Café Moa Moa by Panash (已結業)

每次去荃灣廣場，小朋友有兩個至愛的選擇，一是元氣壽司，因為有電動火車送餐，另一間便是Cafe Moa Moa by Panash,  因為他可以自己去夾麵包。6歲以下的小朋友可以不點餐，所以今次只點一份午餐，選擇了$118 的大蝦番茄汁意大利粉，意粉煮得不錯，有口感，加上番茄汁濃味適中，小小酸很開胃，一共有四隻蝦，其中三隻很爽很彈牙，但有一隻看似霉了，怪怪的。餐湯是番茄濃湯，用來點麵包真的很好味，我和小朋友也爭著點，酸酸甜甜很啱小朋友飲。最重要的是自助形式的麵包，想食幾多就自己去夾，還有黑醋，橄欖油和鹽任加，我們總會等新鮮出爐的麵包，每款細細件，我每次都可以吃六至八件，哈哈哈，真的很愛吃麵包！！麵包控真的要試一試。

因為好想再食麵包放題, 所以今日又出黎食個 lunch~~可能時間早既關係, 客人唔多,原本職員安排我地坐近窗邊位,但因為我想坐近取麵包既位置, 所以我話要坐麵包檯隔離張檯!!今次點餐醒左, 一於叫個沙律, 之後任食麵包, 唔駛食完個主菜後就飽左!!今日叫左個Caesar Salad+烚蛋 $108 同 奄列蕃茄汁飯/ 牛肉 $118Lunch set 包一份主菜+麵包放題+是日餐湯/ 沙律 + 是日冰茶 (今日係檸檬柑吉)食物賣相及味道質素仍然保持到, 唔錯喎~沙律菜爽脆新鮮, 再加入麵包粒脆脆, 煙肉粒調味, 成個口都好fresh~奄列飯外層有不少蛋汁, 味道黎講略為淡了一點, 不過亦夠滑.茄汁飯好夠茄汁味, 不過就煮得淋左少少…牛肉亦稍為靭左少少~~ 但味道是可以既~~~今日出爐既麵包係同上次差唔多, 今次食左幾款:提子鬆餅: 細細粒粒既鬆餅內竟然有十幾粒提子, 勁! 鬆餅味道好夠牛油香, 我食左三粒咁多~~~芝士包及軟包: 芝士包切成方包樣子, 入面充滿芝士粒, 食落真係好濃芝士味, 仲有D一粒粒既芝士溶喺口入面, 正~~麵包條 : 一條脆卜卜既麵包, 點醋食冇咁寡~牛角酥:

住荃灣, 返工響荃灣, 所以大大少少既餐廳都幫趁過唔少, 見荃廣呢個位轉左手之後都未試過, 放工見無人就試下. 餐廳外觀跟上手一樣, 落地玻璃一排坐位, 所以好光猛開揚, 中間位置有個面包BAR, 環境係幾唔錯.野食主要係西餐類型.Set dinner包餐包放題, 餐湯或沙律, 奶茶咖啡侍應示意我地拎個兜去面包BAR果邊任拎面包, 睇睇都有十款八款揀, 而且有野蓋住, 夠衛生.不過我本意唔係黎食包, 所以是但揀左兩個就算. 味道正常但唔熱.沙律正常, 幾新鮮乾淨.公司珍寶香滑奄列飯, 炸雞, 野菌($158)個蛋煎得夠大, 但奄列飯唔係應該包住D飯咩? 佢係將塊蛋放左響D飯既面, 飯係白飯. 炸雞好乾, 麥樂雞仲好味, 成碟野好普通下.BBQ醬燒豬仔排骨, 薯條($198)奶野之作, 豬仔骨燒到好乾, D肉好"柴皮", 起晒渣, 個醬好大PAT但味道麻麻.  薯條仲正常.整體覺得自己揀錯食物, 或是呢度祗可以食面包??

本來計劃去香積廚食自助午餐，但摸門釘，看到通告才知道星期日改返做休息日。於是轉場去就近的荃灣廣場食麵包放題。11點正入去，八個麵包籃都在飽滿狀態，早食早享受。牛角酥﹑洋蔥包﹑芝士包﹑蕃茄香草包﹑鴛鴦包﹑牛奶球﹑午後茶餅﹑小鬆餅﹑芝士條，因為要出現吉籃廚師才會換新一批/新款的麵包，不過這段時間食客不多，麵包去得好慢，所以在我的用餐時間90分鐘內都未有轉過麵包款式。(見到大約12點過後才開始有大量食客進場...)牛角酥及洋蔥包最好吃，牛角酥相當鬆化，牛油味香濃而不膩；洋蔥包入面原來有煮熟洋蔥條，對於喜歡食洋蔥的我絕對是誘惑。而我也喜愛這裡的蕃茄包，包身鬆軟再夾有不少香草粒，吸入黑醋更加味美。芝士包及芝士條，兩者芝味濃厚，上次不見有芝士條原來這個很好吃，超脆，我食足四條才夠喉﹗鴛鴦方包是牛奶跟咖啡，咖啡味好濃不太合我口味，而牛奶球則好甜，我有點吃不消呢，午後茶餅及鬆化可口的小鬆餅當甜品都可以啊。臨走前見到有少量朱古力蛋糕出現﹗濃到爆的朱古力，加入大量朱古力粒，勁好吃﹗點飽都要吞多兩件啦。其實這裡的套餐都好豐富的，沙律/湯二選一，我喜歡選擇沙律，因為菜類都有不少，不會單一，加入少量酸汁，清新又

時間是星期六晚九點，本想找間西餐廳同老婆晚飯，一去到荃灣廣場還是很多人在等位叫號，我們都是怕等位的人，加上肚餓，想快快有得食便算，左找右找終於找到呢間不用等還有較多空位，找到個服務員，佢第一句不是問幾位，而是説＂我地九點半last order收十點"，一聽已有點反感，當時九點我還未入坐你就跟我説 last order？不過都算，反正我們都是以醫肚為主，並不是一坐要幾個鐘才走的人，於是馬上點餐，點了個脆豬手和一個pizza，落單個waiter問我要湯還是要沙律，但只聽到要湯定乜乜，講野一舊舊，攞個籃埋黎，放低就行又晤Q講面包自坐，隻豬手又咸份量又小，pizza 冇味！服務態度差，我眼見隔離左右好多人食完正歺還要再拿面包，正明貴夾晤飽，未食完催埋單加未夠十點已再埋泥講我地收十點，頂佢個肺，咁既服務，咁既價錢，咁既份量！埋單380，食到一肚氣！

吃得太多，原來有篇漏了出，今晚補上：3月尾一個週五，難得爸爸放假，囝囝還要上學，就三口子先到荃灣廣場逛街吃飯。為了滿足兩口子的麵包心癮，我們三口子又去了 Café Moa Moa 吃新鮮出爐 Panash 麵包放題，哈哈！反正餐廳平日11點就開門，而且原來平日午餐比上回初二到訪更平，連上餐包放題、餐湯或沙律及凍茶，只是$72起。　距離餐廳開門還有十分鐘，正好我們先餵一半自家粥仔；不過妹妹非常醒目，認得店內有麵包吃，一直在叫「包包」，引得店員都忍不住先給她一個新鮮出爐包「揸手」。謝謝啊～　來到十一點，餐廳開門可以入座啦！上回其實已經很覬覦青綠開揚的靠窗位置，只是人太多未能安排；今次終於可以如願，選坐美麗的窗邊。雖然當日天陰，仍然無損好心情啊～　店內頗為Baby-friendly，當日妹妹就是安坐這粉色high chair上，默默吃了好多好多包！　安頓好妹妹，馬上衝去麵包放題區拿麵包了！十一點剛開時麵包區只有六個籃，慢慢就會增至八個籃，當中約有一半都是新鮮出爐的貨色，全部都有標籤清楚展示～　　一抵達已經有新鮮出爐的芝士餐包（也是店員一開首送給妹妹那個）、牛角酥包、提子鬆餅及茶餅小吃。另一邊

今日三pair人...六大一細約埋一齊食飯聚舊~有個兩歲小朋友o既朋友揀o左呢間餐廳~ 因為有任食麵包~ 佢地6點幾已經到o左...食住麵包等...我同老公7點到...又食住麵包等最後一位朋友~ 麵包有8款任你食...仲有olive oil同黑醋都係自助ge~ 好多麵包都好好味~ 遇o岩有新鮮出爐熱辣辣o個d仲正~ 個人認為芝士包係最好食~ 洋蔥包都ok~ 係咁試d麵包都飽o左三份一...人齊之後order o左6個set~ 沙律/湯是但一樣...我同老公梗係兩樣都試o下啦~ 沙律麻麻地...d醬唔知係咩醬...無乜味...而且得好少...反而蘑菇湯就好濃味好正~ 主菜方面...比較有驚喜o既係ribs...好林好入味~ 另外吉列豬扒都好大塊好脆~ 不過係鞋o左少少...龍蝦意大利飯真係有半隻龍蝦~ 其他配菜都唔少~ 幾creamy~Pizza麻麻地...份量太細而且d料好少...韓式豬肉飯同蛋包飯都好普通...一般...餐飲方面...我叫o左凍咖啡...幾香...熱朱古力竟然要加$15...大家都覺得有D離譜...無加到...整體嚟講係一個唔錯o既gather地方~ 麵包款式的確多同

早前已經看過雜誌介紹Panash在荃灣開左一間CAFE, 仲要有麵包放題!不嬲都知道佢地D麵包出名好食, 所以知道呢間有麵包放題, 就要過黎試試啦~我地都算早到, 所以唔駛等位, 坐左一陣, 開始見有人等位了!!星期六既下午仍有lunch set menu, 我地被安排坐在取麵包附近, 十分方便.麵包種類黎講, 大概有六至八款既麵包供選擇, 但食食下, 都發現除左會refill之外, 仲會轉款架, 如果食得落既食客, 真係可以試到好多款式架!!!麵包檯側旁更提供黑醋, 欖橄油~~lunch set附送餐湯~忌廉湯出去兜左個圈, 有不同款式既小麵包, 包括：午茶小食 意大利香草包英式鬆餅百崎 -->即係法包迷你北海道包芝士餐包洋葱包先黎第一round, 新鮮熱辣辣既麵包籃:芝士餐包: 好軟熟, 好香芝士味迷你北海道包: 有D似平時食開既鮮奶球 (可能個名唔同), 都係好香, 軟熟英式鬆餅: 正! 塗滿牛油黎食, 真係好好味, 勁濃牛油香, 咬落鬆化, 仲有D提子乾粒O係度.百崎: 包邊勁脆, 上面塗上牛油, 味道簡簡單單~~之後見職員換上其他新麵包, 忍唔住又出去拎, 今次有好好

本來都不知道今天去試邊間新餐廳才好，剛好昨晚看食評時見到有人寫一篇荃灣廣場新餐廳，咦，麵包放題咁特別﹖於是今天便去了解﹑了解。此店舖位置前身是Olive Café ，我都幫襯過幾次。Café Moa Moa by Panash一看店名就知道是由專做麵包的Panash開設的啦。我站在門口先研究餐牌，午餐不貴，於是就安心入去了。遇正放飯時間，店內已有九成滿人，一班女店員都好忙好忙好忙，經過的一位招呼我到水吧前的座位坐下後便繼續她的忙碌了。要杯水都要叫幾次...點餐都要呼叫幾次...但她們的態度仍是保持以禮待客，其實都值得一讚。點餐後店員沒有主動給我麵包吉籃，我以為一人前是沒有玩麵包放題(好驚!!)，再等另一店員行過，問一問她便即刻給我一個籃子，呼...(好彩!!)放題麵包部響正我隔離，哈哈，近廚得食，麵包一出來我就可以以最快速度取之﹗ XD每邊都放有四籃麵包，那段時間我遇到的有蕃茄包﹑軟包﹑法包﹑芝士包﹑提子鬆餅﹑牛角包﹑香草包﹑紅豆方包﹑午茶小食，期間有兩款麵包轉過款，不過只轉一次，也可能在我入來之前已經出場了好多次吧。有部份麵包是熱烘烘，有部份是暖粒粒，有部份是室溫。旁邊放有一支橄欖油

一直都是Panash 包包的fans，知道Panash於荃灣廣場開了一間以麵包放題作賣點的café，故相約了好朋友A一同前往.星期六1:50pm到達餐廳也要等位，不過5mins已可入坐，主要是店員嚴重不足，沒人收拾桌椅，故要等候. 門面安排坐位的店員態度麻麻，沒甚耐性，只是詢問一下可否坐窗口位，因為見到那邊正好有空置坐位但沒人收拾而已. 也不想回應似的.原來安排坐位的職員也同時身兼抹枱帶位的職責，她收拾好窗邊坐位就招手叫我們進去，當時也有數人在我們身後輪候坐位，但就沒人招呼他們.安坐後，餐桌上也沒放上餐牌，又要找職員送餐牌給我們看. 隔壁的2人桌也放有2張餐牌，我們2人則只有一張，點選食物時不太方便. 另外白開水也要要求店員才會送上，但又是等候良久.由於最近開始on diet，扒類、吉列的可免則免，我們選了大廚海鮮燴炒麵 $98 & 鮮蝦西蘭花崧子仁忌廉汁長通粉 $98. 午餐包括麵包放題、是日餐湯/沙律 配是日凍茶/汽水.麵包放題出去buffet枱看到麵包都比人掃清了，每款只餘下三、數個，隔一段時間再出去看，麵包籃也是空空如也，看到那些吉籃，我是很失望的，我本期望是源源不絕的有新鮮麵

去荃灣睇戲，見到荃灣廣場呢間cafe好似係新開無幾耐，之前未試過，所以試下。係門口已經見到餐牌唔算平，諗住唔使等位就入去。入到去先知原來叫lunch set後麵包係任食0既，good! Set仲包杯冰茶同餐湯或沙律，待應好細心咁問我哋冰茶要唔要走冰，值得一讚。最後送來的冰茶唔太甜，仲係暖暖的，啱曬。餐湯就普普通通。叫左一個鯖魚柳飯 ($128) , 一個芝士忌廉焗長通粉 ($98)，兩個人share。份量唔多，而加0既我如果無麵包任食，呢餐係6成飽都唔夠。長通粉偏鹹，而加硬左D。鯖魚一D都唔肥，唔知係咪已經煎曬D油出嚟，所以肉都比較鞋。幸好，所有麵包都好好味，就算唔熱，但都好新鮮。每款都試曬，最好食係提子鬆餅，唔太硬又有0趙頭，牛角包同牛油餐包都十分好，很香很鬆軟！我倆吃了十多個，停唔到口呢！仲有醋同橄欖油。呢度0既麵包比起main dish好得多，建議嚟食tea，食個包比食正餐好。

年初三赤口日，甜魔家上午到了荃灣拜年飯聚，去了新開不久的 Café Moa Moa by Panash開飯。顧名思義，這是一間由 Panash 主理的 cafe，位於 Oliva 舊址，除了開揚環境，最吸引是有新鮮麵包放題任食！餐廳平日11點就開門，可新年期間要 12 點才開門，早到的我們曾問可否先就座來餵妹妹吃粥，答案是不可以。 始終這裡有自助麵包檯，不知是否與此有關，總之是扣了些印象分的，不過食物的確不錯。這就是自助麵包檯，凡惠顧午餐都可以參與麵包放題；最初只有三個麵包籃，輪流提供不同款的麵包／蛋糕，後來增至六個麵包籃，新鮮麵包源源不絕出爐上檯，引死人！　檯上還有自助的橄欖油及黑醋（質素平平），另外侍者也會送上牛油上檯。不過這裡的麵包本身已經很好吃，都不用加醬加牛油了。　這張圖就是麵包出爐的地方。每檯客人會獲發一個空的麵包籃，讓食客自己出去取包。這是老公取的第一輪，除了法包，還有很有口感的三角茶餅、朱古力都甩、日式蒸蛋糕，後兩款甜美好吃，可惜很快沒貨。　沒有了蛋糕，不過之後有大量新鮮出爐的麵包。這款芝士包，質感鬆軟而芝味香柔，好吃！還有下方的提子鬆餅，香香脆脆很可口；右邊的牛油甜包

早幾日行開荃灣廣場~發現Oliva終於執左轉開左"Cafe Moa Moa by Panash"~即刻講定要搵日黎試依日另一半off..朝早我入完屯門~返屋企先再同佢出去食lunch12點多去到餐廳..office開始放lunch~雖然唔爆但人流都幾多~場內佈置舒服~檯與檯之間..空間感得宜大門入口設有專屬麵包店~半開放式廚房~場中間係自助餐包區麵包師傅不停refill餐包~款式約有8款..仲提供橄欖油及黑醋Lunch Set..有餐包/是日餐湯或沙律..配凍茶或汽水主菜~Salad(2款)..凱撒沙律/燒牛肉雜菜沙律Asia Cuisine(2款)..海南雞飯/楊州炒飯~Entree(10款)及Kid Meal(2款)餐飲(+$10)..甜品(+$10)..或Upgrade special coffee(+$15)"自助沙律吧"就見得多~"自助餐包區"又真係幾得意每款麵包都好好味~法包有拉扯感, 香草包夠晒香草味由其提子鬆餅..入口鬆脆唔會好乾~味道仲非常香口估唔到另一半都咁like食包~第一轉差不多佢食晒所以我出去又拎少少送杯餐前飲品.."荔枝凍茶"荔枝及茶味各佔一半~味道唔會好甜