影片
更多
2013-01-28
95 瀏覽
星期六好少出街食，所以呢餐lunch搵Ｄ乜來食我都揀咗好耐好耐，揀完又轉再轉再轉轉，最後終於都係揀返食過美麗華分店的"Caffe HABITU The table"，今次就揀去又一城分店試吓，其實呢間全港都有好幾間分店，只係我平時去開又一城睇戲經過都見到好多人排隊食，我都會問係咪真係咁好食呀？因為其實都幾貴架嘛。如果唔係適逢生日有人請，我都唔會去食喇，呢餐lunch就係咁而去架啦。呢日我同老友係1410去到，因冇得Book位要walk in的，所以就要係門口企定定排隊(最憎得位)，等了15分鐘，終於有位喇....。入座冇耐已經可以點餐，因為都預先睇過menu有乜想食，最緊要係揀返我上年幫襯冇食過嘅野，另外一定要飲愛爾蘭咖啡，老友再揀多一款食物同飲品就點餐喇，不過當上哂枱後睇落又好似份量好少唔多夠食咁，所以就叫多個＜忌廉煮菠菜＞，一次過上哂枱留影先食得~哈哈哈哈...。食到３點５，係時候埋單喇，連加一要 $364真係好幾貴，味道同賣相其實係好嘅，不過份量同價錢唔成正比，會覺得唔抵食，如果下次翻兜嘅話，我諗都要大人請先會要去啦。以下是當日點選的菜都係Share食嘅：① 愛爾蘭咖啡 Iris
如果唔係適逢生日有人請，我都唔會去食喇，呢餐lunch就係咁而去架啦。
呢日我同老友係1410去到，因冇得Book位要walk in的，所以就要係門口企定定排隊(最憎得位)，等了15分鐘，終於有位喇....。
入座冇耐已經可以點餐，因為都預先睇過menu有乜想食，最緊要係揀返我上年幫襯冇食過嘅野，另外一定要飲愛爾蘭咖啡，老友再揀多一款食物同飲品就點餐喇，不過當上哂枱後睇落又好似份量好少唔多夠食咁，所以就叫多個＜忌廉煮菠菜＞，一次過上哂枱留影先食得~哈哈哈哈...。
食到３點５，係時候埋單喇，連加一要 $364真係好幾貴，味道同賣相其實係好嘅，不過份量同價錢唔成正比，會覺得唔抵食，如果下次翻兜嘅話，我諗都要大人請先會要去啦。
以下是當日點選的菜都係Share食嘅：
① 愛爾蘭咖啡 Irish Coffee $58
② 榛子酒香咖啡 Frangelico Layered Latte $58
③ 精選沙律 HABITU Salad $62 ADD 煙三文魚 Smoked salmon $22 =$84
④ 香烤墨西哥雞肉薄餅 Chicken Quesadillas with guacamole, tomato salsa and sour cream $88
⑤ 香草炒雜菌 Sautéed Wild Mushrooms with mixed herbs $38
⑥ 忌廉煮菠菜 Creamed Spinach $38
= $364 + 10% Service charge = $400.5
我的＜愛爾蘭咖啡＞真係好啱味，係第二到飲過多次都係一般，呢間的確幾好飲。老友的＜榛子酒香咖啡＞飲到有ＤRUM酒味，唔甜但冇啡味，只覺好奶。
＜HABITU Salad＞份量少，還要額外加錢$22才多２圈煙三文魚，一陣風就冇咗啦，不過煙三文魚係好食，菜也極新鮮，賣相都靚。
＜香烤墨西哥雞肉薄餅＞薄餅裡的是菠菜和薄切雞肉，雞肉少少鞋，不過我係鍾意鞋嘅質感，薄餅烘得酥化帶微脆，側邊有香草蕃茄醬，呢個醬好好味。
＜香草炒雜菌＞好牛油味唔覺有香草味，我就麻麻，不過炒得幾乾身又腍，也不錯。
＜忌廉煮菠菜＞用忌廉煮的真係好Creamy，見到都驚，雖然幾好食，但係有Ｄ漏。
張貼
