Bro's Cuisine

營業中

休息中

當日在openrice 上見到這間店就訂左6:30pm 去食,一去到店員就介紹當日推介,有田螺及set 餐, 我地兩人就選擇左set 餐(有牛菌雲吞,牛扒及辣肉腸pizza)先講雲吞來到的時候一陣陣香味,食的時候一定要連湯飲整體幾好食第二樣係田螺我覺得整體都新鮮味道都夠3樣係主菜牛扒我地叫左5成,佢都幾有肉質另一方面有一定大足夠兩個人食4就係pizza 有8件芝士好足夠只不過辣肉腸唔夠味這個就一般整體來講店員會好細心話給你聽邊方面好平些,食的時候會提你小心熱,環境由於早去所以幾好静静地在觀塘方面

好耐冇見一班朋友，想約個靜靜地既地方傾下計，呢度環境唔錯，可能我地閒日去，冇咩人，多數係couples6點幾去到，未有其他客佢轉緊menu, 所以得set既餐牌同drink menu我地6個女仔order左2個3 course sets揀左2款都係牛肝菌雲吞，個黑松露醬唔錯一個香草醬意粉（冇影相），味道幾新鮮一個Parma ham pizza, 個批似脆餅乾，芝士蕃茄醬幾好味仲有個龍俐慕絲卷，入面好軟綿綿，配埋薯蓉食唔錯如果想搵個靜靜地既地方食飯可以一試，平均每人$100，waitress幾細心

係網上見到有介紹呢間餐廳，係一間兄弟合作嘅餐廳，兩個分別係酒店同甜品鋪做過嘅，一齊搞餐廳。又黎到成業街，我都幾鍾意係呢條街覓食。星期五例牌個個出去食，周圍都多人，好彩早啲book位。餐廳好好，早小小whatsapp定個餐牌俾我地揀。我地去到已經有一枱，坐多一陣已經滿座。主廚得一位，親力親為，所以想試嘅早小小通知，要每盤出㗎。餐廳得4個餐可以揀，薯菜可轉意粉。原來早book有得9折（本身已經免加一）。餐湯幾好味，係菇湯，味道唔算好濃，同事怕菇味表示接受到。呢個煎三文魚係幾好，食得出材料係靚嘢，配菜有啲普通，薯蓉偏甜，薯味淨小小。焗芝士雞扒，芝士味道濃，雞嫩，汁都不錯。平時薯條換左薯片，幾好味，不過油咗小小。唔好睇小呢個餐，我到放工都仲係好飽。

閒來就最愛跟好友四出找美食，從來都相信工業區是驚喜無限的！大概工業大廈的租金未算太高昂，因此立心創業的廚師 / 商人才沒有受太大的阻力，得以好發展。但亦因如此，知名度會因此大受影響。當然，有本事的人如同漆黑中的螢火蟲，無論去到哪裡都一定依然發光發亮，就像這間 Bro's Cuisine 一樣，如果要形容他，我覺得「Hidden Gem」就最貼切不過了。由朋友口中才得知這家餐廳，由兩位非常似樣的兄弟創立， 一個曾經是酒店行政總廚，而另一位是 Agnes b 甜品部總廚，為夢想而創立這家餐廳，繼而默默耕耘。今天好友的帶領下，以最親身的經歷來感受一下這裡是如何卧虎藏龍。說真的，第一道菜已經真的迷上這裡了！法式焗田螺 - ($88)不是因為朋友想吃而叫到這個田螺，我也不知道原來這款田螺的味道竟然可以這樣完美。焗得微微焦香的黃金色薯蓉，上面放著大小均衡的 6 隻田螺，用專用叉子一下就可以把肉挑出來，拿出的田螺滴下點點肉汁...那種油香，實在沒法子用文字去形容！田螺肉超鮮美，一口一隻，很捧！四川麻辣牛肉薄餅 - ($118)人就是喜歡新鮮感，嚐試新口味 Pizza 是我其中一個樂趣。四川麻辣牛肉

環境清靜、整潔，座位寬敞，服務態度誠懇；材料新鮮，烹調認真，用心經營；焦糖香蕉薄餅甜而不膩，餅底香脆可口；巴西燒脆雞(全隻)雞肉嫩滑，四人份量剛剛好，值得推介！免加一，收費合宜。餐廳內有洗手間， 十分方便。

今天朋友正式調往新地方工作，實在可喜可賀，所以和她來個簡單的晚餐慶祝，洗脫去年的頹氣。朋友新工作地點正好是觀塘，在觀塘尋吃的都不難，工廈裡有不少低調卻高質的餐廳，今晚所吃的Bro's Cuisine也是其中之一。除了看餐牌外，我當然也會看看有沒有一些特別推介可以嚐嚐，結果我發現到蟹肉雲吞配黑松露忌廉汁，二話不說點了這。蟹肉雲吞完整飽滿，內餡紮實豐富，滿滿的新鮮蟹肉，沾上幽香的黑松忌廉汁吃讓人胃口大開。皮薄滑嫩蟹肉雲吞口口滿足，欲罷不能。愛川菜口味的朋友看見薄餅的餐牌竟然有川式口味的四川麻辣牛肉薄餅，挑起她的好奇心點了這薄餅。薄餅是我喜歡的薄脆型，像薯片般香脆，而牛肉口感也不賴，軟嫩可口，麻辣醬汁與芝士，蔥花非常合拍，使薄餅香氣十足，更辣得過癮，好吃到不得了。平日美國，澳洲的牛肉吃得多，不過加拿大的我們從未吃過，驅使我們嚐嚐加拿大牛柳有何分別。我們超怕牛柳煎得過老，於是要求廚房煎至五分熟。牛柳輕易切開，可見它的柔軟度，牛柳沒有多餘的油筋，挺有肉汁的，入口柔嫩無比，頗有牛肉鮮味的。就連旁邊的薯菜亦不錯，不論厚度抑或烤功都十分了得，平日不太愛吃薯仔的我一將它一掃而空。

呢日跟同事黎這食晏！點了羊扒餐跟餐的蕃茄濃湯味道挺好主菜很出色，羊肉嫩腍不膩而伴碟配菜亦非常惹味可口加錢配了濃郁的熱可可最後還有一球雪糕作甜品，味道也很不錯！！這裹還不收取加一，讚------------------------------食物質素：🤤🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

朋友介紹於觀塘食飯，觀塘當然主要食工廈，貪性價比較強， 今次朋友話要先訂位，全程由佢一手一腳負責，我梗係佢痴飲痴食。餐湯是紅腰豆忌廉湯， 紅腰豆味道十足，冇諗過咁香滑，食落口完全唔似 本身仲擔心會唔會高纖得滯，完全冇呢個問題。帕爾馬火腿野菌意大利粉， 信心之選，意大利粉硬度煮得啱啱好，入口有口感，又唔會太硬。西班牙黑毛豬架 ，本身仲擔心會太大分食唔曬， 估唔到都係啱啱好，一人分量無多冇小，豬架熟度啱啱好，中國人食豬煮緊要熟， 去就熟得完全唔鞋口。Green Apple Yogurt， 好香青蘋果味完全唔似用濃縮果汁。我發現好多人都特登訂位嚟食，下次到我帶朋友再嚟過。

收工去觀塘搵朋友一齊去食dinner，搵咗工廈一間西餐廳試試，原來仲有包場服務，下次搞party又有個好地方最欣賞餐廳嘅地方係非常乾淨，喺餐廳可以望到廚房，非常整潔令客人食得放心，朋友亦都大贊乾淨企理法式焗田螺必食上枱已經好香，餐廳仲會準備埋食田螺嘅叉同夾，方便客人食，田螺焗得啱啱好入晒味，又夠林，千祈唔好浪費底既蒜蓉，絕對係精華所在，有d唔夠候，下次要再黎黑松露雞意大利飯 好濃郁既黑松露味I Like It 雞肉份量都算多，肉質嫩滑，上面仲有塊芝士餅Pizza Caramel Banana好大份丫可以當甜品食，多幾個朋友會好d，我地兩個食就食唔曬Pizza上面有香蕉&朱古力粒&焦糖，好特別既薄餅，如果唔中意太甜可以落order時候同職員講聲青蘋果梳打甜度啱啱好仲有青蘋果粒係底，大大杯

樓上餐廳以是大趨勢，租金比較相平D，地方又可以大D，很多食市都进軍工廈大展拳腳。最近食左間Bros Cuisine餐廳, 位於觀塘成業工業大厦樓上2樓。步入店內，地方簡潔，雖然只得六七張枱，但地方闊落舒適，仲有開放式廚房, 顯得好有空間感讓廚師任意發揮。先坐下來打開餐脾看看, 種類繁多。事关啱啱放工, 特别肚餓, 我選了幾款菜式。很快頭盤進場~ 薯蓉焗田螺, 田螺係餐廳必食推界, 當然必試! 用牛油田螺, 再加上少許蒜蓉 ㄧ併烤焗, 非常 惹味, 尤其是牛油同蒜蓉, 簡直係 perfect match! 配以薯茸ㄧ齊食, 滋味無窮, 令我更加開胃!加拿大牛柳~厚厚牛柳, 淋上黑椒汁, ㄧ刀切落, 肉汁流出, 非常 juicy,   放入口中幾乎不用多嘴嚼以溶化, 牛柳 烹調得啱啱好,  外面脆裏面肉質鬆軟, 牛柳味濃, 有這樣質素, 但價錢大衆化, 喜愛牛排食家必食!最後是黑毛豬火腿野菌意粉，火腿咸道適中，可能廚師加以切薄，以减低火腿咸味，加上新鮮番茄打成汁混和野菌溶入意粉內，可見廚師用心之作。真係色香味俱全!米睇小在工業大厦內的食店, 非比尋常，竟然可以品嘗到那特式美食，一大樂也。

很喜歡觀塘這個地區，尤其工廈美食特別多。這次朋友帶我來Bro’s brother，這裡的西餐是最出色的，我和朋友都吃得樂而忘返。午市套餐不用一百元，包餐湯，主菜及飲品，而且不收加一，超值抵食。蟹肉粟米湯真材實料，蟹肉鮮味，有粒粒粟米，非常creamy。燒西班牙黑毛豬柳配薯菜豬柳肉鬆化，層次分明，豬肉味突出。黑松露雞意大利飯有香濃的黑松露味，雞肉與忌廉味道很匹配，越食越滋味。Pizza Chocolatepizza 上除了有朱古加醬，還有一片片果仁，豐富了口感之餘，又提升了味道層次。熱Caramel Latte咖啡味香濃，飲完很醒神。

觀塘實在太多野食，今日又同肥仔去食西餐先。係工業區既餐廳，裝潢帶點工業風，因為就黎情人節，所以都會有小小浪漫的裝飾。本周推介係有黑松露雞意大利飯同蟹肉雲吞配黑松露忌廉汁，　一黎就叫左呢兩個食。黑松露雞意大利飯$128正宗意大利飯，好有咬口，有啖啖的黑松露味，而且份量多，兩個人share都可以，其實如果兩個都唔大食，可能仲食唔晒ＴＩＭ呀!蟹肉雲吞配黑松露忌廉汁$88必食!!!鮮蝦雲吞就食得多，蟹肉雲吞真係第一次食。蟹肉應該係廚師親手剝的，蟹肉多到舊雲吞凸起哂，蟹肉好鮮甜，配埋個份量剛剛好的黑松露忌廉汁真係要一食再食。西班牙黑毛豬架$168黑毛豬肉質鮮嫩，咬落去好juicy，配埋個醬汁更加惹味。焦點反而係配菜薯塊! 塊塊都好脆，好似食緊厚身既薯片咁。兩個人，都幾飽，環境又靜，仲可以望到個廚師。

身為觀塘打工仔，見J2飲食節目介紹呢間工廈餐廳，點都要試吓。Lunch都有得訂枱，每張枱之間空間足夠，好適合約朋友午餐一聚。Set lunch 有湯、主菜、餐飲。今日個湯係紅腰豆忌廉湯，第一次飲呢款湯，唔錯。主菜由$78-118 都有，性價比高，尤其是佢promote緊燒牛扒任食，係buffet果種燒牛扒，你可以同佢講想要生d定熟d,只係$118，啱晒胃口大既朋友，反而擔心佢蝕本做唔住。雞卷$78，份量較細，適合胃口細既朋友，但係三個主菜之中我覺得味道最好。原來佢地有甜品師傅坐鎮的，可另外叫甜品，可惜佢menu無寫，今次試唔到。餐廳服務非常親切，見佢門口放了一包包nuts, 細問之下知道係佢地自家調味焗製，比市面油炸的健康，而且有多款口味。12:00前訂枱既話，lunch有9折，仲要無加一，抵。

今次呢間真係隱世小店，行到勁入既工業大廈再要上樓，再入去呢個唔起眼既門口，原來係兩兄弟夾份開既餐廳。地方夠闊落，可能實在太隱世真係無咩人，門口都放左個裝飾櫃，店主其實好有心機，仲會介紹唔同菜式，仲同我地講如果早啲打上去可以特別幫我地設計野食添。店主推介食既《法式焗田螺》($88)，粒粒田螺勁大隻，提左我地食完要倒埋螺入面既油落薯蓉食，撈埋真係勁香勁滑。另外推介《蟹肉雲吞配黑松露忌廉汁》($88)，四隻都勁大隻入面包左勁多蟹肉超滿足，啲汁勁濃超夾，食完仲要倒埋啲汁黎食。意粉叫左《帕爾馬火腿野菌意大利粉》($108)，可能前兩樣太出色，呢個反而有少少普通，意粉軟硬度幾好但個汁唔係好入味。甜品其實無咩選擇，本來都話得雪糕，咁岩見到仲有個《紅酒燴梨配雪糕》($38)，下面粒粒既梨淋哂仲好入味，上面雪糕係自家製幾好食。店名：Bro's Cuisine地址：觀塘成業街19-21號成業工業大廈2樓13室餐牌:

會黎呢間餐廳食飯全是因為被佢地的法式田螺同埋一款好特別的雀肉牛柳吸引.餐廳唔算好大,坐位擺得闊落,完全没有壓迫感.我地揀左平日晚上黎食,唔太多人,可以享受一頓舒適的晚餐.除左餐牌上的菜式,佢地仲有一啲特別menu寫係黑板上.我地係沖著法式田螺同埋雀肉牛柳而黎,當然要點黎試下.除左呢兩樣外,仲叫左個佢地的創意pizza – Pizza Strawberry Rose.一盤法式焗田螺有六隻田螺,一上枱已經聞到好香的蒜蓉同牛油味.田螺肉好容易就拔到出黎, 螺肉彈牙又juicy而且有好香的香草味,配埋惹味的蒜蓉牛油汁,食完一份好想再encore多份.雀肉牛柳係我好期待的一個菜,睇其他人的食評話佢係用肝醬包住牛柳整成,我好好奇會係點的味道.我地叫左煎7成熟,可惜切開只見到中間有好少粉紅色,應該係overcook左少少.一啖食落去先會食到濃濃的肝醬味,而牛味就要食到煎得無咁熟的部份先會比較濃郁,所以我認為食呢個菜應該要叫raw少少.另外,一碟有兩件牛柳,我覺得兩個人share啱啱好,因為肝醬配牛柳味道幾濃下,食晒兩件會有少少膩.Pizza Strawberry Rose亦係令人好好奇的一個組合,廚