Butcher & Baker Cafe (已結業)

Immediately after we stepped in, I took notice of the floral decor and love the interior, love how spacious the restaurant is. We were here as a large party (25+ pax) yet the food came quickly, and we love the generous portion and the taste too. The quality of different dishes had been consistent.We had the tuna salad, it was lovely! fresh and great value for money! Also love the quinoa salad, great combination with halloumi! The calamari was really delicious too!! The squid was very fresh, and

又到4條Q慶生飯局聚會既時間, 朋友揀左呢間, 因為佢住附近, 望過都唔錯重點係客人自己可以帶酒入去唔收charge (相信暫未有酒牌)一向我地鐘意食飯時飲d酒, 你知平時起餐廳點一枝會比市價收貴起碼2-3倍而家慳左我地荷包, 就點多d野食啦門面好外國feel的一間西餐廳, 聽朋友講呢度平時係賣相賣麵包餐廳環境都幾大下, 雖然仲未算係夏天, 唔知係咪冷氣壞左定效得好細, 大家都覺得好熱同焗促,唔怪得入門口已見有幾把座地風扇都開住啦, 如果係夏天, 我相信一定會走人, 轉第二間餐廳我地買左3枝酒, 要求侍應幫我地雪, 佢地都無say no, 都好樂意同拎埋冰筒出黎每次我地4Q都會點很多款食物, 大部份都食得哂, 巧勁先來些小吃: Bucket of Mussels $150伴著的2片多士都很香脆, 青口煮到剛好, 仲係嫩口的, 唔會又鞋又韌入面的白酒汁都好香濃, 帶點海水的味道, 大家都覺得唔錯Texan Chicken Nachos $130無諗過上檯係咁大盤囉, 份量應該有平時大包裝粟米片的份量, 連味道都很相似, 不是無味道的原味面頭仲有3隻唔同味道的醬配, 好墨西哥呀!有牛油果醬

Me and my G.F. had great expectations coming to this place, and I must admit that in first look it seemed gorgeous - great decor and atmosphere. But in terms of food - we both ended up disappointed. Smashed Avocado Breakfast (108$) - was nothing more than a simple slice of bread, with some avocado on top of it (which wasn't even fresh!!) and a sliced half tomato on the side. Was expecting much more for a breakfast with the price we paid.I ordered the lunch set, which was pancakes with creamy chi

Butcher & Baker 位於我家附近十分方便，由開張至今已經唔記得咗第幾次幫襯。 雖然此店與同區的Jaspa 及 K Town是同一集團，但還是比較喜歡幫襯它。雖然每次走進餐廳內也十分嘈吵，但出奇地入到餐廳後總會令人感覺relax。 最大原因應該是此店風格比較friendly style ，內裏格局感覺舒服，擺放了很多植物，除了門口是一間小型花店，店內其中一個corner 亦是食物材料及凍肉售賣店，再走入甜品部open kitchen 既bar 枱，擺放着多種不同新鮮麵包及蛋糕可以給客人買走，除了用餐還可以在這裏shopping！小朋友到此店用餐也會非常開心，㫮因餐廳貼心地為小朋友預備了ice cream corner 可以免費比佢哋自取雪糕，亦有乒乓波枱比小朋友玩，而且不時會派氫汽球給他們。不講不知，平日早上還有免費瑜伽班。這餐廳真是內有乾坤，絕不是一間普通的餐廳！Wild Mushroom Risotto用料十足，每一啖飯也可以吃到兩種以上不同種類的蘑菇， 飯軟硬度亦適中。不過蘑菇味道雖然濃郁，但是似乎落white wine 時重手了，白酒蒸發後酸味比一般濃，而且完全吃不到

假日chill 一chill Banana cake 好味，陣香蕉味唔假，紅莓muffin 同迷你牛角包普通，有啲新鮮雜莓酸酸甜甜，清新啲。下次可以淨係買啲包走，唔堂食。 份量都幾多，最好同人 share， 一個人食太飽啦，尤其係個 muffun 好大個。 牛角包唔夠香，又唔夠脆，可以再做好啲。咖啡附上homemade 曲奇一塊。 味道ok，配呢度環境飲，不錯。 餐廳環境好舒服，好大，好似身處外國咁，有好多花同植物，感覺relax! 小朋友仲有地方玩，仲可以自己整新地食！ 牛扒好味，話明叫 butcher，牛扒點可以差。切落去仲好 juicy, 有好多汁，剛剛好 5 成熟。  早餐牛扒都已經唔錯，相信晚餐嘅牛應該仲正，下次要試。炒蛋要扣分，炒過龍，唔滑。早餐食物質素普通，不過呢啲環境正係唔錯，朋友話呢度晚餐好食啲，下次再試過。

自從堅尼地城既地鐵通左車之後西區真係多左好多好野食可能呢到比較多外國客人所以CAFÉ都開到成行成市今次試既係Butcher & Baker同集團既K-TOWN同High street grill之前都食過感覺都唔錯，食物同價錢都好合理(k-town既食評之後會打)入到去之後真係wow左一聲因為間舖勁大(原來有成8000呎)咁大既原因係因為佢唔係正係賣食物而係融合左花店、肉店同麵包店可能因為有花店既源故呢到四圍都放左好多花同盆栽(仲要全部都係鮮花)除左一般正常既座位仲有呢d ‘梳化’位比大家揀當日係星期6，所以2點去到都仲有早餐menu如果早餐唔岩你食佢都仲有意粉，pizza，burger，扒比你揀Big Breakfast $145Brunch又點可以唔叫big breakfast呢個係我近期食過覺得最抵同最滿意既bb首先佢有哂所有會出現係bb既野食呢一點真係好開心基本既蛋，bacon，toast，beans之外佢仲有磨菇，薯餅，牛扒而且所有食物都整得唔錯，夠熱夠新鮮可能好多人都覺得好簡單ja所有野拎哂去煎ja ma但其實要所有野都好食真係好難真係一個big breakfast滿足哂你

平日放假嚟呢度嘆番個午餐就最好啦！set lunch 可揀湯或沙律，跟住係主菜，另加$20可有咖啡。另一特點係有kids menu,但係就大人都可以叫，最啱d唔想食咁多嘅朋友，不過佢kids menu嘅分量都唔少架，睇吓個pizza size就明架啦！ 所以我就叫兩個set lunch加一個kids menu share就啱啱好啦！一定會再次嚟呢度嘆個漫長午餐！  

星期日，屋企人過嚟堅尼地城同我食brunch，我地決定入去呢間門口又花又單車嘅半新餐廳。坐低，地方非常闊落，唯一係d 音樂比較大聲，加上d 人被逼大聲講嘢，所以比較嘈。先叫杯Latte $40，非常有水準，咖啡同奶香味兩者兼具，而且好平衡，絕對唔係hea你，同附近嘅coffee shops 有得鬥。我自己喺門口已經決定叫 breakfast burrito $110，呢個喺Oolaa 食過覺得好正，想試下呢間點。薄薄嘅餅皮，包住炒蛋、煙肉、salsa、牛油果、同埋豆。炒蛋生熟啱啱好，加埋牛油果嘅creamy，又有煙肉嘅脆，salsa 嘅refreshing，最驚喜係平時我覺得係負累嘅豆，竟然係粒粒分明有咬口，好新鮮。呢個集多種唔同口感嘅材料一身，非常有層次，而每種都高水準，絕對驚喜之作。屋企樓下有佢，唔使再去Oolaa lu.跟住開始偷食，先係家姐嘅Avocado Smash $95. 基本上就係牛油果醬撻落多士度，另加兩塊煙肉。但係佢每樣材料都fresg - 多士同煙肉都係脆嘅，而牛油果醬加入咗檸檬酸味，啱啱中和煙肉嘅油同鹹，真係正。跟住媽咪嘅Big Breakfast $145。一

食物賣相並不是呢間餐廳最著重或最拿手既,美味以及比到顧客一個舒適寛敞既地方進食先係呢間餐廳追求既事(個人觀點)💓.最吸引我既地方係佢地既裝修擺設好特別.門口有個賣花既Corner,入到店內亦擺滿植物,感覺好綠意令人身心得到解放😁!行多兩步見到有個各式麵包蛋糕coner供客人選擇,又再行前兩步,一望令到我童真返晒嚟😍,一個專為小朋友而設既corner,軟雪糕🍦加汽球🎈任拎😳😍,香港地真係好少呢種地方😅!所以佢已成為我喺hea點💋!🎉🎉🎉

老細請食開年飯，揀咗呢間喺堅尼地城嘅西餐 － Butcher & Baker Cafe。呢度好靚，原來係 Castelo Concepts集團嘅，即係 Jasper's 同 Oolaa 嘅同門，質素應該有返咁上下。餐廳門口有個好靚嘅花店，好似agnes b fleuriste, 令人不禁駐足觀賞一番。入到去舖面裝修一樣咁靚，適逢新春，西餐廳都應吓節放啲桃花結下人緣姻緣；店舖裏面嘅綠化環境，令食客有置身海外旅遊嘅感覺，頓感輕鬆自在。呢度嘅 set lunch menu 係定價 HK$128+10%，咁好自然就會揀啲 "矜貴啲" 嘅嘢食啦！ Starter - Fish Cakes with Sweet Chili & Lemongrass Sauce呢個頭盤係 fusion 菜，煎魚餅裡面混入咗綿綿嘅薯蓉同香茜，配上帶有少少辣椒粒嘅泰式酸甜醬，作為小食都幾開胃。同事就點咗呢個 Baby Octopus Salad with mixed green，顧名思義就係八爪魚仔雜菜沙律，不過好欣賞佢哋用咗上十款唔同種類嘅蔬菜做呢個沙律，配合略略烤過嘅八爪魚仔，鮮味一絕。至於 Main Course

門口擺放單車及花，有種花店感覺。入到餐廳，很大。還有bakery area,麵包，曲奇，甜品，甚至雪糕機! 入正題，講食物…食物都唔錯，最欣賞fish & chips, 魚外脆肉嫩! 甜品大大件，喜甜之人必order.藍莓cake, 新鮮藍莓夠fresh.咖啡不過不失，附送曲奇。

係facebook見朋友post餐廳門口的照片,見門口好靚,所以冒名而來.一入餐廳,感覺好寬淌舒服,有sofa桌和普通餐桌.雖然餐廳仕應夠多,但想點菜,無人理會.因朋友未到,唸住飲住野等,但原來還未有酒牌.仕應話可自攜酒精飲品,不收開瓶費.見好多枱客都去附近買啤酒,我通知左朋友,佢就帶左支紅酒.餐廳唔錯,有紅酒杯提供.我地點左Seafood Risotto,我同朋友只食到魷魚,另一位朋友食到隻蝦仔,其餘乜海鮮都食唔到.魷魚無味,而且好難咬開,Risotto不似平時食嗰d,感覺似稀飯,有d酸酸地味道.又點左Master Butcher Pizza, Pizza比較濕,不能全件拿起來食.d ham偏鹹偏乾,有點食柴皮feel.最後,還有肉眼扒,我地點7成熟,點知有成9成熟,非常難切開.塊扒完全唔juicy,乾憎憎,又老又韌,真係不值試.

我 25/12/2015晚上到訪此餐廳。Order了一杯飲品，兩份牛扒，分別是rump Steak 和 rib eye 全部要求medium rare。直至該日為止此餐廳不提供酒精飲品menu。先講餐廳環境。原本為倉庫的舖位經大改造，使這地方脫胎換骨，高樓底使空間感大增。有長枱和梳化枱，適合不同形式的飯聚。但食物強差人意，rib eye 外皮不脆內裏肉汁全失，似是烤煮溫度不足，無法鎖住肉汁。rump steak 奇韌無比(不是chewy)兼且超多筋，亦無肉汁，我們無法吃完。餐具亦不恰當，rump steak用上似日式有坑紋長碟，有不倫不類之餘，在切割肉類時亦難免有難聽噪音。扒刀亦不鋒利，用九牛二虎之力亦切不開那rump steak。七佰多元使費泡湯了。

I went to the restaurant on saturday the 5th of december for lunch. the food was okey but took so long to come out... also the service staff was not pleasent and was very rude and lazy. it might have beeen busy but iam in f&b and i believe every customer should at least get a kind greeting... last thing i thought the soda was very watery and not worth the 40 dollars i paid for it. in conclusion if they fixed these things i think the restaurant could be better..