Bugis@叻沙・海南雞飯

營業中

休息中

每次經過D2, 見到呢間食星馬菜嘅BUGIS 都好多人排隊，所以一於試下佢！嗌左個冬蔭公海鮮叻沙配河粉 $78 都好多海鮮配料，好豐富！冬陰功湯底都ok, 如果再濃味啲就正啦！Lunch set 仲有嘢飲配埋，有餐廳少有嘅羅漢果水，幾健康～

食海南雞飯對我嚟講基本要求係雞要香同滑，Bugis嘅海南雞飯完全符合晒我要求，佢仲可以有麻辣醬，識嘅時候可以點又得，唔點又得，兩種風味，雖然唔係好平，但係好食過出面啲海南雞。附送嘅湯都好好味，配埋個雞飯食一流。套餐免費嘅羅漢果茶都足料，可以一試。順帶一提，之前食過佢嘅下午茶，份量係好豐富嘅，又有飯又有面又有雞又有芽菜，價錢仲幾平，但係個雞嘅份量實在太少，當然我都明白一分錢一分貨，但係如果我為咗食雞而過嚟嘅話，就非常之唔OK，因為麵食同芽菜都好一般，唔太推介。

同男朋友去完D2 行街諗住揾野食，就諗起有間星馬菜都比較多人，所以就去左試 有驚喜😙我地坐左室內，室外大啲有氣氛啲不過空氣質素麻麻💨海鮮喇沙摻摻 $78招牌菜‼️ 油麵湯底超級惹味濃厚，椰奶味和辣度岩岩好😍取得好好平衡，海鮮配料又豐富💯好加分💟有急凍蝦好爽、大大粒帶子，不過帶子有少少沙🥹！仲有豆卜、芽菜、魚蛋和滷水蛋🥚滷水蛋同豆卜都好入味，魚蛋的質素好爽不錯👍🏼 值得一試❤️‍🔥巴東牛肉撈面 配湯 $74有驚喜🥹牛肉好正好霖夠juice🥩加上撈面好惹味唔乾身，醬汁夠正宗，依個配搭不會輸🤘🏼配一碗湯，真心好抵，真材實料不過有少少咸應該加左味精🙊

忙中偷閒的１天，難得的 me time！早起，先吃個豐富早晨。看早場，東野圭吾小說改編，神探伽俐略-沉默的遊行，節奏有點慢，最後10分鐘最好看！早餐吃太飽，午後４點才覺餓，適合吃下午茶，Walk in D2 Place Bugis。點了下午茶餐，包括以下的：#海鮮叻沙摻摻：下午茶是迷你版，叻沙湯底濃郁，微辣，是我喜歡的味道；米粉(多)和油麵(小)混搭；料頭有蝦、元貝、魚丸、雞蛋(半隻)、豆腐卜、芽菜，下午茶來說，算豐富的。#凍羅漢果茶：好大杯，但帶苦澀味，不喜歡！

好少寫食評，但呢間野真係太「出色」我同朋友3人行，叫左兩個肉骨茶，一個腿蛋麵肉骨茶似滾水，腿蛋麵好似中學小食部果隻，完全唔香，唔爽口。我地本身食野都係比較淡既人，都覺得佢完全無味。到野飲，3個人都加左錢叫左兩杯菠蘿冰一杯恐龍美祿，其實相信呢3杯野飲都好難會中伏，但都係無味，好似加左好多水咁沖。公道講，服務係好，員工有禮貌，食物擺盤都唔錯，但食落真係攪唔掂，加上價錢都算進取。希望日後會有改善...但本人應該就唔會再食。

嚟到D2 place，唔想食連鎖快餐店，好少過嚟呢邊，試下新野啦。點知瀨晒嘢😕見到餐牌有喇沙又見唔係貴諗住試吓啦，點知佢話一定要叫餐冇散叫，我都覺得好奇怪，不過算啦，一百鬆d就試下啦，多一個小食我應該食得晒既😓坐低之後落單要我喺出邊俾都算，收完錢果下收埋我加一？🧐一碗粉加一個小食加一杯嘢飲要$123冇野呀嘛？😒唔係特別好食，冇服務要我出去俾錢仲要收我加一，性價比極低，唔值呢個價唔會再去，百幾蚊食d咁既野😤

今日落大雨 搞到有D想食湯麵所以入左去D2place都搵野食見到呢間幾好食既叻沙碗叻沙都好足料下又多丸 又多蝦 又多豆卜 D豆卜吸曬D湯底 好惹味D麵都煮得好彈牙!朋友叫左海南雞飯 啲雞好滑 唔柴 唔錯

今晚叫左一個海南雞飯，味道唔錯，另一個印尼炒飯，第一次石窩上，有兩串雞，味道ok，有隻太陽蛋，有三隻蝦仔，有數粒青瓜，有兩片蝦片，太油，亦都唔脆，炒飯可以，糸cashier太新，問十個問題有九個唔識答

係遊蕩D2 place期間發現左好食既既叻沙，開頭比佢嘅圖片介紹吸引左，見到有個叫大碗麵🍜，入面有好多餸，好抵食咁，本來食嘢都唔會抱有咁大期望，因為好多食物出黎都與圖片不符，今次簡直出乎意料，由第一眼望到的3碗大碗麵，真係好大碗，材料豐富十足，有魚蛋，豆卜，雞蛋🥚，魚肚，鹵水雞腳，通菜🥬，芽菜土，芫茜土，真係好足料，叫咗鹵水汁黎點，有花生嘅味道，每樣食物都比我覺得好入味，依碗大碗麵加埋個汁，簡直係絕配，大家行街行到攰嘅時候，不防坐低抖下，享受下美食

呢間之前有食過，今日黎D2 Place玩VR🏎，太多人排隊所以去食下野先，行行下見到佢記得印象唔錯就決定覆桌🤭😋環境都唔錯，有卡位不過唔算寬敞，坐係角落同斜角啲人你眼望我眼咁😂►海鮮喇沙摻摻🍜 $78摻摻即係麵底有油麵同米粉，呢碗摻摻好多料，蝦🦐好大隻、魷魚🦑爽甜、魚蛋🐟、豆卜、滷蛋…好豐富，不過最正都係個湯底，香濃喇沙同椰汁岩岩好，煮得好好味👍🏻►慢煮海南雞🐤乾撈麵 $138（一人套餐：配湯、生菜、沙嗲醬雞肉串🍡x2）主要都係想食佢個海南雞，雞肉算滑，平時好怕啲雞咬落去擦子膠咁😂😂不過個乾撈麵就麻麻地，無味既😅早知食油飯〠總結 ▁ ▂ ▃ ☻ 3.5/5雖然menu上好多野都未試😬，但經過呢個乾撈麵，我覺得都係叫番佢店名果兩款野食就穩陣啲🤣🙈

落大雨入咗D2 Place搵餐廳醫肚，因為太肚餓見呢間冇咩人同埋又未食過就入咗去，知道呢間有幾間分店，有時經過部份分店都會見到會排隊，心諗應該唔會差得去邊嘅，但最後發現其實唔係真係咁好食，唔明點解會咁多人幫襯，相信應該都係同我一樣貪就腳，我諗我淨係會幫襯今次。叫咗一個午餐巴東牛肉干撈油面，加咗一份酸辣鳳爪，另外叫咗一個下午茶餐(有細碗海南雞飯，細碗喇沙烏冬同埋細碗芽菜配唔知咩汁）巴東牛肉干撈油面 - 真係好油，似係用油嚟撈麵，食到成口都係油，但其實牛肉味道係唔錯嘅海南雞飯 - 海南雞係白烚雞，淡而無味，就算呢間餐廳係主張少鹽少糖都不至於係冇味道，問店員有冇海南雞醬汁，佢哋話係唔提供嘅，咁已經唔係正宗嘅海南雞飯酸辣鳳爪 - 汁入唔到去鳳爪入面，食落去都係似白烚鳳爪喇沙烏冬 - 又係油淋淋嘅代表，湯底色澤睇落去好似好濃，但一啲都唔香芽菜 - 只係放咗少少汁，味道偏向青草味反而最好食係贈送嗰碗糖水，係紅棗雪耳桃膠總括：所有食物都似係學新加坡菜，而做唔到真正新加坡菜嘅味道

食過人生最難食嘅肉骨茶，唔好俾個樣呃咗，佢係完全冇味 - 冇咸味冇藥材味冇肉味。 我地已經唔係高要求， 只係希望個湯有返應有嘅肉骨茶味道，但陣味竟然同水一樣咁淡？！我入得依啲餐廳都唔係為好味或者誠意架喇，但都唔係俾垃圾人食架，做飲食同做人一樣，都要有返少少良心，真心奉勸各位唔好入嚟食。🤮🤮🤮🤮🤮咖沙還好，正常但唔會話好食，但個海南雞就差，冇雞味，肉又鞋口。🤢🤢🤢🤢🤢Btw 叫佢地比多D 薑蓉都要收多5 蚊， 但其實D 薑蓉同個肉骨茶一樣， 都係冇味。

放假又嚟D2 Place行街喇，今次過嚟係買遊戲碟，行埋未行過嘅一期。經過呢間餐廳，好多寵物喺呢度聚集，好似狗餐廳咁，鐘意動物嘅朋友仔就決定喺呢度食嘢。餐廳有室外同室內嘅座位，多數有帶寵物嘅客人都選擇室外。我哋各點咗個一人餐，味道都ok，座位就唔算舒適，比較窄，不過真係有好夠狗仔。南乳雞翼(2隻)，呢個無咩南乳味。鹵水豬頸肉串燒(2串)，豬頸肉點整都咁好味，個醬唔辣，幾惹味。+$18追加南洋肉骨茶，純粹想試下，有啲藥材味咁啦。新加坡無骨海南雞飯，啲雞都算多同幾滑。鹵水大細腳配絲苗白飯，大細腳即係鹵水豬手豬腳，鹵水汁個味做得幾好，食落豬腳唔會太肥膩，唔錯。熱黑糖豆漿。

今日終於見識到咩係邊爐界嘅KOL ，雖然係負面個隻。大大塊既好似俾人打瘀咗嘅M5牛肉，配上鼻屎咁大粒嘅墨魚丸，隔張枱都聞到浸腥味嘅鯛魚片，少少米線加大大碗芽菜，驚死你食唔飽。嗰兩隻蝦同元貝就唔評價啦，但塊牛真係好surprise，暗紅色又大大塊，切到成塊牛扒咁，抱住呢個冒險精神擺入口，韌到似食緊抹布咁，隨之而來嘅就係嗰浸騷味，唔食下真係唔知比到幾多驚喜你! 咁嘅質素賣$118，食完真係要打返篇食評至得。

第一次吃這間餐廳的火鍋，看見餐單上澳洲M5和牛火鍋照片頗為吸引，便決定一試。餐點一上桌，賣相和照片上的簡直南轅北轍。碗內材料豐富，首先是幾塊黑過佳寶的屍塊牛（自己買也很難買到這種色水）、幾粒奢侈罕有的切半小墨魚丸、兩隻已烚熟的蝦、一粒無味扇貝、一塊魚片等，每樣份量精緻。最貼心的是，店家怕大家腸胃不好，還給了一大碗芽菜伴幾啖米線。盛惠118大元！再說一說味道，老實說我是抱着冒死的心態涮幾塊牛的，畢竟是第一次吃這麼黑的牛。或者我不應該以貌取牛，我放膽一咬， 腥味四溢，齒頰留臭，難以吞嚥，只好趕忙吐出；墨魚丸味道正常，可惜只有寥寥數顆；無味扇貝如同嚼蠟；魚片我已經不敢吃了，要說味道正常的只有豆卜、生菜。總括而言，整頓晚餐讓我大開眼界，大家擁有銅腸鐵胃的話可以一試🤪