Cafe 1950歐陸餐廳 (已結業)

今日放假就去左舊同事屋企hea，今次係我第二次黎屯門，2個人係hea到5點幾有d肚餓啦﹗食咩好呢﹖同事諗起之前有聽過有間叫 cafe 1950既餐廳d野ok既，e.......我之前係大圍食過間好食既都係叫cafe 1950喎，上openrice一搵原來係同公司，咁就去試下係咪一樣都好食先﹗去到大約6點左右，都唔係好多人，等左5分鐘度就安排我地入去啦﹗環境舒服，都幾清靜岩傾計好啦到食物啦﹗黑松露意大利芝士雲吞，好香黑松露味，好濃既芝士(我最愛芝士)德國咸豬手，皮脆肉滑海鮮農夫包，普通d份量都幾多，我地2個飽到唔想郁呀﹗唯一就係同大圍個間一樣既問題就係侍應可以再主動d

睇完openrice食評同之前食過一次的情況下我決定自己單獨去食多一次晚飯!!今次我故意挑選一個openrice沒有出過食評的菜試一試，我就挑選了西班牙海鮮飯未到之前，我就估會不會和茶餐廳的一樣(飯多，但海鮮只有數粒)一到的時候，我就聽到滋滋聲原本這個海鮮飯是用鐵板去盛裝用來保持飯的熱度加上我發現一個特點就是他有一隻大大的蠔(看圖)而其他海鮮的數量也十分多元化但是，我就認為飯就有一點小海鮮的數量多於飯，我想這是因為餐廳想我們每一口都會食到海鮮吧但是我就想飯多一點，因為我很餓呀!!總括:飯的數量是不足夠的味道就在中上水平海鮮的數量就十分足夠大家絕對可以一試!

自上次同朋友係大圍食過咁難忘既1950之後, 決定係上星期再約埋朋友係屯門行街兼食呢間既下午茶試試。個裝修咁靚咁特別, 好難搵唔到!!!今次叫左個瑞士汁豬軟骨飯加熱檸水, 傳統凱撒沙律加熱朱古力仲有傳統美式12吋長熱狗加熱檸茶。侍應好有耐性咁聽我地落單。話咁快就黎到, 我果個豬軟骨真係無得頂, 個瑞士汁甜甜地, 好開胃, 肚餓最岩食架啦！重點係豬軟骨果度, 份量都唔少, 爽爽脆脆, 兩樣加埋好夾, 其實想叫多個既, 咁費事傷身, 所以我試左朋友個沙律, 都唔錯喎, 見到蔬菜咁綠就知新鮮, 讚!!! 最後, 見到個熱狗好吸引, 如果我食既話就會叫少醬, 朋友話唔油膩, 亦都好飽肚!!! 所以今次無黎錯, 下次再黎!!!

「為食星球人覓食之旅（5）」這次星球人覓食到屯門，又看到「cafe1950」，所以決定入去睇吓同大圍分店有冇分別先～*裝修以咖啡木色為主，入到去好似去咗森林，餐桌椅子都係用木造嘅。牆上面嘅裝飾同大圍分店都差不多，都係有好多唔同嘅燈飾掛住喺牆壁上面，一樣咁靚～*一個人的早餐叫咗以下食物：薯餅+雙腸+厚多士1）薯餅：味道同普通薯餅一樣，如果可以炸得再脆啲，咁就正啦～*2）雙腸：煮得啱啱好，只係覺得佢油咗啲～*3）厚多士：烤過嘅厚多士，唔會太硬，普普通通～*P.S  環境坐得都舒服，＄26 個早餐配咁樣嘅環境都算抵食。不過由於係木做主題嘅裝修，已經坐近商場位嘅落地玻璃位置，但店內燈光依然比較暗，食早餐都係揀光猛啲嘅地方食，咁就精神啲同舒服啲啦～*

前日見完客後約左fd想行市中心食lunch，點知累到死，係安定度有間裝修咁靚的餐廳，就去試下。好彩朋友住附近都拎左位。叫左黑豚腩肉飯，同芝士焗肉醬雞球飯。我唔食芝士所以冇試食我朋友個飯，但賣相都幾好，唔會焗到黑曬！朋友食後感就話肉醬好味，焗得啱啱好！我就黑豚腩肉飯，最初都怕食d肉好肥，但雖然係腩肉，但冇乜油膩的感覺，我都食曬架。但服務生就忘記落我個餐飲，凍檸茶囉。都差不多食完先到，但算啦，兩個人食個午餐，環境又幾靚？又唔貴，所以都好評！會再黎！

今天又係好姊妹聚一聚時間，朋友介紹推介呢間1950 cafe ,見餐牌都好多款式最好係有埋圖比你睇，咖哩牛腩包，我個人覺得都幾辣，姊妹話唔辣跟住又點左溫泉蛋沙律，我未試過溫泉蛋沙律，都幾好味 重有我至愛咸豬手，豬手外皮非常脆，配埋沙律醬，一流 yummy!黑松露意大利芝士雲吞，味道不錯，不過吃太多有點濟！整體我覺得唔錯，下次我會想試下啤雞，都見好多人叫，可能係呢間餐廳皇牌！

今日一早帶住仔仔入黎搵媽媽食早餐，因為媽媽比較鐘意西式野，所以就上黎openrice找找，最後都係去反e間，因為去過大圍果間tea過有信心，廢事老媽子失望本身諗住早餐姐，間間都一樣丫啦，點知又有少許驚喜我一見到個多士就就好誘惑我因為可能係厚身關係，特別肥美，再加上香噴噴ge蒜味，口感一流另一驚喜就係個炒蛋，出面好多大型茶記都主打牛奶炒蛋or落勁多牛油。。。但e度完全無，我重食到好香蛋味，美中不足只係太油了

忙裡偷左少少閒~同閨密嘆返個下午茶。。。咁岩哩頭又有間cafe1950,第一次光顧哩間分店。 溫泉蛋凱撒沙律好輕怡嘅下午茶，凱撒汁味道濃郁又唔太酸，加埋隻蛋口感更加豐富。菜好新鮮爽甜。正！凍檸茶茶味濃，不過叫左少冰都仲係多。。。哩度好攪笑，有好多玩具嫁，有啲似樓上cafe,下次如果帶埋阿仔黎都唔怕佢悶啦！

行經屯門，搵左間幾特別既西餐廳，充滿驚喜，特意推薦俾大家。首先個裝修好有特色，復古得來又帶Ｄ現代風格，環境舒適氣氛一流，食物價錢亦到好合理，味道都唔錯，隨意試左幾款招牌菜。頭炮係黑松露忌廉燴義大利雲吞，感覺既新鮮又富特性，可以完全睇得出師傅對自家出品的認真程度。經老闆介紹，呢度最出名原來係啤酒焗雞同德國咸豬手，仲要係全隻奉上，即叫即整！咁當然要試下啦。隻雞好Juicy，最怕雞胸鞋拾拾，但呢個都係嫩口得黎又不失肉味。正！而隻咸豬手既豬皮係非常鬆卜卜！咬落去都會聽到清脆聲，加上有少少肥，質感鬆脆，內裡帶點濕潤感，無令人失望。最後，仲試埋歐式燒牛助骨。牛骨炆得十分入味，肉質很淋，加上醬汁，相當惹味，份量也很足，大滿足！！呢到加埋唔算話好貴，都好合理！見到餐牌仲有好多野揀，次次落黎可以叫唔同野食，唔駛咁悶，次次都食果幾樣嘛。

同fd係屯門shopping完，見肚餓就去食番餐dinner. 見到有間叫歐陸1950既西式餐廳就入去，大家都點左個西冷牛扒配薯菜。鐵板出個個moment, 滋滋滋。。。 香氣四溢，好明顯牛排既香味傳哂出黎，勁吸引！牛排食落去好諗好鮮甜，每一啖都好嫩，食得出廚師有用到紅酒黎調味，令到肉味更上一層樓。重點既係，牛排經煎過後，肉汁完全鎖住係牛排入面，加上紅酒汁，咬落真係好juicy勁高質！！

1. 波羅腸pizza ，普通，得個千島醬既味，屋企整既會仲好味，批底似餅乾，連少少麵包既感覺麵無2.海鮮芝士焗飯，個醬同隻蝦都唔錯，蝦炸得好脆，蝦都爽好的。但個飯就好似無洗咁有沙同埋有啲怪味⋯3. 肉醬芝士千層麵，中間層層麵有少少素菜，加埋個醬熱辣辣都不錯4. 白醬海鮮農夫包，海鮮唔多得見到果2粒青口，其他係肉絲，咁就叫海鮮農夫包⋯個醬正常，個包吸得太多醬了，一出即食都淋曬一pat pat咁整體呢間野都嘛嘛地！一次就夠了！仲有最後係要不停飲水⋯啲味精真的好重⋯

唔好意思，我唔係一個揀擇的人，我會睇價錢去評價間餐廳，但這間真係好難食。個日食咗個tea set，有個cake+一杯飲品我叫左一個New York Cheese Cake, 完全冇味，又好硬，好似食柴皮咁。杯檸檬茶係好苦，檸檬同D茶都好差，完全飲唔落口，換左杯結果都係一樣咁難飲。

兩口子今天四圍遊遊了去屯門, 在友愛邨下車, 唔入來真係唔知世界變了, 呢度d商場設施幾時翻新得咁靚架? 私人樓d場都未有領匯d場咁光猛新淨, 真係要寫個服字, 今時今日住響公屋享受好過私樓多多聲啦. 我們被呢間店的門面吸引了入去, 是一間高級茶餐廳, 裝潢是小女子至愛的木檯木椅,磚牆同黃色燈光, 半開放式設計, 依欄而坐仲以為自己去了咖啡店歎緊杯幾十蚊的tall latte, 用呢個茶餐廳價錢有咁嘅視覺享受是無敵的. 四十蚊個餐有湯有主菜有飲品, 食物選擇都不是求求其其, 飲品有花茶選擇, 雖然是阿信屋有得賣的茶包, 但都叫有特別的選擇啦. 老公叫的涷檸茶大大杯, 見到都開心. 器具都是放在檯上銀色兜內, 造型好鬼型, 每檯更有水樽和靚水杯自樽自飲. 紙巾都可以任取. D食物就真係咸了點, 小女子點的粟米汁海鮮意粉只見到隻插響度的青口, 其他食落口都唔是係乜野海鮮. 值得一贊是有很多芝士, 四十蚊個餐有得食又坐得舒服仲要食埋裝修真係去邊度搵呀? 侍應的牛仔有上衫加配卡其色褲製服都唔差呀.

我之前在網上見到cafe1950有好多好評,有日同屋企人去了cafe1950,.又一次中伏呀,我同屋企人大約排了10分鐘，我們點了意大利雲吞(78元)/三文魚意粉(69元)/蜂蜜姜茶/羅宋湯，服務就一般啦,環境都幾好,食物味道偏咸，cafe1950試1次不會再吃,蜂蜜姜茶有些小揾人笨，原來只是茶包,又冇姜茶味,我覺得cafe1950真的不好吃味道:整體偏咸,在我講太咸了，真的不好吃服務:我覺得一般啦環境:我覺得環境又幾好價錢:平均70元,以這價位不太值番吃:不會再去

這次也和上次一樣 和朋友到了這間餐廳進行lunch。只是上一次是馬鞍山，今次是在屯門。和上次不一樣，我這次不是叫了芝士麵，而是叫了一個很簡單的小食，雞軟骨加薯條。(全名我忘記了）這個小食大約下了5分鐘左右，它就到了。一看到，便覺得賣相也是可以的。食物方面，薯條和平常一樣，沒有什麼特別，但是他擁有一些自製的醬汁，配搭後，味道一絕，大家可以一試，保証不會後悔。在雞軟骨方面，雞軟骨的份量十足，而且也是十分跪口。總括，這個小食也是值得推介，可是薯條的份量則有點小，對於我來說，就有點不夠，但雞軟骨的份量則十分足夠。