Burger Land (已結業)

「麥記」雄霸全球，香港亦不例外，對手「堡加敬」等在港均無功而退。其實，成年人漢堡包的市場很大，不斷有食店填補此真空，不斷有burger堡建立。早前美國成年人漢堡包店shake shack登陸香港，在IFC建立堡壘，供應牛（芝士牛肉），豬（煙肉），素（磨菇），炸雞漢堡包。漢堡包價目分別是50，62，66，56元。價錢不算貴。你在開飯神器open rice打下burger, 出現的數間成年人漢堡包店，漢堡包售價多在90元左右。我喜愛的本店，並不受熱捧，它卻是少有由蝦兵蟹將守衛的海底城堡！此店是香港新開成年人漢堡包店，隱蔽在荃灣路德圍的邊角。它比shake shack更美國化，成人化，中產化，小食亭化。此店外觀粉飾成為美國式店舖，並以荷里活電影故事渲染美國色彩。面積分小如shake shack小食亭，只容數人企立。左向那邊有座位區，亦只有4檯面積。木箱椅和報紙牆紙，令你感覺如在美國。同是主打數款漢堡包，其他食品簡單不已。同是供應啤酒，標示成人漢堡店形象。它主力供應魚蝦蟹漢堡，亦有牛肉。漢堡包宛如城堡，矗立雄偉，約有一水杯高度，超過10厘米，可能是香港最型格的漢堡。麵包厚厚的，以盡量加高，增加

今日放假諗住同仔仔出去玩, 不過出到荃灣佢就訓著左. 咁我地就打算自己醫完肚先攪佢啦~ 所以就幫襯呢間burger land la.點知食物一黎到, 阿仔就醒喇... 最後唯有俾少少佢食!我地叫左兩個Classis Burger lunch set!配有薯條同飲品, 我揀左熱檸檬柚子蜜, 味道好清鮮, 仔仔係咁飲晒我杯野, 唉...呢個包都幾好食, 包身好脆, 之前有烘焗過.漢堡味道也好好, 好有牛肉味, 加埋少許沙律醬, 酸瓜一齊食, 超好的配搭.

去荃灣路德圍搵我至愛嘅Mr&Ms漢堡包店，驚嚇發現佢嘅店名已改為Burger Land，簡直嚇了一跳，個心都離一離！好彩裝入鋪頭見到以前個老細仲喺度用心製作漢堡！細問之下，原來只係店舖重組，即刻放心坐低叫番杯啤酒先！記得以前係冇生啤嘅，一直係飲手工啤酒，差唔多店舖裏嘅手工啤都比我試過了！今次一於叫番杯日本suntory malts 生啤！朋友叫咗個檸檬柚子梳打，老友大讚好飲，清新夠氣唔太甜！另一個叫咗一杯黑牛，認真懷舊！食物方面我哋試佢嘅夏日限定新口味：香芒手打蝦堡、龍脷柳流心蛋漢堡，當然唔少得佢嘅芝士牛肉漢堡！芒果蝦堡真系超好食，芒果嘅清甜，襯托蝦肉扒嘅咸香，配襯至極！鎮店之寶——芝士牛肉漢堡跟過往一樣Juicy ，麵包外脆內鬆軟，保持水準。　龍脷柳流心蛋漢堡味道亦相當唔錯，尤其佢個流心蛋剛剛熟，好香滑！加錢轉餐好抵食，建議鍾意食芝士嘅記住薯條要加芝士！yummy! 今次仲試咗佢個小食芝士焗大啡菇 ，好香濃嘢味！最後叫咗一客比利時朱古力雪糕，竟然系$10，平到冇朋友，仲要勁香濃好味！店門外多咗個好串樣既外星人侍應，非常親切有禮！

原本諗住去荃灣淨係掃街，點知行行下，就發現呢間舖頭，門面好特別（比佢隻ET仔吸引咗過去望)，所以就同朋友仔去try try啲燈光真係好柔和，朋友仔即刻話有啲眼訓😂，播嘅都係英文歌，wallpaper都係用英文報紙貼上去，總之成個feel係正嘅👍🏻👍🏻！朋友仔就食咗香芒蝦球🍔加一杯果茶（個名大慨係咁，唔記得😂）本人就食咗軟殻蟹🍔加多份薯條同一杯果茶（薯條唔洗講啦，新鮮滾熱辣咁炸，熱到辣口🤣🍔就2個都真心好食，我朋友仔話軟殻蟹更好味）啲相即刻影咗po上instagram ，冇save到，所以show唔到啲🍔咩樣，不過真係好味！值得再去食！各人口味不同，但我覺得就2個都好好味，希望下次試埋其他🍔🍔2個人食先200蚊左右，真心平靚正

之前睇雜誌介紹Burger Land，見到入面介紹期間限定既鮮芒手打蝦堡！終於去試左喇！蝦扒好彈牙，一啖咬落就知唔係用機器打蝦膠，好似屋企媽媽用刀琢咁，入面仲加左帶子粒！面頭呂宋芒好香甜！同Wasabi醬，3樣野夾埋一絕！另外，仲叫左流心蛋龍脷柳漢堡！魚柳炸到岩岩好！外脆內嫩！流心蛋篤開左個蛋黃，D蛋漿流出來再配啖魚，正到爆！