Chalet (已結業)

尋日同朋友去荃灣行大型傢具店IKe@行到晚飯時間順便揾食見到對面街有間好cozy嘅木屋餐廳即刻吸引咗我入到去係估唔到餐廳都幾大 好有氣氛 行到最裏面係一個好靚嘅bar枱原來係酒吧西餐廳首先黎到酒吧餐廳梗係要淺嘗一下我地分別叫咗 Long Island ice tea 同一杯mocktail Girl Generation Long Island 都幾有酒味 而Girl Generation嘅木杯就非常特別 味道較淡 適合女仕法式海龍王🐲配麵包 🥯 $378龍蝦湯非常濃郁 湯裏嘅海鮮多不勝數 有龍蝦🦞青口、帶子、大蜆等 麵包沾着甜甜龍蝦汁非常好味西班牙黑毛豬鞍配蜜糖白酒燴蘋果.法式檸檬醬 $298黑毛豬吾會太韌 配上醬汁 甜味升華煙燻帶子海膽意粉🍝 $268帶子好大隻海膽均勻沾上每一條意粉加上三文魚子非常之傷口非常入味如果分量大啲就會更加開心另外side dishes 點了芝士薯條及牛骨髓 牛骨髓非常特別 真係成舊骨上再用骨上嘅骨髓沾麵包食用總括然而 一間非常有格調嘅餐廳🍴

荃灣真係好多好嘢食，呢間係其中一間我最喜愛的餐廳餐廳裝潢以木為主題，燈光柔和，配合輕快音樂，有渡假感覺，座位不算多，但很舒適服務周到，侍應有禮貌，上菜速度快，食物到咗依然好熱辣辣Set lunch1. 雞扒配蘆筍雞扒外皮燒得香脆，雞肉嫩滑juicy，加咗少少蜜糖黎燒好好食2. 烤紐西蘭羊架配香草燒薯芥末汁羊架厚肉，唔會過熟，加埋開心果碎味道獨特，倍添口感每個餐大約$100-$150，以呢個質素算好抵食

下着大雨嘅周末剛好遇到呢間頗有情調嘅小木屋高質餐廳避雨飲番杯Margarita HH $68最愛青檸清新少嗆口味加鹽邊，就是爽！ Girl generation $68 雜莓口味酸酸甜甜加接骨木花嘅清香，特別適合女生！盛着mocktail嘅人仔杯更感異國情懷，打卡之選。法式海龍王配麵包 $378盲曹魚肉夠紮實，口感唔錯。濃郁法式龍蝦湯🦞加入波士頓龍蝦、青口、帶子、大蝦、魷魚 、盲曹 烹調而成。外脆內軟嘅法包沾着食，夠滿足。芝士薯條 點了菜加$48就有喇。蘋果金寶 配雲呢拿雪糕 $68 打卡之選！ 最後不得不提嘅打卡甜品！玻璃罩住煙霧彌漫嘅蘋果金寶，食落雪糕味道都變了淡淡煙草味道就是大人味道，好特別！

工作繁忙，難得可以約咗朋友出街食嘢梗係要食餐好㗎啦。今日嚟荃灣，朋友介紹就嚟咗呢一間有外國特色嘅小木屋餐廳嗰度食咁我哋就叫咗兩個午餐，價錢中等，包括係澳洲西冷牛扒同埋加拿大豬鞍🤣牛方面就叫咗medium最後出到嚟都真係有medium唔錯，味道都幾好。另外一份就係豬😆加埋apple crumble醬汁都真係幾夾😚😚 我自己就比較鍾意食豬多d😍另外嘢飲方面我就叫咗熱嘅朱古力咖啡，以朋友就叫咗牛奶咖啡不過係凍嘅，唔使加錢，同埋飲落去嘅感覺好似係真嘅朱古力，而襯埋個環境真係好正好似去咗外國嘅Cafe一樣😜

🔸香煎鵝肝配蘋果蓉🍎油脂感十足的鵝肝煎到好香，口感好嫩，配上酸酸甜甜既蘋果蓉，開胃又可以平衡左油膩既感覺，好食！🔸帝皇蟹餅配蛋黃芥茉醬首先要讚下擺盤好有美感，用蛋黃芥末醬喺黑色個碟上畫咗簡單嘅線條再配上小花朵，真係成個feel upgrade晒！未食先影📸蟹餅炸得甘香鬆脆，切開仲見到一絲絲嘅蟹肉，真材實料！用咗簡單嘅黑胡椒調味吊出蟹嘅鮮味。🔸煙燻帶子海膽意粉煙燻帶子有三大粒，煎得好香口，鮮甜彈牙！海膽意粉一入口带有少許sour cream 嘅微酸，然后先會濃厚嘅海膽鮮味最后會食到Cheese嘅creamy ，成個層次好豐富。仲見到切成小塊嘅海膽掛係意粉上。🔸甜薯條驚奇地好食😳炸得外脆內軟，甜甜地，好食過普通薯條好多！！如果配返啲茄汁就更好喇😝🔸蘋果金寶配雲尼拿雪糕🍦揀左個甜品，一上菜呆左，有個玻璃罩罩住，而且有煙薰，勁啱打卡，不過我影唔切🤣🙈 雲呢拿雪糕好香濃，有雲呢拿籽，上面仲有金箔，賣相都幾靚！蘋果金寶幾酥脆，好友牛油香味，配上酸酸地嘅蘋果，整體都幾好食😋總括嚟講餐廳嘅前菜好精緻，食物有水準又高級，環境舒服，好啱飲杯酒談下心💕

# 荃灣美食 #小蓮星呑食荃灣🔻 Chalet荃灣青山公路407-411號金荃大廈地下B鋪/🧃時令生蠔 $38/隻來自西班牙嘅生蠔，細細隻，大約5號嘅size，非常新鮮，食落有輕微嘅礦物味，口感清爽/Set dinner $428🧃餐湯、法式鵝肝醬(頭盤)、麵包布丁(甜品)是日餐湯係雜菜湯，用料非常豐富，由紅蘿蔔、西芹、蕃茄同埋牛肉等等煮成，旁邊仲附上一塊自家製嘅麵包，脆卜卜。鵝肝醬係凍食嘅頭盤，入口香滑，滲透出陣陣嘅鵝肝味，配搭埋味道清新帶甜嘅梨醬，兩者相得益彰。麵包布丁口感軟滑，牛奶同雞蛋香味非常突出，味道甜而不膩。/🧃頂級韓牛封門柳牛肉唔係日本和牛食油香既路線，偏重更多喺牛肉本身嘅味道上面，感覺牛肉應該有dry age過，呢點我唔肯定，但無可否認嘅係，入口肉質淋滑，亦大有豐富嘅牛肉香味，不論係配搭經典嘅紅酒醬，定係芥末都好適合，呢個價錢嘅套餐食到呢個食物質素可以話係抵到爛/🧃西蘭花苗.榛子 $48西蘭花苗唔係我哋一般係街市買嘅西蘭花，望落應該係外國品種，菜框比較長，菜花嘅質感亦都比較實淨，單單係食材質素已經跑贏好多餐廳，更加唔好講牛油榛子醬汁有幾出色，非常高水準

🍴帝王蟹餅配蛋黃芥末醬 $98蟹餅不論喺香港定係外國，要食到好食嘅一啲都唔容易，我都係抱住試吓嘅心態，結果非常有驚喜。雖然唔知係唔係餐廳自己整，但係呢個鞋款嘅質素非常好，表面香脆金黃，蟹餅亦唔會散修修，形狀非常完整，蟹肉嘅味道亦都好濃郁，鍾意食蟹嘅人一定要試Set dinner $428 🍴餐湯、半熟吞拿魚伴三文魚子(頭盤)、麵包布丁(甜品)餐湯同埋麵包布丁貫徹返呢間餐廳嘅高水準，雖然未到未話好突出，但係一定稱得上叫好食，如果可以加錢轉龍蝦湯或者其他甜品就更好啦。半熟吞拿魚伴三文魚子亦都非常唔錯，吞拿魚香濃嘅魚肉味，加上三文魚子為佢增添嘅海鮮鹹香味，非常開胃。🍴 阿拉斯加黑鱈魚. 帶子昆布湯鱈魚兩邊煎封，魚皮帶有焦香味亦保持脆脆嘅口感，切開魚肉明顯見到魚肉保持到水嫩，肉魚肉之間嘅魚油不斷流出，味道鮮嫩可口，並帶有豐富嘅魚油香味。帶子亦都處理得宜，口感爽口彈牙，配搭埋昆布湯，提升成道菜嘅層次，必食推薦🍴牛骨髓 $68又係一樣抵到爛嘅食物，牛骨髓竟然只係需要$68，仲要個份量完全超越左我對配菜嘅認知，成隻手臂咁長，上枱嗰陣都嚇親，旁邊仲有幾塊包配搭埋一齊食，每一口嘅牛脂喺口入邊大爆發，非常

很長一段時間沒有出外吃西餐，趁今天星期日中午來朋友介紹的這家Chalet，吃一個悠閒午餐。餐廳環境裝飾舒服，燈光柔和，座位亦闊落，星期日中午全院滿座，記得要先訂位。中午有套餐提供，最簡單一人一個Set Menu，亦可以加配其他Side Dish和甜品。甘荀南瓜湯今天的是日餐湯是甘荀南瓜湯，南瓜湯色澤金黃，濃郁的南瓜香氣加上淡淡的甘荀味道，口感綿密滑順，帶有自然的甘甜，而配上一片仍然熱烘烘的餐包亦是餐廳自家出品，外脆內軟。烤西班牙豬仔脾配椰香飯太太選了的豬仔脾份量驚人，有三大支豬仔脾，烤得十分有水準，肉質軟嫩而肉汁豐盈，醬汁特別醇厚和味滲透骨肉，吃來有齒頰留香之妙，而椰香飯更令人有意外驚喜，以椰漿蒸煮過的香米，仍然飯粒分明，亦帶有淡淡的椰子清香。寶雲酥焗羊架我選了製作工序繁複的寶雲酥焗羊架，寶雲酥是法國菜最傳統的焗羊架做法，餐廳火喉拿捏十分精準，外層烤得剛好香脆而不過乾，羊架內裡生熟程度亦相當完美，有軟滑柔韌的口感，甘腴可口，輕輕的羊羶味更是畫龍點睛，羶非腥臭，反而是種由蛋白質形成的濃郁滋味。最後餐飲點了Cappuccino及Americano，必須一提餐廳的咖啡十分有水準，Cappuc

今年嘅生日，晚上冇得出去食飯，唯有中午食飯慶祝，揀咗荃灣一間西餐廳慶祝，因為有蛋糕送。🤣餐廳嘅位置係中染大廈對面果條街，餐廳隔離啲舖頭係啲酒吧。前菜有沙律，同埋洋蔥湯。沙律都好新鮮，加咗黑醋，好fresh. 但我就麻麻哋洋蔥湯，好似飲豉油湯咁。😂另一碗湯就upgrade左去龍蝦湯，都幾鮮味。烤西班牙豬仔脾配椰香飯 $118美國西冷扒 $132主菜叫咗一碟椰香豬仔髀飯，同一碟西冷扒。豬仔比飯比我想像中多，有成三件豬仔脾。特別之處係，碟飯溝咗椰汁，所以食落好有椰香味。至於西冷扒，都好大件，肉質亂畫，好有牛味。甜品就係browny，呢個係因為生日所以先送嘅。冇咩特別，但係上面寫有生日快樂嘅字樣，用嚟影相留念都唔錯。食飯嘅時間大概係下午一點幾，所以坐嘅位置附近都冇咩人，都坐得幾舒服。店員嘅服務態度都非常友善。推薦👍🏼👍🏼👍🏼

下午同男朋友去完荃灣光板田村同影貼紙相之後，夜晚去食西餐。我地叫左半打生蠔，今日係西班牙珍珠蠔。我以為珍珠蠔會好細隻，結果原來幾大隻。生蠔鮮甜多汁，有三種醬俾你：紅酒醋、檸檬汁、cocktail sauce。法式海龍王配麵包，有半隻波士頓龍蝦、帶子、青口、大蜆、魷魚、盲鰽各二。海鮮全部都幾新鮮，海蝦湯好好飲，好清甜，送外脆內軟既麵包超正，麵包索晒湯汁。炭燒澳洲羊架有四件，叫左五成熟，碟上鋪上希臘乳酪，伴以薯仔、蘆筍同紅蘿蔔。羊架入口軟腍，無羊羶味，好食。蘋果金寶配雲尼拿雪糕用透明蓋蓋住上碟，一打開有煙散出黎，唔怪得味道帶有微微煙薰味。蘋果金寶充滿蘋果粒，外面口感酥脆配上軟腍既蘋果粒，再加埋有銀箔既雲尼拿雪糕，正。6:00-9:00係happy hour，於是叫左兩杯cocktail：Margarita同Old Fashioned，兩杯都幾好飲，前者易入口，後者酒味濃烈。

係荃灣福來邨隔離嘅呢間西餐廳行嘅係貴價路線，但客人都幾多下，質素應該有咁上下，於是就入去試試。見到佢有生蠔食，作為愛蠔之人當然要試吓。叫咗半打每人三隻剛剛好，因為有3隻sauce：檸檬汁、茄汁、紅酒醋。紅酒醋比較平時少有，我幾鍾意，幾夾到蠔嘅鮮味。伴隨生蠔嚟嘅係我地叫嘅兩杯cocktail，一杯係Old fashioned，一杯係Margarita。Margarita好易入口，不過飲到後期偏酸，但有啲鹽係杯邊吊下味，啱女仔試下。Old fashioned都唔錯，有威士忌嘅醇香，但我唔建議加冰飲，除非你好快飲哂佢。見佢個set dinner嘅主菜同散叫嘅都完全唔一樣，價錢就其實差無幾。而散叫嘅main dish感覺吸引好多，於是就分別同女朋友叫咗羊架同「法式海龍王配麵包」。羊架配搭希臘乳酪，本身啲羊架都好冧，加埋啲乳酪就更加香軟，誇張啲講冇牙都食到。法式海龍王其實係龍蝦湯加海鮮：有帶子、青口、蜆、魷魚同半隻龍蝦，十分豐富。啲龍蝦湯好濃郁，點脆脆嘅麵包食十分夾。最後加多個蘋果金寶配雲尼拿雪糕做甜品，上碟時有個玻璃罩蓋住，有啲煙霧飄出嚟，幾有趣。食落香甜鬆脆，喉嚨乾乾地再食一啖雪糕，感覺一流

Happy Saturday!!雖然今日天陰陰 但無損約咗朋友出街既雅興朋友帶我去左荃灣愉景新城對面嘅小木屋餐廳食lunchChalet環境非常靚 入面牆身都係木質 靠近街道位置仲有落地大玻璃一邊享受美食 睇下窗外嘅風景 一邊同朋友傾計 人生一大樂事也Set menu款款都好吸引 百幾蚊有餐湯、主菜同飲品 價錢適中平日仲要冇service charge今日餐湯係洋蔥湯+自家製麵包麵包幾特別 睇落似法包 但食落去有牛角酥既口感香脆之餘又夠熱 唔錯！Main course我揀左西冷牛扒賣相非常之靚 而且份量都唔細要左五成熟 真係整得剛剛好顏色好靚 食落去緻滑 牛味濃 而且幾juicy朋友要左豬鞍佢都話食落好滑好高質餐飲要左latte 有少少拉花好飲 係perfect ending朋友既cappuccino 齋睇賣相都100分

終於有得回復晚市堂食 即刻去間浪漫既餐廳 拍下拖☺️ 依間西餐價錢偏貴 不過勝在食物高質 環境舒服 唯一扣分為係冇水 tap water都冇 得樽裝水～🦁 set dinner （$318）➡️ 餐湯@南瓜湯正常✅ 前菜@半熟吞拿魚配三文魚子超好食！吞拿魚半熟 好香！同蛋香醬好夾 配埋三文魚子更加香～✅ Main@頂級韓牛封門柳好食！ 有d筋 不過整體好淋 調味好夠 熟度控制得岩岩女 唔夠喉！✅ 甜品@麵包布甸好食！唔太甜-✅ 法國麵包蟹燴意大利飯 ($248)Risotto 要煮得好食真係唔容易。依個勁impressive 濕度岩岩好 入面好多蟹肉 味道香濃！仲有芝心伴碟 不過上面蟹鉗有dd overcook✅ Cocktail@Whisky Sour & Sour Girl兩個都唔錯！ 難得有番晚市堂食真係要飲下酒chill下～🦁 Chalet (荃灣)荃灣青山公路407-411號金荃大廈地下B鋪 (8咪半對面)🦁 人均消費：$480｜推介：❣️❣️❣️❣️

今個情人節同女朋友揀左呢間係荃灣既鋪頭諗住咁多人話好食咁多人推介實無食點知一試就中伏 仲要咁貴好肉赤兩個人食左900蚊但食物質素最多600環境又唔係話好靚 暗到就黎訓著啲燈光昏暗到想影張相都會起格 情人節同女朋友完全影唔到相頭盤帶子吞拿魚蓉 — 普通到不得了鵝肝 — 可以係稱得上好食兩個湯都係正常 普普通通擺得入口咁主菜羊架 — 幾淋 但份量偏少 豬鞍 — 個豬本來無問題 但佢配個蛋餅真係難食 所以其實剩係食舊豬 甜品Brownie — 普普通通Lemon tart — 呢個係戲肉 真心好L難食 食落去係酸到想嘔 真心想問整果個人有無試過味 自己都無試過可唔可以唔好比客人食 仲要個餅底係又淋又濕 我出面5蚊買個蛋撻仲好食過呢舊野100倍 呢舊野係擺唔L到入口呢間野完全唔值得人入去食 普通到不得了 仲要收咁貴比啲普通野客人 我知情人節係收貴啲係正常 但質素係水平以下 全部菜色我無一樣野係想再食或者食到唔停口 完全係超出我想像 甜品係可以用失敗黎形容 連拎杯水都要收錢 勸大家都係慳返啲錢 或者去其他店食好過 因為真係一定會失望 想影相既影唔到 想食野既食唔落 但收就收得好貴 性價比係0 好

疫情底下少咗好多機會出外食嘢如果唔係上次朋友約我去荃灣飲嘢我諗我成一兩個禮拜都冇乜點出過去呢間餐廳啲cocktail又幾有特式嘢食都唔錯㗎！最緊要氣氛好三五知己坐埋一齊傾吓計飲吓嘢又一餐