Canadian Pizza (錦繡花園) (已結業)

去到朋友屋企、費事煮、一於order pizza外賣、去到餐廳都要等咗半個鐘頭先拎到外賣😔建議餐廳真係要改善吓。👆啖啖肉(大批)見到pizza真身、嚇咗一跳😱真係好誇張超級大、so far咁耐好少見到咁大個pizza、餡料有香濃茄醬、莎樂美腸、意式豬肉粒、煙肉及辣肉腸、超級豐富、食落好有滿足感😋醬燒豬仔骨配炸薯條、雖然外貌好似燶燶哋、但食落去一啲都感覺唔到、反而極之入味、好食到停唔到口、薯條加埋醬汁出奇好好食👍卡邦尼大批、餡料有意式白醬、意大利煙肉、巴馬臣芝士、流心鸡旦加蒜蓉油、這個pizza 真係几特別、加入流心旦也是第一次食🙄效果几新奇、好濃沃嘅巴馬臣芝士味、又出其地夾、真係估佢唔到。總結：有機會一定要試埋其他pizza同小食🤩

我諗只有住元朗同屯門既朋友仔先會識Canadian Pizza 因為我都係搬左入元朗先知🤣🤣食過一次之後真係會返唔到轉頭 其他店既Pizza已經好少叫黎食 而因為我屋企嗰邊可以叫既外賣真係少之有少 所以次次有朋友黎我屋企我都一定係叫佢咁濟嫁啦😂😂個個食完都話好味 而且份量係相當之足夠 除左Pizza之外 佢個炸雞翼又係無得輸嫁！好建議大家要食！

呢間Pizza店已經食咗好多次，開親party都會喺到落order，朋友每次都讚不絕口😋😋加拿大人Pizza調味相當惹味，配料又多。仲有個芝士四重奏，因為用咗四種芝士整，味道超濃郁，好好食啊。魚餅稍辣，雞翼香脆美味。意粉焗飯選擇都多，仲有素食嘅選擇，不過醬汁有時俾唔夠多，較為乾身。比較推介嘅係焗芝士肉醬意大利麵(牛肉)同煙三文魚香草醬白汁意大利麵，洋蔥圈調味較多，食完都比較口乾。總括來講，以佢相當抵食嘅價錢，大件嘅份量同整體不錯嘅味道，絕對會一食再食。

經過門口見到巨型pizza好吸引，今次試咗整個海鮮盛宴普通批。原本都好擔心海鮮熟咗會縮水而顯得冇咩料，結果一打開盒好驚喜，勁足料！大蝦好彈牙，醬料味道好好。以前食pizza hut,食完都會好口渴，因為味精好重，依家發掘到呢間舖就可以唔再食pizza hut.

第一次幫襯足料menu沒料pizza🍕訂購熱線通但不送貨只能自取，OK冇問題😳～收錢不給單冇問題！出門一陣打開pizza一看大家覺得冇問題？？？少左好多應有既材料～～回去反映店員：我地沒酸豆，羅勒，火煎菜買既唔好意思吖～((（ﾟдﾟlll))))我帶住😷內裏晒咀～咁你不如話冇呢款批買仲好不用人客空歡喜一場嘛！！即時發現問題都唔更換比人或糾正事情，浪費人時間去專登去拎仲咁既服務態度💔冇材料都可以出爐買比人😓

今晚突然想食pizza, 原本想叫Pizzahut，但佢話要等成兩個鐘先有🙈所以就試吓叫呢間啦！我都係第一次試，係屋企附近，貪佢快同方便！估唔到來左之後，個pizza好大個好足料，比起pizzahut的大批仲要大😀😀而且價錢都好平！為起$208，有意粉，大Pizza仲有2個湯添！👍👍而且打電話叫pizza時，服務員都好好態度好有禮貌之後我意粉想改味道再打返去改，佢都好有禮貌幫我！而且佢話要等一個小時但最後好似唔使半個鐘頭就已經有Pizza到啦好快而且送貨員都好好！來到個Pizza熱辣辣！有機會再試吓其他味

如果閣下住係依間嘢附近，又想食pizza真係不妨可以一試。今次已經係第三四次叫架啦。首先，佢快過pizza Hut,份量又真係鬼佬笑分量超級大份。不過可惜唔記得左影相。之前叫過夏威夷加拿大同多肉嘅Pizza都覺得好好食。不過今次屋企人又叫返多肉Pizza。味道唔輸過出邊啲連鎖Pizza店。又真係落足料，加埋意粉同湯再加多個雞翼都差唔多係300。所以真係物超所值！最重要點係咩呀！係佢有足足＄12大大塊仲要味道都唔差添！！所以自從發現咗佢之後我都未帶過其他Pizza店！雖然佢冇芝心。

突然好想食pizza, 就有人係錦繡果邊買比我食。買左1個大批，2盒意粉，1盒雞翼，4個湯，再加1盒沙津，咁多都係300幾蚊，6個人食價錢叫做好抵食。全部都好有水準，其中pizza同黑松露意粉特別出色！煙三文魚沙津好大盒，個黑醋比較濃，比較特別。加拿大人招牌pizza好多料，咬落啖啖肉，皮脆卜卜。忌廉磨菇湯好杰好有味，料唔算多，但味道搭救，好正！松露意粉睇起黎好乾身，但超級好味！絕對推薦！雞翼有個辣雞醬，都算惹味。整體感覺非常唔錯，比較可惜係返到屋企野食已經有d凍，搵日一定要試下堂食。

這間pizza 店開了一段時間一直想試一試 由於今晚只有一個人食飯所以試一試這間pizza 店叫了外賣 pizza +小食回家食⋯點知出事了⋯⋯因爲好好味呀！我會再去試試其他不同pizza

啱啱嚟到呢間鋪頭，裝修都幾簡潔諗住試吓，價錢都算平，出餐時間都幾快，叫咗1塊pizza同肉醬意粉，塊餅底比起出邊嘅Pizza鋪脆，肉醬意粉芝士可以拉絲，意粉都算中規中矩。想食快餐係唔錯嘅選擇。