢午餐是set lunch,有小食/湯，主菜同飲品。平時西餐的小食一般是細細份，沒有什麼驚喜。估不到這裡的小食竟然有炸軟殼蟹，配上新鮮沙律菜和我最愛的黑醋汁，真的令我喜出望外。軟殼蟹粉漿好薄，炸到又香又脆，非常高水澤。主菜我選了西冷牛扒，配上薯條和烤蔬菜。牛扒7成熟，一點都不鞋口，好juicy.烤蔬菜加了海鹽和胡椒簡單調味。薯條則是即炸，香噴噴的。由於食完都已好飽了，所以沒有再點甜品了。好期待下次再來，下次一定要試埋佢的甜品。

之前經由朋友介紹，來過一次，留下了深刻的印象。然後帶過了幾位朋友再來，大家都讚不絕口。無論是食物、環境、服務都在高水平，但價格反而沒有很貴。這算是在上環，我首推第一位的西餐廳。因為工作的關係，我每一次光顧都是在中午過來，他們有固定的午市套餐，餐湯、前菜和廚師推薦的主菜會因應季節和食材，每天作出相應的調整。而固定的選擇是用豬、牛、魚、海鮮、素菜各烹調一個主菜。我推薦的是帶子炒意粉，帶子煎得剛熟，口感一百分；意粉就炒得很香。這裡座位不多，在這附近算是挺受歡迎的西餐廳，所以，建議提早最少兩天訂位。

有時想吃好d，又怕食好耐喎！依家唔驚啦，俾我揾到呢間有Business Lunch 🥙 法式2-3道菜1️⃣Appetizer:鵝肝醬Crackers加上少少沙律菜🥗拌碟! 好有厚度的鵝肝醬配上Crackers，令肚肚好有滿足感! 不過鵝肝醬略嫌有d多，食完個前菜已經有飽飽嘅感覺🤧沙律菜係新鮮嘅🥗2️⃣Main Course: Pasta with lobster ragout 🦞 $198 佢果Pasta🍝就比較油身，不過因為同蒜頭炒過嚟，好香口惹味。🦞嘅肉爽口彈牙，而且因為加咗小小蔥花係上面，所以都幾👻正，不過唯一唔好係佢冇幫你起埋龍蝦啲肉🦞所以食起上嚟有少少麻煩3️⃣Dessert: 芒果🥭拿破內崙 +$60芒果🥭大大舊，非常鮮甜!仲俾拿破崙重重咁包圍住，咬落去好鬆脆，而且好有層次感🤤💡整體來講，服務非常好👍🏻，坐得舒舒服服，嘢食又幾正！不過一定要訂咗位先去到🤭🙆🏻‍♀️美味指數:8.32/10

話說早兩星期生日，搵左間茶餐廳式的法國菜，中伏到無朋友，今日結婚週年，都係安全些，搵返個老牌子既地方。上環一帶上樓餐廳，我試過幾間也不錯，特別是今次餐廳這幢大廈。餐廳間開兩邊地方，私隱度高，亦可能方便十零人包個細房，侍應安排左在房內靠窗枱。餐廳安排幾細心，我2人都安排張4人枱來，吾會太吝嗇。環境，燈光，合乎浪漫要求。上到來都吾想再睇菜單，餐廳有2/3/4道菜既tasting menu，最貼心既係，你可以自由配搭，吾要湯改頭盤，或加$80食多一個頭盤，呢點我係極讚，極度適合我呢種飲酒而吾想再飲湯，及又想食蟹肉同鵝肝做頭盤既麻煩客。當晚我吾太餓，和太太選了4道菜，兩頭盤一主菜一甜品。當中侍應係極細心去推介每一道菜，記住，佢係推介，吾係推銷，呢點其實一間高級餐廳既重點，當晚時令的有生蠔、藍青口、海魚，見隔離枱食晒三個時令菜，樣子不錯，只係今日實在太遲食lunch，食吾到咁多。酒款其實充足，而我因同時想飲紅白酒，就點了house wine，再一次讚既地方，係呢度侍應同餐廳都幾識做，份量都幾多，你知好多餐廳既杯裝酒，重慘過去wine & dine，差在佢未用量杯倒俾你，講真，一杯house wi

朋友生日，提議來這餐廳吃晚餐。平日午飯價錢不貴，還要好好味。最喜歡它的頭盤，喜歡食炸蝦同軟殼蟹沙律。軟殼蟹沙律有成隻。正。另外，烤豬扒好好味，但午間嘅牛扒就遜色一點。轉回來，今次特別內來吃晚餐，頭盤有九個選擇，太難揀，樣樣都想食，唯有揀了一個頭盤，再加每人兩隻生蠔，配白酒。正。頭盤我哋揀了煮蜆同埋青口。蜆好鮮甜好滑，湯很甜。青口白汁都好香。另外生蠔便了柚子汁，好清新。湯要蘑菇湯同海鮮湯。蘑菇湯系下午沒有的，十分香。海鮮湯嘅蝦有點似小龍蝦。主菜方面我哋叫做豬柳同埋龍蝦，豬柳好像中式叉燒，也有點油膩。龍蝦可以揀兩隻味，一半芝士一半燒，十分好味。我就比較喜歡芝士，朋友覺得烤也十分好，不乾鲜甜。甜品方面，朋友生日所以叫你拿破倫，是這裏的signature, 芒果好正。另外叫了薑味梳乎利同埋心太軟。梳乎利的薑用糖水制過，但我就覺得有啲甜。心太軟朱古力好正，但外形一般。服務方面就非常之好，每枱有專人招待。问了晚饭时可以自己带酒，不收开瓶费。下次带瓶好酒来慢慢品嚐。

週末同家人去book中上環呢間試試，入到去裝潢好old school, 地方不算大，但就可以間房開party, 侍應們好nice, 遂一介紹餐牌每項菜式，服務不錯！我地4個人，叫了4個sets dinner, 大家share食，可以試到更多款式！由於只可以放12張相，soup of the day相片冇上載，今次餐湯係松露集菌忌廉湯，非常濃郁，口感細滑，好香！頭盤之一，法國生蠔三隻，你仲可以選擇部分生食部分係grill! 超級細心，不過我自己比較喜歡生吃，所以冇叫佢grill.頭盤二，香煎鴨肝！好大件！一啲都唔孤寒，煎得非常香脆內嫰，入口即溶，好香好好食！煎帶子+田螺，煎得剛剛好，好軟熟！蟹肉配蘆筍，真係好多蟹肉，唔係假嘅，蘆筍煮得剛剛好，個汁好正！黑毛豬叉燒，超級好食，好淋好入味，外有少少grill味，配埋個松露薯蓉，非常之好味！龍蝦都可以揀一半芝士焗一半grill! 試問有邊間餐廳肯咁麻煩幫你咁樣處理！冇額外收費！龍蝦好鮮味！煎羊架，咪以為細細件，其實啖啖肉，煎到好香好嫰！好味！grill beef steak, 正常水準，grill味出色！即焗疏乎厘，好正！雜莓乳酪杯配椰子雪糕，

本人非常喜歡吃西餐，這家餐廳和公司的同事已經來過五次以上了。每一次都很滿足，質量和水準保持得非常不錯，在中上環有性價比這麼高的法國菜，實在很難得。希望主廚和老闆看到這樣的評論後能夠堅持你們對食物的熱情，保持這樣的水準。服務員都是中年大叔的年紀，但是很專業也非常的友善，一入座之後比如說今天天氣比較冷，就說會提供暖水，剛坐下正在看菜單的時候，熱烘烘的麵包就已經上來了麵包，麵包的素質非常好，搭配的是醋和橄欖油，也可以再添加。前菜的沙拉非常新鮮。湯也非常不錯啊。不是很creamy的那種。主菜方面呢，雖然他們的牛扒煎得非常棒，但是有機會你一定要試試他們的加拿大豬扒，絕對是非常非常的棒，火候適中，肉質很香很嫩。當然還有魚和羊扒，我都試過，也是非常的棒，至於甜品方面呢，他們的拿破崙酥真的是非常高的水準啊那，那個餅非常的脆，還有就是舒芙蕾，雖然需要時間，但是非常值得，品質也是非常高。

法國人一向以善於吃並精于吃而聞名，至今仍名列世界西菜之首。的特點是：選料廣泛，加工精細，烹調考究，滋味有濃有淡，花色品種多；法式菜還比較講究吃半熟或生食，所以這次我就點了Medium的羊扒。法國羊扒是很營養的美味佳餚,羊肉在冬天吃是非常好的對身體。首先吃了炸芝士作爲前菜。一向法國餐的分量也亦迷你聞名，沒想到這次的炸芝士分量十足呢。然後美麗的羊扒就上桌了。切開一嘗發現其半熟鮮嫩，是我吃過最嫩的羊扒啊！入味十足、外脆裡香、肉質鮮美。雖然價格不算很划算，但是能吃到這份羊扒真的值回票價。

位於上環文咸東街的The Pemberton，是主打高檔西餐的食廈。雖然不是每天都會去，但如要尋找交通方便，環境安靜的餐廳，總會先考慮這個地方。其中，Bonheur是創意和味道俱佳的店子，水準非常穩定。兩道菜午餐約$200~$220 (另加一)，可以吃到有特色的頭盤，和矜貴的主菜如龍蝦意粉和靚牛扒，一年來已幫襯3次。第一次來的頭盤是炒雜菌，店家用上有咬口的菇菌切成條狀煎香，加上油浸番茄乾和忌廉汁，十分美味。主菜是烤美國安格斯肉眼扒，看那誘人的烤紋就知高質素。下刀沒有惱人的筋，入口有濃濃的炭香和肉香。伴上的薯條也新鮮香脆，不需點醬汁已清碟。第二次來的頭盤是雜菌釀酥皮盒，也是用美味的炒雜菌放進酥皮裏焗好。一旁的沙律菜也新鮮爽脆。第三次來的頭盤是吞拿魚大蔥串燒。兩大塊厚厚的吞拿魚烤至魚脂入口即溶，配上日式燒汁和芝麻，滋味無窮。炒龍蝦意粉，是Bonheur午市的熱門之選。整整兩件開邊龍蝦尾抹上鹽和香料燒香，加上蒜頭和少許辣椒爆炒的美味意粉作底，還有比這更滿足的午飯嗎？侍應每次都會提醒客人這道菜有少許辣味，這細心位做得不錯。整體而言，Bonheur不論是傳統的西餐菜式（如牛扒），還是創意fusi

公司經理要約會律師吃飯談論公事, 所以我有幸結伴前往吃法國餐,因為律師事務所就在上環, 經理說想吃西餐, 因為環境會比較寧靜, 舒服,  所以律師介紹了這家, 食物精緻美味, 一道一道上菜, 她們兩個邊吃邊說不停, 而我就有時間慢慢品嚐每一道食物, 吃著吃著, 有一種幸福的感覺湧上心田, 不是誇張, 美味的食物是會帶給人快樂的.     期待下一次同自己的朋友去吃. 

我大約係五年前已經聽過呢間餐廳當時係一個外國老闆同我講，咁我就想OpenRice睇佢個餐牌嗰陣心諗好貴都係唔好試住。到而家大個咗有多少少錢食飯上次同屋企人食飯就揀咗呢間餐廳，我父母都好鍾意。餐廳唔係嗰種好扮嘢全部野都用英文你睇唔明跟住所有人都好迷失唔知叫咩好嘅餐廳，佢一間好down to earth同埋好務實嘅餐廳。食物質素不容置疑，係非常好。仲要免開瓶費係咩玩法！喺性價比來講呢間西餐廳真係算好高。佢嘅午餐當然就係一個好抵食嘅選擇因為佢嘅午餐餐牌選擇同主餐牌會overlap。無論係肉食或者海鮮又抑或係意大利粉，你會見到佢賣相同埋味道都真係有落心思，甜品亦都有好多選擇。我會個人來講推薦佢嘅黑毛豬同埋佢嘅青口，龍蝦意粉都好正。環境嚟講佢大約有30零40個位，私隱度唔算特別高因為佢係一個細細地嘅商業大廈入面。值得一提嘅佢係一間社會企業餐廳，佢嘅侍應全部都好有禮貌同埋用心去介紹食物，值得一試。

難得公司請食飯, 大佬唔得閒就唯有得我呢d細既勉為其難頂上, 食呢餐相信都近千既正宗法國菜.我自問成世仔都未試過, 亦唔會捨得去食呢d貴族級佳餚,所以我完全無視左成班老細自顧自咁幫所以野食影寫真舖頭門面當晚既setting (我就坐喺中間比成班老細s夾住)老細s係門口位食完ham同cheese, 拿住紅酒白酒chill完一大輪終於埋位.Waitor亦好細心咁由starter一路介紹到dessert, 我低頭望一望張menu, 水蛇春咁長, 佢仲要見到有鬼佬就席, 於是之後足足十五分鐘都係用英文介紹. 長長既menu用既字好多我都聽唔明就隨便點了先泥左3隻好fresh既生蠔, 配著白酒食有著濃濃既海水味, 鮮甜但唔會太膩又夠足量同質感之後就係Appetizer既吉品鮑, 配住兩種唔同既sauce食, 但呢個真係食精緻, 太細份食完都唔記得左咩名然後湯我仲叫左個魚湯, 個微微既魚腥加上唔熱唔凍既水溫, 實在唔太習慣, 後悔住咁望住隔離幾個都勁開心咁飲緊個蘑菇湯之後又等一輪終於上main dish既rib eye steak, 煮得岩岩好個texture超好食肉味又夠濃, 成功將塊扒既質素發

上環高性價比法式餐廳-Bonheur在香港要食餐高質素的法國菜 動輒都要花上過千元才能埋單! 而上環這間法式餐廳質素比美酒店, 價錢不需$600已吃到3 courses, 食材亦沒有將價就價, 值得推介!!食物選擇亦多, 只是前菜,已有7款選擇, 和牛, 帶子,鮑魚等等都能找到!而主菜當然要試試Maine Lobster, 以蒜蓉芝士焗製, 芝香濃郁之餘亦未至於蓋過龍蝦鮮味, 肉質飽滿鮮甜, 有嚼勁亦不沾殼, 好吃! 整體質素真的不錯且環境頗有情調, 慶祝生日或紀念日最適合不過!rating:7.5/10💰$558/2 courses$588/3 courses$648/4 courses

Very good quality of French Cuisine, Professional service, byob is welcome.Please give a call in advance for reservation and ask for special dishes not shown in the menu.Definitely I will come back again.Thank you for the kind service and such a nice food!