Cafe Siam (The Plaza ) (已結業)

食泰菜很多時第一時間都會想到九龍城，九龍城因利乘便，附近可以入到由泰國飛機運到的原材料。是夜到蘭桂坊喝一杯後，友人想食泰菜，當然不會千里迢迢前往九龍城，Cafe Siam位處蘭桂坊附近，想了一想就與友人一同上樓。Cafe Siam有二樓及三樓兩層，是夜二樓被人包場，三樓顯得十分滿座。平日叫泰菜多是叫冬蔭功湯青木瓜沙律及泰式炒河，今次見到有少見的招牌菜式，特意叫上。青檸蝶豆花梳打梳打水用上泰象，紫色的蝶豆花顏色很美，加上青檸及糖漿後清酸微甜味道不錯。雞絲蕉花沙律香蕉花瓣擁有獨特清香，口感清爽，配上雞絲及醬汁爽脆惹味，比起大愛的青木瓜沙律又有別一番風味。椰子雞湯椰子雞湯與冬蔭功湯採用的香料非常相似，都是南薑香茅檸檬葉，但椰奶的甜中和了泰式香料的辣，香滑濃郁，酸辣開胃。椰子雞湯每人可以分到兩碗，當中有很多草菇及雞肉，喝完此湯已經半飽。蒜香椒絲炒椰苗椰苗與平日所食的有所不同，椰苗炒得比較硬身，口感更加爽脆，蒜頭椒絲同炒，味道鹹香惹味。泰式炒金邊粉包蛋金邊粉被蛋絲包著，賣相精緻。金邊粉少油不膩，味道酸中帶甜，旁邊附上花生碎，可根據個人喜好隨意混合。南瓜紅咖喱配大蝦大蝦用上新鮮貨式，肉質鮮甜彈牙。

喺中環放工想食泰國菜，又唔想搭地鐵去咁遠，就嚟咗Cafe Siam。呢間餐廳成日嚟，中午嘅午市套餐比較少選擇，反而晚市做得唔錯，單點主菜會比較好味，價錢又唔貴。餐廳有兩層，枱與枱之間闊落，坐位又舒服，係朋友聚會唔錯選擇。餐廳唔會主動提供水，如果要嘅可以每人$8 任飲 still water 或 sparkling。我地點左小食拼盤-大份,包括有香葉雞，蝦餅，春卷和串燒。新鮮整起，好香口，雖然份量大但係我哋一下子就掃清光。另外點左四個主菜，分別係燒雞，泰式烤鱸魚，椒鹽炸軟殼蟹，和醬燒豬肋骨。燒雞分量大，調味入味，就算雞胸都唔會鞋。呢個係必點。另外嘅泰式烤鱸魚，味道比較淡，要點旁邊嘅辣汁，呢個就普通。豬肋骨好淋，又入味，啲汁好好送飯。至於個炸軟殼蟹，椒鹽味好出，味道唔錯但唔算好特別，同埋可能因為小食拼盤已經好多炸嘢，呢個覺得幾乾身，可能轉叫咖喱或者菜，會比較好總括來講食物質素唔錯，環境坐得舒服，又唔嘈。位置喺蘭桂坊中心，食完飯再飲杯野都得。😊

中環夜晚其實周圍都好多人，間間餐廳都坐得非常之滿，仲要好多餐廳其實每一碟餸嘅份量都唔太多，但係你到呢間餐廳度，終於發現原來中環都有啲大件夾抵食嘅餐廳。我哋一行七個人，嚟到見到餐牌，今次大家叫住四五碟先，一間食唔夠先再叫，點知啲餸嚟到之後簡直係喜出望外，每一日嘅份量都非常之多，尤其是係嗰碟雞，係成隻咁上，碟軟殼蟹都有非常之多，所以其實我哋七個人食五碟，其實係已經非常之咁飽！非常建議你係一大班人而且男仔多嘅組合，一定會食得好飽，味道仲唔錯添！

雖然呢一間餐廳都幾難搵到， 但係不能裝修或者食物 都好用心。呢一間餐廳喺蘭桂坊果一邊右手邊一個角落嗰度搭lift上去我開咗Google Map都要搵一陣先搵得到，不過一想到餐廳之後覺得成個餐廳都好有格調同埋佢哋啲裝修都非常之用心。講返食物方面價錢就唔係好貴大約百幾蚊到同一般中環西餐廳差唔多價錢。今日叫咗一個set， 入面包左菜湯一個主菜我叫咗蛋包金邊粉亦都係佢哋嘅主打菜味道非常唔錯唔辣啱晒我。在喺大熱天時嗰度叫番杯檸檬碟豆花梳打就啱晒我想到嚟嗰陣成身都濕晒但入咗嚟之後冇耐都已經慢慢唔再覺得好熱飲埋杯碟豆花成個人都好舒服， 食完野離開之後都唔係覺得條街咁熱姐。

最近都愛到港島區搵食 尤其是銅鑼灣中環 貪其選擇多而且高質素 就以中環蘭桂芳來說 除左老外多酒吧多連菜式種類都好多 芸芸之中選了Cafe Siam餐廳裝潢精緻 帶點泰國氣息 環境寬敞 坐得舒適分二樓及三樓 用上木系家俬襯托灰色牆身 營造空間感 唔講唔知 原來Cafe Siam已經屹立蘭桂芳多年 係米芝蓮推薦食肆  所有菜式均由來自泰國既廚師團隊設計 餐單選擇豐富 食物水準有一定保證 有泰式小食、沙律、湯類、咖哩、海鮮肉類、蔬菜、飯麵以及甜品等 以中環區來說 價錢算是親民大眾化 一坐下就即時送上餐前小吃蝦片 蝦味頗香濃 略嫌唔太香脆 新鮮椰青 良久沒有飲過椰青 清甜解渴仲好消暑 值得一讚是 餐廳用上環保竹飲管 減少塑膠垃圾精選二人拼盤 一客拼盤可以試齊4款不同小食  包括沙嗲雞肉串燒、脆炸春卷、炸蝦餅及香蘭葉包雞蝦餅炸至色澤金黃 咬落爽口彈牙而且鮮味  無骨雞件煎至外套香脆可口 再包著香蘭葉 葉香滲透雞肉  不僅有著雞肉香 肉汁豐富 仲多左香蘭葉既獨特清香味 一試難忘 啖啖肉既雞肉串燒 燒至微焦帶點乾身 食落唔覺鞋口 沾上沙嗲醬更見惹味 泰式春卷炸得香

中環比人感覺係高消費，唔係有錢人都唔會去食今次朋友就推介左一間係蘭桂坊附近既泰式餐廳，話價錢親民，可以負擔到，我就拿拿聲帶埋老婆去食下，浪漫一下啦！Cafe Siam 係2樓，行到附近會見到招牌，跟住上去就會見到，好易搵！一上到去，就感覺環境好舒服，有情調！我地被安排坐係窗邊位，有好大既咕𠱸，高度又岩岩好，唔錯唔錯！其他座位都好舒服，仲咁岩撞到一大班日本人坐係圓檯食野，睇黎呢到都有返d知名度價錢合理，中英對照，即使侍應係講雞腸都唔會口啞啞！前菜，脆卜卜，等梗正餐都可以食住先，唔會悶我地叫左個椰子雞湯，分量夠2個人飲材料好夠，見到好多大大塊既雞柳飲落味道有少少冬陰公湯既味，應該係用相似既香茅煲成。味道好香濃，椰子味重，落足料因為老婆唔食得辣既關係，所以叫左走辣之後我地仲叫左香蘭葉包雞本身聽個名好特別，唔知係咩黎，上碟就知道係咩東東了！有4塊由斑斕葉包住既雞肉，包到三角形咁，好特別打開入面係咁樣既，少少燶，本來仲擔心會唔會好乾呢！但食落又好有驚喜，可能係用斑斕葉包住黎炸既關係，可以鎖住d肉汁，食落件雞好滑好香我仲叫左杯清甜荔枝椰子冰，味道真係好清新，好鮮甜，唔係只得糖水味！賣相都好得，打卡

難得約到個好耐冇見嘅朋友，想搵間有飯食又有酒飲靜靜地可以坐低傾下心事，同個Friend都好鍾意食泰國菜，最後我哋上網搵咗嚟呢間Café Sialm…估唔到蘭桂芳都有泰國餐廳，第一次食呢間，感覺幾特別，環境清雅，如果同男仔嚟可能更浪漫，haha… 坐低送蝦片，好脆好有蝦味，加埋辣醬好好味 餐牌好多選擇，靚靚嘅環呢個價錢尚算合理，一嚟到就好心急咁Order咗野飲先，真係好飢渴-,- 雞絲蕉花沙律 $98有辣花生、雞絲、蕉花，味道清新帶甜，雞絲分量唔算多但配合得啱啱好，仲有椰子香味都幾特別，聞說蕉花可以減肥，唔知係未呢個原因心裡作怪，我好似好鍾意食蕉花^^。 精選拼盤 $158 table for two小食拼盤送酒一流，我哋只係叫咗二人份量，但都相當唔錯，有炸春卷同一定唔小得嘅蝦餅、香蘭葉包雞、串燒豬同串燒雞肉各一串。 焗三文魚配紅咖喱汁 $208羅勒葉焗三文魚柳，包住嗰塊應該係蕉葉，Haha唔太肯定，不過又好似幾好味，焗到羅勒葉都小小脆，加埋紅椰子咖哩醬好Juice同好有質感，香味十足。 蒜香炒雜菌 $92齋菜清清地，有大蒜、南瓜、芥蘭、木耳同雜菇炒埋一齊，好似唔覺意嗌多咗，最後浪費咗個

作為九龍人，真係好少會去到中環食野，咁岩同老公去開中環，就行去蘭桂坊拍下拖同行下街街啦！本身我同老公都算係乖乖仔乖乖女，真係好少去蘭桂坊，但去到又比感覺中安全，而且好舒服。我地又唔係太飲酒，所以又唔想份酒bar，咁岩見到有間食泰國野既餐廳，叫Café Siam，openrice一下，comment又唔錯wor，咁就入左去試下一入到去，就比個環境吸引左，好浪漫，感覺好高級，環境好舒服。侍應都係講英文既，不過有中文menu，唔需要擔心溝通問題。我地仲見到有一張大既圓枱，上面坐左一班著左和服既日本人，雖然佢地講野好大聲破壞左個環境，但係可以一班朋友舒舒服服咁食下野傾下計，係一個唔錯既選擇。重點係價錢真係好合理，中環黎講真係唔算貴。一直以為蘭桂坊食野好貴所以唔敢去，但原來都有平民既選擇。我地坐係到等既時候，已經見到有一碟蝦餅做前菜，岩哂肚仔餓既我地。食泰國菜既主打前菜之一又點少得米紙卷，好快手就選擇左香芒大蝦米紙卷 ($105)，就咁睇賣相已經好靚，好大件，我之前自己係屋企包都只係包得細細件，老公話原來米紙有分size既。有新鮮既芒果汁做醬料，酸酸甜甜好開胃。米紙卷入面有蝦有沙律菜，仲有D薄荷

一直我都好想試食中環這間泰式菜館， 所以今晚終於相約了我一位好朋友一起光臨這飯店，一嚐美食。我們訂了晚上730分，但早到了半小時， 在餐廳樓下的泰國人侍應好樂意地為我們處理早了的問題，快速地安排好坐位，讓我們在不用等的情況下入坐。沿在上電梯途中，我見到有很多特別的擺設，當入到餐廳內，看到昏暗的燈光彌漫著浪漫的氣氛。熱情的侍應帶我們到靠窗口旁的坐位，坐得很舒服呢！一坐下便有一碟美味的蝦片配上辣椒油給我們先嚐，之後我們點了四個菜式，朋友因口乾先喝了一個冰涷椰青，而我就點了一杯青檸檬梳打水，非常可口。他們先上前菜給我們就是泰式小食拼盤及雞絲蕉花沙律，這個沙律真的好特別，我在其他泰式菜館是從未吃過的，蕉花很爽帶點甜香味道，直得一試。後來再上主菜，有蒜蓉炒雜箘及焗三文魚配紅咖哩汁，這個三文魚同樣在其他地方沒有吃過的，紅咖哩汁很正不辣而且有點甜，送飯簡直一流。今次真的好好吃，我已再約朋友下次來試其他特別款式

難得約到個好耐冇見嘅朋友，想搵間有飯食又有酒飲靜靜地可以坐低傾下心事，同個Friend都好鍾意食泰國菜，最後我哋上網搵咗嚟呢間Café Sialm…估唔到蘭桂芳都有泰國餐廳，第一次食呢間，感覺幾特別，環境清雅，如果同男仔嚟可能更浪漫，haha…

香港西式餐廳多不勝數, 但想試下其他風味既餐廳其實就唔多選擇..講到泰式餐廳既話我有印象就係呢間.一開始會比一d小食你先. 我個人覺得唔點醬都幾好食. 建議食1-2片夠, 以免太飽食唔落其他野, 十分脆, 帶小硬.串燒係呢到我覺得數一數二好食,其中一個主要原因係, 佢d醬料好食, 小甜小辣, 小小似咖哩但又唔係平時食開個種.串燒口感好鬆軟, 起碼唔難咬先, 易入口, 豬雞燒到金黃色岩岩好火候.我比較中意牛豬串.呢碟牛反而我有d食唔慣, 但係的確幾有風味, 佢有小小香蔥味, 加酸酸地,口感有d小硬, 主要係酸味既牛我有d食唔慣.份量比想像中多. 我覺得如果送小小飯類溝返淡小小就會好d.金邊粉必叫, 本身金邊粉煮得酸酸甜甜, 已經超好食, 有小小似甜酸醬個隻d味.外觀都係一流,  入面有小量海鮮,材料份量都係岩岩好, 基本上差不多令台都會叫既一道主打菜.魚呢, 成條上, 處理得好好, 完隻煮得好均勻, 皮脆肉鬆軟, 帶小小鮮味, 醬料呢方面, 我覺得都係可以不上, 我覺得本身既鮮甜味已經夠好食,份量反而都幾多, 成條上都係百多d .整體服務, 價錢都不錯, 主要問題係要講英文, 未必全部人

香濃味美的泰國菜是我其中一樣最愛的菜式，Cafe Siam有米芝蓮加持，當然不能錯過。＊＊＊＊＊＊＊＊＊＊＊＊＊Cafe Siam在酒吧和西餐廳林立的蘭桂坊附近一棟商廈內，環境靜謐，幾relax.甫坐下，侍者先送來一籃蝦片，幾香脆，不過最正還是後右後方的辣醬，非常惹味。餐牌都幾豐富，頭盤、海鮮、咖哩、飯麵、甜品和飲料都有提供。左: 芒果飛雪($58)其實是芒果沙冰，沙冰打得夠滑，芒果味酸甜有致，最特別是以竹飲管代替塑膠飲管，抵讚！右: 清甜荔枝椰子冰($58)荔枝椰子冰味道非常清甜，能飲得出荔枝和椰子的味道，非常好飲。雜錦沙嗲串燒($108)串燒一份有六大串，非常足料，可以選擇豬牛雞，我們每款要兩串。沙嗲醬香濃惹味，只是略嫌串燒有點偏乾，但蘸上沙嗲醬吃都幾好味。泰式鮮檸蒸鱸魚($228)鱸魚已預先起骨，所以可以放心大啖食。魚肉軟腍不會太老太鞋，蘸上另付的酸辣汁美味道立即Up Up Up！因為酸辣汁夠酸夠辣，非常開胃惹味！冬陰功炒飯($112)如果說剛才鱸魚的酸辣汁惹味，這個冬陰功炒飯更加是不得之了。估計師傅在炒飯時加上冬陰功湯，飯粒都吸收了冬陰功湯的精華，所以炒飯上碟時比較濕。炒飯旁邊

與好友慶祝生日，知道她喜歡泰國菜，所有訂了一間比較精緻的泰國菜館。環境骨緻，而且寬敞。由於我們6pm已到達，所以人流不算多，不過到了7pm後，就開始陸續多人，建議要訂枱呀！點菜前，店員為我們送上一小籃蝦片過過口癮。特別的是，配搭的是香口的辣醬，好惹味。雜錦拼盤拼盤包括串燒豬及雞肉、炸蝦餅、春卷同香葉烤雞。不得不提就是沙嗲醬！醬身濃稠，不像日常超市買的樽裝稀身沙嗲醬，這裡的沙嗲有大粒花生粒，口感豐富，出色！另外香葉烤雞做得不錯，雞肉醃得夠味，而且嫩滑。粉絲蟹煲重頭戲來了！一揭開蓋，見到這爆瀉的情況也忍不住嘩了一聲。蟹蓋沒有太多膏。粉絲底下，收埋了大大塊的蟹件。蟹鉗已被剁碎，方便剝殼。蟹鉗超厚肉，其他位置都多肉，肉質爽口鮮美。而粉絲彈牙，吸收晒蟹香的鮮味，超正。椰青椰青燙有店的名字，多汁肉嫩，用上可重用的竹筒飲管，既環保又有風味。清炒椰菜苗椰菜苗炒得爽口，味道合宜，不會太鹹。整體來說，這裡的環境舒適乾淨，雖然價格略貴，但食物高質，值得一試。餐牌--------------

在蘭桂芳要找美酒佳餚一點難度都沒有，要吃高質素的西餐比比皆是，不過我偏愛日本菜和泰國菜，今天來中環辦點事，順路和老公去了蘭桂芳一間獲米芝連推薦的泰國餐廳嘗嘗正宗泰國菜。店內裝潢精緻，環境舒適，讓人下班後可以放鬆身心地品嘗美食。窗台也造了軟墊，巧妙運用空間，我們正是坐在窗台的位置用餐。一坐下侍應已經送來一籃蝦片。揭開餐牌，選擇很多，而且相片精美，相當吸引，費煞思量了一會，我們點了一客椰子雞湯，而前菜則點了香草青芒大蝦包酸子醬、精選拼盤（二人份量），主菜是椰汁青咖喱雞，以及甜品南瓜布丁。飲品則點了青檸蝶豆花梳打和芒果飛雪。椰子雞湯湯中加入了南薑、香茅、檸檬葉和椰汁等材料熬製，還有大量雞肉和草菇，單是聞已覺得很香，喝一口，味道酸酸辣辣，椰香也同時間在口中散發出陣陣甜味，味道複雜又有層次，十分開胃。香草青芒大蝦包酸子醬以生菜包裹著金邊粉、青芒果粒和爽口的蝦仁，酸子醬為整個清新的組合畫龍點睛，令味道更豐富。精選拼盤（二人份量）有香葉包雞、炸春卷、炸蝦餅和串燒豬肉。蝦餅實淨彈牙，香口美味。春卷也炸得十分香脆而不油膩。香葉包雞用上雞腿肉，醃得十分入味。串燒相比之下就較為普通。椰汁青咖喱雞青咖喱汁入口

今日和朋友一起shopping 吃晚飯，我想吃泰菜，朋友就帶我到蘭桂坊附近的一間泰國菜餐廳，因為沒訂位，所以就抱著試試的心情，幸運的我們居然不用輪候便可入座。餐廳面積很大，佔兩層樓，但桌面的空間不太大，幸好侍應會待我們湯/沙律差不多吃完才將其他菜式上桌。先吃美味蝦片，再慢慢挑菜式。青木瓜沙律 ~ $108爽脆木瓜絲，加上酸酸甜甜嘅調味，好開胃。不過我唔食得辣，標曬眼淚，朋友就覺得好刺激，very good！冬蔭蝦湯 ~ $105正宗泰式風味，材料豐富。除咗冬陰功湯底，仲有大量嘅草菇同埋一隻巨型大頭蝦，令到啲冬陰功湯更香濃。精選拼盤(2人) ~ $158有春卷、香葉包雞、 串燒豬肉和炸蝦丸，無論配泰式雞醬或充滿花生碎嘅沙爹醬，都咁好味。泰式炒金邊粉包蛋 ~ $110賣相好特別，用蛋絲做成個網，將炒好嘅金邊粉包喺裏面，金邊粉炒得香口，甜甜地，充滿泰式風味。蒜香椒絲炒椰苗 ~ $90椰菜苗鮮嫩，用椒絲蒜頭炒，夠哂鑊氣。椰汁西米糕 ~ $60西米糕QQ的，淋上大量椰汁，一點也不吝嗇。吃完這一餐，非常滿足。才知道何謂正宗泰菜，下次一定再來光顧。