Chatuchak (已結業)

到希慎逛街，之後到11樓的food court晚餐，food court名叫Kitchen 11，環境尚算舒適，設計簡單乾淨。我們選了靠近窗邊的位置坐下，非常舒服。這個food court有很多不同菜式供選擇，花多眼亂，我們就鎖定目標，選擇了吃泰菜。我們點了：泰式濕炒牛河。牛肉片炒得剛剛好，保持了肉質的嫩滑，河粉充分吸收了醬汁的味道，口感十分彈牙。整碟牛河的味道濃郁而不膩，配上紅蘿蔔絲、椰菜和芥蘭，味道相當出色。酸辣鳳爪沙律。配搭的蔬菜很新鮮，有蕃茄、紅蘿蔔、芫荽、青檸、青椒、紅椒等。鳳爪的口感軟嫩多汁，搭配着特製的酸辣醬汁，充滿豐富的口感層次。酸辣的味道與鳳爪的嫩滑完美結合。朋友嗜辣，一下子便吃光！我們另外叫了芒果糯米飯。糯米飯蒸得剛好，米粒Q彈，搭配上新鮮成熟的芒果片，口感鮮甜多汁。套餐還可加錢配上飲品。我們選了泰式荔枝梳打和泰式青檸梳打。泰式荔枝梳打有粒粒新鮮的荔枝果肉，口感清爽，帶有淡淡的甜味。而泰式青檸梳打則以青檸汁和汽水調製而成，酸甜清爽，充滿了青檸的香氣。我們都飽餐一頓。想不到在food court都有如此高質平價抵食的泰菜。

小妹呢期食開泰國菜就好想繼續食😋撞岩去銅鑼灣行街，又諗起希慎11樓有類似大食代既餐廳😍於是上11樓搵野食，點知就見到呢間正宗泰國菜啦😎環境：🌟🌟🌟🌟🍍🍚菠蘿炒飯想當夠鑊氣，飯粒分明，且配料適中，當中有蠟腸、菠蘿粒、雞肉、蛋及三色豆，面頭仲有肉鬆，一食落口好香口，有種甜酸感覺，幾開胃😋🐂🍝牛肉炒金邊粉食泰國菜基本上都點要試吓金邊粉，夠地道風味，呢間餐廳會係旁邊放花生碎、辣椒碎及砂糖作配料😮呢個金邊粉仲有雞蛋、芽菜、蔥及豆腐乾等配料，味道整合來相當不錯👍🏻🍜冬陰功豬扒船麵每條船麵都掛上冬陰功味道，酸酸辣辣🤩 香濃又幾有層次味道，豬扒又口香口，份量算不錯，軟硬度適中，亦會切件上，食時好方便😚🥤凍香茅荔枝梳打凍香茅荔枝梳打飲落口已經有種清香嘅香茅味，配埋荔枝+梳打水，味道非常清新😆質素：🌟🌟🌟🌟🌟餐廳主打多款地道泰式美食，價錢好親民🥳大約$60左右就食到😋 性價比算唔錯😼價錢：🌟🌟🌟🌟🌟

銅鑼灣Foodcourt都有好味又抵食泰菜🔺冬蔭功湯粉- 雞扒- 金邊粉湯底帶點微酸，辣度很溫和主要以香料的香味為主，完全不油膩雞扒煎至雞皮金黃色，加上湯汁，肉質嫩滑入味金邊粉份量很多而且不會太軟🔺蛋漿咖哩- 豬扒炸豬扒切件非常貼心，豬扒又不會很肥或者肉質乾柴，依然保持鮮嫩多汁，而且炸過之後很香蛋漿咖哩比普通的濃稠度更高，而且可以看見醬汁中混入了蛋黃絲，吃下去也有淡淡的蛋香味，送飯一流🔺酸辣無骨鳳爪沙拉鳳爪份量多而且很入味，表面鋪上大量西芹、香草和辣椒，再加上魚露汁非常惹味，辣度都有點辣的所以最好叫飲料喝

係誠品睇書睇到攰攰地，就上樓上food court搵野食，順便坐低休息下。呢排天氣太熱，想食酸酸辣辣泰國野，就揀左呢間，見店員都應該係泰國人，信心都高d。🐷冬陰功豬扒湯米粉🐷$70冬陰功湯好濃郁，酸酸辣辣好開胃，幼身米粉索哂湯味，食到停唔到口，豬扒好多，肉質厚身，但完全唔鞋口唔韌，肥瘦分明。🥗青木瓜沙律🥗$58沙律好大碟，青木瓜超多，加上有生菜做底，夠新鮮，而且有脆脆花生相伴，配上自家酸酸辣辣醬汁，冰涼開胃。🥗酸辣札肉沙律🥗$58估唔到係札肉多過沙律，超抵食，札肉厚薄切得岩岩好，黑椒味好出。評語待應有禮，做野快手食物抵食🐵推介🍌🍌🍌🍌🍌（5🍌為滿分）

夜晚一個人諗唔到食乜，就去咗希慎food court搵嘢食，最尾揀咗呢間泰國嘢。叫咗冬陰功湯粉($60)，加泰式奶茶($10)。湯粉味道正正常常，奶茶就偏淡。點知食到一半，竟然喺碗粉入面撈到隻曱甴出嚟！我即刻拎去同個阿姐講，佢一句唔好意思都冇，淨係話換過碗。我當時已經算好冷靜，正常聲量咁講咗句「有冇搞錯有曱甴衛生咁差」，然後佢好大聲唔耐煩咁話「我知，咁你換唔換吖！？」。我走咗冇換到，因為已經唔敢再食佢啲嘢，亦都冇退錢。

我覺得呢間是希慎food court 好選擇，呢邊近窗邊位又坐得舒服，主食粉麵飯都是$60上下，加十蚊八蚊就有泰式奶茶/特飲，性價比高，是飯堂之選，店員還是泰國人呢！海南雞飯（$68）豐富大份，雞滑油飯也好吃，個汁幾好味，還有酸瓜和湯，$60幾蚊在銅鑼灣來講算幾抵食！+$10仲有杯泰式奶茶，我覺得都幾好飲，唔會太甜。加$28有埋蝦餅！出餐又快。仲有芒果糯米飯（$58）都値得叫黎同朋友 share, 糯米飯熱辣辣，芒果勁厚又夠甜！！像我在泰國吃到那些💕 個飯同芒果份量都多，同朋友share食剛剛好！以此性價比，是可以回頭的。

希慎廣場嘅food court有好多野食，提供中日韓泰菜，其中一間引人注目嘅泰國菜餐廳叫做「Chatuchak」，呢個名完全吸引了我，每次我去泰國旅行，都必定會去一趟呢個市集🍝泰式乾炒河炒得好乾身，並加入左豬肉片、蔬菜、蛋。河粉炒得韌而不黏非常夠鑊氣，泰式乾炒河添加的黑醬油完美地包裏著河粉，炒到有炭化效果，好惹味🐔招牌海南雞飯雞肉柔嫩多汁，搭配著香氣四溢嘅油飯食海南雞除左雞肉係重點之外，醬汁的獨特性都係不可缺少，微妙的辣味和香料的香氣，令我回味無窮炸蝦餅係泰國菜中的經典小食，口感有彈性，並充滿蝦肉嘅香味，外層炸到金黃色，酥脆Q彈

Lunch time同同事係希慎food court搵野食 見到呢間泰國菜份量幾多又唔貴 一於試下咁多人但岀餐都好快💯🥢泰式蔥油豬扒煎蛋飯豬扒好大塊😍煎得好香乾身但肉質係juicy!白飯粒粒分明 煎蛋仲係流心的 配埋蔥油食冇得彈🥢泰式乾豬炒河炒河好有獲氣 豬肉片大塊軟腍 食落好夠味同惹味 配料仲有啲芥蘭同雞蛋 正啊🥢飛天通菜通菜份量好多 好新鮮食落索索聲好鹹香🫶🏻🥢泰式奶茶食泰菜必飲 喜歡泰奶茶夠香濃地道嘅味🥢珍多冰好多啫喱係底🤭飲落超香椰奶味呢間泰菜可以列入lunch飯堂之一🤭

去銅鑼灣chatuchak食泰國菜，叫咗個招牌海南雞飯，炸蝦餅🍤，海南雞雞肉好嫩，好有雞味，啲雞去晒骨，食落啖啖肉好Juice，個餐有油飯同冬瓜湯，蝦餅肉質彈牙，加$12可以有🧉飲品，好抵食👍👍

今日行希慎的誠品，看看有没有新既手工書，攰攰地去十一樓揾食。點了泰式牛丸河及濕炒牛河，牛丸OK夠彈牙，有芽菜，味道不錯，但牛河的牛肉就完全冇味及很鞋，我咬不到，河粉味道不錯，但是比較濶身，很碎，不推介。

喺希慎行街都幾多野食 不過無諗過原來food court 都卧虎藏龍 今次等朋友放工想簡單食個晚飯 就喺希慎廣場11樓揀到呢間泰菜<<chatuchak >>🍂泰式肉碎煎蛋飯炒得好香嘅肉碎 的確係有返咁上下辣 唔太食到辣嘅朋友要留意 但個人認為辣得好爽呀！🍂泰式奶茶跟餐只需要加$10 咁抵點可以唔叫！都幾正宗 比較甜 不過好解辣～🍂泰式濕炒河有雞牛豬揀 我地揀左牛河粉係好塊嗰款 超級掛汁無論肉定蔬菜都一樣好足料🍂香茅荔枝梳打 一樣都係只需加$10咋估唔到香茅同荔枝又幾夾喎 不過都係較甜嘅🍂燒豬頸肉豬頸肉係泰菜嘅靈魂肥瘦度啱啱好 而且一份先$58 抵食！🌼見到舖頭又真泰國人打理 唔怪得食物咁有Bangkok 嘅感覺 去food court 都遇到呢個質素仲要埋單先$206 真心覺得好抵呀！

去開銅鑼灣附近行街，想速食又有勁冷氣的地方唞一唞，終於去了希慎廣場11樓Food Court 的ChatuChak試了他們的幾道招牌菜，包括泰式乾炒牛河、泰式豬頸肉飯和招牌海南雞飯。整體而言，這家餐廳提供的菜品味道中規中矩，能夠滿足對泰式料理或亞洲美食有興趣的食客。首先，泰式乾炒牛河是這家餐廳的一道經典菜品。這道菜以寬條狀的河粉炒製而成，河粉煮得恰到好處，有著適度的嚼勁，搭配著惹味的調味料，味道不錯。其次，泰式豬頸肉飯的豬頸肉經過泰式香料的調味處理後烤制而成，肉質鮮嫩多汁，讓人回味無窮。對於喜歡豬肉料理和喜歡泰式風味的人來說，這道菜是一個不容錯過的選擇。最後，招牌海南雞飯是這家餐廳的招牌菜之一。雞肉鮮嫩多汁，搭配著香氣四溢的海南飯和特製的醬料。雞肉經過獨特的處理方式，皮薄肉嫩，保持了原汁原味。海南飯則蒸煮得恰到好處，米粒飽滿有彈性。醬料則帶來了一絲微辣微酸的風味，為整道菜增添了層次感。

前幾日行完希慎就去左food court食野😆😆朋友話想食泰國菜，於是去左試呢間由泰國大廚🧑🏻‍🍳主理的「Chatuchak」～～餐廳主打多款地道泰式美食，價錢親民！大概$60幾就有交易，性價比好高👍🏻👍🏻🐥招牌海南雞飯 $68✨賣相吸引！雞肉皮爽肉嫩，雞味濃郁🤤🤤而且已經去哂骨，咬落啖啖肉、好juicy！！跟餐有油飯同冬瓜雞湯🥣，可惜當日油飯賣哂，唯有下次再試❤️❤️🍝泰式乾炒河(牛) $64✨份量十足～選用泰式寬粉，質地好軟滑！！裡面有牛肉片、紅蘿蔔、雞蛋、芥蘭等食材，全部炒得好有鑊氣🔥！整體唔會太油膩，都唔錯😋😋🍤炸蝦餅 (+$28)✨另外仲加配左款泰式小食試試～～炸蝦餅外層香脆，蝦肉肉質爽彈！蘸泰式辣醬食好開胃👍🏻👍🏻飲品方面，我地揀左龍眼冰(+$12)同珍多冰(+$12)🍹～～龍眼冰清甜解渴，飲完透心涼❄️！珍多冰口感豐富，帶濃濃椰汁香🥥～推介🤩🤩

下班後吃什麼好呢？決定簡簡單單就去銅鑼灣的的希慎廣場樓上美食廣場找一間餐廳，看著看著就知道想吃什麼，上到去人超多的，機乎都滿坐😂👍🏻走了一圈，就試試泰國美食Chatuchak🇹🇭⭐️馬拉盞通菜 $58馬拉盞作為經典泰國調味料，用來搭配爽脆通菜就最合適不過！大大碟好惹味！⭐️泰式濕炒河配牛肉 $64泰式濕炒河就像福建炒飯，在寬寬的河粉上加入秘製醬汁，沙河味道不咸，但有香濃的蛋與河粉味道，配上滑滑的牛肉！⭐️泰式豬頸肉湯粉 $78清甜的湯底，配上彈牙有口感的河粉，加上爽口帶有點點焦香的豬頸肉。如果加點辣就好了⭐️咸檸梳打 $10咸檸配上一杯梳打🥤🥤帶有淡淡的咸檸味的梳打。聽說咸檸化啖止咳效果😝食完落樓下睇下書先！

在美食廣場內的泰國菜自助式點菜落單，剛好搵到位坐低，起菜鐘就响，好快有得食。鳳尾蝦炒金邊粉好有鑊氣嘅金邊粉，大隻蝦肉、芽菜、韭菜、洋蔥絲、蛋絲，最好嘅就係調味嘅花生碎、辣椒碎、白沙糖，都分別放在碟邊，客人可自行決定加入拌勻黎食。泰式蔥油豬扒煎蛋飯香香嘅葱油夠野味，至正荷包蛋煎燶邊，重有蛋黃流出嚟，煎豬扒唔乾，將白飯落埋附上嘅豉油，好滋味。馬拉盞通菜炒香馬拉盞醬連同蒜片、辣椒絲、洋蔥絲和通菜，炒得夠鑊氣，通菜唔老夠爽脆。珍多冰(凍)熱檸檬水(熱)