Bro's Cuisine

營業中

休息中

上菜時間非常好，佢會等你食完第一道跟住上第二度，時間上得啱啱好。所以每道菜都好新鮮熱辣辣，份量又剛好。唔知以為去咗法國餐廳，連隻碟有塵，佢都收返，服務態度又超好，睇得又做得😎廚師每一道菜都好有心思，睇得出佢係用心做，味道好特別，好有新鮮感。連一杯普通嘅嘢飲都覺得好好味。 特別推薦～豬手（大份過個人，用轉盤好方便，連配菜都好好味）, 白酒煮青口（連湯都想飲埋），大蝦（新鮮，爽），Pizza脆過食餅乾。

塔塔子一向好有冒險嘅精神！朋友喺官塘返工，話附近有間新西餐廳想試試，一於call班姊妹黎食塔塔子好少上工廈食飯，呢棟工廈大堂乾淨企理，一於試下無仿啦入到去唔係好大，有一個好open嘅廚房，都係得兩三個廚師超香濃又creamy嘅薯蓉湯加上煙肉粒&脆片，口感一流～塔塔子最鐘意食焗田螺見到釀滿香草又有牛油香味嘅田螺就好開心～大大粒又好juicy，薯蓉一d都唔馬虎，好滑青口夠新鮮，如果d青口肉大粒d就好啦塔塔子就咁睇一係唔識分佢係白毛定黑毛～不過黑毛豬食落去肉味濃郁，肉質都會比較爽口，唔洗太多調味料餣都好好食呢份黑毛豬扒簡單煎香都好出色，伴碟嘅薯菜都烤焗過未上檯都已經聞到黑松露嘅香氣份量十足，意大利飯煮得恰到好處，唔會太硬但又有口感，黃色果塊芝士脆片都好特別店員推介佢地嘅創意pizza，甜嘅pizza塔塔子冇聽錯，真係當甜品咁食！熱辣辣嘅香蕉加焦糖仲有芝士，估唔到真係咁match好味到要同朋友爭食！估唔到呢次勇闖工廈餐廳咁有驚喜，下次再同屋企人黎，支持小店

今日同同事一行6人去食晏因為6個人所以預先book左枱. 不過12點45左右上到去, 都冇其他客人. (好似包左場咁, 好靜好舒服)落order時職員好好耐性, 因為我地一人一句又A又B又C, 亂哂龍佢都冇黑我地面當然我地都好醒目咁由頭黎過, 幾多人要A, 幾多人要B咁落單落完order冇耐就有湯飲 (唔記得影相……….)*紅腰豆忌廉* 個湯粉紅色咁好靚架!! 味道就…幾特別, 淡淡地忌廉湯味. 又有少少似”紫米露” 唔難飲, 不過係有d”特別”, 唔係好識形容野食都好快上枱 *我影得衰, D野食”真人靚過上鏡”架)我地total嗌左牛x1羊x3魚x1咖哩雞飯x1個個都覺得好好味!牛- 唔係好香牛味不過都幾林, 要8成熟就真係8成, 唔會變左全熟羊- 好好好林, 同埋唔羶, 連本身因為怕羶唔係好食羊既同事都試左一舊仔, 佢話ok接受到~魚同咖哩雞飯- 我冇試呀, 不過同事話好味連薯菜都值得一提 - 食得出有心機整~ 薯仔係有醃過有烤過(入味又林), ’菜”係秋葵, 煮到冇咩秋葵平時果d青味! 其中幾個同事話唔鐘意秋葵因為唔鐘意d青味同入面滑潺潺架, 不過最後都食哂! 反而我食唔哂因為野

今日一行10人去慶祝生日，俾我係觀塘搵到一間高質素嘅意大利餐廳，位於工廠大廈內，原來觀塘區嘅工廠大廈內開咗好多間餐廳,一入去見到裝修好有文藝氣息，開放式嘅廚房可以見到廚師煮嘢食，有家嘅感覺，首先係南瓜湯，淡淡都有南瓜蓉，沙律菜好新鮮好甜，意大利飯用咗忌廉去炒，加埋黑松露面，好邪惡啊，香草燒雞好入味好juicy,加埋隻燒豬，冇得輸，牛仔肉好嫩滑蘑菇汁好清甜，兩者夾埋好match,最特別係用Pizza做甜品，個餅底係自己整加左一啲香料，好似香草餅乾，上邊加左香蕉片朱古力粒同焦糖芝士，唔識個都唔知原來Pizza可以係甜嘅，因為朋友生日之後加一個蛋糕來完結咁豐富嘅晚餐，原來個主廚曾經喺五星級酒店內嘅意大利餐廳做主廚