C+屋

營業中

休息中

咁岩黎到石硤尾站，身水身汗行到南山商場想試Cafe，但摸門釘🥲夏日炎炎，再覓食期間見到呢間雪糕店，即刻同朋友order左杯裝雪糕。特濃朱古力X綠茶（右）因為太熱嘅關係，雪糕好快溶，要快D食！朱古力同綠茶味就正常發揮，未去到超級濃郁，但夏天食雪糕就係爽！🤣-梳打雪葩X石板街（左）石板街就係朱古力加綿花糖，都屬正常發揮🤣梳打雪葩原本睇張相係白色，黎到有色差果下嚇親🤣不過食落係波子汽水味，又幾新奇得意！-呢個好評其實係俾老闆娘嘅，係熱辣辣嘅環境下辛苦工作，但都對客人親切，雪糕大大球毫不吝嗇，係有人情味、值得幫襯嘅小店！👍🏻

雪糕質感厚實順滑，有淡淡牛奶香，充滿麥精香氣。有朱古力脆脆珠，增加了口感的層次。老闆好好人好努力咁‘Ug’ 實個雪糕，一球雪糕甜筒只買$10，相當抵食。真心好食過H字頭雪糕，口味繁多，值得一試再試。上次試過榛子朱古力雪糕，朱古力味非常濃郁，同榛子醬係絕配，值得嘗試。

喺附近食完下午茶，平台路過見到有雪糕，即刻就停低睇下有咩味。款式都多，特別味都唔會好貴。不過我就揀左1濃1淡既石板街同綠茶。自己習慣出街食飯會帶住飯盒，所以叫左老闆直接入盒，環保d d。綠茶味好夠，雪糕亦好奶，快溶。石板街朱古力味濃，好味。

南山村名物之一？🤣三球都只係$22，好抵食雖然質素真係麻麻，但勝在有好多口味-提子冧酒👍出乎意料地幾好好食👍酒味出，提子乾唔算少-榴連好多色素😳無乜榴連味，偏甜-開心果唔算好甜但都無乜開心果味

以前讀書喺南山村食完飯之後，都會食雪糕，C+屋絕對係我嘅首選。因為佢價錢平，好食，份量多，老闆又好人。之前睇新聞，見到C+屋上報紙，老闆講返佢自己背景同埋開雪糕屋嘅初衷，都幾感動，都有幸自己同C+屋有緣份。所以，今日特登返嚟石硤尾去食下佢。咁耐無番黎，佢搬左係平台最尾果度，而雪糕只係加左一蚊。($5->$6) 不過，佢雪糕種類多左好多，有玄米茶、海鹽等等既味道，老闆娘仲sell我黑糖珍珠奶茶味添！不過我都係叫番曲奇同vanilla 味既雪糕，總共$12。我見老闆娘杯雪糕既時候，同以前老闆一樣，每杯完一球，再杯多少少補上果球，等學生食多啲！見到真係所有回憶都番黎了！希望依類小店長做長有啦！

天氣咁熱☀️真係會想行到邊都買一杯凍飲🥤或者食杯雪糕~~🍦那天行經南山村聽聞果度有間平民版的雪糕屋~🍦🍦🍦又抵食又多款當然要去試下啦~~😚嘩~~如果有選擇困難症就真係要諗一諗自己想食咩啦~~🤔🤔🤔因為佢有成20幾、30幾款雪糕味道有經典好味，好似朱古力、芒果、士多啤梨、菠蘿、曲奇等亦都有好多特別口味，好似益力多、柚子dd咁~咁多款七彩色的雪糕~~🌈真係睇到心大心細~~😝😝😝最後我地選左雙球cone (嵐山豆腐味 + 香蕉味)一個球大概$6咋~~好抵食~~🎉🎉🎉cone又有分普通同珍寶筒差幾蚊到~就有一個大大的雪糕筒啦~雪糕筒是好香脆的~~不會淋淋的~😚豆腐味雪糕不是超強烈的豆腐味反而是淡淡的豆腐味，淡淡的甜味~好清爽不甜膩~~非常適合夏天吃~~🤤香蕉味雪糕真係好蕉~~🍌🍌🍌🍌哈哈哈哈~~除左咁形容，真係唔識點形容好~~佢裡面有香蕉粒粒的~~😆😆😆味道頗順滑~~不像是化學混出來味道~~不過食d個雪糕有個技巧就係要快🤣🤣🤣真係唔可以慢慢嘆因為當你食緊第一個第二個又溶化了😶😶😶所以要與時間競賽咁消滅佢地啦~~😌P.S.南山村是我公公住開的地方以前常常來懷念一班老表一齊在南山村玩的日子💕這間雪糕

每次嚟南山邨都一定要食嘅雪糕, 今次揀左玄米茶口味試下🤤本來仲想食多球海鹽味雪糕, 可惜已經賣晒☹️大大球雪糕😍玄米茶味濃, 有清新嘅感覺, 仲食到啲玄米碎碎, 微微嘅炒米味, 又唔太甜, 最啱夏天食😋😋每次嚟都有驚喜, 好期待下次試新口味雪糕🤤🤤

南山雪糕(C+屋)位於南山邨入面既邨屋雪糕店 以高品質雪糕同街坊價聞名 吸引唔少學生同街坊幫襯 我就係其中一位被佢大大力吸引住既學生喇雪糕價錢方面非常親民 完全係學生都afford得起 (單球$6; 雙球$12; 細cone$7.5; 珍寶cone$9.5; 雙球跟cone$15.5) 而味道更加多達33款!!!!! 一定有一款岩你次次都會想嗌蜜瓜同嵐山豆腐味 因為蜜瓜雪糕清新得黎唔會有陣好假既甜味 而嵐山豆腐雪糕既豆腐味香濃得黎唔會太甜今次同朋友黎食 梗係每人嗌個雙球share黎食啦 我哋分別嗌咗 泰國榴槤同嵐山豆腐 同埋 薄荷碎朱古力同韓國䄂子泰國榴槤食落好似食緊原舊榴槤咁 好好味 大力推介!! ;嵐山豆腐有住濃郁既豆腐味 有清新既感覺 ;薄荷碎朱古力 就有兒時既味道 粒粒朱古力碎更添口感 ;最後 韓國䄂子 有住韓國䄂子茶既味道 完全冇令人失望小小建議係 揀雪糕不防揀 一濃味、一清新 既雙球組合 清新/味淡既雪糕可以中和味濃/較甜既雪糕 味蕾就有不一樣既衝擊啦

小店位於一個舊舊的屋邨內,這裡一定沒有光鮮的環境, 亦沒有高級的服務!!!!!!!!!!!!但中午和放學時段,都經常有不少人輪候購買雪糕! 只因佢價錢不貴, 只要十數元就可以購買到質素不差的雪糕!雪糕其實只是普普通通的維記雪糕，不過個人覺得維記雪糕比阿波羅雪糕好食!在這老舊的屋邨，拿着這小小的雪糕，除了有一份美味外, 還有不少人成長的回憶!對於我們這些土生土長的中年, 小時候要食雪糕真的不容易, 食雪糕是屬於有點奢侈, 父母買雪糕比自己食算是難得的事情,所以看著這小小的雪糕也想起不少小時候與父母生活的回憶!

C+屋既糯米糍 hkd2蚊一個😀試左紫薯同榴連味 🤦🏽‍♀️表示超伏😪啲味假到你唔信🌚真係食得出係添加劑啲味😭送我俾都唔會再食了...2蚊既質素大家都知架啦🙃開係屋村入面既C+屋。口味超多，價錢中等，但勝在高質💁🏽兩球連筒 16蚊😀 小編試左豆腐，香蕉曲奇，北海道牛奶同柚子。全部味都唔係好常見😚最中意豆腐同袖子，好fresh好正😉味道唔假的。推介

很開心，今曰兩個朋友帶左我去南山邨，一個影相好靚既地方，亦是很多人既童年回憶，但這不是我的童年，因我係幾個冷冰冰既私人屋苑長大，屋企樓下無乜小商店，有既話都係X街，“屈人錢”嗰啲。。。 朋友話嚟南山村一定要食依間雪糕店, 亦係佢童年回憶，我心諗真唔真啊？我細個真係無見過依種多款雪糕俾你選叫人“畢”嗰啲。依度有成二十款咁多，有啲仲俾佢改左名添！ 我地三個人，叫左幾隻味，榴槤，薄荷朱古力，香芋同柚子。柚子好清新，又唔會好似雪杷般淡，多返啲奶咁。薄荷雪糕有啲涼快，朱古力粒分量剛好，唔會太多令其過甜，有依個就多返啲口感，細碎的粒粒在口中造成short short聲，有野咬吓咁！ 雖然稱不上我的童年回憶，但食完雪糕，去左邨上影左靚相，又玩泡泡水，大家笑曬，很是開心，這就是我們三個的美好回憶！

喺香港想食甜品確實係花款多多！但有時想簡簡單單食杯雪糕，動輒都要五、六十蚊，唔同糧尾就唔可以食雪糕咩😭石硤尾南山邨既居民就唔會有呢個煩惱點解？因為佢哋有屬於自己嘅私家雪糕屋！C+屋雪糕種類唔算多，但口味夠貼地，好多基本嘅雪糕味，都可以話有齊晒嘅！例如朱古力、士多啤梨、咖啡、豆腐、芋頭、紅豆等等⋯價錢更加係亮點！一個雪糕球＄6，兩個球就$12，真係好抵🤤我揀咗芋頭味同紅豆味！香芋味有啲似雀巢香芋味嘅雪糕杯～紅豆味豆味濃郁，仲要有粒粒紅豆係雪糕入面，雪糕份量一啲都唔吝嗇，食兩球雪糕已經夠哂滿足感！

用幾蚊買杯雪糕彷彿已經係世紀前既事，南山邨C+屋仲係用緊6,7蚊親民價錢賣雪糕，而且雪糕仲有唔少味道，一共有28種味。小編當日就試左榴槤、豆腐同柚子，全部都入口質感幼滑。榴槤唔算太甜，濃郁榴槤香仍然環繞喺口腔中。豆腐口味清新自然，亦隱約食到香濃豆香，而柚子則係重點推介，柚子雪糕唔難發現有果肉，好似食緊柚子茶＋奶咁，口感一流！左:豆腐味雪糕 右:榴槤味雪糕

2017.04.07久聞南山三寶行左咁多轉 放學又成日去望下係邊今日終於找到傳說中的平價#雪糕 店原來係要早先有 仲要位置好明顯😱一上黎就見到香檳士多啤梨味 $8.5這裡的雪糕一般為7蚊球🍦若果好似我咁貪新鮮要特別口味就貴少少喔估唔到這間屋村雪糕店 平民的價錢又做到高質雪糕啵以為所謂的香檳就得個名姐🍾點知就真係食到淡淡的酒味而且同士多啤梨味好夾 仲有搭著果肉🍓識簡一定簡脆筒 咬落去薄脆啲2日天氣熱返 搵到啲間雪糕店簡直一流C+屋 💌石硤尾南山村南豐平台商場P20號鋪

雪糕雙球（$14）👅港女第一次黎南山邨影港女照😝😝影之前記得要試下呢間賣雪糕既小店💓之前係facebook睇到話呢間店係一位退休高層開嫁😆賣點係有超多唔同既雪糕味道😍😍😍仲要好多味道都好特別好少見添🍦我地簡左柚子味同香檳士多啤梨味😙😙雪糕筆得好大球呀😳😳柚子雪糕超多柚子肉係入面，而且啲肉唔會有苦味嫁🍊🍊🍊食落超級清新好香甜呀😌一啖就可以即刻放低哂啲煩惱咁☺️☺️☺️至於香檳士多啤梨味🍓🍾開頭貪新奇🙈點知原來都可以咁夾！一食首先係有陣香檳味湧出黎😳下一秒就係士多啤梨味🍓🍓仲要好多果肉添😋😋超滿足😝😝食完可以去影相啦🙆🏼🙆🏼🙆🏼有機會一定要再黎試埋其他味道😎😎