Cafe Whale (已結業)

住喺呢頭附近，食嘢食到悶悶地，好少可會有呢啲小舖，今日終於黎試一試佢。個飽好脆，唔錯。店員好用心服務。不過鋪頭細，位少，有點油煙焗住。好多人都黎叫外賣。同區食物黎講價錢偏高，不過一分錢一分貨😋

Had a nice friday lunch with colleagues at Cafe Whale. nice atmosphere n good food. Angus beef n bacon burger was delicious, I liked the melty cheese. fries were well seasoned. food was so good that we forgot to take pics before diving in! a little bit pricy for just the burger n a can of coke.

傳聞香港仔新開咗新coffee shop南區人都有推介過 所以好奇去望望細細間，感覺很warm牆邊有幅畫 幾有style Menu直接掛牆 簡單直接晚飯前嘅關係2個人一餐set share 叫咗黑松露魚堡+cappuccino 魚堡有驚喜餡好豐富黑松露醬同炸魚好match 炸魚真係好鮮，唔係腥味個包比起出面啲burger 好食好多好鬆 感覺好多牛油香味Cappuccino 雖然唔係100分但比起香港仔某連鎖coffee shop好飲好多Hand made 開心果撻原來都有驚喜內餡有raspberry 一大啖好爽如果唔想幫襯連鎖呢間cafe都係一個好選擇

作為南區人，當然支持下位於香港仔既漢堡店🤤 最中意做完運動去食野🤗🤗🤗 日日做運動的人不怕肥😂😂😂😂😂-1️⃣) 🎋竹炭和牛漢堡🐮🍔💲7️⃣5️⃣2️⃣) 安格斯珍寶牛肉漢堡🐮🍔 💲6️⃣0️⃣麵包好香脆😳😳😳😳😳 肉味濃喎😳😳 充滿油香 而且唔會煎到燶晒乾晒 咬開之後 肉仲有淡淡既粉紅色🤤🤤🤤 以上既價錢都跟汽水🥤 但天氣真係太凍❄️❄️🤢 所以我就加錢💰轉左咖啡☕️☕️-3️⃣) 炸魚柳🐟➕薯條🍟➕汽水🥤 💲4️⃣0️⃣拿！魚柳真係好明顯係新鮮魚🐟做😳😳😳 真係有！魚！香！😳😳😳😳 而且肉質嫩滑🤤🤤 不過係下午茶🍵餐 所以比較細份 所以唔夠喉🙊🙊🙊 -所以好老實，餐廳周街都係 您話係咪要裝架火箭🚀係啲菜式到先叫有噱頭 先可以突圍而出？緊係唔係啦 最緊要係有誠意 食物有質素，呢間咪係囉🤗

今日去香港仔探朋友，經過Cafe Whale 試左松露炸魚漢堡、和牛漢堡、焗扇貝及甜品。兩個漢堡一黑一白，賣相已經好吸引，炸魚好香脆冇腥味，和牛都好juicy,甚至個麵包都好鬆脆好好味，店員介紹個飽係用咗特別配方做嘅。焗扇貝$48大大隻又新鮮，我同朋友兩個share一隻都夠食。最驚喜嘅係甜品，朋友點了開心果撻，開心果蓉仲夾了層果醬，好好味，而我點的檸檬柚子撻，味道好清新，我同朋友都大讚好味！此店座位不多，都要等左陣位，但食物係即叫即做，店員好nice 又會主動上前介紹，等下都值得嘅！下次再來，一定要試下其他漢堡及炸海鮮😋

閒時週末想去食個burger 同飲好味少少既咖啡。最近都要去到黃竹坑，依家行都行到去！Cafe Whale 食物唔多選擇 ( 最好係咁 ，唔洗諗咁多！ ）今次試咗安格斯牛同魚堡，味道係可以的！個包好鬆化一定會再黎

ㄧ行四人，選了和牛漢堡，魚柳漢堡，炸魚仲(矇仔魚)，烤焗魷魚乾，炸鮑魚， 蕃茄海鮮湯， 咖啡，朱古力。和牛 肉汁多，味濃；包鬆軟；炸物香，皮脆不膩；咖啡，朱古力味香濃；伴碟沙律菜極出色。食完再番叫！值得一試再試。

今晚去試左新開的香港仔burger 小店,好鐘意.我叫左魚堡和lemon tart, 兩樣都好好好味.我未食過咁鮮味的魚堡, 再加上松露沙律醬,好鬼夾! 而且佢地個魚堡係用鮮魚造的,好有heart的burger,味道無得輸！like!!!Lemon tart, 好smooth and soft mousse!好香檸檬味同埋加左Ｄ西柚肉在面,好味吖~睇到meun ,重有其他burger想試，我－定會返離再食呀~支持小店! 好開心香港仔有此店yeah!

今日經過香港仔，見到一間新開嘅餐廳，剛好有少少時間，就入去試一試，睇餐牌應該係主打做漢堡的，所以我叫左個安格斯牛漢堡，仲有罐汽水送添，即叫即做，但等待時間都唔算太耐，漢堡送到，貌相精美，軟熟麵包夾住新鮮嘅蔬菜，安格斯牛肉質鮮嫩，值得一試！！！下次會試埋和牛漢堡

我和honey  在boxing  day  吃了一餐很有水凖的burger餐。好好味呀！1）和牛漢堡 ： 和牛非常juicy 和麵包鬆軟2) 黑松露魚堡 ： 這個包真的好好味，魚很鮮味，你絕對吃到同其他餐廳的不同，我下次一定會再吃3）法式海鮮湯也值得喝，湯裏有大大隻的蜆😍4）炸紅毛鏡： 感覺似細細的帶子，這個小食，推👍🏻好好味5）檸檬撻和朱古力撻： 我和honey 都很喜歡lemon tart , 酸酸甜甜， 好好的飯後甜品😍

見有新漢堡包店開張，就去試試點了竹炭和牛漢堡同安格斯漢堡，兩個都好好味，食得出係用左靚嘅牛肉，熱辣辣，啲汁又幾好味，係有用心做嘅好味漢堡包炸魚都幾好味，魚好新鮮，一樣熱辣辣，出面跪入面juicy 食到一半聽到格離枱嘅小朋友無端端大聲講，話個甜品好好味，佢今晚發夢都會記得，全間店的人都笑左出黎我地聽到之後到都問店員加錢試埋個甜品，係有橙同西柚同薄荷葉响上面嘅檸檬撻，唔試都唔知原來西柚，薄荷葉同檸檬撻係咁夾，唔差得過 Italian tomato 啲甜品，加15蚊就有得食，都幾抵店員好Nice, 主動問我地啲野好唔好食，又問我地覺得點樣可以好啲我地覺得食物質素真係唔錯，可惜飲品暫時只有汽水供應，希望遲啲都會有特色飲品供應就好喇，而且鋪頭唔大，如果多人幫櫬就可能要响出面等下喇香港仔西餐唔多，難得有間咁好味嘅漢堡包店，希望佢地可以越做越好，等住香港仔嘅人有多個好選擇啦

店舖雖小,但環境氣氛令人感到温暖，服務員細心有禮。今日試左新出炸魚柳漢堡，味道一流，炸魚柳即造即炸，但一點都唔覺油膩，而且仲保持到魚嘅水份，一定係新鮮製造。店主見我一個女人帶住個小朋友，驚我食唔晒，特別為我炮製兩個細嘅Mini burger，我啱啱湊完小朋友放學食真係啱啱好，唔會太飽！佢哋仲專登整咗份薯條俾我小朋友，以後都會再幫襯！ ！其實之前已經試過佢哋嘅牛肉漢堡，當時諗住買返去當lunch食，點知唔記得拎返公司，雪左一晚第日lunch再試吓叮嚟食，啲肉味重好濃！

新鋪開張，約左朋友去試下！所有食物都新鮮制作，即叫即做！第一次試食竹炭漢堡飽，感覺好特別！牛肉好juice 😋!! 炸魷魚口感很好，不油膩！👍🏻仲有即磨咖啡同甜品！真係岩哂下午茶！值得再去！

同家人入去香港仔走轉，見到間小店，賣d西式小食，正合我心意Order 左幾件漢堡包🍔同cake🍰～超⋯級⋯好⋯味直頭好食過d 5星酒店tea set 真係一試難忘😋