C3

營業中

休息中

本身係元朗街坊兼工作地響元朗，所以成日去食，近年餐廳服務極差，食物質素都跌咗。上次嚟已落差單，改咗之後又冇扣番錢，見都係差6蚊就算。但今次真係離譜，以後唔會同同事朋友再幫襯！話說中午去食lunch：1  - 朋友一坐底冇一分鐘，個哥哥已衝過嚟叫我地落單。2-  叫佢比杯熱水，結果比咗杯得兩啖、得1\4嘅熱水。3- 朋友杯咖啡未飲完即刻收走。4- 叫咗個卡邦尼意粉，蘑菇得兩粒煙肉五小片。依家咁嘅情況做生意難我地明，但服務態度真係咁係咁囉，衰過茶記快餐店！

喺一個橫風橫雨嘅夜晚，天文台掛左黑色暴雨警告，我地仍然堅持要去食晚飯，喺好多餐廳都早收嘅情況下，我地進入左附近唯一仲開緊嘅C3。兩碟野個樣真係有啲似，整體都係好濕潤嘅感覺😂跟餐有餐湯、蒜蓉包同野飲～個冬蔭公risotto係因為好似crossover左兩個國籍幾得意咁所以先叫，從佢嘅外表完全睇唔出係冬蔭公，但食落真係有冬蔭公味，不過唔濃的，不過不失啦，唔會話好有驚喜。一直都覺得如果想平平地食個full西餐，C3係一個option，不過如果想食好啲，可能就未必岩😏

今日男朋友去買外賣，我揀左個鮮茄蓉蝦仁帶子意粉飲熱華田，佢叫左個四川麻辣煙鴨胸意粉飲荔枝梳打。佢好清楚記得佢係叫菜名而唔係叫號碼嘅，最後打出黎張單，鮮茄意粉變左墨魚汁青口蟹子意粉，荔枝梳打變左熱咖啡。咁男朋友又衰嘅，冇對單，最後比錯都唔怪得邊個，但係佢落單咁都聽錯都有問題，仲要唔止落錯一樣野。拎到返黎，咁冇計啦照食，食食下望下張單，青口？一粒都見唔到喎，得魷魚圈同菇，再望一望佢放落黎張外賣menu，係得墨汁魷魚圈蟹子意粉，而不是青口，但係張單又寫青口。個蒜蓉包薄到似係平時一舊片開兩舊。總括黎講就係亂，叫嗰樣唔係落嗰樣，寫嗰樣又唔係食緊嗰樣，搞唔掂。

見到C3平時都好似幾多人食，於是晚餐去試下。佢有好多意粉嘅選擇🍝，餐湯有磨菇湯同南瓜湯俾我地揀，可惜磨菇湯當日賣哂。南瓜湯唔係好creamy嗰種質地，個人覺得再濃少少會更加好味，跟湯仲有兩塊香脆嘅蒜蓉包。我地叫左一個四川麻辣煙鴨胸意粉同一個波菜汁煙三文魚意粉。四川麻辣煙鴨胸意粉本身已經覺得好新穎，估唔到同意粉意外地夾，真係好好食，岩哂鍾意食濃味啲嘅朋友。波菜汁煙三文魚意粉都好食，我鍾意佢嘅意粉幼身得黎煮得岩岩好，唔會好似有時d cafe咁煮到太淋一夾就斷開哂。 餐飲叫左凍檸茶，估唔到咁大杯，好抵飲😂

元朗都幾多黃店架，今次就揀左呢間C3，普通西餐廳咁，但價錢唔貴，所以都幾多人食架🤪 佢地全日價錢都差唔多，仲免加一添！ 我地就叫左2款最平的意粉加沙律😬-每款都會配蘑菇湯同蒜蓉包，但蒜蓉包唔夠脆，蘑菇湯就好足料，唔係落好多忌廉但隻。意粉我地揀左卡邦尼同黑椒牛柳絲炒意粉。前者就唔係正宗的卡邦尼🧐 佢地係用cream做汁的忌廉意粉，所以食落好香好滑，但都偏膩，食幾啖就滯😂 好彩佢有啲洋蔥蘑菇增加咬口🤭 餸就係煙肉同火腿，咁的價錢都過得去既😌 -另一個意粉就惹味好多，好多黑椒，唔會有膩的感覺😋同埋佢落蒜蓉同好夠油炒，所以好香口🥳 佢地2款意粉都軟硬適中😝 但略嫌呢個牛柳絲太小，好似係咁食麵咁🤨 整體其實係偏家庭式的意粉，賣點係平🤓-個沙律都係大家估到的味，不過啲菜新鮮爽脆，用上麻醬撈勻，點會唔好食😂 火腿大蝦都有煎過下，最好食係大蝦有成5隻，好彈牙煎到啱啱金黃👍🏻 整體未算驚喜，但都有水準既，比較屋企感覺😉 如果大家係近個邊就不妨試下呢間啦🤗

係元朗食到40幾蚊嘅西餐 ，依個價錢係幾抵食。我嗌左A4 ,可惜磨菇湯賣曬 ，得返南瓜湯。但可惜嘅係個南瓜湯好稀，好似飲緊水咁 而個黑椒牛柳絲係切得較幼，黑椒唔夠多，冇咩味。40幾蚊算係咁啦 下次再嚟返依到試個磨菇湯

一入到餐廳見到菜單最下面有一句只有一個人煮，所以可能需時比較耐。雖然我嗰日去係近乎滿座，但實際上都唔係好耐姐，大約10分鐘就有得食。前菜有一個蘑菇湯或者南瓜湯揀，配一份多士。我同朋友都揀咗南瓜湯，有少少稀，但係味道唔錯蟹子意大利飯🦀個飯一上枱見到啲蟹籽已經覺得好滿足，因為真係好多蟹籽！意大利飯唔會太濕，啲飯亦都適中，仲係保持有咬口。 鵝肝野菌意大利飯🦆佢嘅鵝肝好好食，煎得好香，而且亦都冇怪味，因為最怕有陣時食鵝肝會有一啲怪味。整體意大利飯質素都好好，份量啱啱好，唔會太細，整體都好好味！而且之前多啲呢啲小店，將來就會有更加多選擇。

想講呢間餐廳真係超級無敵抵食😉佢40幾蚊就有一個餐包湯包煮食包嘢飲但係質素同價錢都成比例平民西餐類別覺得質素都唔錯幾好食可以滿足下食西餐嘅胃口大大杯嘢飲真係好抵

意粉夠滑餸夠多好抵食🍝凍飲大大杯🔸菠菜汁蟹肉意粉😋🔹鮮茄蓉蝦仁帶子意粉😋🔸熱檸水同凍檸茶🔹第一次南瓜湯；第二次蘑菇湯雖然店裏貼住「一人製作，請耐心等候」，但唔使等好耐，大概10分鐘就上咗意粉。鮮茄蓉蝦仁帶子意粉有好多蝦同帶子粒，幾抵食！而鮮茄蓉食出係用茄膏整嘅，用茄膏整嚟講都算整得幾好，夠味得嚟唔假。菠菜汁蟹肉意粉，菠菜味點到即止，清清地；仲有用嘅意粉係比一般幼身少少而且滑，好食。份量好足，好飽！另外，喺度叫凍飲好抵飲！加兩蚊就有同iphone 6/7/8 plus差唔多高但更闊咁大杯！美中不足嘅係餐湯，南瓜湯唔記得影相，味道偏甜；蘑菇湯則賣相唔錯，但飲落唔夠蘑菇味，太淡，菇粒唔夠碎；蒜蓉包正正常常。

服務態度差到不得了！間舖已經冇乜人，但揀張想坐既枱都唔得，又話要執又盛，叫我坐1號枱，但啲枱冇枱號show 出黎，我唔係係度做架，點知咩係1號枱。明明做西餐，但野飲又唔可以後上架喎，上熱飲又唔俾糖，叫左咖啡但俾白糖，叫佢俾咖啡糖又黑面又HeHeHiHi。係咪咁唔想做呀其實？講真好似入去貼錢買難受咁既feel, 係廚房做完野隻手濕滴滴就上菜,滴到個客架 😭😭野食都係好一般。個湯咸得黎又冇味。 總結只係得一個，冇下次！

食物是外面Cafe的質素，但價錢是茶餐廳價錢！晚餐$6x - $8x 套餐價，包餐湯、蒜蓉包、主菜、飲品。超級實惠！回頭率高！唯獨餐廳空間不大，座位有限而且坐得比較親密。小店經營，即叫即煮，所以要預留少少時間。

午餐去了附近的C3 食即炒港式意粉！叫了一個茄汁蝦仁帶子炒意粉，意粉軟剛剛好又加叫了煎廣島蠔和帆立貝味道正常，鑊氣十足，熱辣辣好香。叫了杯凍奶茶，勁大杯。飲左一半，都飲不曬！

超值套餐，$70已有意粉，餐湯，蒜香包及飲品「南瓜湯」、「磨菇湯」兩者湯香濃及幼滑「日式汁鰻魚意粉」鰻魚比較腥味重「波菜汁蟹肉意粉」波菜汁濃，蟹肉都多，但不知是否加了芝士，味道有點怪「鮮茄蓉蝦仁帶子意粉」大大隻蝦和帶子，蝦仁爽，意粉軟堅度適中，鮮茄汁濃，甜酸味岩岩好

呢間舖齊人先可以入座全日免加一我叫左個62蚊意粉加2蚊凍飲包餐包加湯晚市黎講我覺得都抵既磨菇湯唔岩我口味蒜蓉包係熱既 脆口好食大大杯凍檸茶唔驚飲兩啖就冇同埋都幾濃蕃茄蝦仁帶子意粉意粉硬度適中個味都幾好但可惜蝦仁同帶子一食就知係急凍貨都幾腥 雖然佢蝦仁都幾多但我寧願得兩隻但係好食啲

泊車路邊經過見到間幾特別的名字叫C3的餐廳 因為個C字 ，所以去嘗試吓 ，叫左個卡邦尼意粉 .再加上我最鍾意飲的凍檸茶 ，真令人意想不到的大杯 ，還偷食了朋友叫的黑椒牛柳意粉，黑椒有黑椒味牛柳有牛柳味 .物超所值 ，平均每人價錢$50不到 ，意粉味道還可以接受 ，細細的一間餐廳🍴，座位不太舒服 ，不能舒適地享受餐食 .食物令我再想去食 ，因為杯飲品真的好大杯.如果餐廳開放時間，可以再早少少就好啦，因為佢係開中午12:00