Cafe Paradise (東寶大廈) (已結業)

✨ Paradise Full餐牌有四款all day breakfast可以揀，份量同材料各有少許不同，跟一杯小橙汁。我揀咗有相睇嘅Paradise Full，嚟到個份量大到嚇親我，懷疑根本唔係一人份嚟 😂材料都係基本野嚟，三角薯餅、scrambled egg、煙肉、沙律菜等等，仲有件窩夫係分開裝。窩夫切開覺得好實淨，應該係多牛油所以食落口都香啲，但一定要趁熱食，凍咗個面唔脆！✨ 鐵板黑椒一口西冷牛飯份量都係唔少，一口牛有七大粒全部係肉冇肥冇筋，都唔係「拿」到腍哂冇口感嗰種。一杯燒汁唔夠撈飯，要多杯汁落多啲先夠。侍應攞汁嚟時好好咁提醒會好咸，唔好一次落哂成個飯得啲汁同粟米，覺得少咗啲嘢咁原來係冇芝士，芝士控要留意一下 🤣 有少許飯焦，可以解吓鐵板癮。另外加30蚊要咗湯、沙律同餐飲，粟米忌廉湯幾好飲

牛扒餐可以揀意粉，飯，薯條，嘢飲係雪碧可樂茶個啲黃色嘅係蒜蓉汁，啡色係黑椒汁。蒜蓉汁一啲都唔稀，亦都有蒜蓉味，幾驚喜薯條炸得幾脆口，份量都OK食石燒嘅牛肉有個要注意嘅位就係自己要睇住個熟度，如果唔係一下子就過熟了。牛扒上嚟嗰陣時影都好貼心提醒咗，當時個牛扒只係一兩成熟雖然我講出嚟聽落好似廢廢地咁，但係湯係熱，沙律係凍的(事關我唔係幾鍾意啲唔熱唔凍嘅食物，尷尬的溫度🤪）PS.湯係忌廉湯加左小食，有一塊墨魚餅，幾彈牙，味道都調得唔錯，值得一試侍應一開始都有問我地，甜品使唔使升級，不過我都已經飽飽地了，所以就咁普通啫喱都已經足夠。普通嘅芒果啫喱但睇得出佢地花左唔少心思另外男朋友叫咗個黑椒牛肉飯，另外加雞俾肉，牛肉份量都幾唔錯其實成間野咁樣簡簡單單食一個晚餐，CP值都幾高，侍應服務唔錯，餐廳環境都算有裝修幾優雅，價錢又唔貴，食物份量又足

今日幫人搬張電動床返屋企，搞完都已經接近六點，唔想買餸煮飯，約埋老公嚟附近食個簡便晚餐。揀咗英皇道東寶大廈地下呢間新開嘅「Café Paradise」，店舖門面好有特色，用上雲朵及一對天使翅膀作裝飾。室內的防疫隔板，色彩繽紛艷麗，視覺效果唔錯，令人心情愉快！頭先喺門口已經睇咗餐牌，食物選擇好豐富，除咗晚市套餐，另外仲有石燒牛扒，主菜、 薄餅、意粉、天使麵、全日早餐、鐵板系列、小食、甜品等供應。石燒牛扒非常抵食，最平 $78 就已經有交易，+$30 仲可以升級為套餐，包餐湯、沙律、甜品及飲品，當然唔可以錯過，另外再加咗客煙三文魚蜆肉天使麵 ($73)。天使麵份量都幾多，三文魚下得很慷慨，入口帶陣陣煙燻咸香；而蜆肉亦有蜆甜味，食落無沙。麵條煮得啱啱好，口感爽彈，每條都沾滿濃香嘅忌廉汁，入口 Creamy 不膩，水準實在不錯！石燒美國頂級穀飼牛肩胛肉眼扒亦睇頭十足，廚師會先將牛扒燒至約一成熟，然後用高溫火山石送上，客人可以手動 DIY，自己控制牛肉嘅生熟程度。睇下件扒幾大塊，扒身厚近一吋，肉汁豐富，肉質軟腍不韌，絕對無將貨就價。伴吃的沙律同雜菌忌廉湯，味道亦唔錯，沙律菜新鮮爽甜，忌廉湯味道正

天使一直都係我心目中抱住崇高既地位，想像下佢擁有一對翅膀係空中浩浩蕩蕩咁隨意飛行，呢種滿足感真係非一般享受。假如有一日我可以係現實版既天堂，唔知「Café · Paradise」比唔比到呢種嚮往我呢？👇📌Stone · Grill - ▪ StoneGrill US Prime · Top Blade Muscle - $78/200g▫ 黎得呢到當然要一嚐「石燒美國頂級·穀飼牛肩胛肉眼扒」極上快感啦，加左30蚊升級做套餐，有餐湯、沙律、是日甜品、飲品。牛柳就咁睇落份量都幾足，我自己就鍾意燒到半成熟左右。食落油脂香味突出肉質軟腍彈滑，加埋side dish薯角配上三種醬汁相當惹味，成個set岩哂我呢d單身狗，飽肚又好食。📌D e s s e r t - ▪ Chocolate Lava Cake · ice-cream - (+$25)▫ 如果想食得尖d，仲可以加25蚊要埋個精選甜品「朱古力·心太軟」。呢個心太軟外層焗得非常鬆脆，裡面朱古力口感柔滑，味道濃郁，真係令人欲罷不能呀！

千島海鮮滋味薄餅, 薄餅裏面有四隻蝦, 魷魚, 蟹柳, 另外會有好多芝士喺裏面呀, 薄餅嘅厚度係屬於中間, 咬落去會有口感嘅. 呢個薄餅係即刻整出嚟, 咁製作時間大約十五分鐘, 拎度出嚟熱辣辣嘅. 薄餅始終要熱先好食凍經典朱古力, 朱古力味好足夠, 好香濃呀餐廳另外一樣主打係鐵板嘅牛肉飯, 同埋鐵板嘅鰻魚飯.見到隔離枱叫咗呀, 下次可以試下.餐廳的環境係比較寧靜, 相信呢間餐廳裝修咗都係冇幾耐, 我見到嗰啲枱枱櫈櫈都係比較新淨.

之前去過<Cafe Paradise>食晚餐，覺得 set dinner 抵食又好食，而且餐廳環境裝修又幾靚，坐得好舒服，今日比我發現原來北角都有新的分店，下午茶時間，見門口Tea Set menu 嘅價格都係五十幾蚊起，甘抵食，當然要試下！！下午茶選擇都幾多，有小食、意粉、飯類同pizza都有。如果下午茶吾啱食，午餐都仲有得供應到5:30pm，選擇同樣豐富。餐廳仲有石燒牛扒，而且仲要係全日供應，價錢都係$78起，絕對係超值之選！！<焗芝士牛肝菌汁野菌意大利粉 $53>芝士牛肝菌汁個味道非常之濃郁，入口好creamy，雜菌份量都幾多，意粉入口亦非常煙韌，非常好食。<石燒美國頂級穀飼牛肩胛肉眼扒 200g $78>半生熟牛扒就放在一塊石燒板上，讓客人自己燒熟，自己調節牛扒的熟度，個人覺得不要烤太耐，因為擔心會過熟，而好處就係塊牛扒可以保持到熱辣辣甘入口，新鮮好食。牛扒的肉質不錯，咬落去味道有牛肉味，亦帶有質感，呢個價錢嚟講，相當抵食。<黑松露雜菌意式薄餅 $58>估唔到嘅係，呢度嘅薄餅都相當有驚喜，薄餅上面嘅雜菌同芝士餡料都

呢日係北角上完堂經過左呢間Cafe Paradise，之前都有經過佢哋太子分店，就試下啦。去到5:30pm己經轉左晚市餐牌，都係有set dinner 選擇嘅;是日餐湯係牛肝菌磨菇湯，飲落比較厚身，都食到有一粒粒碎磨菇嘅，至於沙律就應該係整定係雪櫃拎岀黎，因為飲完個湯先食己經見到個碗有冷水氣，不過份量都算慷慨。而且杯凍飲都算大杯！主菜可以五揀一，想試下佢個黑莓蜜糖汁所以叫左個烤美國豬鞍。等咗20分鐘終於上菜啦，個賣相都幾靚，豬鞍冇乜筋好淋好容易就切到，而且食落去都幾多汁，本身個肉係醃咗嘅，所以唔使點佢個汁都已經夠味。反而個黑妹蜜糖汁就唔係太食到黑妹味，我覺得好似宜家傢俬平時食肉丸嗰一個莓醬咁樣，不過配埋豬都幾夾。甜品可以選擇加錢去食佢哋嘅芝士蛋糕，或者自家出品嘅窩夫，不過之前食咗咁多嘢我都係選擇是日甜品算啦，就係芒果啫喱。本身仲諗住西餐廳會係一件細細地嘅蛋糕仔，或者係雪糕，冇諗過會係喺超級市場買到嘅啫喱粉整出嚟嘅啫喱…. 整體來講，價錢同食物質素都成正比嘅，雖然甜品失色咗少少，但係都想讚一讚餐廳本身嘅班底，好後生，做嘢有效率而且亦都會講解今日嘅餐牌同埋食物。

北角站出之後，今日去到一間西餐店，一入到去，好多人都食緊鐵板美食，到處都聽到「咋咋」聲，今日本身想黎食卡邦尼，但無意中發現了竟然有鐵板卡邦尼，咁真係要一試。而且加錢可以升級做餐，升級了有餐湯，飲品及甜品，如果要再食餐以外既甜品，補番錢就可以了。今日係白湯，加沙律，味道都OK。 鐵板卡邦尼意粉，鐵板一上黎已經「咋咋聲」，特別之處係自己加入蛋漿及忌廉。平日鐵板飯食得多，卡邦尼真係第一次，當個板仲係熱，當然立即加落去炒，超正，超香。本身我地都好奇，鐵板會唔會令意粉比較乾，其實唔會，反而更加香口添，有別平日卡邦尼，少一D cream多一份香口。係幾有趣。如果覺得唔夠味，都可以自己加黑椒或者辣椒仔。 另外，也叫了小食拼盤，包了四款雞翼，蒜香雞翼、蜜糖，水牛城。仲有薯角，咖哩角等等。幾款雞翼都唔同味，咁就可以試曬佢，而且雞翼本身就好岩兩三人share炸芝士唔錯，唔係經常係見到。 另外,亦係餐飲中升級左忌廉碎曲奇咖啡沙冰。夏天好岩飲，加上有忌廉曲奇味,清爽。甜品亦可以升級的。

主食出色，甜品驚喜一打開drink memu,已經覺得好有童真的感覺，裡面有個小城堡彈出黎，以前多數係聖誕卡，生日卡先有咁樣既設計，估唔到一個小小餐牌裡面，有一個咁可愛既設計，令人印像好深刻。 主食方面，日式和風鰻魚拉絲pizza和風PIZZA比較少食，所以就揀左，上面充滿好多木魚，中間夾住好多芝士，所以拉絲係絕對冇問題既。中間有著唔少鰻魚加上蟹柳絲，係一個薄批，批邊十分脆，味道唔錯。一共有6件，如果兩至3人share就岩曬。 這裡既甜點之味道係意想唔到，本身諗住只係一般質素，但結果出乎意料既好。窩夫天堂窩夫唔係普通好似麵包質地既窩夫，做到外脆內軟，而你又唔覺得會膩。配有草莓味加雲呢那雪糕，十分唔錯。最驚喜係窩夫既誠意，外脆內軟又唔覺得會膩，但價錢好抵食，如果餐再升級都只係$45，難怪隔離枱都一樣齊齊升級。 朱古力心太軟心太軟一樣配上雪糕加cream$48其實真係唔貴，流心既心太軟令人食唔停口。就算之後要努力減肥都要繼續食呀。而且個size都算大，又唔會焗過龍。甜點做得唔錯。

呢間係北角嘅西餐廳，成日搭巴士經過都覺得佢出邊嘅環境好靚，個天使翼好似韓國打卡點🤣今日終於係晏晝時間去咗試吓，果然令到我好驚喜。我哋叫咗兩個餐同一個小食🥰第一個餐係一個lunch set. 有埋餐湯200g澳洲殼飼肉眼牛扒配燒汁 $89佢有得揀飯/意大利粉/薯角，下午茶唔想食咁飽所以我就揀咗薯角。我覺得個牛扒好好味，煮得啱啱好唔會太硬，呢個價錢食到呢個質素嘅牛扒都已經唔錯🤣 第二個餐係一個下午茶嘅set 我想試咗個夏威夷薄餅 $58我鍾意佢夠薄批，唔會食到好飽，兩個女仔食其實都好快食晒😍甜甜地鹹鹹地🤫之後我哋仲叫咗個小食 黑松露薯條$43我好鍾意佢嗰醬🤩🤩🤩呢兩個餐我哋跟咗兩杯飲品一杯係熱嘅鮮奶咖啡 ☕️ 另一杯係凍既薄荷朱古力🍫兩杯跟餐都係各自加$10其實都好抵 佢仲有好多特飲嘅選擇 下次都有機會可以去試吓。整體服務質素都好好 👍🏻嘢食都係即叫即煮，所以都係會等一陣先至上菜。呢間好似係開咗冇幾耐，我見下午茶時間唔算太多人食，無需要等位，不過佢嘅食物質素同服務質素都好好，最重要係啲嘢食好平，好抵食，有時仲會播放兒歌，都幾啱一家大細放假去食。

依間人氣CAFÉ太子店好多人介紹，知道北角開咗分店，放工就僕過去啦! 哈哈🤣🤣💁🏻‍♀️是日清單如下:是日餐湯+沙律好濃的南瓜湯 + 心心❤️碗沙律🤣好少女心石燒美國安格斯穀飼去骨牛小排🐮配薯角CAFÉ好少有石燒牛排，舊石好夠熱，可以燒到脆邊，比起一D專食石燒的店更高質，唔需要更換舊石，好少石燒嘅店可以燒到牛扒有呢一種脆邊。真心推介👍🏻👍🏻值得一讚👍🏻我依啲低碳人士同朋友外出食飯，我通常都會揀牛扒。我好鍾意呢一種石燒，因為生熟程度可以自己控制。慢煮法國油封鴨髀配意粉上碟擺盤已經好靚🤣鴨髀好多肉汁好Juicy 配埋個類似金桔嘅醬，啱啱好，個鴨髀唔會太咸同油膩🥰🥰好味黑朱古力沙冰 + 凍檸茶呢個夏天嘅時候，真系好啱！我真係好怕熱🤣呢個黑朱古力沙冰一定要試，佢有超濃嘅朱古力味，唔會因為有咁多冰而溝淡咗，飲到最尾都係有濃濃嘅朱古力味，唔會變淡，飲得出落重料😍是日甜品超可愛雪糕杯啫喱❤️❤️❤️我哋有一個晚餐可以加錢upgrade甜品叫咗一個心太軟擺盆又係超靚😍個心太軟中間超多朱古力醬,若果大家嚟到一定要加錢試呢一個甜品真係食完超幸福😘😘另外餐廳嘅職員服務好好，收碟好快，因為佢哋好多款甜品落單嘅時候都猶豫

星期日和老公同一對4歲兒子在北角逛完街有點肚餓，但又沒頭緒要吃什麼，忽然在英皇道見到一閒Cafe Paradise 的餐廳，記得在杏花邨和兒子老公們光顧過一次，那的装修擺設等像極了童話世界，我的兒子當時非常開心，而且食物水準也相當不錯，既然這裡也有一家，當然不會錯過要進去試試。這家分店面積比起杏花邨那家略小，但装修還算整潔。由於兩名兒子剛吃完他們的小吃，他們聲稱還不太肚餓，所以我們一家人衹叫了兩份晚餐。但侍應還是貼心的給了我們兩份兒童餐具。晚餐例湯是忌廉野菌湯，香味濃郁。沙律蔬菜非常新鮮，吃得滿口清新。我的晚餐選了慢煮挪威三文魚配芒果蛋黃醬伴意粉，三文魚煮得非常入味，那芒果蛋黃醬也非常可口。老公則選了石燒美國頂级穀飼牛肩胛肉眼扒，那熱石在他面前，可讓他自己烹煮再熟一點也可以，他說那肉眼扒肉質嫩滑，非常入味。當天氣温非常悶熱，我們叫了兩個沙冰一家分享，芒果和士多啤梨沙冰，令我們一家人全透心涼。最後甜品叫了一個藍莓芝士蛋糕和啫喱，把我們一家四口都吃得飽飽滿足地離開。

👩🏻‍🤝‍👨🏼北角覓食之前返工經過見到北角開咗間新嘅西餐cafe paradise ，睇餐牌好似幾平，一於趁同朋友等睇戲前去試吓。🤩餐廳位置係東寶大廈呢個位不嬲都好多唔同嘅餐廳，不過西餐真係比較少，一入去店員就安排咗我哋坐一個沙發四人為餐廳環境好靚有好多霓虹燈可以打卡😍🥢前菜，湯凱撒沙律跟餐份量來講好足夠，湯就係牛肝菌忌廉湯，我最鍾意佢打碎啲菇，但係又會留返少少顆粒感，味道濃郁👍🏻🥢美式BBQ豬排骨雖然佢呢度好似係主打石燒牛扒，但其他肉類一啲都唔馬虎，豬排骨份量好多，肉質啱啱好唔會太老，bbq汁好開胃🤤啲肉輕輕痴住每條骨，一咬就分開，啱晒我呢啲懶「選」骨嘅人🥢美國頂級穀飼牛肩胛肉眼扒店員上菜嘅時候好細心，提我地點樣可以自己控制生熟，同埋注意事項等我哋唔會整親，分咗兩種肉汁同蒜蓉汁，$78以為舊肉會一般啦，但係出乎意料地好有肉味，舊石燒到個面好香，可以自己控制生熟真係好加分👍🏻，而且跟餐嘅薯角都好香脆，抵食！🥢小食拼盤其實本身係想揀食大食拼盤嘅不過朋友怕食唔晒，雖然係有啲唔夠喉🥺，因為樣樣小食都好食，但因為成餐飯嘅食物份量都幾大份，朋友講得啱，又真係有機會食唔晒嘅🥺 下次要帶大食🐻過嚟食

朋友介紹話北角新開左間Cafe話幾抵食個喎帶咗我去試吓。入座嘅時候店員好有禮貌，仲安排咗個四人嘅位俾我哋，坐位都好舒服。加分！一打開見到個Menu即刻心心眼，我都係第一次見到個Menu係咁靚，係咁掛住玩…呢度Menu都幾豐富，主打石燒牛扒，仲可以揀set dinner或者單點，我同朋友就每樣都揀啲。美國頂級穀飼牛肩胛肉眼扒呢度嘅牛扒係用石燒上，$78但質素一啲都唔差，肉質好Juicy好有肉味，店員仲特登提我地可以自己控制生熟度，加多$30仲可以升級套餐，有湯沙律同甜品，好抵食。美式BBQ豬排骨朋友唔係好好牛就揀咗ribs，份量都幾多，排骨好入味，配搭bbq汁好開胃，伴碟揀咗配薯菜，連唔起眼嘅薯仔都好好食。小食拼盤本身朋友好想揀大食拼盤但我有啲擔心食唔晒最後揀咗食小食拼盤，點知食完有啲唔夠喉，4款雞翼好好味，分別係咖喱雞翼/蜜糖雞翼/水牛城雞翼/蒜香雞翼，仲有酥炸芝士都好正，$78好抵食士多啤梨乳酸特飲/凍薄荷朱古力咖啡跟餐加$15就可以轉特飲，飲品嘅份量都幾大杯，啱晒同朋友坐低慢慢傾慢慢飲，士多啤梨個杯配埋乳酸酸酸甜甜好開胃，而朋友每次去親唔同餐廳都會揀薄荷朱古力，佢就話覺得呢度唔會太

Café paradise大名一定都知啦! 原來又開多左間店係north point ar!!!真係港島線人happy news~🤩我地就去左食dinner, 都有幾款signature dinner set! 叫左個ribs set先, 會先上湯同salad. Salad都好fresh~ 👏🏻Ribs都幾大件下~ 味比較甜, 食落都幾香口, 又唔會話太干咁. 下面更加有D小甜薯同配菜! 同個ribs source食又幾match. 💪🏻另外再點左個burger~ 🍔好大個!!! 手板咁大都有呀~ 一啖咬下去係好豐富的. 漢堡肉好juicy, 又剛剛好熟度~ 個包都幾松軟^^跟的薯條都比較脆口又粗身, 真係幾抵食! 點多左個buffalo wings, 大大只而且甜酸度剛好！好味☺️甜品加錢要心太軟，好大心機砌得幾靚仔！又好夠流心，真係必食🥰🥰