C3

營業中

休息中

已經第二次黎食，因為呢到真係又平又好食，40幾蚊一個意粉，大大杯野飲，仲唔洗加一，真係唔知邊到仲有咁既價錢。餐湯係磨菇湯or南瓜湯，磨菇湯係好飲啲既。C3，墨汁好好味，一啲都唔腥，雖然食完個嘴會黑晒，但真係想一啖接一啖咁食，好正。A5，雖然普通少少，但份量材料都算足，味道亦不錯，想平平地既可以試下。A2，我既至愛卡邦尼，好食，材料夠份量足，個汁唔太浠，因為我唔鐘意有啲整到湯意粉咁，尼個適中唔錯。煙三文魚蔬菜沙律，都幾好食，你見佢個量都放得好滿，麻醬都夠，唔會太多變到好咸咁，又唔會太少有啲冇味咁。呢杯係加2蚊既凍飲，真係幾大杯嫁。叫個42蚊意粉加2蚊，就有湯意粉大大杯凍飲，埋單只係44蚊。好多舖頭都賣5 60蚊，仲要加一，埋單都6 70蚊。呢間真係算平，而且味道唔差。

真心唔明點解可以有咁多人幫襯😑1. 人手嚴重唔夠 入座之後冇人執枱，要你舉手落單先發現未執枱 但之後係冇左件事！ 直至上餐包 沙津先記得，仲要係我地自己拎起2個碗俾佢擘乾淨🙄2. 同客人零溝通 餐湯冇晒又唔同客講，要追問先知原來已經冇晒 🤷🏼‍♂️其實落單個陣可以知會個客，唔使等客人追單先講3. 貨不對版 去食之前睇過其他食評，有人話鵝肝意大利飯係用白飯煮 我地唔信邪都嗌黎試下啦，上枱個陣 塊鵝肝係似腩肉多啲，咬落去 個心係凍架！至於個飯，係 真 白 飯 煮 嘅！成個飯都好失望🤦🏼‍♂️🤦🏼‍♂️4. 岀餐速度慢 叫左卡邦尼意粉，等左半個鐘都未有，同湯一齊追先知原來係漏單！ 開頭都以為係要等埋幾張單一齊煮先咁耐，但見住遲黎嘅人都已經食緊同知漏單就真係好嬲，即刻叫佢轉外賣拎番屋企食兼埋單🔥總括黎講，呢間餐廳有咁多人幫襯真係一個奇蹟，但對我黎話，係不 可 一 不 可 再！ 🤦🏼‍♂️🤦🏼‍♂️🤦🏼‍♂️

丨今天天氣非常熱☀️週末假日晚上梗係出街搵食啦！元朗區餐廳小店多不勝數⋯⋯選擇了意粉為主餐廳C3小店門口擺放了餐牌 「全日免收加一」A1-A5 （$42）有5款不同種類意粉S1-S7 ($62) 有7款不同種類意粉C1-C5 ($88,$98) 有5 款不同種類意大利飯記得呀逢星期二休息餐湯蘑菇湯同埋南瓜湯加蒜蓉包味道一般餐飲大大杯黑椒牛柳絲意粉味道可以啦！都算多牛柳絲，少油，大大碟香蒜火腿雞絲意味道好過Pizza xx果間, 份量多買單兩人只係$88係邊度搵啦⋯⋯

真心嬲！ 做開飲食業既我. 話曬我都跟個名廚做嘢！ 有乜可能白飯同意大利飯都分唔出！？ 港幣99蚊， 你畀一個 所謂嘅鵝肝加白飯畀我！ 當我好嬲咁樣講呢一個係白飯唔係意大利飯嚟！ 仲要同我死撐係意大利飯！ 意大利飯有咁長身嘅咩！？ 你收得我99蚊。 你畀啲咁嘅食材俾我！？ 使唔使我教你分 米同意大利米既分別呀？ 普通米係長身意大利米係會比較圓身， 意大利米食落係會有咬口。 好難會煮到好似白飯咁淋身！ 另外講起服務， 從未見過有人出湯碗 叠住 湯碗咁樣去上枱。 同茶記冇乜分別。 我不如過對面間餐廳食飯好過啦！

今日心情勁靚，約埋三五知己去咗C3度食意粉，其實我咁耐以來都未食過，但其中一個好朋友就成日去食一直話都話好好味，今日終於有機會試到啦，我就叫咗個牛肉意粉加杯勁大杯嘅凍奶茶，先講講個意粉，真係炒得好好味，黑椒嘅味道呢辣辣地好好食，牛肉都算抄得啱啱好，另外，最令人覺得奇怪嘅事，點解用一隻啤酒杯去裝杯凍奶茶呢？PS:其實都好飲架！最後都係飲唔晒要外賣杯奶茶，飲左成個下晝只可以講C3嘅意粉真係做得好好食，軟硬度適中，但係只可以講選擇就唔係好多去得只可以揀意粉囉，雖然佢有all day，但佢都唔係唔食意粉就曬咗囉！

呢間位於元朗的西餐廳位置不算好找就腳，但係要搵到都不難。首先佢店面環境及裝修都正常，可能扺食關係，入面長期爆滿，我們都要大概等了15分鐘才有位。西餐套餐都算抵食有＄42到＄98都有，有普通嘅意粉，貴啲嘅就有扒類海鮮等等，套餐已經包左餐飲，湯同埋餐包，要免收加一服務費，曾經嘗試過嘅友人指叫＄42的套餐已經好滿足，同埋指定動作一定要加兩蚊配凍飲，因為佢嘅凍飲係超級大杯！有趣的是裏面機會九成嘅客人都會配餐飲凍飲，搞到我少飲凍飲都心動一齊加兩蚊配凍飲。最後我點左個香蒜火腿雞絲意粉配凍檬茶，另外我見到佢加底都係加＄10，我怕唔夠食就再加個底😂😋加埋底埋單只係$54。佢首先上咗餐湯同埋蒜蓉包，餐湯有南瓜湯同埋蘑菇湯，我點左蘑菇湯，味道就淡左d，蒜蓉包正常。跟住佢就上傳說中大杯嘅凍飲，唔係講笑真係勁大杯，我諗佢有1000 CC，重點加兩蚊，加兩蚊，加兩蚊咋！很重要所以要講三次，而且我杯凍檸茶味道都正常幾好飲，所以真心呢度一定要轉凍飲！如果唔飲凍野你可叫少冰。不過佢人手唔係好多出餐比較慢，等咗大概20分鐘我哋嘅意粉先出現，原來我點的香蒜火腿雞絲意粉係炒意粉嚟嘅，加左底之後真係好大碟😋😝，而且佢加底唔係

遠處已經見到大大隻C3...舖頭全日免加一，我就叫左一個意粉同一個意大利飯。餐湯揀左磨菇湯。都幾好飲既，但同我想像中飲慣個啲唔同，呢個係水黎既，如果佢有番啲磨菇蓉，有番啲口感就好啦。有跟番個蒜茸包仔都好既。卡邦尼係基本每一間賣意粉既都有，最可以試出好唔好。個意粉唔淋唔錯，個汁就可以再稀多少少，但整體我覺得唔錯。鵝肝黑松露意大利飯，我覺得唔錯幾好味，如果個鵝肝可以再香啲就好啦。個飯仲有啲磨菇既。佢既分量，無論係飯定意粉，我覺得係俾其他餐廳多既，好足，啲飯至少有碗半份量。大大碟，個意粉都係40幾蚊，其實幾抵食。佢加兩蚊變凍飲，我係飲熱既，但見隔離枱杯凍飲係啤酒杯既size，一定夠飲，兩蚊加得抵啦。不足之處就係張枱太矮櫈太高，一係彎腰食，一係你就成碟拎住食啦。而且同格離枱太近，我坐最入，我坐低無幾奈隔離就有人坐，上菜又要係人地張床上面傳，收野又係，走個陣人地食食下又要起身，坐出面個張枱會好唔方便，成日麻煩到人。

放假晏起身梗係正常事…想平平地食個brunch...但係又唔想食all day breakfast係元朗都有唔少選擇呢間小店主打意粉…淨係有十幾款意粉今次就試左黑松露雜菌意粉…好香黑松露味… 雜菌亦都新鮮爽口…意粉無煮到林晒…好食套餐加埋野飮都係六十零蚊…由於每一碟都係即叫即整…會等得耐少少…不過係值得既

上星期六約左男朋友食個快lunch! 之前爸爸話呢間野好抵食所以我地就過黎一試！😇我地叫左一個黑椒牛柳絲意粉同黑松露白菌意粉! 另外意粉餐仲包蒜蓉包，南瓜湯或蘑菇湯同一杯野飲！由於店舖屬於小店，廚房好似得一至兩個人主理，我地等左大概十幾分鐘先有得食！黑椒牛柳絲意粉炒得好有鑊氣好有黑椒味，而意粉軟硬度十分適中!炒起都係一條條的！整體唔錯！不過黑松露白菌意粉個人就覺得味道唔算太突出，不過不失，如果可以多的白菌就好了！總括來講，用呢個價錢食到呢個水準既意粉都算係抵食！😋希望小店可以保持水準！

為何C3會成為我在元朗的食堂之一？如果你也喜歡麻辣，你就明白！午餐想簡簡單單地麻辣一下，在C3柯打一客麻辣鴨胸意粉，麻味夠香，意粉又夠彈牙，加上鴨胸啖啖肉，麻辣控又怎能不一試上癮呢？辣度方面，你可以揀小辣和正常，配合這裡特大杯凍檸茶，滿足度爆燈！跟餐的西湯和一小片多士不怎麼樣，但是，如此美味夾大份的意粉和餐飲都只是數十元，你仲想點！其他意粉如黑椒牛肉、蒜香雞肉同樣好味抵食，我一星期去幾次都不厭倦。雖然怕推介了C3，未來會更難搵位，但算啦，好東西是應該分享的。

多次經過C3 都過門而不入 就只因為早排太熱啦 門面感覺室內焗焗的 就提不起勁進入 是日下午 餓腸轆轆 唔理 衝入去嚐新！店子不算大 但原來進入後 空氣流通 絕對是舒適的 下午茶時間也坐無虛席 店員忙得來不及送上餐具及餐單啊 不過一人廚房 真的需要諒解呢 餐湯- 蘑菇湯餐湯有蘑菇湯及南瓜湯選擇 以小店如此價錢 還可以選湯 而且是香脆的蒜蓉包 真的感到欣喜 打碎的蘑菇令湯味濃郁 讚菠菜汁野菌意粉 $42 早前跨年在新北投食過一道松子青醬燉飯 一直對其念念不忘 並在香港嘗試尋找素素的好滋味但不成功 是日 見到這道意粉 相公馬上點了 也是想尋回憶吧 菠菜汁調得到位 野菌好香 意粉也夠Q彈 性價比很高 算是在香港吃過比較出眾的素意粉香煎鵝肝黑松露意大利飯 $98 賣相不俗 意大利飯熟度岩岩好 汁料香而不膩 鵝肝又肥又嫩 亦煎得恰到好處 推介！小店全日免收加一 如此價錢有餐湯有飲品 座位也算舒適的 值得支持呀唯一覺得需要改善係 衛生 店員送上的籃子刀叉 一抹發覺有黑色 應該是上手墨魚麵的遺汁吧 再換 再抹 還是黑啊⋯這個有點剎風景 這方面如能加強 就更好了 仍然會再來的

約咗幾個朋友入嚟元朗搵食做足功課！試吓一間大受好評嘅餐廳大約8點去到！排隊排左差唔多一個鐘先入到去😭可能因為真係太抵食所以真係好多人！入到去坐底店員同我哋講得返紅湯連餐包都冇😭我上網見到好多人有蒜蓉包食好可惜！唯有下次再早啲嚟啦！好快手我哋就揀好咗自己想食嘅意粉所有嘅意粉都係四十幾至六十幾蚊不等所有嘅意粉都係即叫即整！所以大約都係要等返15至20分鐘先會有得食！個人覺得呢個意粉味道調校得好好！意粉又唔會過淋！絕對唔係幾十蚊嘅課仔👍🏻👍🏻👍🏻

呢間小店距離元朗站約10分鐘路程，價錢十分便宜，午餐只須四十多元，但份量十足，就係杯凍檸茶已經夠哂大杯，叫左卡邦尼意粉試下，用料多，絕冇因爲平而馬虎了事，雖然個湯略稀，但整體來說，CP值甚高，值得一試

試食餐廳：C3（元朗鳳翔路1A－5L號偉發大廈地下13號舖）美味指數：$62日式蒲燒鰻魚意粉（8.5/10）、$88龍蝦汁蟹肉意大利飯（9/10）-小女子與男友仔山長水遠到元朗覓食，面對著烈日猛照、颱風前夕的悶熱，果然「皇天不負有心人」，讓我們找到一間邊吃邊讚的小店。這間餐廳比較隱世，附近大多是車房，員工不多，只有一人製作食物，故等候需時。為了美食，絕對值得等！隨餐奉送磨菇湯、即焗蒜蓉包，用心製作餐廳供應約十五款意粉或意大利飯，款式不算多，但每款都很吸引，讓小女子的選擇困難症發作！而且，餐廳全日免加一，隨餐附送磨菇湯或南瓜湯、即焗蒜蓉包、咖啡或茶，超值！小女子喝的是磨菇湯，湯中夾雜磨菇碎，質感濃厚而不膩，可見是足料且耐心製作。$88龍蝦汁蟹肉意大利飯，滿足之選先說龍蝦汁蟹肉意大利飯，餐廳是預先把忌廉汁、蟹肉、飯拌勻，讓食客們每一口都能嚐到蟹肉，小女子吃下時更有淡淡的龍蝦湯味流出，真材實料，配合得天衣無縫，大滿足呢！美中不足的是飯內間有蟹殼，但小女子認為味道已遠勝這少許瑕疵。$62日式蒲燒鰻魚意粉，一嚐嫩滑鰻魚再說日式蒲燒鰻魚意粉，餐廳是把鰻魚切粒再炒，火候恰當，令鰻魚保持嫩滑，且意粉不

C3 restaurant is located 10 minutes of walking away from the B exit. It supplies high quality spaghetti in generous portion size. This is a very satisfying restaurant. I will rate it ten out of ten.