Bro's Cuisine

營業中

休息中

今日和太太往觀塘Bro’s Cuisine食晚餐, 我們點了西班牙黑毛朱架, 帕爾馬火腿薄餅和白汁煙肉意大利粉。西班牙黑毛朱架上桌時熱辣辣, 賣相一流, 黑毛朱架肉質好腍, 食落有油花、啖啖肉, 食落好惹味, 醬汁好鮮甜好醒胃, 配菜有薯仔, 西蘭花和車厘茄、薯仔食落好腍好粉、西蘭花新鮮爽脆和車厘茄甜度適中, 整份配菜能中和黑毛朱架的油膩感, 整份西班牙黑毛朱架食落惹味醒胃, 味道可口；帕爾馬火腿薄餅份量適中,食落好香脆, 餅底薄薄有美味口感, 帕爾馬火腿鹹度適中, 火箭菜能中和帕爾馬火腿的鹹味, 薄餅有濃香芝士味, 肥而不膩；白汁煙肉意大利粉白汁味道香濃而且好滑, 磨菇味道爽口, 煙肉食落惹味, 意大利粉食落爽口。餐廳座位闊落舒適, 有很多郵筒擺設, 感覺好舒服, 而且食物美味, 價錢合理, 適合三五知己聚會好地方。

同事又帶我去揾食，原來觀塘仲有好多樓上餐廳可以發掘到，今次就去呢間某雜誌評為 2015 年的入圍食店食個西餐。餐廳入面的設計令我覺得似一間 Cafe 多過一間餐廳，所以坐得好輕鬆和舒適。雜菜忌廉湯以為係某品牌的罐頭忌廉湯... 我錯了... 雖然話係忌廉湯，但唔會太 Creamy，仲有雜菜粒粒同埋脆片，增加了不少咬口。法式焗田螺呢個確係真推介，只要用鉗鉗住隻田螺，再用叉輕輕一"了"入面的肉出來就食得，的確超香超美味。而職員主動建議可以把薯蓉撈勻後食，是又滑又香到不得了。熱朱古力呢杯唔係直接用現成的朱古力粉沖成咁簡單，係用朱古力豆磨製而成的，所以飲落去朱古力味寧舍濃郁，飲到最尾的渣亦唔會好多。青蘋果乳酪沿飲管一啜，不但吸到滑滑的乳酪，仲有不少的青蘋果粒粒，讚~焗保雲酥龍脷柳配薯菜龍脷柳外面脆脆，裡面嫩滑，點埋配碟的白汁一齊食，滿滿的香草味更添惹味。黑松露雞意大利飯意大利飯口感外面軟熟內裡帶點咬口，配埋帶有黑松露香的白汁，香味充滿整個口腔。而食埋插在上面的脆脆，甜甜地又香脆，令整個飯少了一份單調。紅酒啤梨配呍喱拿雪糕食完個意大利飯雖然已經見飽，但是甜品係可以用第二個胃去品嘗的。雪糕的奶味唔

琴晚同屋企人嚟食，叫咗焗田螺、肉眼排、黑毛豬骨排、海鮮白汁意粉、焦糖香蕉披薩。第一道上嘅就係焗田螺，無唸過可以咁好食，我地連盤上面嘅薯蓉都食得乾乾淨淨。其他幾道菜式都非常之好，但係印象最深刻嘅都係歸田螺莫屬。最尾嘅甜品 - 焦糖香蕉披薩亦都係極品，食落唔會濟，而且幾種食材互相配合，幫我地嘅晚餐劃上完美句號 😊上菜時間控制得好好，一定會等我地完成咗上一碟先上下一碟，而且無攤凍再上，非常抵讚 👍🏻無落味精，無落鬆肉粉，只係將食材本身嘅味道呈現返出嚟，食落津津有味。同老闆傾咗兩句，原來佢地想將一啲大家都忘記咗嘅菜式從新演繹出嚟，嚟緊一月就會出新菜單，希望到時候再去食下!!! 😋

星期一的夜晚，媽媽唔煮飯 於是又出街食飯啦~HAHA 今日黎呢間，真係好有文青FEEL ~ Bro's Cuisine 就連一D小擺設都好精緻可愛~ 餐廳唔算非常大，但係感覺非常寬敞開揚~ 呢度包場最低5000蚊起，一星期前訂定就得 餐牌黑底白字，有型有設計~ 由前菜，小食，主菜，甜品，飲品一應備全。 價錢都算大眾化，由幾十到百幾~ 一個MAIN COURSE 都係百幾蚊度~ 仲有每日推介 呢度採取開放式廚房，可以見到一眾忙碌的大廚埋頭苦幹~ 唯坐得太近廚房的位置，可以會有少少油煙問題~ 先來一個士多啤梨YOGURT HKD 38 首先份量係超乎想像的大杯~ YOGURT 是想不到的幼滑，冰塊都被打得全碎了，完完全全融合在乳酪裏 士多啤梨味是超清新的，因為是新鮮的士多啤梨打成呀，還喝到那些士多啤梨籽籽呢 味道係超鮮甜，但是生果的新甜，不是死甜~ 這杯乳酪，我俾滿分~ 來這裏一定要必試~ 帕爾馬火腿野菌意大利粉 HKD 108 火腿有好多，鋪滿成個意粉面~ 意粉入面都好多料，混和左唔少既野菌，茄醬加有香草，味道很清新 就是意粉質感淋左少少，煮少半分鐘應該會更彈牙爽口。

看完此餐廳《鬈毛妹》所寫的【焦點食評】，得知餐廳班底超級強勁，立即要去一試。餐廳舒適寧靜，配上柔和的音樂，空間感亦十足，叫人坐得舒服。午餐選擇不算多，不過價錢合理。先來了個青豆湯，喝了一口，「好味！」兩字不由自主脫口而出。青豆湯又濃又滑，真的很出色。主菜選了肉眼扒。碟子還沒放下，已經嗅到濃濃的蒜香味。肉眼扒肉味不錯，調味也佳，可惜比點了的5成熟過了點火。值得一讚是配菜都毫不馬虎，那些煎薯仔片，真是美味到不行👍🏻👍🏻，所有配菜都給我吃光光，連洋蔥也沒剩半條😋看見黑板寫著有我很喜歡的【紅酒燴梨配雲尼拿雪糕】，可惜今天胃納不足，吃不下甜點，希望下次可以吃到吧！可能店子還比較新，食客著實不多。希望店家加油，這顆寶石慢慢就會被更多人發掘，被更多人欣賞的💪🏻注意：店家11月份只在星期一至星期五供應午餐

今日Lunch過左觀塘搵姊妹食lunch, 佢帶左我去呢間係工業大廈入面嘅Bro’s Cuisine。間餐廳係工廈入面咁隱蔽, 如果唔係姊妹帶路, 我一定唔識搵到入黎。🙈我地到餐廳時未到繁忙時間, 所以客人不多, 餐廳裝修簡約, 配個開放式廚房, 都幾有格調, 同餐廳外工廈嘅環境反差好大。Lunch Set價錢大多係$100樓下, 有湯同餐飲, 不過我地都唔太需要飲湯同餐飲, 寧願點多少少野share食。😁我地點左廚師推介嘅法式焗田螺, 豬架同意大利飯。法式焗田螺味道香濃, 我地每人都食到3隻, 螺肉好軟腍入味, 薯蓉味道都好香濃。👍豬架係我嘅最愛, 今日呢份西班牙黑毛豬架超高質, 肉質超鮮嫩多汁, 熟度剛好, 豬肉仍見到微微粉紅, 雖然好大件, 不過再多我都食得落。😍黑松露雞肉意大利飯好creamy但唔膩, 黑松露味濃郁, 雞肉都幾多, 意大利飯質有咬勁, 份量好多, 我地兩個人分每人都食到好多。埋單每人都唔駛$200, 不過呢度份量好多, 下次黎唔駛叫咁多。🙈餐牌

早前係網上睇到呢間係觀塘工廈區新開西餐廳Bro's Cuisine嘅介紹, 餐廳由前酒店總廚及甜品部總廚主理, 最吸引係價錢只係工廈西餐價。😍 今日我地公司為食四人組難得一齊到觀塘上Training Course, 我提議去Bro's Cuisine食Lunch, 佢地都非常讚成。Bro's Cuisine係觀塘成業工業大廈, 距離地鐵站唔遠, 不過唔係呢邊返工都未必知呢邊有野食, 但附近有幾間食店我地都去過, 所以我地好快就行到過去。我地12:30到餐廳時剛剛開店, 我地四個係第一枱客人, 過左13:00後客人越來越多, 好彩我地早黎, 如果唔係冇訂枱要搵位都唔易。😆餐廳裝修走簡約工業風格, 開放式廚房, 家具以木, 黑色為主, 配合射燈燈光, 感覺令人放鬆舒適。😚Lunch Set價錢都幾相宜, 大部份餐都係$100樓下, 不過主Menu同每日推介有幾款我地都好想點黎share食, 所以我地今次冇叫到Lunch Set。我地揀左四款食物share, 今日我地呢個四人組合咁有食力, 點多d都唔怕食唔哂。😂法式焗田螺係每日推介嘅其中一款菜式, $88有6隻, 夠哂我地分。😁 螺肉好有彈

以往中午食飯，很多時都前往駱駝漆大廈，但發現原來一街之隔成業工業大廈有很多高質餐廳有待發掘。來到Bro’s Cusine，一聽名字都已經很貴氣，當然食物同樣也是高品質。午市供應午餐，包餐湯及飲品，價錢大約78至118蚊不等，經濟實惠。紅腰豆忌廉湯湯含豐富的豆味，但又不會掩蓋本來的忌廉味，兩者味道很夾。香草焗龍脷柳配薯菜魚柳肉質爽滑，香草和茄味十足，是味覺的最佳享受。美國肉眼扒七成熟的牛扒，內𥚃透紅，切開有肉汁溢出，煎得洽到好處。配菜也是熱辣辣，超讚。熱朱古力味道香滑，朱古力味十足，是用朱古力豆磨溶而成的。Caramel Latte咖啡味香濃，焦糖的甜味剛剛好，很優質的一杯咖啡。餐廳還有包場服務，適合一大班朋友聯誼聚會。

最近都在忙著派帖，約了朋友在觀塘的一工廈晚餐簡單的裝潢，看來很低調但開放式的廚房讓人印象深刻，能一睹廚師的廚藝，而且味道殊不簡單呀白酒煮藍青口姐覺得白酒湯偏濃，酒香亦很重。青口無沙而且沒有雪味，是一個不錯的前菜。西班牙黑毛豬架這個是姐推薦的! 肉質嫩滑、很容易就切開。單是肉質本身的鮮味就很足夠，都不需要太多的調味。而薯菜值得一讚的，薯仔及翠玉瓜面烤過但內裡仍保持水份。明顯有花過心思去配搭。柏爾馬火腿野菌意大利粉意大利粉軟硬度適中，煮得剛剛好。但汁則偏辣，而且可能因加入蒜頭吧，味道較濃。但柏爾馬火腿跟野菌的配搭是不錯的，可考慮轉用忌廉汁。Bro's Cusine位於觀塘工廈的走廊盡頭內，相信以合理價錢吃到廚師的心思及廚藝，新鮮優質的食材會吸引不少欣賞美食的人光顧呢。

約了個朋友去觀塘吃飯，她帶我去了成業街的成業工業大廈2/F的Bro's Cuisine，觀塘區的舊式工廈裏面有很多的餐廳及零售，就算是晚上都有很多人上落。餐廳是一半的位置是開放式廚房，客人可以觀賞廚師的製作過程，有視覺的享受。白酒煮青口有很的洋葱味道，加上有淡淡的酒香，青口煮得剛好，不會太鞋，但比較咸。紐西蘭龍脷慕絲卷龍脷柳共有三件，全部都卷成一舊舊，魚肉腍滑雪白，配上香草檸檬汁，帶有點酸及香濃的香草味，而薯蓉有點奶香，非常軟滑。西班牙辣肉腸薄餅薄餅共有八件，餅底是薄的餅乾底，表面舖滿大量的mozzarella芝士，一切開即呈拉絲狀，味道很濃郁，有辣肉腸的咸香味，但一點都不辣，因為是薄底關係，吃了兩件都不會有飽滯感。青蘋果乳酪乳酪打得很幼滑，奶香味及蘋果味濃郁，不會太甜，而且冰不多，沒有吃到碎凍，飲到最後都依然保留著濃郁的味道。整體味道不俗，價錢合理，全部都是百多元起，全部不收加一。餐廳還設有包場服務，還可以自製餐單，全部都有得商量，不一定要選擇menu內的食物，而且包場都是$5000起，價錢合理，人數不限，一大班人gathering去包場都幾抵玩。

早幾個月前都經常到觀塘區用膳，該區有很多的隱世餐廳在工廈內，如果不是朋友介紹，很難會知道，所以這些餐廳多數都會倚靠口脾，食物高質多人宣揚是最重要的一環。今次這間Bros Cuisine，位於成業工廠大廈，非常近地鐵站。餐廳有包場服務，最低收費由$5000起，不限人數，當然視乎食物份量及菜式，最少一星期前預訂，主推扒類及甜薄餅。凱撒沙律以羅馬生菜為主，新鮮爽脆，加上炸得香脆的煙肉及麵包粒，配上沙律醬，非常清新開胃。加拿大牛柳本來是點西冷，可惜缺貨，所以點了牛柳要七成熟，牛柳有寸多厚，表面煎至微焦，裏面帶點粉嫩，但牛柳這個部位的肉味始終不及西冷濃郁，不過牛柳質感非常嫩腍，而且有肉汁，配上連皮焗的薯角，份量十足。黑松露雞意大利飯意大利飯份量十足，差不多有兩大碗，飯裏面有很多雞肉，意大利飯煮得剛好，軟硬適中，非常煙韌，黑松露很香濃，每啖飯都能夠吃到黑松露的味道，整體很creamy。另外表面插上的一塊其實是芝士片，味感香脆有濃郁的芝士咸香。總括而言，食物味道中上，價錢中等，而且不會有加一，晚餐來說絕對抵食，現場所見全部即叫即做，所以上菜都需要點時間，但全部都新鮮熱辣，有點在家吃飯的感覺。

因為女朋友在觀塘工作的關係，我經常接她放工就到附近工廈覓食。今次試的 Bro's Cuisine 裝潢簡潔，餐廳內放置了木桌，整個氣氛令人感覺很舒服。午市過來有不同的優惠，這裏更是提供包場服務的。餐牌以外有每日推介的項目。凱撒沙律的羅馬生菜非常新鮮爽甜，而且每一塊切得大小適中，令人方便享用。煙肉粒和麵包粒都是香脆的，增添口感。雞肉粒平均分布在意大利飯之中，飯粒相當飽滿並有咬口。Pizza 的口味很特別，是嗜辣的女朋友選的四川麻辣牛肉薄餅。麻辣的牛柳粒份量頗多，香香麻麻的辣，不算很嗆。餅底薄脆，上面買有很多芝士，材料豐富。yogurt 如青蘋果般甜中帶少少開胃清新的酸味，好飲！咖啡香濃。除了食物不錯，值得一提的是服務很好，卻沒有加一服務費。

在觀塘某幢工廈的餐廳裡面，有兩兄弟在埋首苦幹，他們的長相有九成相似，一個曾經是酒店行政總廚，另一個則是Agnes b甜品部總廚，現在都辭了工，在這間名叫「Bro's Cuisine」的餐廳裡頭打拼。 觀塘工廈向來是卧虎藏龍之地，在Bro's Cuisine，你只需付出工廈價錢，就可以吃到酒店級出品，而且這裡的裝修不差，以木製家具為主，加上光猛射燈，以及一個很大的開放式廚房，就是餐廳的全部。 白酒煮青口 ($88) 來自澳洲的青口，小巧而肉嫰，白酒汁味道香濃，帶少許酸，加上淡淡的香草味，不俗，如果可以配一塊多士或蒜蓉包更佳，可惜餐廳暫時沒有提供。 西班牙黑毛豬架 ($168) 黑毛豬肉質軟嫰，裡面仍保持粉紅色，用刀切開，肉汁即流瀉出來，十分juicy。伴碟的薯角和翠肉瓜也甜美，整體都出色。 焦糖香蕉薄餅 ($128) 外面較少有甜薄餅，加上焦糖和香蕉都是我的最愛，沒理由不點這個。薄餅用mozzarella和cheddar cheese組成，芝士的味道不濃，與焦糖和香蕉的味道沒有違和感，而且其軟滑質感和配料很夾，是不錯的甜品。 朱古力雪糕配士多啤梨凍湯 (免費) 吃至

在觀塘，每天總是有不同的新餐廳開幕！今天來到成業工業大廈的Bro's Cuisine，侍應說才開了2個月呢！環境十分闊落，跟朋友、同事、或是情人來也是不錯的選擇！午飯時段有lunch set，種類可十分多元化呢，不過今次想吃更好一點，決定每日推介！下次再來嚐嚐lunch set，說是每個月也會轉一次，帶給食客不同的新鮮感！今次選的坐位正正對著開放式廚房的位置，廚房可是挺明亮光猛的。第一道菜選了法式焗田螺，一拿上桌就非常香噴噴了！田螺肉亦十分鮮甜，小弟更愛的反而是薯蓉，細滑的薯蓉添合了惹味的牛油，令人想一吃再吃！主廚大力推薦牛仔柳配野菌燒肉汁，2塊牛肉柳厚度十足，配上燒肉汁及野菌，再灑上細細的香草，賣相已十分吸引！肉質亦十分嫩滑，鮮味的牛肉加上惹味的燒汁，味蕾快樂得升上天堂了，值了！最後品嚐美味的雪芭雪糕，加上甜甜酸酸的草莓醬，很清新！

觀塘工廈餐廳選擇一向非常之多， 但係質素就良莠不齊， 因此我都成日中伏。 但係今次呢間 餐廳就令我非常有驚喜， 因為佢除咗嘢食好食之外， 店員嘅態度亦都好好， 充分咁感受到餐廳嘅用心。我哋就先叫咗個法式焗田螺做前菜， 田螺焗得非常之嫩滑，生熟程度剛剛好， 配埋側邊嘅薯蓉嚟食， 有膿烈嘅牛油香同香草香， 超級好食。焦糖拿鐵飲落唔會太甜， 帶有淡淡嘅焦糖味同咖啡香，非常唔錯。士多啤梨乳酪係沙冰狀，飲到最後仍然有味。黑松露雞肉意大利飯軟硬程度啱啱好， 有risotto 特有嘅硬硬嘅口感， 每一啖risotto都有濃烈嘅黑松露香同忌廉香，非常好味。鹹味嘅pizza就食得多， 以生果為主題， 半咸半甜嘅pizza就真係未食過。 我哋叫咗個 pizza american cheese， 食得有淡淡嘅檸檬芝士味， 感覺非常清新特別。 檸檬令芝士味唔會太漏， 胃口細嘅我都食多咗幾塊。到最後有餐廳home made 嘅甜品作為今生嘅總結， 士多啤梨配青檸雪糕非常開胃， 令食咗一大餐嘅我亦都可以食得落。可能因為餐廳係新開， 老闆十分之用心咁向我哋介紹佢嘅菜式， 亦都同我哋講餐廳係阿包場嘅服務， 呢度食物質