BYO 自助烘焙 (已結業)

真係唔係好得，之前去過旺角Home.,焙小日子無論清潔度，清度，員工，同個包裝盒都無得比。唯一好就係空間大。去度見到佢5:30前係包場，但我地5:40入到去垃圾桶係爆既，枱係污糟既，明係忙既，但都可以做好好少掛，全場得2個員工有D步驟錯，唯有自己發現自己再重做，但Home.焙小日子每個位都有人企係度，係未開始已經講一次點做，減低左錯既機會，而且焗好仲會幫你放係你嗰位，真係貼心好多

之前去過銅鑼灣同旺角分店，職員態度都唔錯，好願意幫手同有野唔明都會解答。但8月13日下午去九龍灣體驗到的服務非常一般。在場的有3位職員，其中一位身形較豐滿的職員態度好差。問野唔答，掛住玩手機。黑口黑面，唔講仲以為得罪左佢。之後有野做錯想搵幫手，佢直接搶左我整緊嘅嘢，完全無解釋自己要做咩去幫我解決，問佢點解要咁做，完全唔答，全程無交流。環境方面，啲材料碗洗完都好油，好多都仲有污跡，去過幾間第一次見。下次唔會再去九龍灣分店。。。

現時香港開了不少材料齊備的自助烘焙店，雖然屋企都可以自己焗，但唔洗買齊料，又唔洗整污糟自己廚房，當然就出去整啦！BYO係香港頭一批的自助烘焙店，早幾次我都係旺角店整，今次為了可以免費泊車，而且可以周圍行下街，Megabiox係個好地方。烘焙店的食譜由初學到高級都應有盡有，大家可以根據自己的經驗所選想學的甜品。今次我就整白桃果凍慕絲，前後整了2小時左右。呢到的好處係不用洗碗，真正整完蛋糕就可以拍拍PetPet走人。呢個蛋糕面用了白桃啫喱，下面就係cream cheese慕絲。本人覺得食譜還原度高，跟住平板電腦整就可以輕鬆完成。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

去過BYO咁多次, 雖然未至於個個都好主動幫手, 但都未至於好似今次係九龍灣 - 身型較肥胖既職員態度咁差Book 左7點半整個九龍灣限定既蛋糕, 搵路關係遲左2分鐘先到, 去到全場無人, 聽到肥妹職員細細聲問另一個女職員比唔比入, 女職員酌情處理, 肥妹職員去到收銀已經黑黑地面, 之後自己用左5/6分鐘都未禁到收錢仲大聲話自己又禁錯跟住終於比到錢可以埋位, 知道我地整過就一句聲唔出走左去之後到有一part 蛋白要打至企身再加蛋黃, 跟住食譜時間打完都打唔到企身就問下, 肥妹職員行到埋黎粒聲都唔出就將蛋黃加入去 較timer, 走左去 ?.?我地都明白佢認為我地遲左會阻住佢地收工, 所以我地都盡量做快D, 非必要都唔會問佢但作為一個員工, 比得個客入黎 係咪應該盡返員工應有既態度最basic既禮貌都應該要有掛？或者你會話係咪我地主觀覺得佢黑面,但人地問野一句聲唔出整完行開叫有基本禮貌？仲唔止一次係咁1粒星係比另一位女職員 無左佢連1粒星都唔會有起碼都識主動問下整得o唔ok亦都不斷見佢係度準備要用既野, 洗下野執下野反觀肥妹職員都只係禁下電話 坐係度講下野咁衛生情況亦一般, 見到多隻蚊飛

💛BYO自助烘焙·我自己其實超鍾意整蛋糕 不過如果係屋企整嘅話 我通常都淨係整古早味蛋糕 戚風蛋糕 海綿蛋糕嗰啲 因為如果整太多花巧野要買多好多材料 而且要洗多好多野🙊😂😂所以我哋今次就試咗去呢啲自助烘焙店度整蛋糕 佢每個步驟都好清楚 跟住黎整超容易 最緊要係佢呢度唔使自己洗碗 成件事開心超多🤣🤣如果大家母親節想整蛋糕比媽咪 呢個都真係一個懶人之選😈😈·灰姑娘 (黑芝麻豆乳慕斯) $430佢呢個蛋糕其實有三層嘅 最出面嗰個係芝麻mousse 中間有一層芝士蛋糕咁 最後再有一層豆腐mousse 所以口感都幾豐富😎佢食落唔會太甜 不過我自己就覺得芝麻味可以再濃少少😌不過因為佢全個都係mousse 所以都幾易整 唔會失敗 下次我地要試吓整啲難啲嘅蛋糕先😏😏·📍九龍灣宏照道38號企業廣場五期MEGABOX2樓32-33號舖📍旺角登打士街56號家樂坊14樓1405號舖📍銅鑼灣霎東街15號OLIV 8樓📍元朗元龍街9號形點一期地下G001號舖

超級離譜 千祈唔好幫襯 食譜係錯嘅 跟足食譜做210 度焗16分鐘 跟本就over ，又無正規蛋撻模，啲蛋撻焗焦哂，啲職員唔會理你 掛住自己整蛋糕，完全無建議，又無人幫睇下焗爐情況，見到有開始焦都冇建議 仍然叫我放入焗爐5分鐘，老闆仲話係自助烘焙 客人係自己整 即係話你俾錢入嚟自生自滅啦，老闆職員都態度極之惡劣 我識整就唔嚟整啦，幾百蚊嚟整蛋撻 浪費兩小時 仲要個食譜錯都唔認 大家一定唔好幫襯姨間搵笨 浪費錢浪費時間 仲一肚氣。

今日7點15分左右,我同我的小朋友加多一個我嘅親戚一齊做烘焙但由於我另一位沒有太大興趣,所以選擇行街,我就同我的小朋友一齊製作我地嘅蛋糕，,途中唔明白嘅時候都有同事嘅幫忙,最後有一件幾難忘嘅事,係我地最後打cream嘅時候,我冇望到我小朋友有冇鎖實部機嘅時候,我小朋友就開啟佐部機,個缸就勁搖啦！仲差少少飛佐出嚟射向我小朋友,好彩當時有位金頭髮即刻幫我停佐部機,再幫我地鎖實,真係有驚無險嘅事.好感謝個日店員,都見到你們好忙,但你地都會留意到客人所做到嘅野,有事發生嘅時候都會立即幫忙.thx

最近來了這個店，非常欣賞員工服務，所有器材都是非常容易明白，簡單易明，最重要是她們在你最危急時候出手幫忙，否則我和我女朋友肯定手忙腳亂，而且地方乾淨，店員服務值得加賞，希望日後有更多款式 我和我女朋友必定再來過

我花了大約$500去學做一個平時不會做的蛋糕，我預期會有詳細的說明跟有效率和友善的員工，但是現實並沒有。雖然到最後我成功做出了蛋糕，但是都係店員幫忙，其實我真係唔想去幫手,因為始終我想一手一腳自己整個蛋糕。對此，我感到非常可惜，畢竟花了那麼多錢卻拿不到和價錢成正比的體驗。另外，店裡的員工大多數看得出來是沒什麼工作經驗的，因為當我要求店員說明攪拌機的操作時，她完全不懂怎麼做，還浪費了我的時間。環境也不怎麼幹淨，店內提供的清潔用具過少.

前排朋友生日 嚟左呢間bake your own烘焙店整蛋糕比佢食 係旺角 銅鑼灣同九龍灣都有分店! 呢次去左九龍灣分店 星期六唔多人 空間好闊落❤️我地揀左呢個pony cake 用三層分別係粉紅 黃 藍色既忌廉抹面 超級夢幻😍😍入面係海綿蛋糕加藍莓醬 食落好夾 $460蛋糕費 二人同行第二位加多$60就可以一齊入去整 仲加左$15生日牌 自己寫壽星女個名 特別有心意😚製作過程間 有啲咩疑問都可以問店舖職員 佢地都好有耐性回答問題 店舖材料擺放有序 有材料area同焗爐area 對新手嚟講都容易handle拎野唔會亂 推介大家嚟呢間整👍🏻👍🏻

今日第一次試玩呢個自助烘焙，我選擇比較難度高嘅蛋糕，當我做每一個步驟時，都發現個男同事係我附近經過，到我紋cream的時候，佢仲好熱情幫我紋，我唔識做，只是想佢教我， 不是要他出手幫我完成，我只是想自己完成作品，加上佢好似趕收工，不停幫其他客人紋哂個蛋糕，比較似趕客咁，雖然我地拎優惠券，但應該要有基本禮貌問下客人是否需要幫忙， 並不是你落手做哂所有步驟，出發之前都有睇openrice食評，只是沒有想過服務仍然咁差，下次就算再有優惠都唔會再去

之前另一間自助烘焙第一次做蛋糕，體驗好好。誤以為所以烘焙的服務也會差唔多。我錯啦！原來服務可以咁參差！😡BYO自助烘焙-Magabox，登記處無人...成間店只見客人無員工..我要大聲叫「唔該」😩先有個人出來，念口簧咁講曬D規矩就自動消失。 明明個Slide話可以隨時搵工作人員幫手，但係當我麻煩佢地幫眼睇個蛋白打得好唔好時...佢地求其遠距望一眼，秒答「得架啦」🙄我心諗：「唔好意思囉～阻住你同班師奶吹水。」跟住，我唔係好肯定個焗爐點搞，又係嗰條晦氣鬼，企響個焗爐區，又遠距佢用把口話我知「咪咁囉」「得架啦」😐....老實，當時我諗我係咪搞錯咗，其實佢係客人唔係員工呢。但係佢明明着住員工嘅紅色圍裙喎！最離譜既係，裝飾同packing嘅時候，我話個朱古力牌俾個膠片頂住咗放唔到落去點算，條員工：「咁尤得佢，卡住一半。OK？」😦 #！%&¥！🤬如果你條褲着住一半卡住你得唔得呀？！痴線架！乜嘢服務態度！如果你本身係烘焙達人，只係想搵個地方整蛋糕，有唔鍾意洗野，可以諗吓佢嘅..但係同你講聲，佢地洗野唔乾淨。真係唔推薦. 希望大家唔好中伏，怕你們失去做蛋糕既興趣。👎🏻👎🏻👎🏻

我今次係第二次在九龍灣BYO做蛋糕，兩次都係覺得店員好無禮貌，唔helpful同斤斤計較，上次以為自己唔好彩，今次遇到唔同嘅店員，都係咁無禮貌，初時仲以為自己主觀，但身邊嘅朋友都有此感覺，唔知係咪因為我哋用訂座apps訂有50%off, 所以連對待客人嘅禮貌都50%off呢!其實依家開咗咁多間自助Bakery, 競爭咁大，有咁嘅員工你點做，真心，下次都唔會再去呢間!祝福你!

Bad: 店員態度差，一行入去收錢嗰個已經西口西面。之後有材料要揾佢拎，等好耐先肯拎黎，但佢唔係忙其他嘢，而係同人吹水。1. 你唔想做咪quit囉，唔好好似我地得罪咗你咁啦 2. 其實我都唔想麻煩到你嘅，鬼叫你有啲嘢要揾你先攞到咩。到最後走嗰時，店員喺度拖地，我唔為意行過，差啲跣親，店員竟然望一望我就算，你講句小心啲都好呀。Good: 材料正常，款式較多元化，電子instruction清晰，環境OK，材料及用具擺放位置尚算可以，係有啲用具幾污糟。

係eatigo訂位，某d時段有半價，於是就第一次黎整蛋糕，同行一位就+$60，比起其他烘焙店平少少，今次簡左個中級既流心草莓凍餅，半價+$60都係$255，好抵，凍餅就6吋，先睇片，再跟文字食譜去整，過程都流暢，佢話要整2.5小時，但我地2個鐘已經整完。但係有幾樣野麻麻地，職員態度散漫，求求其其咁，問佢野又hea答，另外，工具有少少唔乾淨，文字食譜同條片又有d出入，所以有d confused。如果唔係半價，就真係太貴唔抵，都係半價先會黎整。