C2 Kitchen (已結業)

同男朋友喺附近體育館做gym，之前咁啱經過呢一間鋪頭見到出面好多人排隊，好彩做完gym都已經九點幾，呢個時候得返兩個人喺外面排隊，我哋見少咗人就決定黎試下。餐廳嘅所有嘅食物價錢都好公道，比起出面cafe平好多，我地叫咗一個溫泉蛋卡邦尼意粉同一個安格斯牛扒闊條麵。溫泉蛋卡邦尼意粉食落去有Bacon個種煙熏味，個汁好creamy，完全係超過左佢個價錢嘅水準。而個安格斯牛扒嘅肉質好鬆軟，食得出係用靚嘅牛扒整。我覺得呢間餐廳嘅食物水準係超出我預期，下次再經過一定會嚟幫襯。

今日放假，再一次經過呢間小店， 因之前都有嚟過， 之前嚟過都有一D不快, 因之前有一位女店員態度比較差劣,但食物質素唔差， 因為小店系家附近，平時經過都有望一望， 這女店員好像不見了，今次與朋友再嚟到， 唔使等位，我地嗌咗 刺身海蝦田園沙律、 煙三文魚菠蘿芝士汁薄餅、 西蘭花海膽忌廉汁扁意粉， 等咗大約五分鐘就有得食，都幾快， 刺身海蝦田園沙律，蝦都幾新鮮， 海膽忌廉汁意粉， 海膽非常鮮甜， 用59蚊價錢 可以食到有海膽嘅意粉， 價錢非常廉價,下次都會再嚟

最近發現咗屋企附近呢間新開嘅西餐小店，其實佢地隔離左右都係車房，如果你唔係住附近都可能未必會知道有間食店係度，之前睇過門口餐牌價錢又幾經濟，於是約埋個又係鍾意食西餐嘅姐妹一齊去試新嘢，餐廳感覺都幾舒服，咁我地叫咗兩個午餐兩個小食，午餐有跟沙律湯同飲品，個男待應好有禮貌同我地講今日咩湯同有特飲，等嘢食嗰時都有客人入嚟差不多坐滿，我心諗佢地係呢個位開都有d客，應該唔會太難食，無錯真係無令我地失望嘢食味道好好味好有水準，不單只味道連d分量都好足，頭頭以為小食係好細碟嗰d，原來唔係搞到叫咗咁多嘢真係食唔哂，我同好姐妹已經約好下次要去試吓晚餐先得，由其呢d有心有水準嘅小店要支持吓P.S好奇怪唔知點解係呢度有咁多負評，其實呢間嘢幾好呀，我都唔想佢執埋又少一間我鍾意嘅食店，所以支持吓除咗要去食嘢都要係度讚賞吓

前所未有的難食！幾平都無用！點左2個意粉，2個前菜加個湯，個湯就正正常常，個雞翼和香腸就同某大型pizza店無乜分別，但個牛肉意粉和三文魚意粉真係真心難食。佢可以做到有sauce但原全無味真係烹調界嘅奇蹟。

之前聽森美介紹過哩間餐廳，想試好耐，一直搵唔到朋友陪我試，今次終於約到5個人陪我試🥰🥰～鮮蟹肉粟米忌廉湯(餐湯) ～ 好多蟹肉, 味道都唔錯佢地用紙飲管👍🏻～白酒香草煮鮮青口～  味道唔錯，好快食晒～水牛城雞翼～ 唔辣，幾好食～脆炸鮮蝦雲吞配他他醬～ 炸得好香脆～（是日廚師推介）JP. Pork～我地覺得個豬最好食，好厚身，半肥瘦岩岩好😋 ～慢煮安格斯牛肋骨～ 好軟嫩好入味😋～煙三文魚菠蘿芝士千島汁薄餅～個餅底又薄又脆，煙三文魚唔錯，幾好食！～北海道帶子露筍黑松露意大利飯～好香松露味，味道係唔錯，但個意大利飯質感好似同平時食開嘅有分別，麻麻地～鮮海蝦西蘭花海膽忌廉汁扁意粉～有少少海膽係上面，唔會腥，個手工意粉口感唔錯，係幾好，不過我地麻麻地鐘意個汁見OpenRice 好多人都話服務好差，都有啲驚，但我食完又唔覺，佢地都有笑容，又成日嚟加水同收碟‧就算我地落完單先見到個是日推介，問佢可唔可以改，佢地都即刻幫我地改。我地成班人傾計傾到好晏，餐廳得返我地，佢地都冇催我地埋單走人😆總體嚟講，肉類同Pizza 係好食，價錢又平，都唔錯

森美少有開名介紹食店，當然要試下，可能新開加森美介紹過，用餐當晚差不多滿坐。開頭飲完湯，個湯都唔錯，唔係罐頭湯加粉加水，但之後嘅闊條麵同豬扒就伏了，飲完湯先係等左二十分鐘至出闊條麵，好大碟呀⋯⋯隻碟，碟麵份量係下午茶份量，三注食完，薄安格斯似牛肉乾，最重要係所謂手工麵，竟然仲差少少先熟透🤢 但同行朋友點既黑毛豬仲未到，於是我地再追單，女店員答覆係，我地叫嘅係慢煮黑毛豬，需時耐D，🤨當經過四十分鐘，我地已經忍無可忍再追，同樣答覆慢煮要耐D，我地忍唔到真係要爆，個慢煮究竟係煮法定係過程？🤬之後終於廚房答一分鐘出到，如果只睇賣相，佢賣嘅價錢係合理，不過要等超過四十分鐘，加上黑毛豬可以煮到咁「鞋」口，水準同連鎖店一樣，所以先夠膽話中伏！另外睇左幾個食評都提到女店員嘅服務，我地用餐當晚有一位疑似老闆娘嘅女店員，佢同朋友吹水多過做野

食物新鮮，有創意又美味。尤其黑松露薄餅，青口，手工意粉…吃完又想再吃。埋單更有驚喜，好味又不貴，絕對抵吃。街坊小店，值得支持。但座位不多，有時需要耐心等侯!不過等一陣也值得。

近日電台森美大哥響佢Facebook度話食過呢一間餐廳，他誠意推介俾各位聽眾幫襯！作為喜愛森美大哥的fans，當然我都要試一試啦！當日大概12鐘到，人不算多，不用等位。但大概一點鐘左右，餐廳便坐滿人了！有中午的餐牌，價錢較抵！我哋都問店員拎左個萬事餐牌看一看，價錢都不會很貴啊！午餐套餐包括餐湯餐飲和沙律！呢個白湯係椰菜花製成的，坊間好少飲到這個味道，很特別啊！餐廳出名是手工粉，全人手製作的！溫馨小提示，記得要揀通粉，不要揀天使面！因為天使面的質感是否手工製作有沒有太大分別啊！我哋食個通粉，感覺真的是結實很多，很好吃的！

今日放假，食晏唔知食乜好。聽個 friend講附近開咗間西餐廳，同老婆走咗去試下。我記得以前賣pizza. 又换咗第二間，見佢平平地，又有湯又有沙律又包嘢飲幾十蚊個餐，試下啦。我一點到，都幾多人，我叫咗個牛扒意粉，我老婆叫咗蜆意粉。沙律細份D，湯都 ok. 牛扒幾好喎，大大塊，好食。意粉大大碟。唔錯唔錯，熱辣辣，意粉彈牙。D蜆新鮮嘅，正呀。叫咗佢地俾我望下晚餐餐牌，都 ok喎，有 pizza, 下次叫阿仔嚟試下先。

之前聽大哥介紹呢間餐廳，約咗兩個fd又諗唔到食咩，近近地我咪提意去試吓，早幾日打咗去訂枱，當日去到有少full但都好快有位，睇落餐廳環境可以，但入到去d枱有d密，通道就有d窄，真係肥d都搞唔掂，咁我地就叫咗蟹肉牛油果沙律.洋蔥圈.水牛雞翼.帶子闊條麵.牛肋骨.芝士蛋糕，個待應話我地可以轉餐就轉咗一個餐，個沙律汁酸酸地幾開胃，個賣相就呃到like個玻璃碗底有煙出的，應該係放咗d乾冰，水牛雞翼我地以為係辣，但其實唔辣的，不過味道比出面食開好味，呢個我最鍾意，但我d朋友就話鍾意辣，闊條麵口感煙韌汁夠多都唔錯，但個牛肋骨肉質還可以牛味就差少少，最後食埋芝士蛋糕成餐飯就滿足哂，其他嘢食就正常，但值得一提係佢地d嘢食都係幾十蚊，做得非常親民，但希望佢地會繼續保持住啦

記得電台大哥instagram 推介。諗住路過去試下。整體來說環境尚可，食物方面中規中矩，以價錢與質素作比對，不太好亦不太差。惟一令人最失望是女店員（還是老闆娘）的態度，完全無心招呼，感覺我們幫襯好像打擾她休息般。坦白說，係長沙灣深水埗區，預左不是期望有高級餐廳的服務態度。但至少留心客人點菜，不要落錯單。同時，亦不要全程黑面，究竟想點。聽到隔離枱落單時。有禮貌向她查詢下食物種類，女侍應勁不悅的語氣，完全係趕客。雖然係街坊、一心諗住多間餐廳選擇，結果都係中伏。

今天同女友到來試試這裏的午餐，來到餐廳時，已差不多full幸得店員樂力地為我們安排位置(雖然枱極细)真的坐得不舒服。但起碼不用等，可以即刻醫肚，開動啦😋😋男侍應木口木面到來聽order笑容欠奉(有点委屈) 我們点了蝦太子天使面及煙三文魚薄餅，跟住即時問埋飲咩，好似想我哋快快食埋走😒😒女友叫我唔好嬲，會影響食慾。那就乖乖等待吧😘😘沙律同湯一齊上賣相算精緻，忌廉湯算不錯，但2個主菜就略咸，當中三文魚薄餅仲好油好燶，就在此時女店員向我們詢問食物味道o唔ok時，我便將意見告知及想換個三文魚pizza，女店員立即通知廚房焗一個新的，点知聽見廚房傳出聲音(或者由於餐廳細的關係， 非常清晰。)同佢講啊，換咩啊唔燶唔香㗎。😡😡嗰一刻真係想拍枱，總之…冇下次…一定冇下次。

有朋友聽電台主持人介紹這店的手做意粉之後轉發給我 ，早兩星期和另一同事前往，由於無訂位被拒門外。今天一行三人訂位成功，於是試了此店之午餐。午餐價錢由$48至$72不等，包餐湯沙律及餐飲，另加一。我們點了三個午餐，慢煮牛扒天使麵 ($72)，意大利香草腸蕃茄長通粉 ($48)，鮮蝦明太子忌廉天使麵 ($52)。先試沙律及餐湯，沙律菜新鮮，有些橘子粒，醬汁帶酸味，開胃。餐湯應為青豆湯，味道適中，帶點點顆粒的口感亦不錯。意粉方面，我點的鮮蝦明太子忌廉天使麵口感很好，彈牙。鮮蝦口感亦新鮮爽口，不過醬汁較稀及味道偏淡。我試了一點同事點的慢煮牛扒，很入味，口感亦好，只是牛扒份量有點少。餐飲我們都點了是日特飲"杞子菊花蜜"，味道適中，不會太淡。總括來說，午餐份量對女孩子來說是足夠的，意粉口感不錯，只是味道太淡，未必會有下次了。

森美大哥介紹入到去環境環舒適有新潮嘅歌曲令人心曠神怡，食物方面美味口感適中芝士薯條好好味，個意粉又好味，仲有飯後甜品呀整體感覺十分好仲有個青口真係好好食呀，聽講仲係啱啱先到嘅咋真係好有海水味，簡單嘅煮法有清新嘅味道

屋企附近又開左間新嘅西餐..當然要去試試佢啦😬我地叫左個餐前小食 “白酒煮Blue Mussels”😍估唔到佢個汁有驚喜.. 而且隻隻青口仔都好脹卜卜真心覺得$38有哩個質素好good之後主菜就叫左黑毛豬🐷🐷 $98同 海膽+海蝦🍤西蘭花🥦扁意粉 $59黑毛豬煎得好香.. 切開仲帶少少粉紅色架.. 而且肉質比我想像中要淋身.. 好似棉花咁似係慢煮完再煎香.. 因為之前食過好幾間都煎到入面干晒好鞋口.. 不過個人就覺得薯條偏咸左少少.. 但尚可接受至於個意粉.. d蝦就冇咩特別.. 但海膽就好正啦..初初仲諗緊58蚊個意粉.. 應該只會係d普通cream底加少少海膽放面就算數.. 但原來佢個汁都blend左海膽落去煮架.. 所以啖啖都好香海膽味唔錯唔錯我應該會再encore.. 下次再試埋佢其他野先.. 真心希望佢keep到啦.. 難得屋企附近有間CP值高嘅餐廳Keep it up~