California Pizza Kitchen (已結業)

和朋友慶祝生日,見食評幾好,就去試下啦.點知......好失望.叫左春卷,煙肉長通粉,雞肉pizza(唔記得全名).無特別,無驚喜,唔明點解噉多人排隊.pizza算好味,不過都係好過pizza ?ut少少意粉最後黎,好漏,食到我個胃好頂.不會再去!

上兩個星期日約佐大學同學黎呢度食飯, 由於十月係我做搞手, 所以呢度都係我揀既. 我地張枱係窗口位, 對住個海, 好正. 我地四個人叫佐個雞肉餃子, 一個辣肉腸pizza, 同一個墨西哥雞肉菠菜闊面, 仲有一樣野唔記得佢叫咩名. 個雞肉餃子OK啦, 辣肉腸pizza麻麻地, 個菠菜面味道怪怪地, 雞肉份量好少, 但都幾好食. 後尾見大家好似唔多夠食, 我提議叫甜品, 我地叫佐個brownie, 同埋一個唔知咩朱古力餅. 去親美國餐廳我一定叫brownie架啦, 呢度既brownie好好食喎, 好食過Friday, 好正~!!

十月一日國慶放煙花, 諗住去睇啦...點知封唒路...幾經辛苦搵到一間min charge 合理+幾好食+睇到煙花+仲有位(9:00p.m.)嘅, 一坐底煙花就開始, 三隻大船睇哂, 餐廳位置都算對正, 咁舒適咁係室內睇煙花都係第一次喔~~ 每人min charge $130, 試左chocolate banana cake, 好香香蕉味,不太甜, 正! 仲有雜菌薄底pizza, 好脆足料...好味, 煙肉忌廉意粉好濃好香芝士味但份量較少, 意大利雲吞..太淡.., chicken caesar salad 多d汁多d芝士味會好d, 不過都幾新鮮, chicken 仲熱又滑好味.... 有煙花睇, d 嘢又好味~

今日(星期日)諗黎諗去都唔知食咩好，走入黎睇吓呢個食評，最後揀左呢間餐廳.......即刻book 檯，5:40pm 打電話，book 6:30pm，接電話嘅人講明要8:00pm 還檯，都唔知幾時開始有呢類規矩。準時6:30pm 去到，叫了一個半份的凱撒沙律，一個蝦筒，一個大蝦芝士忌廉汁闊麵，和一個生菜煙肉芝士pizza。凱撒沙律夠新鮮，半份的份量都幾夠，仲見到好多人叫添!!蝦筒都好好味，個甜酸汁都較得幾好!!個闊麵味道都幾好，不過份量明顯太少，連pasta 碟的凹位都有空位....想叫佢不如用隻細d 嘅碟啦....叫Pizza Kitchen 嘅反而個pizza 最差，個底好乾，d 料又少，煙肉粒太咸.....三個人去，飲兩支啤酒，埋單$375，唔算平，又唔算貴。

同老婆的紀念日，諗住食得好d坐得舒服d，係openrice search下，決定去呢間。有聽其他食家的話-訂位，果然立即有位。而且reserve左個seaview位添!打開個menu，好多pizza，唔知食邊個好，最後:1. 墨西哥雞肉pizza(new) - 好味呀，用料新穎，份量剛好。2. 煙肉芝士意大利粉- 好好味道! 芝士味又濃又香。3. chocolate souffle cake - 太甜，食完覺得好肥。冇咁甜的話，口感算好。環境舒服，服務ok，食物好味，價錢不算貴，真係值得去。

之前去係MK食過兩次都覺得OK, 今次再同同事去食TST呢一間, 因為事先無訂位所以無得坐Window位>.<坐低之後即刻覺得好涷... 個冷氣真係開到好"行", 我諗佢set得19度果種... =.=有褸既人都已經即刻著哂, 跟住都係頂唔順叫四眼仔waiter熄細D冷氣, 佢竟然耍我話個冷氣已經開到最細, 不過因為洗完冷氣所咁都係咁涷... 真係當D客咩... 見佢都唔想做咁所以再搵個經理黎講, 今次個經理就真係熄返細少少個冷氣喇... 不過始終都係偏涷, 好似想趕客走咁, 坐半個鐘都好辛苦...食物都同MK果間水準差不多, 唯獨個蒜香忌廉汁意粉唔知點解變左好細碟=.=" 得返平時50%... 不過因為已經肚餓加上等左好耐, 所以大家都食住先無再投訴, 驚佢又唔知要整幾耐, 再等又要捱冷氣...總括黎講, 都真係要投訴下D冷氣真係好鬼涷, 點解唔可以開細少少, 又慳到電D客又坐得舒服D, 講真呢一晚我地真係涷到都無乜胃口食野, 係咁依食D就走喇~ 佢地咁做真係害左自己o者~

訂了位. 如果唔係要排好耐隊了. 仲安排了張海景枱. 環境真是一流.點了凱撒沙律...全部都係菜...本身不太喜歡. 但其實唔差的.另外點了鮮蝦卷..都好普通.最好食都係個pizza. California club pizza. 不過等左好耐...有牛油果, 生菜, 雞肉. 好好味...但好飽...要打包.飲品涷檸茶有無限添飲.我點了杯呍呢嗱奶昔...好似飲雪糕咁..都唔錯.

我一向都唔太好薄餅，因為大學陣時食到怕。論依間薄餅，我覺得只係不過不失，好過必勝客，但就未到大師級水準，好多餐廳都會烘得更好食。反而我幾欣賞佢個CARBONARA，即係煙肉芝士粉，個汁調得幾好。總括講，依間餐廳環境算舒適，未去過一試無妨，但唔會係同區或同類首選。

噚晚去咗食pizza, 八點幾都要等位,下次都係訂位好d。兩個人叫咗一個雞肉凱撒沙律(半份)$58, 波菜菊芋漿$68 <--其實係用墨西哥脆片"點"波菜蓉，及一個辣肉腸pizza$78。實驗証明兩個人係食唔哂咁多嘢，叫兩樣已經夠...1) 個沙律好夠味..雞肉ok..唔柴皮..2) 波菜菊芋漿..好味，勁多脆片，波菜蓉夠熱...但係最好四個人先好叫..3) 辣肉腸pizza, 個皮同d料及芝士配合得啱啱好...唔會太多又唔會太膩....價錢合理，加埋個海景..加分啦~下次會再試朱古力香蕉蛋糕..好似好好味咁~~~

尋日星期六Book0左CPK個窗口位同gf一齊去食晚餐, 0個度環境好靚, 望住個海好正, 我地叫0左個傳統bbq雞厚pizza, 一個墨西哥粟米湯, 牛油果蛋卷, 加州鮮蝦卷, 一杯西柚風情特飲同一杯無限添飲凍檸茶. 首先0黎0左個湯先, 味道不俗, 有d似羅宋湯+忌廉湯混合版, 而且辣辣地都幾開胃, 大碗裝$38佢地仲幫那地分2碗上, 服務都幾好!之後0黎0既就係加州鮮蝦卷, 呢個係一個冷盤, 食0既時候點汁食, d蝦好新鮮, 好有口感, 值得推介!跟住0黎0既就係牛油果蛋卷, 呢個係熱盤0黎0架, 非常之好食丫, 我gf同我都覺得呢個小食好好味, 仲有2種唔同0既沙律醬可以點, 味道一絕, 食落入面鬆軟外面脆, 味道好又唔油膩, 我同gf都覺得正! 之後到主角pizza, 我地所揀0既係招牌bbq雞pizza, 味道其實唔錯, 好過pizza hut同意粉屋0個d, 味道唔會太濃太油膩, 而且$78好大碟, 2個人淨係食個pizza都夠飽, 結果我地食唔晒打包, 不過真係幾好味!我同gf係0個餐廳度叫d waiter幫我地影相, d services都幾好, 添飲唔駛叫會自己主動

已經不是第一次到這家餐廳, 今次朋友生日, 諗起這裡個seaview 唔錯, 就來和朋友慶祝生日7點3去到,等左5分鐘就有位, 我地自己買了b-day cake, waiter 幫我地雪起, 要吃的時候叫他們就可以了。等齊人一人先叫了一個飲品, 之後叫了幾個pizza 和pasta,食物方面, pizza 好crispy, 不過好少料, 味道偏鹹, pasta 唔錯, 不過唔夠汁, 好乾, 不及之前吃過的磨菇雲吞好, 總括而言食物不算太特別環境方面, 適合一班人gathering 多過倆口子拍拖談心, 因為都幾嘈, 但不至於像茶餐廳或酒樓, 正因為環境不太靜, 我們才可有說有笑地完成晚餐服務方面, waiters 經常為我們"tim"飲, 反應亦很快, 唔會叫極都唔應。另外值得一讚的是, 他們幾個人一齊為我們捧出點了"立"燭的b-day cake 之餘, 還一齊為生日的朋友唱生日歌, 真係估唔到。走的時候原來已是10點半, 多多少少因為waiters沒有"趕客", 使我們都不為意原來已足足坐了3個多小時

came here with 2 friends last sunday as my post-b'day celebration.it's quite crowded on sunday night, i tried to call and make reservation. yet they only have table available after 9.15pm. we tried "walk-in" with no reservation at around 8.15a.m., luckily we've got the last table of the restaurant. hurrahwe had:1. jamaica pizzathe meat is quite sweet, kinda reminded me of peking duck. it's that kinda sweet, i.e. sour sweet. it's got a bit too much cheese, yet i'm fine with it, i like cheese a lo

因為不餓，只點了兩樣。首先是墨西哥雞肉菠菜麵條，只有極少量雞肉及黃辣椒條，味道是怪怪的有點酸，好像加了很多沙拉醬。再來是烤鴨薄餅(Peking Duck Pizza)，脆薄餅上加鴨絲，葱絲。熱食時還可以，冷了就很難食，而且味道很鹹。沒有想要的朱古力蛋糕做甜品...好的只有侍應生服務周到。

時間：2006.8.17 (四) 晚人物：我和A食物：California Club Pizza - 未吃過如此特別的pizza。餡料是牛油果、生菜、雞肉、鬼佬臘腸，芝士的份量不多，因此沒有傳統pizza那些「餅斷絲連」。牛油果和生菜都很新鮮，味道一般，但口感不錯。蘑菇意大利雲吞- 以蘑菇作餡料、配以香草忌廉汁的意大利雲吞。醬汁很香，真的很香。看似份量不多，但吃下去不知不覺會飽起來。服務：合格，汽水和檸茶等飲品都像美國的餐廳一樣設有免費添飲服務，值得一讚。總評：面向維港的海景，加上特別的pizza和食物，令人回味。吃膩了pizza hut或意粉屋的傳統pizza的朋友，不妨到此一試。

見到食評，此乎個view 唔錯，Aug 17 到此處同男友試下．有5-6張2人桌近窗，可望到維港．我未去前以為係落地玻璃，這樣就會好正．原來唔係，有一個好高的窗台的，因此望出去只會見到水面或以上的景物．點了以下菜色　：　1)Chicken Dumplings美國雞餃子: $482)Jamaican pizza : $783)Ravioli w/ cream sauce 燒烤醬唔知咩肉餃子: $82Drinks:4)Grapefruit Fizz 西柚風情特飲: $255)Ice Lemon Tea : $25 (無限次添飲)我本人覺得食物味道中等，無乜驚喜．不過因風味問題，pizza 真係比係pizza hut 的咸好多，我本身都食得咸的．其他餃類就不過不失．除了凍檸茶外，我見到可樂都可以添飲．雖然凍檸茶可添飲，但其實杯飲品係無乜茶味的．至於環境方面，可能因座無虛席及餐廳格局問題，真係好鬼嘈，好似茶餐廳咁，所以一D都唔浪漫．服務方面好唔錯,好快有人應,及加飲品.態度亦非常有善.地點係海運大廈LCX二層入面，如由地鐵站行去，都要成10-15分鐘，好遠呀．總結：不過不失，無乜驚喜．如維港有