Canadian Pizza (錦繡花園) (已結業)

呢間Pizza店已經食咗好多次，開親party都會喺到落order，朋友每次都讚不絕口😋😋加拿大人Pizza調味相當惹味，配料又多。仲有個芝士四重奏，因為用咗四種芝士整，味道超濃郁，好好食啊。魚餅稍辣，雞翼香脆美味。意粉焗飯選擇都多，仲有素食嘅選擇，不過醬汁有時俾唔夠多，較為乾身。比較推介嘅係焗芝士肉醬意大利麵(牛肉)同煙三文魚香草醬白汁意大利麵，洋蔥圈調味較多，食完都比較口乾。總括來講，以佢相當抵食嘅價錢，大件嘅份量同整體不錯嘅味道，絕對會一食再食。