Cafe Paradise (東寶大廈) (已結業)

同友人假日黎坐一坐，最舒服既配搭就係藍加白色既現代裝修，色彩繽紛既霓虹燈，以及令人感到平安既詩歌播放！呢到最抵食既一定係西冷牛扒，$78 200G, 質素中高，雖然呢次因為唔想食太多肉無order,但都同大家推介下先！見到身邊好多枱都有叫！入到黎叫左杯黑朱古力沙冰，第一次試呢個配搭（平時都係普通朱古力），真係非常唔錯！佢有黑朱古力果種濃香味，沙冰形式又非常解渴同熱，值得一試！主食叫左三文魚薄餅同埋白咖喱雞扒飯，六塊薄餅上都有一塊大三文魚，再加上自己最鐘意既沙律蛋黃醬（不過好肥😭），非常美味！（呢個pizza無火箭菜有橄欖，比番大家一個remark,可以按你對食材既喜好叫）白咖喱雞扒飯都好有特色，佢完全唔係某間連鎖沙嗲店既味道，而係採取左一種香草更濃既味道，性質都係港式咖喱，甜甜地易入口！呢到最抵既係只要配餐，轉甜品同飲品都有優惠，食埋個心太軟都只係加左十蚊左右！而呢個心太軟就不得不說，實在太高質同好食！佢有一個濃味既雲呢嗱雪糕作配襯，新鮮焗既心太軟再加上朱古力醬，香甜美味！呢個心太軟甜度非常適中，絕對唔會膩！

香港西餐廳其實有很多類型，有超級正宗的，當然價錢也貴。也有親民的，性價比高。 這間餐廳之前在杏花邨吃過，就是那種街坊西餐廳，口味已經很本土化，讓人覺得很親切。總會有家的感覺。 長大之後，只要自己開心，哪裡都可以是家。 蜜糖烤雞翅 38超級好吃，外皮酥脆內心柔軟又入味，蜜糖包裹下的肉質鮮嫩多汁又有營養。最近吃多了肉，嘴角就自己好返。真是營養要均衡。 石板烤牛柳套餐 120＋30石板真的是很熱，肉放在上面就烤熟了。我喜歡烤全熟，這樣比較健康，不會有其他不好的東西吃到肚子裡。按照自己的喜好，烤出自己的口味。 祝大家周末愉快 ，開開心心吃美食Cafe Paradise (東寶大廈)北角英皇道483-497號東寶大廈地下C-D號舖

係北角第一次食cafe，呢間cafe 位置唔顯眼，門口有個靚靚係天使翼燈飾，可以打卡，cafe內部座位寬敞，我地安排坐4人位，呢間cafe 出名係食肉眼扒，由於朋友唔食牛，我地揀咗晚餐既烤美國豬鞍配黑莓蜜糖汁，凱撒沙律，蟹籽蟹棒忌廉寬條麵，蒜香雞翼。晚餐有餐湯，沙律，主菜配薯菜同甜品，餐湯係南瓜湯，好香濃，主菜豬鞍上枱，好大件厚身，大過我塊面食落好juicy，肉身好冧唔un , 豬扒煎得過火就會un, 呢件煎得剛剛好，個醬汁酸酸甜甜，一路食一路讚，高汁豬扒蟹籽蟹棒忌廉寬條麵，蟹籽蟹棒配料多，白汁寬條麵，多汁好味，雞翼炸得好鬆脆，肉質juicy，鍾意炸物既朋友可以一試。凱撒沙律有新鮮既三文魚，同脆卜卜既麵包粒，沙律食多d麵唔怕肥吖最後甜品係啫喱，啫喱係芒果味加上cream，如果加花奶會更加好味，好有懷舊嘅味道

放工在北角，去哪吃好？朋友説吃西餐，便去這間試了一下。可能是晚上，人不太多，環境還舒服，吹水幾好。服務員工作態度好勤力。和朋友點了一个豬胺，闊條面，雞翼及煙三文魚沙律。雞翼一般，硬了小小。反倒是豬胺好鬆軟，入口軟，好咬口，煎火候掌握及事煎處理豬胺技巧好。太掛住吃，吃了3/4才發現忘了拍照208一份，且有甜品....蟹子闊條面還可以，叫了多汁，果然有做到，且加了不少蟹子及蟹條。价格合理，78元一份闊條面。整體算ok.會再去。

喺北角英皇道行行吓，被一間餐廳外面嘅黃色燈光吸引咗，停低見到menu食物就有啲肚餓，即刻入內醫肚。美國頂級穀飼牛肩胛肉眼扒200g，加$30可以upgrade，都只係$108，勁抵！蕃茄忌廉湯，幼滑順喉，有少少蕃茄香味；沙律菜鮮美爽脆，期待主菜上場。一塊厚厚肉眼扒放在燒熱鐵板上，由自己控制去煎，手快快返轉，以免過熟。當切開塊扒見到呈粉紅色，肉嫩鮮甜，冇渣，無須添加任何調味，牛肉原味已經好正。 再配埋炸得金黃嘅薯角，夠香脆美味。一杯冰凍少甜檸檬茶，可解油膩，再有可愛造型啫喱做甜品，滿足晒！

係北角地鐵站行過去大概5分鐘嘅路程就到！！門口有對冀俾你可以打卡，成間舖頭都有啲霓虹燈經文，估計餐廳可能係基督教嘅餐廳！仲要播住詩歌🤣👍🏼好平安！！！有set dinner ， 有散嗌！最後我哋揀咗想食嘅嘢叫🤣煙三文魚pizza兩個人食啱啱好，有成6塊咁多！而且蕃茄味同芝士味都好夠！批底脆卜卜，簡單好食！！白咖喱雞扒飯白咖喱汁好重香草味I like!!!雞扒好大塊，有一個手掌咁大！！個皮到好香口好脆！一個人食好飽！不過最正，係變成套餐！！有碗湯同沙律呢！薯仔椰菜湯👍🏼👍🏼係有驚喜嘅味道！高質！沙律，係用個心形碟上🤣🤣好得意呀！有得加$15就飲沙冰🤣超大杯！而且味道好濃，唔會變淡！有得加$25，有心太軟食添啊！！濃濃嘅朱古力加凍嘅雲呢拿雪糕🍦一流嘅配搭！！真係好好食呀🤣👍🏼今晚我哋走嘅時候大概八點，就full house啦！有人喺出面等！以Cafe來講，佢食客年齡層好少有！竟然係一家大小連婆婆公公有，放dinner break嘅保安有，情侶有，姐妹淘有，好surprise!!!!少有！不過佢真係好抵抵食嘅！！今次食唔到窩夫，有機會比我下次再嚟🤣🤣

個名叫天使Cafe 果然真係令人好舒服🥰 Server 們都好nice 呢間cafe係超級多野食！ 我地今次就諗住住西餐 下次試試鐵板燒🤣 聽到隔離枱滋滋聲好吸引🤤帆立貝南瓜海鮮意大利飯 - $ 78 + $30 套餐咁既價錢都有2隻大大帆立貝 ！ 重要有勁多海鮮 eg 魷魚3隻 青口 1隻 蜆3-4 隻 超多料！ 個飯就超濃南瓜味！ 不過就偏甜🥴 另外加左$30 變套餐 就有多個沙律 餐湯 飲品同埋甜品！cafe黎講算係幾抵！ - 龍蝦汁海鮮意大利飯 $88 正！ 個汁好好食！ 而且又係勁多海鮮！ 今次除咗青口 魷魚圈同埋蜆之外 重有2隻大大既蝦！ 呢個飯重香濃過岩岩南瓜汁🤤 推介！ 朋友都係叫埋差唔多既野食🤣另外 仲可以問佢拎 tabasco, salt & peper 同埋芝士粉 我覺得意大利粉配tabasco真係絕配! 呢個係跟餐既甜品 雪糕杯啫喱🤣 好耐冇食過啫喱

之前喺太子都食過cafe paradise, 記憶中是好有誠意的西餐館，食物高質抵食，路過見佢地剛剛喺北角試業，所以就走入來試吓。Lunch menu 價錢由$58-$90不等，包餐湯和餐飲素食之選🥦 大啡菇烤得夠熱，非常多汁，配搭麵包食落唔會太乾。薯條不過不失，吃完一定夠飽。唯一美中不足的是麵包沒有特別塗牛油/醬料烘過，味道有點單調。肉眼扒夠厚夠大塊，肉質不錯，沒有雪味，也煎得很香。配菜也非常鮮甜，不用$100就吃到這塊扒配意粉的套餐真是超值。餐飲和餐湯都是正常發揮，整體來說CP值高，會再訪

呢間餐廳有幾間分店之前去杏花邨行街已經食過一次今次就試下北角分店 位置位於北角站b3出口 東寶大廈附近門口同鋪內都係用霓虹燈裝飾門外仲有天使翅膀可以打卡添呀！呢到既石燒出名平同抵食次次黎親都要叫呢個🥳🌟石燒美國頂級穀飼牛肩胛肉眼扒 配薯角200g $78 (+30跟餐 包沙律、餐湯、飲品同埋甜品）塊肉出黎個陣大約係3成熟餐廳提供熱石比你自己慢慢燒可以燒到岩自己既熟度先食肉眼味道好濃 煎到六成熟就放入口就剛剛好仲配上有洋蔥汁同燒汁兩種口味既醬汁肉唔會太un 咬個陣仲有啲牛血汁係口到 令肉唔會太乾身餐湯係洋蔥煙肉忌廉湯 跟餐飲品點左凍檸茶 甜度酸度適中剛好而甜品係芒果啫喱 🤩甜品外形好可愛 有種返左童年既感覺😛🌟鐵板黑椒芝士牛肉飯 $54好鐘意鐵板枝枝咋咋既聲音鍋中有芝士、粟米、黑椒同特製醬汁🥺放上鐵板上 可以自己將半生熟既薄牛肉透過板上熱力 即刻變熟 仲有小小既飯焦味 真係好香口🌟加配小食 （脆炸三角芝士2粒） $10雖然睇落好似好細粒 😄但一咬落去就有芝士汁湧出來 仲可以做到拉絲效果添呀✌🏻推介指數：7/10 🥰

係openrice見到尼間餐廳好多好評，加上我同朋友都喜歡食西餐，於是便透過openrice訂位試下味道如何😁煙三文魚黑松露海蝦意大利闊條麵尼個好creamy,黑松露味好強，鐘意食濃味嘅就啱晒喇日式和風鰻魚拉絲pizza尼個幾特別，唔係度度都有，我覺得幾好味，餅底又脆口😋美中不足甜品方面可惜今晚冇心太軟同窩夫，唯有下次再嚟試番甜品同其他美食啦😆

北角新開西餐廳、作為北角原居民嘅我當然要有一試的決心。成日放工經過，見裡面燈光昏暗，好似好有情調咁。決定選Happy Friday 和媽媽共進晚餐。安頓好座位，雖然燈光少少暗，但坐下後氣氛好輕鬆，侍應談吐都很親切。留意到餐牌有石燒牛扒，價錢仲好吸引，$78再加錢轉套餐。另再點意粉再加錢轉套餐。另再點小食白酒忌廉青口。青口一客$78，作為小食很不錯。雖然青口肉真的很細😅但係個忌廉汁好正，正到我將伴牛扒的炸薯條用黎點呢個白酒忌廉汁食，好滋味😋石燒牛扒基本上咩調味都無，自己用熱石煎同加鹽同胡椒。有燒汁，黑椒汁另上。78蚊一份牛扒唔會有太大期望，一般水平啦。黑松露煙三文魚寛條麵好有驚喜，寛條麵軟硬度啱啱好，有煙韌口感。黑松露味好香，煙三文魚足料。跟餐是日甜品係啫喱，可以加錢轉一人份窩夫甜品，作為窩夫控嘅我，點可以唔食😆窩夫即點即做，而且有士多啤梨味，上枱時仲熱辣辣，上面一球凍冰冰士多啤梨雪糕，好正。為咗個咁高水準嘅窩夫 ，我一定會再訪。

之前食過太子分店，今次嚟北角試吓，一直覺得呢間餐廳嘅價錢唔貴，而且選擇多，北角分店更加闊落，坐得好舒適，裝修幾靚今日揀咗個煙三文魚黑松露海蝦意大利闊條麵，再加錢變做套餐闊條麵賣相唔錯，煙三文魚砌到好似玫瑰花，黑松露味香濃，闊條麵煮得剛剛好，唔會太硬，配上海蝦同鮮美嘅煙三文魚，有一定水準套餐會有餐湯，係蕃茄忌廉濃湯，酸酸甜甜夠開胃沙律份量都算大，食落好清新，夠開胃餐飲可以揀咖啡、奶茶等等，咁熱嘅天氣揀咗杯凍檸茶，糖水自己加，可調節甜度仲有個甜品，係菠蘿味啫喱，器皿好特別，係雪糕造型，份外可愛另外叫咗個小食，係百里香白酒忌廉煮藍青口，青口嘅數量都算多，配上醬汁特別好食，又夠creamy員工嘅服務態度好好，夠細心值得一讚，而且招呼周到，令人覺得可以再幫襯

食完先上黎見到清一色好評，好彩平日晚市唔洗排，食埋窩夫甜品，連加一，四百蚊，份量好勁，節食者慎入，高性價比。脆豬手必食，堅脆，肉多夠嫩，雖然未至於超好食，睇在價錢份上一定值得叫，可以兩人share食甜品係set dinner 加三十五蚊，不過不失，坐多陣傾下計咁。甜品我要求唔高，可以再食。

今日下午經過呢間餐廳，見下午茶好似幾抵又新開，就入嚟幫襯下。我哋叫咗兩個set，一個係burger 另一個係炸魚，擺盤幾靚，份量足夠，味道好！抵讚！但有兩樣野希望餐廳注意一下，第一個裝修係幾靚。我估餐廳係咪基督徒開？一直播放宗教歌。。。個人覺得播放輕音樂會好些，試想像個情景當你一路用餐但餐廳一路播放佛經你感覺會如何？第二樣嘢係，餐廳整體staff 服務有改善地方，感覺侍應可能較新，講嘢有啲「掘」，例如，入門口叫人掃安心岀行時的語氣，同埋走時同客溝通八達通拍卡時間既語氣，感覺似一間地踎茶餐廳，多於似一間西餐廳。sorry，講多了！

又再嚟到北角呢頭買嘢，今晚就揀左食cafe paradise la! 餐廳坐位寛敞，價錢定位亦唔貴！非常值得支持❤️.先嗌左個beef burger🍔 因為唔可以食生嘅所以嗌左全熟，但肉汁仲有架，而且肉味依然香濃💪🏻配上鬆軟麵包同新鮮番茄生菜食口感幾豐富的😆 side仲有薯條添，唔會太油而且偏粗身☺️.另外咪左jumbo all day breakfast 🍳 原來係跟waffle gah!!!外脆內軟，果然係招牌呀😌 而ADB入面仲有西冷添，肉質都ok！薯餅十分脆卜卜，好值得叫👍🏻👍🏻.嗌多個chicken salad 🥗 雞又幾嫩而且上面好多芝士粉，下面沙律菜都fresh geh😻😻.Dessert must order chocolate lava cake!!! 即整就係好食，仲要非常流心😛😛