Brotzeit German Bier Bar & Restaurant (形點 I) (已結業)

一家三口胃口都比較少，來午餐只點了三款食物：1. 菠蘿火腿pizza, 薄薄地少少脆，菠蘿是罐頭貨，中規中矩哪！ 2. 蒜蓉多士，正，香，好吃；3. 脆皮鷄肉腸配酸菜沙律薯蓉，高水準，肉香皮脆，配菜好食開胃。點了三杯飲品，Fruit Punch, Sparkling Apple Juice 及玫瑰蜂蜜茶，大家各自也覺得好飲。地方舒適好坐和整潔。服務員有效率有禮貌，今時今日真抵讚。價錢畧高但以地方和質素來計，算是合理可接受的。食物和飲品的選擇都好多，下次來時可再試試，例如豬手，意粉，小食併盤，啤酒等。

🇩🇪 超高質德國餐廳 外賣水準極高 🌟🌟🤩和朋友慶祝生日，由於疫情嚴峻，避免外出進食，所以特意挑選了一間德國餐廳，外賣美食回家享用。🍖 德國烤焗豬手伴馬鈴薯沙律及酸椰菜 $298德國烤焗豬手以錫紙包妥，一開錫紙時已聞到陣陣燒肉的香味。豬手外皮香脆，脆得像薯片般，內裡仍保持肉汁，味道適中，不會過咸。重點是豬手仍保持熱辣辣，味道極好，相當高質。而配菜馬鈴薯沙律及酸椰菜都萬勿錯過喔！酸椰菜酸度足，配搭豬手同吃能有效解膩。馬鈴薯沙律香滑美味，奶香十足，十分美味。🌭 紐倫堡肉腸伴薯蓉及酸椰菜 $160紐倫堡香腸外皮爽脆，帶有一點香草和黑椒的香味，肉腸伴有酸菜和薯蓉，是德國餐中不可或缺的小食。🦞 蟹籽龍蝦意粉配三文魚籽 $288矜貴的意粉，一客有兩件龍蝦尾，龍蝦肉質結實，鮮味十足，三文魚籽會另外以一個小盒盛載。客人可自行把三文魚籽放在意粉上。意粉掛汁力高，掛上蟹籽忌廉汁分外香濃美味。另外，更有幾條蘆筍佢配搭，中和白汁的厚重感。🥗 水牛芝士沙律 $168水牛芝士沙律分量十足，一個大圓外賣盒盛載着，沙律醬有車厘茄、青瓜、雜錦沙律菜、麵包脆粒粒等等。當中最特別的是水牛芝士粒，一個個像鵪鶉蛋的形狀，芝士味

元朗形點I期加埋II期真心大到無朋友，行到攰攰地於是想搵間餐廳坐低飲杯野，Search Openrice見到有間德國餐廳，就決定去試下。呢間餐廳有室外同室內，我地揀咗室內，因為呢幾日坐室外都真係有D凍。去德國餐廳梗係要飲德國啤酒，呢間餐廳都有好多選擇，生啤同支裝啤酒都有德國啤揀。我地揀咗Bitburger，睇落去兩杯好似一樣，其實一杯係正常啤酒，另一杯係0酒精啤酒，杯0酒精啤酒嘅味道都真係好似啤酒，絕對呃得吓人。另外想講呢度嘅侍應姐姐倒啤酒倒得非常專業，似乎呢間餐廳嘅老闆對啤酒都幾有要求。呢間餐廳個Bar Corner都好好feel，下次入元朗會再黎飲野。

德國烤焗豬手皮焗得好脆而且熱辣辣切開嘅時候仲出緊煙伴埋酸菜食味道剛剛好唔會太鹹但肉質就比較乾豬肉芝士腸就好juicy😋😋😋味道唔錯☺️同樣有配酸菜同薯仔沙律

今日26號 Boxing Day又係我Tony哥四出尋找美食時間 今晚次一行6人食乜好？呀⋯⋯不如去YOHO食呢間德國餐廳啦 因為之前都食過 係5差嘅⋯⋯今日同樣book咗檯1930時準時到達 目測現場得2個侍應唔緊要啦 照食可也⋯⋯今日點了2個沙律 一個併盆 一個薄餅 當然唔小得我至like嘅雜腸啦⋯⋯15分鐘後先到個沙律 沙律材料新鮮 食完之後⋯⋯⋯⋯等了又等⋯⋯⋯真係40分鐘後才到齊我order的菜式不過係唔差嘅 唯一係併盆其中一個豬手真係硬個石頭 叫個侍應投訴此事 佢提議換一份雜腸比我地 真係誠意可加 仲叫埋甜品 今次真係大滿足了 大家食完真係開心 須然等了一小時 可以接受

位於Yoho地下嘅德國餐廳，經常有德國啤酒嘅promotion，但令我最感興趣嘅係佢地嘅野食。🥗沙律份量好足，有成條吞拿魚係中間，好好食！然後係我最感興趣嘅肉腸拼盤（$258）以拼盤嚟講份量ok，就算同朋友齊嚟食，都唔洗驚唔夠分。酸椰菜同酸青瓜都係德國菜嘅重點，感覺可以再酸啲😋德國烤焗豬手伴馬鈴薯沙律及德國酸椰菜（$278）講到德國美食，當然唔少得豬手。一上枱已經「嘩嘩」聲，除左因為靚，仲因為隻豬手仲熱到出煙。一切開啲熱氣已經冒出嚟，肉質容易入口，皮亦十分脆！可謂有驚喜！邊飲住德國啤酒🍻邊食德國美食，就算飛唔到都可以感受德國氣氛呢！🇩🇪

今次試了一間德國餐廳，食物質素OK，但價格偏貴。咸點比較好味，啤酒出色✨，甜點中規中矩。我們點了以下菜式：炸芝士 $118外皮炸得香脆，包住內餡暖暖芝士，配上紅梅醬，非常野味。菠蘿火腿薄餅 $168比較特別是用了喬麥薄餅，配上罐頭菠蘿🍍，酸酸甜甜，好開胃。甜品拼盤 $188有朱古力🍫蛋糕、玉桂蘋果卷、雲呢拿雪糕、手撕提子雞蛋糕。德國啤酒- 香蕉味 0.3L $48陣陣麥香加上清甜香蕉🍌果味，出乎意料地好飲，超推薦。桂花蜜醬花茶 $45有淡淡桂花香，因為怕甜，所以叫了少甜。

食德國菜我一定選呢間！，果然無令我失望！豬手好難整得好食，不過呢間真係好正～超級超級香脆，入面又夠哂味～～外皮十分脆口，內裡的肉，肉汁鎖住~夠熱，而且切下去一片片，豬手本身嫩滑，吃下去好吃~真係好香口又入味～脆到隔離都聽到~~~新鮮，份量又夠，正!火腿, 煙肉, 芝士, 完美既配合~今晚都好滿足

呢一間餐廳無論拍拖, 同屋企人或者係朋友都好適合黎！😻😻原因係食物質數唔錯, 好穩定, 而坐既地方大亦唔嘈, 而呢一間餐廳都係我好常黎嘅眾腳地每次黎都會叫德國腸，豬手同啤酒🇩🇪🇩🇪是日為父親節👨‍👩‍👦‍👦, 叫左呢一個腸嘅拼盤, 有不同肉類既腸, 每一個都有獨特口感同味道, 絕對值得一試！亦因為父親節嘅關係, 特登叫咗德國啤酒同老竇啤一啤！🍺🍺🍻舒服嘅環境加上啤酒, 人生一大樂事🤙🏾🤙🏾

𝐏𝐨𝐫𝐤 𝐂𝐡𝐞𝐞𝐬𝐞 𝐒𝐚𝐮𝐬𝐚𝐠𝐞𝐬豬肉芝士腸伴馬鈴薯沙律及德國酸椰菜($158)德國香腸真係世一，香腸的冠軍，仲要係芝士腸，芝士怪一定好滿意🤙配料方面，馬鈴薯沙律並非完全壓成蓉🥔有d薯仔粒，食到有些少少酸的調味料😛清爽亦無咁易食滯😙😙有三種醬：黃芥末/豆瓣醬，咖啡色個種食唔出😌個人認為最好味係點黃芥末𝐏𝐨𝐫𝐤 𝐊𝐧𝐮𝐜𝐤𝐥𝐞(𝐖𝐡𝐢𝐥𝐞 𝐒𝐭𝐨𝐜𝐤 𝐋𝐚𝐬𝐭𝐬)德國烤焗豬手伴馬鈴薯沙律及德國酸椰菜($288)豬手外皮好香脆又煙靭，肉滑多汁🍖原隻豬手上打卡好正，但要自己切哦🔪配料除左著仔沙律、酸菜外，仲有酸瓜條🥒𝐒𝐧𝐨𝐰𝐛𝐚𝐥𝐥/𝐌𝐨𝐣𝐢𝐭𝐨($75 or 95)後記💛兩個人食兩道菜=食唔哂，好大份～～💛生啤有不同ml選(03L~1L)，邊飲邊睇波&再啖啖肉好正!💛朋友仔話味道好正宗perfect～～！

夜晚食完飯但係唔夠夠喉，路過yoho就是但入嚟嘅度，同朋友一齊叫咗個精選甜品拼盤，再一齊嗌咗1Litre 啤酒！甜品拼盤都有好多種甜品！有雞蛋煎餅，蛋味都幾濃幾香！不過就會比較頂胃少少。佢個朱古力心太軟，切開會流心，朱古力味都好濃！唔錯！加埋個雪糕咁食，冰火交融，正！佢個蘋果酥都幾大份，入面味道都唔錯，都係一款幾好食嘅甜品嚟。雖說呢個甜品拼盤係2-4人份，不過2個人食都食得完，如果多人可能要叫多個啦，哈哈！飲埋啤酒，都幾滿足！唔錯！

工作忙又不想馬虎吃晚餐，便從平台探索不同的西式風味，選擇外賣自取以優惠價來試幾款菜式。香軟金文畢芝士配紅莓醬 - 素食見到這款素食頭盤有興趣兼未試過，點一份大家分享。這款素食芝士較特別，外面炸得脆口，芝士味濃，配紅莓醬可中和濃味，感覺較適合與啤酒配搭。第一次試這款芝士真有點不適應口味，最好慢慢細嚼去了解其芝士味道，以及似燉蛋軟滑的質感!凱撒沙律配大蝦 沙律菜及大蝦同樣新鮮，大蝦份量少，麵包粒微脆帶點硬。燒春雞 - 半隻 燒春雞賣相不錯，鋁紙可保溫是貼心的做法。燒雞香味十足不太乾身，味道不太濃，但有點似連鎖炸雞店風味。薯條幼身，有特意調味，外賣令薯條軟身但味道好，炸得不錯。黑毛豚扒伴馬鈴薯茸及焦糖蘋果及芥末籽汁黑毛豚扒算大件有點嚼勁，味道適中，還有紅蘿蔔黃椒等配料。馬鈴薯茸味道又香又軟滑，帶有牛油味，有茸又有粒狀，真好味! 焦糖蘋果是細小粒狀兼甜美，芥末籽味道並不突出。馬鈴薯茸和焦糖蘋果汁的份量實在太少了，大家未能高興分享!我們進食的話題離不開金文畢芝士的有趣味道，長知識 食肆沒有中場休息，對於即興的食客來說是最為方便!

Mozzarella Salad $158水牛芝士沙律，芝士唔算係好濃味，而佢既沙律醋份量落得啱啱好，唔會太多太酸又唔會無味。整體上呢個沙律做得平衡，味道上都唔會太濃Brotzeit Platte $808侍應拎住份巨型木餐盤過嚟已經嚇親！入面包括咗5種德國腸、德國豬手同埋豬肋骨，仲有幾款唔同既醬汁，包括鮮芥末醬，食到有少少顆粒感和芥末味。第二款為麵鼓醬，帶鹹辣味。第三款為普通既芥末醬，較鮮芥末更重味、更酸甜。最後仲有款汁俾你點豬手，都幾多醬汁既選擇。豬手外層脆脆，入口有層膠原層，食落q 彈香口。至於豬肋骨本身已經相當香口夠味，唔洗點醬都相當好味。呢五款德國腸整體嚟講都幾好食，各有不同的味道，有辣亦有芝士腸😋薯條熱辣辣，屬於表層夠薄，好脆德國啤酒-Weissbier 0.5L $80-Dark Lager 0.5 $80-Schneider Kristall Weissbier $78嚟到德國餐廳點可以唔飲啤酒😋 三款啤酒都唔錯，清爽幾易入口總結：最後人均食咗$440左右， 真心食得幾飽但呢個價錢又未算抵食，所以回頭率不大

元朗食肆何期多，但德國餐廳嘅選擇就一隻手數得晒，可能大杯酒大塊肉唔太啱元朗人嘅口味，今日就試咗位於元朗形點嘅Brotzeit German Bier Bar & Restaurant。德國烤焗鹹豬手 - 真正烤焗，外皮香脆，皮脂煙靭，肉多汁嫩滑，食味偏鹹，酸菜正宗德國口味，味濃，薯蓉creamy得嚟帶鹹，一道很正宗的德國口味豬手。肉腸拼盤 - 其實唔係好記得啲味有乜野分別，不過一班人啖啖肉咁樣食香腸係幾爽嘅。菠羅火腿薄餅 - 小朋友見到好開心，切好咗一格一件，小朋友話好好食，又方便，至於我就覺得一般，就係正常香港食開嘅pizza味。海鮮沙律 - 配料好豐富，有吞拿魚，三文魚，大蝦，香橙，瓜，沙律菜，蕃茄仔等，好豐富。整體依間餐廳係大大碟，份量多，味道偏濃，如果同小朋友一齊嚟，佢哋應該都會幾閧心添。

與朋友興祝生日，諗到去食德國餐廳，order咗烤豬手、香腸配啤酒🍻至正，另外，亦叫咗一客海鮮沙律。整體而言，食物質素不錯，而且餐廳嘅環境也清靜，飲酒暢聚甚歡暢👍