Boring?! (黃埔天地美食坊) (已結業)

見新裝修完幾靚，門口出面餐牌都幾吸引，所以入左去試下，只能夠講食物質素唔值呢個價錢。見個餐牌影到咁靚，所以我叫左個滑蛋吉列豬扒飯。但認真有啲圖文不附，個滑蛋好老，唔係咁好食。朋友叫左拉麵，都要八十幾蚊，但個拉麵其實係咪公仔麵黎架咋！？而且好似浸耐左咁，淋晒，認真的說，去隔離湯加食個韓式部隊鍋仲好食，都係六十幾蚊。雖然都坐得幾舒服，人唔係好多，地方亦都幾乾淨，店員做野都好快手，不過應該試過一次之後，唔會再試了。

自從搬舖後，發現賣的是日式餐／日式西餐，味道一般沒特別，完全不再是以前提供西餐的Boring。。。價錢不算太吸引，中等價格，味道亦很一般，我會寧願選擇同層的其他商店。

***餐廳已轉手，大家不要再中伏***Order咗T骨扒，等咗好耐都唔見有，問咗侍應佢問返我轉頭要幾成熟，我話要五成，出到嚟好似變咗野人咁，食咗兩嚿都唔知食唔食落去好，食到嬲嬲哋叫佢過嚟佢冇出聲，拎返入廚房整熟佢，再拎返出嚟可能就好似其他posts嘅受害者，真係佢個名Boring已經警告左，我哋本身諗住啃落去，但係接受唔到

非常失望！一定唔係以前既boring! 唔會再黎食唔好再用以前Boring 個名黎呃熟客返黎食啦！D牛完全係那過 又勁多筋 以前Boring 既質素一定唔係咁！你用咁既質素收返以前Boring 既價錢真係太過份！以前成日都黎幫襯到連店員都認得，仲會介紹朋友黎食。而家轉左手之後見改返個名做Boring 諗住黎支持幫襯但發現根本唔再係嗰回事！無論係牛板腱定再叫既T骨牛肉既質感非常差，口感乾柴仲要多筋到完全咬唔到！完全唔會推薦黎食！

This place is a complete joke! Ordered a curry udon and it turned out to be a complete disaster, quality was far worse than ajisen(the worst place to eat Japanese food) so I thought, not to mention the unprofessional service they provided. When faced with my confusion of the curry udon, which by the way was nothing like the photo on the menu, the waitress simply didn't care and showed absolutely no interest in my enquiry. Instead, she didn't bother to offer me another option and just walked aw

啲人成日都話平日冇好好野冇平！不過今日我試完之後我又覺得平啲都唔一定差好多，呢間系黃埔嘅店真系令我對平野另眼相看。以前我食野都寧願揀貴啲想食好啲，不過今日呢一間店朋友死都要拉我試一試話佢平得尼又正，我其實就唔系好信，本身都系諗住死死地氣食完就算咁朋友死拉住咁咪食囉。其實我就等咁耐黑咁耐面，因為我對呢度啲野食都冇抱過任何期望，終於等到我叫嘅野食到，擺盤尼講呢個價位我都覺得仲可以接受都冇乜期望咁就食第一啖，點知啲野食都幾好味味道唔錯拍得住平時食嘅高檔餐廳！

這間Boring?!在網上的評價不俗，所以趁午膳時間與同事來這裏一試。餐廳的空間頗大，每張枱之間的距離足夠，所以坐得舒適。粟米蓉火腿忌廉湯 （跟餐）這個餐湯上枱時夠熱，每口都有滿滿的粟米蓉，而忌廉湯亦夠濃稠和滑，水準一點也不馬虎。香煎羊扒拼豬扒配薯菜 （$128）Lunch menu 的選擇有十多款，真的有點選擇困難～ 最後選了這個有羊扒又有豬扒的菜式，一次過來兩種滿足。羊扒和豬扒都烤得剛好，肉汁仍保持鮮嫩，另外再配烤蔬菜和薯仔，中和肉類的油膩感。這道菜的味道是不錯，但在落單後差不多等了40分鐘才上菜（期間已向侍應跟單兩次），對於午膳時間有限的我而言，真的不太理想。希望餐廳能作改善。

我發現西餐都唔一定需要好貴先至可以好吃!呢間野300幾就可以食到性價比超高的平民西餐 😋😋😋佢係主打精致西餐，由前菜到甜品都唔伏而且食材係好新鮮嘅而且有水準嘅 擺盤都係我其中最重视嘅位我想講啲份量真係好足夠 叫咗個牛扒 好大舊 性價比真係超級無敵高 又嫩又多汁 我兩個人share係啱啱好 但真係好好味！！ 小鳥胃真係要慎重選擇啊！佢個黑松露意粉真係深得我心啊 我鍾意多汁嘅意粉 呢間真係做到 好多汁好正啊 ☺️☺️ 會成日去

牛扒午餐外賣，牛扒怕外賣出事所以餐廳比全熟，但硬都一個點切開有困難，意粉冇炒過白灼冇味，最經典係湯～蕃茄湯：蕃茄汁加粟粉芡，超級難飲唔明D Like點嚟，大家唔好再中伏

初開嘅時候剛剛撞正疫情沒有晚市堂食，試過買過一次外賣，見佢個焗豬扒飯材料都唔錯。今晚終於同屋企人去試吓晚飯。材料變得完全唔係嗰回事⋯⋯ 牛扒又鞋又凍、餐湯亦都係凍、餐湯跟嗰塊多士都係凍。叫主菜加$10有個餐，跟奶茶咖啡檸茶檸水。但係要轉Iced Latte就要加$30呢一項覺得有啲貴。另外又加咗$48一客四隻蜜糖雞翼，今次夠熱不過表面係好硬裏面係冇味。應該係用氣炸鍋炸出嚟的。跟住餐牌裏面大量嘢冇做。我先想叫咖喱，跟住再叫肉醬意粉返嚟兩樣都話冇。焗田螺鵝肝嗰啲全部都冇唔知究竟堂食想買乜嘢？！anyway，埋單兩個人$433⋯⋯ 完全唔值快餐店貨色。唯獨是係帶位嗰位姐姐好好人非常有禮貌。That’s it!

先講讃位1就係有代糖提供適合血糖關注人士呢點低讃唔係間間餐廳都有提供2工作人員服務到位非常有禮3.估佢唔到加錢跟餐杯latte幾隻正.中伏位.西冷扒又鞋又硬唔知係咪我問題仲要得個咸字冇牛味.又係越貴越中伏系列第一次幫襯130 一個lunch諗住唔標青都會正常…點知真係中伏.係我期望太高？定係我叫錯咗七成熟？.最後我食咗條肥邊其他嘅嘢變咗廚餘好唔環保，我都唔想但係真係食唔落.另外一碟豬胺意粉雖然小貴但都正常

今日透過OpenRice book咗七點兩人枱，入座後我同太太點了兩個晚餐。等咗大約半小時，期間遲過我哋入座嘅客人都已經有嘢食，於是我就問較早前幫我落單嘅captain，幾分鐘後佢攞住個Menu過嚟同我講：「我頭先好似幫你落單，但係好似唔記得入機，想再問返你頭先叫咗乜嘢食。」我立即火都嚟，立即離座。😵‍💫😵 其實，我落單嘅時候，餐廳入邊只係入咗幾台客，樓面有三四個員工，絕對冇藉口漏咗落單。真係好失望！

成日行葵芳都無乜吸引嘅新鮮嘢食，行下行下就見到喱間boring, 正正係我當時搵嘢食嘅心情🤣🤣🤣，就係咁，我就入咗去坐低嘞。意外地，原來佢嘅青口整得好好味呀！個扒都可以，兩杯果汁都唔錯，下次會再去食多次個青口

補寫食評用餐日期：2022年2月19日 星期六COVID--19第５波疫情下，family day 活動是到 Aeon Supermarket儲備糧食和添置清潔、消毒用品，買完順便在超市附近吃午餐。黃埔美食坊 Boring，我姊覺得挺好的店，我是第１次來，我們點了３份假日午餐，包括以下的：#周打海鮮湯：不夠濃稠，普通。#娘惹喇沙鳳尾蝦意粉：愛吃辣的我點這個，乾炒喇沙意粉，微辣，鳳尾蝦Ｑ彈，加分。#炭燒美國豬鞍扒配意粉：賣相吸引，味道好，推薦。#日式照燒雞扒配味噌鰹魚意大利飯：等了很久，其他兩個主菜都吃完，催了２次才上，味道挺好的。#熱奶茶：質感細滑，好喝！#熱檸檬茶：味道不錯。#熱咖啡：太濃，我姊說喝不慣。性價比高的午餐選擇。

👭好耐冇見朋友了，防疫措施放寬就即刻約出黎談下心！🛥位於黃埔既boring?! 餐廳對朋友同我黎講都算就腳，呢晚卜左7️⃣點用餐，去到都未滿座，平日夜晚應該walkin都得。晚市套餐份3set, 用平、中、貴價黎分的話，我叫左個平既套餐，但食物質素一啲都唔馬虎。🐚前菜▪︎脆炸法式香草田螺伴蒔蘿蜜糖蛋黃醬個前菜一般般，睇漏眼以為係會炒完有薯蓉底個隻，原來係炸，味道一般，外層唔算酥脆，田螺亦有啲乾身😐。🥩主食▪︎炙燒安格斯牛小排牛肝菌意大利飯主食有驚喜！😋一上枱啲牛小排係全生咁舖係啲意大利飯上面，侍應會問你想幾成熟，跟住就會用火槍燒到去你需要既熟度🔥。伴隨碟上有一隻溫泉蛋🥚，當火炙完牛小排可自己擺上飯度再撈埋一齊食。成碟意大利飯味道配搭得好好，牛小排有牛脂香味，肉質亦滑嫩，意大利飯既牛肝菌味道唔算濃，但夠味，最後撈埋溫泉蛋，令到食落口啲飯更滑身😙。🫖餐飲▪︎熱breakfast tea