Burgerman (欽州街) (已結業)

第一次係朋友帶我去Burgerman食和牛漢堡，覺得非常出色所以食過番尋味😋但第二次食既時候就貪新鮮揀咗鵝肝安格斯漢堡🤪安格斯牛無和牛咁juicy同冇咁重牛味🙈今次呢就返番和牛漢堡既懷抱啦😆不過我都係貪心加左塊鵝肝😈就算外賣番屋企都仲係有餘溫既🥰咬落去第一啖已經爆汁啦🤤和牛、芝士、芝麻醬、日本豆苗有做到好朋友配合得好好☺️另外加既鵝肝食落去滿滿既油脂，真係好幸福好邪惡🥰不過單食會比較出眾d，放埋一齊就會比和牛搶左個味道😛Burgerman真係好好食！已經榮升到我食過最好食既burger啦🥳

經典芝士漢堡Classic cheese burger用咗美國安格斯牛肉，肉質豐富，加上熱熔嘅車打芝士相當邪惡，芝士喺口入面溶化嘅感覺好正🥰烘過漢堡包幾脆並且好大片！basic款式整得唔錯，$67定價亦屬合理，下次可以試下其他漢堡～Combo 套餐有薯條/薯格可以揀，我揀左薯條，調味料均勻地沾上有皮薯條🍟非常惹味，外賣隔住個紙盒都聞到香氣，附茄汁～除左薯條仲有罐裝汽水，目測佢雪櫃都幾多款式揀～鋪頭備有手套

出開深水埗買嘢，醒起burgerman 有間分店係附近，於是就買個外賣回家吃😋呢間舖地理位置就腳過奧運站，但就較奧運站細間，疫情關係，暫時只做外賣生意，不設堂食。 今次試另一款，叫左至尊漢堡🍔$90，同樣地都係即點即製，外賣拎到返去漢堡都唔會散開，因為餐廳有用小木棒做固定👍，個漢堡好足料，好大個，有新鮮生菜，蕃茄，雙層牛肉，溶化既芝士🧀，炒過既洋蔥🧅，蘑菇，煎蛋，煙肉🥓，牛肉好juicy，多重既口感好豐富，食完好滿足😍 厭唔夠飽？可以加$20轉做套餐，薯條/薯格/沙律3款揀其中1款，再跟罐裝汽水，我揀左薯格，份量都好多，仲保持到脆口，唔錯

之前同事帶過我黎食過一次😽果一次食完！完全令我食過返尋味！好想再食番！每次一諗起漢堡就會諗起哩間店🤤但係..我無問間店叫咩名😢前幾日見到佢又食漢堡！即刻問番佢先知原來叫Burgerman😍-今次我就自己黎食好西啦🤪貪心既我揀咗又有鵝肝又有牛既漢堡😚由於無堂食，所以就外賣番屋企😗但係等車等左好耐，途中都好擔心🍔會凍曬唔好食😫一番到屋企即刻換個靚靚碟比佢🥳流晒口水🤤即使過咗大半個鐘，鵝肝都仲係好好味！軟綿綿既☺️塊牛都重牛味，但就無之前堂食咁juicy😗-下次打算食番第一次食既和牛漢堡，另外再加塊鵝肝而且會醒水睇好曬巴士到站時間，度好曬先買🍔咁樣就可以食到熱辣辣既漢堡啦🤩期待佢再次爆汁

大家有被筆者的標題嚇倒嗎？😜筆者當然不是真的買到發霉漢堡包（請大家不要誤會Burgerman😂）， 但當中用到的材料「發霉藍芝士」是評價兩極的食品，並不是每人都能接受，非常有趣。環境：先談Burgerman的環境，走深色型格路線的小店採用開放式格局，氣氛放鬆，可惜疫情下未能在店內堂食。服務：雖然只有一名女職員打理店舖，但她有禮勤奮，出餐效率高，食物賣相及包裝均整齊美觀。🍔 丹麥藍芝士漢堡 (單品$75，可加$20轉套餐 — 配薯條/ 薯角及飲品)💗絕對誠意推介！✨糅合煙韌、香軟和爽脆口感於一身！✨亮點就是最上層、呈半融狀態的丹麥芝士，隱約能看見感覺高貴的藍紋。或許有些人接受不了那因加入青黴菌而「發霉」的賣相，更非常抗拒那種強烈的味道。可是筆者十分喜歡它強烈而持久的風味，帶有微酸和獨特的鹹香，半融狀態顯得口感更綿密煙韌，齒頰留香。✨夾上店家自製的鬆軟多汁，沒有濃羶味的厚牛肉漢堡、爽脆洋蔥粒、新鮮番茄片、紫洋蔥片，份量十足，味道和諧卻帶著野性，令筆者難忘。🍟 薯條及🥤汽水✨在快餐店點餐，香脆的薯條和汽水是缺一不可的經典配搭。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣

食漢堡最緊要就是塊牛肉，呢間賣點是採用100%全天然美國安格斯及澳洲和牛肉，又是全人手工製。用料靚又有heart。另外食漢堡嘅重點就是1）肉一定要夠熱和多汁2）配料味道要濃郁又不能搶走牛肉味3）包面要外脆內軟4）唔會食一啖就散收收我幾欣賞佢地用料靚之餘又大方，牛肉厚度不錯，咬落去有汁的👍👍👍牛身也不鞋口至尊漢堡 簡直好似食左一份半嘅ADF咁，都只係$70⋯⋯實在太抵啦即叫即做👍老闆仲好好咁提我可以拎免費手套，不過大家記得唔好浪費，環保又可減低小店成本👍👍

可能係深水埗最好食嘅burger！食過一次真係返唔到轉頭，仲要係良心小店💛🤪今日特登帶埋朋友黎買外賣！·🍔至尊漢堡 (HKD 90)一見到個漢堡嘅時候真係「嘩」左出聲！超高超足料，係雙層美國安格斯牛肉呀，果然係人氣之選😍😮肉汁超Juicy，漢堡嘅外皮都超香脆👍🏼其實平時我唔太鐘意食洋蔥，但呢到嘅洋蔥同煙肉真係炒得好香，最後全部食哂🙊漢堡仲有蕃茄同生菜，所以食落一啲都唔滯，仲加$20轉左套餐，要埋薯條同可樂～真係超推介呀！！·🍔經典芝士漢堡 (HKD 67)雖然朋友食呢個輕量少少，但睇圖都見到車打芝士厚到呢🤤🤤牛肉汁再配洋蔥汁好清爽～咬落去真係會爆肉汁架👏🏻漢堡包仲係即叫即整，所以漢堡包都係用最新鮮嘅狀態送上！岩哂食肉獸😋店鋪仲超sweet會提供手套比大家方便進食，真係幾體貼架！- 📍 Burgerman地址：深水埗欽州街65-71號地下

途經深水埗回家見到一家漢堡包小店🍔，想想自己很久也沒吃漢堡包，就想試試看。😆看看餐牌，看到有很多特色漢堡而我就叫了和牛漢堡（$88🍔）+Combo set 薯格🍟+忌廉(+$20)，合共$108，之後就拿着外賣回家去！😆🐮🍔和牛漢堡和牛漢堡咬下去很驚喜，包上有黑白芝麻，包有少少脆脆的感覺。和牛多汁juicy，配上醬汁絕對是一絕，加上豆苗有點fresh的感覺，中和了膩滯感。☺️🍟薯格薯格很香脆，熱辣辣的，加上有特別的調味粉，再配上茄汁，實在很惹味！😋店內還有非漢堡包類的產品，包括意粉、沙律，雞翼等等，下次要再試試其他！😁

手工漢堡小店burgerman嘅漢堡包，係我去深水埗一定食嘅嘢。佢就係正黃金商場對面馬路。手工漢堡唔平，70蚊一個，加$20可以有薯格/條同汽水。丹麥藍芝士漢堡 $75Danish Blue Cheese Burger 係美國安格斯牛肉，配丹麥藍芝士同紅洋蔥。一直食開佢，但今次發現佢個包大隻左，睇喺嚟肉好似細咗咁。候斯頓漢堡Houston BBQ Burger 美國安格斯牛肉配秘製BBQ醬加芝士煙肉炸洋蔥絲，依個因為D餡料厚，更覺得個包大。但佢嘅味道冇變都係咁好味。

今日要去深水埗同朋友傾野, 傾完之後朋友帶我黎Burgerman , 佢話係深水埗區最好食既漢堡, 一定要試下。因疫情關係, 佢地只有外賣, 不設堂食, 店舖雖小, 卻五臟俱全。 佢地既衛生防護意識好高, 枱面除左有消毒搓手液外, 仲有即棄手套以供客人係食漢堡時唔會整污糟雙手, 真係好細心, 抵讚 !佢地除左漢堡外, 仲有意粉同多款小食, 一場黎到當然要試下佢地最出名既漢堡包啦。至尊漢堡 $90- 用料十足既一個漢堡!! 份量超大之餘, 味道極之出色。漢堡包皮有煎香過, 內裡夾住2大塊厚牛肉, 一咬入口就肉汁滿瀉, 非常juicy , 而且牛肉既生熟度剛剛好, 肉質軟淋之餘, 仲牛味濃郁, 係牛魔王既必叫之選。個包仲夾住煎得香脆既煙肉同煎蛋, 加上新鮮既蕃茄/生菜/洋葱等多種配料, 配埋半溶既芝士, 口感層次非常豐富, 讓人回味無窮。漁夫之堡 $69 - 魚柳好大片, 魚肉肉質嫩滑, 外皮炸得金黃香脆, 炸漿一D都唔厚, 再加上新鮮沙律菜同自家特製既他他醬汁, 口感清新爽脆之餘, 但又唔會覺得油膩。 加$20 可以轉為套餐, 可以選有皮薯條 / 薯格 或 田園沙律, 再配埋罐裝汽水一罐

間舖的鋪面較細，得少量堂食座位，所以見啲人多數都係外賣。.平時食burger都係食牛肉漢堡多，今次叫左佢嘅廚師推介日式豚肉漢堡，感覺上特別d，另外加多左個小食自家製炸手指魚條。呢間店嘅食物都係新鮮即整，但攞到返屋企個包同炸魚都無淋到，抵讚。.日式豚肉漢堡豚肉都幾大塊，而且幾Juicy，再配上熱熔芝士，洋蔥同芽菜，味道不錯。包身都鬆軟，上面重有黑白芝麻，令嗰包香口左。.自家製炸手指魚條炸魚柳外皮炸得香脆，魚肉新鮮，口感嫩滑，配埋個他他醬，幾好味。

小弟之前去左這間位於深水埗的良心小店，因為疫情關係，當時餐廳只係會提供外賣，而家政府嘅政策轉左唔知會唔會有改變🤷🏼‍♂️其實我都唔係第一次去食，餐廳嘅藍芝士漢堡包味道相當唔錯，一直令我念念不忘，始終有用藍芝士作食材嘅餐廳唔多😗漢堡包嘅藍芝士其實都相當足料，如果閣下唔係好頂得順好濃芝士味道的話，個人唔建議試，但鍾情於芝士的朋友一定要試下，芝士夾埋juicy的牛肉漢堡，真係會食到停唔到😋至於薯條餐廳係用厚身的整法，入面有足夠的薯仔肉，咁即炸，味精係正常的好味😏

平時收工經過見到已經好想試吓，今次終於忍唔住同朋友一齊停低試一試呢間深水埗幾出名嘅burger良心小店💛，食完之後發覺真心高質😋 至尊漢堡 $90佢呢個漢堡嗰兩塊粥好多肉汁，咬咬下bit哂出黎勁 juicy 😍 再加埋煙肉同埋芝士完全係一個經典組合，淡淡肉物有所值😛+20 combo set薯條🍟 可樂🥤我薯條一食落去就知道佢係即炸，脆得黎又唔會好油膩，咁同女仔女朋友食都唔驚會肥😉水牛城辣雞翼5件 $38佢啲雞翼唔係單骨雞翼，唔算大隻但係淡淡都係肉，另外個辣味啱啱好就算唔係好食得辣嘅人都接受到🐓  睇到佢哋每個爆到即叫即做，睇落又新鮮超有心☺️🤫最後唔夠時間食去咗嘉頓山上面食，依個dinner配上依個靚景一流呀🌃

至尊：雙層牛肉非常之實在！男士們實會食飽，而女士們可能要分享。芝士味亦實足 加埋有雞蛋同煙肉 味道具層次！藍芝士：少見之選 不妨一試！藍芝士和車打芝士味道不同 別有一番風味。

近排到到堂食都唔係咁方便，能夠搵到呢間咁高質嘅漢堡包店真係好開心😇😇 除咗漢堡包之外仲有意粉同埋小食選擇，不過一場嚟到都係忍唔住要食漢堡包🍔佢個至尊漢堡就啱晒鍾意食肉獸，有兩塊大大嘅漢堡扒，超Juicy加$20就可以配埋一罐汽水，仲可以揀薯格或者薯條，分量超多，而且炸到非常之香脆完全停唔到口！重點要講下個包係有焗脆，即時攞到返屋企都唔會淋晒仲係保持到脆面😍😍所以食外賣都要食好啲！推薦