Chalet (已結業)

▪️$248 法國麵包蟹燴意大利飯意大利飯嘅蟹肉味好重，相信係加左蟹肉同埋蟹膏一齊煮平時好驚食蟹肉飯會好腥，但今次個飯唔腥之餘，反而仲幾有鮮味意大利飯都煮得好好，食落好creamy，口感好好.▪️$98 香辣牛肉他他牛肉他他嘅賣相幾好，被廚師搓成心形✨整體上食落幾鮮嫩，而且好滑溜估調味的時候有用到生雞蛋.▫️$88 香煎鵝肝配蘋果蓉鵝肝上枱嘅時候就聞到好香食落嘅口感偏向細膩絲滑作為前菜係一個唔錯的選擇😆.▫️38/pc 時令生蠔今次嘅時令生蠔係南非生蠔佢嘅特點係肉身豐滿，而且好多汁連第一次食生蠔嘅細妹都大讚好味👍🏻.▪️$68 Girl Generation 我地係因為個杯身好特別，加上又係無酒精先點嘅飲品係由士多啤梨、藍莓、山莓等等調製而成🥰飲落甜甜地，整體上係偏向士多啤梨同埋山莓味的果汁味

一行8人去興祝，中午只有套餐，我們各人叫了4個牛扒餐，4個豬扒，另加了$，叫了龍蝦湯，鵝干，因為看到食評，大家都十分贊賞這間店的食物，所以我們也都不是只吃套餐包的食物，結果大失所望。1。牛扒叫了3塊五成熟，一塊7成熟，5成熟切開基本上係3成熟，入面充滿血肉，7成熟是五成熟。有一塊牛扒入面忘滿根，有一半吃不到2。切牛扒的刀，不峰利，我們換了幾次刀，切牛扒都很吃力3。牛扒沒有太大的味道，充滿血腥味，但我們也沒有退，因為知道生意難做。4。朱扒是厚豬扒上，入口非常硬，中間沒有肉汁5。龍蝦湯，顏色看起來不錯，但喝下來，沒有龍蝦味，叫這個湯是要加錢的，完全失望極致6。湯，主菜也這麼難吃，前菜鵝肝加$又如何，加了$48 蚊的前菜，換來一塊很簿的鵝肝，入口已經凍了，外皮不脆。明顯是不合格的品質。是次消費，午餐我們平均消費了$230-$280 每人。我不知道為什麼會有人大贊這間餐廳的食物，但如果以今次吃到的東西，我絕對不會再去吃一次，對我的朋友也抱歉，因為是我看到食評也攪今次的中午飯局

昨天往荃灣等小朋友上興趣班，有3小時要消磨，便到了附近青山公路的西餐廳吃點東西，餐廳分兩部份，一邊是望到街景的位置，另一面就是indoor見到水吧位置，入面感覺蠻高級，而且waiter穿上整齊制服感覺專業。我坐在望到街景的高枱，感覺開揚舒適。侍應準備一個信封讓我放口罩，感覺貼心。我最終點了兩款小食，辣牛肉他他及蟹餅，及一杯凍檸茶。上菜速度不錯，先來牛肉他他，賣相十分美，看得出廚師十分好心機，連小食的擺盤也落足心機，牛肉他他味道好，口感豐富有層次，口味討好，很不錯。另一小食帶帝王蟹餅蛋黃芥茉醬同樣賣相吸睛，一上枱聞到香脆蟹餅香，熱辣辣而且大大件，外脆內香，一絲絲蟹肉配點檸檬汁，特別開胃。值得一讚是服務員態度非常好，感覺親切有禮，期待下次吃晚餐。

< 荃灣近愉景新城的小木屋 Chalet > 意外發現既一間高質價錢合理既西餐廳 別具格調，環境舒適既西餐廳 店內裝修別緻 ， 吧檯非常出色 🍸柔和音樂、舒適還境、員工良好服務態度配上美食簡直令人心曠神怡 。✨🦀法國麵包蟹燴意大利飯🦀 金黃色既忌廉汁 ，陣陣既香味 ，配搭精緻擺盤 ‎未食望落就已經覺得好吸引 ☺☺ ‎食落啖啖蟹肉 ，層次感豐富，份量岩岩好 👍👍 💃‎另外加埋side dish 芝士薯條 ‎重重既車打芝士味 簡直係大滿足 ‎😋鍾意食 French Fries既人不妨一試 ❤❤Gin&Pear❤❤ ‎ 全晚至愛非它莫屬 ~~ ‎ 花瓣， 橙乾 ，一層輕盈既蛋白泡為呢杯Gin &Pear帶黎視覺享受 ‎飲落去口感香濃幼滑 ， 因為有接骨木花既味道所以酒精味唔會話好重 ，容易入口 ，非常適合女士口味 ，加上打卡一流 📸📸 📌Chalet既價錢比起其他高級西餐廳確實是親民，食物別出心栽 ！！🍹🍹🍹 下次可以再去食！！😁😁

雖然今日落大雨但係都唔會阻我哋嘅雅興 同兩個朋友約咗去荃灣愉景新城對面嘅CHALET 小木屋😚一入到去已經覺得好有情調好有外國feel😍同埋覺得好高私隱度 好岩係到談心敘舊👍🏻👍🏻法國麵包蟹燴意大利飯🍚賣相好別緻同埋一上枱已經好香👃🏻蟹肉鮮甜而且每粒飯粒都充滿着蟹味 鍾意食蟹嘅人有福啦 就好似每啖放入口都係食緊濃濃嘅蟹肉一樣🤩美國頂級牛柳配波士頓龍蝦🦞.牛肝菌忌廉汁😋完全可以比呢個牛柳驚艷到 要左五成熟😛完全係肉質鮮嫩 好重牛味😋😋芝士薯條🍟新鮮炸出非常之脆卜卜 每條都可以沾上邪惡嘅芝士😍

約朋友假日食午餐，上網搵到一間裝修好靚，好有Feel嘅小木屋餐廳，仲係荃灣愉景新城對面 我地食 Lunch Set，Lunch Set 有【是日餐湯 (南瓜湯) + 自家製麵包 (麵包好香脆)】 主食就揀咗【烤加拿大豬鞍配焦糖肉桂蘋果 $148】香濃厚切嘅豬鞍，肉質咬落軟腍，又juicy，煎得唔會乾身，同蘋果醬好夾，配埋焦糖肉桂蘋果，食落有層次感，口味酸酸甜甜好好味 另一款主食就揀咗【寶雲酥焗羊架 $142】朋友見到：「嘩，3舊咁多！」面層被脆脆酥包圍住，外酥脆、內軟腍，食落仲無羊羶味，咬落爆汁 Set 餐本身跟咖啡奶茶，加錢就轉特飲我就揀咗【Girls Generation $38 (mocktail) 】最頂有個冰兜裝住啲士多啤梨肉，飲品加入好多款唔同莓類，仲加入Ginger Ale，味道超Fresh；隻杯好靚好吸引，杯飲品仲裝飾到好型 朋友就揀咗【Passion $38 (mocktail)】隻杯頂加咗一頂草帽仔，飲品將熱情果、菠蘿及芒果汁mix一齊，酸酸甜甜好開胃 CHALET (荃灣)荃灣青山公路407-411號金荃大廈地下B鋪

難得放工可以去個happy hour兼食返個dinner😌又有機會摸下酒杯底🍸.📍CHALET.🦪生蠔 (半打/$198) - 今次餐廳嘅貨係西班牙珍珠生蠔~隻隻都好肥美好鮮👏🏻🦀 法國麵包蟹燴意大利飯 ($248) - 賣相好靚~麵包蟹起哂啲肉黎煮呢個risotto😍勁creamy勁香勁好味!!啖啖都食到蟹肉嫁~🦞法式海龍王配麵包 ($378) - 滿滿嘅一煲海鮮用左龍蝦湯去煮，湯底可以點麵包，味道一流😋海鮮勁豐富~有魷魚、帶子、蝦、青口、大蜆、龍蝦、魚等等🍴正正正!🍹Passion ($68) - 個杯勁cute!!!好igable嘅一杯mocktail🤣用左菠蘿汁、芒果汁同熱情果調製而成，好fresh好解渴，啱哂依家熱到爆嘅天氣飲🤍🥃Old fashioned ($98) - 🙆🏻‍♂️話要黎返杯古典雞尾酒嘆返下，whisky香濃👍🏻

🍃 高級西式料理🍃 特色高質Cocktail🍃 一店多種裝潢風格英倫風高枱偽戶外區、舒適深木色系餐飲區、型格Bar Area (仲有上層添, 不過當天冇開放)🍃 服務殷勤到位餐廳名"Chalet", 有指係瑞士小木屋的意思🏚️位於愉景新城對面, 一條平平無奇嘅荃灣街道旁。坐低先叫兩杯cocktail試下值唔值得留低😏 Bartender即時用心調製🤵🏻出品賣相吸睛🍹一啖入口, 質素仲好過中上環某些酒吧😱 決定繼續留低嘆埋晚餐🍴價格中上, 食物高質, 對得住個價錢‼️--🥃"Low Calorie" (Happy Hour HK$88)Absolut Pear Vodka | Malibu | Yogurt Fresh Mango Juice & Lemon Juice 🥃"Gin & Pear" (Happy Hour HK$88)Tanqueary Gin | Absolut Pear Vodka Orange Bitters | Elderflower Syrup Egg White | Fresh Lemon Juice 📌Steak Tartare (HK$98) 微辣調味, 牛肉

今日同男朋友去南豐紗廠行完街諗住喺附近搵間餐廳食晚餐，於是就去咗呢間啲相又靚又幾多好評既餐廳試吓。一入到去餐廳環境好靚，好似去左外國既餐廳咁。因為我哋早去，又可以揀window sided嘅位，加上兩位侍應服務態度好好，令到我地對呢餐晚餐更加期待。因為早食飯未算好肚餓，於是我地叫左一杯mocktail ，一個湯，一個starter，一個main course。 啲食物一黎到個賣相好靚...好~1,2,3開動！點知一食就真係中曬伏.....

餐廳裝修得好靚可以影相打下卡佢有外邊同埋裏邊不過佢嘅外邊都係有冷氣嘅裏面嘅座位就比較黑d我同朋友係晏晝嚟有啲自然光Set lunch有埋餐前湯好好飲之後我同朋友都叫咗一杯咖啡估唔到都唔錯喎有Cafe嘅質素我叫咗西冷牛扒佢連配菜都有煮唔係淨係擺設西冷牛扒唔會太硬我叫咗五成熟真係做到有五成嘅效果👍🏻👍🏻👍🏻另外在叫咗個羊架最初好擔心羊架會好蘇面頭有啲蒜蓉脆脆配合埋羊架真係好好食😋好夾嘅感覺羊架好有驚喜

荃灣有好多出色嘅餐廳今天黎一間想黎試好耐嘅餐廳Chalet 西餐今天兩人叫了龍蝦湯半打法國生蠔煙燻帶子海膽意大利粉美國頂級牛柳配 波士頓龍蝦 牛肝菌忌廉汁先講龍蝦湯非常濃郁係我鐘意的濃稠度 配的麵包也是暖暖的時令生蠔今次係法國產地非常新鮮 質地偏creamy 肉厚好有口感鐘意食蠔嘅朋友要試下我非常鍾意食海膽所以海膽意大利粉是我最鍾意嘅菜式海膽份量非常之足料喇每一條意粉都被海膽汁沾滿主菜美國頂級牛柳配波士頓龍蝦 5成熟處理得岩岩好肉質保持鮮嫩龍蝦好大隻 好彈牙另外一讚Chalet嘅Cocktails都非常出色我鐘意 一杯叫 #LowCalorie芒果味好香甜今餐真係好豐富好滿足

難得星期六黎到荃灣覓食 見到呢間餐廳設計好森林 所以黎食個lunch 叫左兩個lunch set 前菜跟餐有 椰菜花湯+自家製面包 通常出面都係蘑菇湯或者南瓜湯 椰菜花比較少見 好濃椰菜花味 好足料自家製麵包外皮香脆 裡內鬆軟 配埋湯一齊食 好夾另外一個set加左$48配龍蝦湯 好香龍蝦味 仲有龍蝦肉 真材實料主菜叫左海鮮墨魚汁意粉 有青口帶子同蝦 加埋爽口既意粉 雖然食到成口黑晒 但都抵擋唔到墨魚汁既誘惑另一個主菜係烤加拿大豬鞍配焦糖玉桂蘋果 好大份豬鞍 雖然厚 但都烤得好夠淋 唔會鞋身 加埋旁邊既薯菜 都好夠飽 用蘋果做配菜 有少少酸甜帶出肉汁既鮮味跟餐order左杯Latte同蘋果汁 放假黎歎返個慢活午餐都好滿足

今日特登黎呢間食，平時好難book的，環境同食物質素都好高。韓式慢煮封門柳貌似5成熟！食落好掂，又滑又嫩，脂肪好香🥰正！仲有脆邊的質感好香！我地都享受🤩連個車厘茄都好鮮甜，果然小小的配角都細心挑選過。少女時代杯酒好好飲，充滿berries flavours。造型奇異但趣味性十足🤣好正。

產後終於可以鬆一鬆，呢一日Happy Friday 同老公行吓宜家傢俬添置新屋物品，順便喺附近食晚飯，呢間餐廳以小木屋做主題，幾有格調入坐後侍應都好貼心提供信封入口罩；而餐牌食物選擇唔算好多，但勝在好多都好有特色，款款都想試🤤前菜揀左鵝肝，最喜愛食物之一，因為大肚成年無食過🥲無令我失望，煎得香脆，配埋蘋果蓉，增添口感同開胃法式海龍王配麵包麵包有烘過好香脆；海龍王湯好足料，好多海鮮，有龍蝦、青口、蜆、魚柳、魷魚、帶子，所以個湯都好濃，清哂底🤤西班牙黑毛豬鞍配蜜糖白酒燴蘋果 法式檸檬醬豬鞍燒到岩岩好熟，所以十分嫩口，加埋酸酸甜甜嘅蘋果粒同檸檬醬一齊食都好夾👍🏻.後記餐廳服務都算貼心，唔會急，一道道菜咁上，又會主動幫我地換碟，環境氣氛都好好，適合情侶或三五知己聚餐

想舒舒服服咁揾個地方傾下計，朋友上網揾左呢間風評幾好嘅餐廳黎試下～我地2個都唔算真係好餓，所以夾埋叫左4野食share。呢度嘅食物唔算好大份，所以即使2人都可以叫幾款黎試下唔同嘅菜式。龍蝦湯味道都幾香濃，但唔會有陣苦味。口感都好滑，仲有唔少龍蝦肉係入面！麵包比較乾身，配埋湯黎食會好D見到唔少人推薦呢個帝王蟹餅配蛋黃醬，所以就一黎就決定要叫呢個！果然名不虛傳，成個餅都係由蟹肉組成，好香甜嘅蟹味，一食真係有驚豔到！非常推介！本身都好有興趣試個麵包蟹燴意大利飯，不過發現都係蟹，所以就轉左試呢個西班牙黑毛豬鞍配蜂蜜白酒燴蘋果。估唔到呢個都幾有驚喜，個皮焗得有少少脆，真係令人意想不到。肉質都幾嫩，而且入味，唔會有豬嘅蘇味。燴蘋果甜甜地之餘又帶少少酒嘅香氣，帶住一點小清新。本身想試多人推介嘅麵包布甸，不過依家應該已經冇賣 轉左食apple crumble，一上枱waiter拎開個蓋隨即有一陣小小嘅煙飄出黎，估唔到食落都有淡淡嘅煙薰味道。