Cherry Tokyo Cafe (愉景新城) (已結業)

不過不失😅好耐冇食過日本嘢，咁啱見到就入去試試。因為係lunch time，其他舖頭好多😅間餐廳個環境其實更加似Cafe，佢有唔少嘅甜品，同埋一啲日式洋食🍽咁因為係午餐時間，都叫返個主食。今次叫咗個海鮮三色丼🍚嚟到見到個份量其實啱啱好，唔會話太多飯好少配料。不過啲飯就唔係幾好食，有啲太乾嘅感覺，如果用醋飯會好少少🤏好彩嗰炙燒三文魚腩同左口魚邊都燒得唔錯，有油脂香味😋令一碗個三文魚刺身都切得幾厚身，三文魚子個味道都啱啱好👍🏻

周末行完山，黎到呢個充滿小朋友既商場"CANDY PARK"食CHERRY其實之前係將軍澳都食過，印象幾唔錯就再食啦 出左個"Cherry Special Set Menu"，around $150包左前菜、主菜、甜品同飲品，幾抵玩！！！咁我地叫左燒春雞+薯蓉做主菜，店員話要等20分鐘話，我地有少少囧左... 店員即刻話係「即叫即燒」，我地又變得好期待結果係......等左半個鐘，但好好食~師傅只燒左面頭個邊，一件雞胸一件雞脾，外脆內軟，雞胸一d 都唔韌，肉汁鎖住好香好嫰另外叫左個"蟹蟹蟹"意粉，一黎到好香好蟹，味道好濃又唔太咸！口感方面：麵唔錯好彈牙，男朋友話可以再硬身少少 (各花入各眼啦~佢食開硬d既麵~)，亦因為有好多既蟹子，食落有仲有d脆~~唯一失色既係蟹肉入面有唔知係蟹既殼/軟骨碎...唔太okSet逢送既前菜/甜品/飲品本來無咩期望，但出乎意料地好食，加分！沙律好新鮮，火腿唔會好咸，甜品一食就知係日本出口既雪糕，牛乳味好濃偏甜我地額外+$18，叫左件芝士蛋糕，雖然細細件但口感真係好出色總結，Set Menu 好抵食有水準，埋單都只係$300頭~

卡邦尼意粉完全冇味好淡同埋太淋 牛角包太硬好似食緊香口膠 薯條淋曬唔好味煙三文魚太碎 煙肉太油膩第一次食 完全好失望 睇啲相以為賣相ok 點知中伏 希望餐廳能好好改善差評 ！！

之前係愉景新城買滿指定金額所以有2張$50飲食coupon 好多餐廳都試過 所以揀左cherry 中試下🍒週末夜晚7點幾都冇咩人 唔駛等位 都適合坐多陣傾偈叫左煙三文魚明太子意粉同辛辣蕃茄海老意粉可以+$12 沙律/湯+$15 要飲品+$18 要甜品係芝士蛋糕$45可以要晒全部, 平左$12蚊另外加$25要左個芝士肉醬薯條我好鍾意咩都食少少所以加左一個全部set湯係周打蜆 比較淡味芝士肉醬薯條幾脆 肉醬都夠 好食😋煙三文魚明太子意粉 $98 (7.5/10)好creamy, 明太子都好多.辛辣蕃茄海老意粉 $98 (6.5/10)個辣味幾特別, 少少辣, 蝦都爽口..甜品芝士蛋糕就普通 唔夠滑但叫做有甜品食幾開心服務就明明當日冇咩人..但唔知點解會冇晒杯 要用紙杯裝水其他都冇咩問題原本呢餐$296 兩個人，減左就一人一舊水有$100 coupon就幾抵食, 冇就可以試下, 味道唔差味道：服務：環境：回頭率：性價比（無coupon計）：

是日執雞去睇 粉紅芒草 同 誠品書店 小展覽 睇完放個水就順手食午餐啦🔸餐湯 沙律沙律普通 餐湯好飲 有香香小煙肉😍🔸蒜蓉野菌意大利飯 $98不錯吃 蒜蓉成功令個飯無咁漏 🔸煙燻三文魚牛油果忌廉意粉 $88搭配普通 三文魚煙燻味同牛油果既清新唔夾 整體唔難食 但亦唔算好食加配🔸唐揚蓮藕魚餅 $15細心的丫叉竹簽 每件都牢牢的一口💯蓮藕碎碎的滲雜在魚餅中 口感味道都不錯 🔸吉列廣島蠔 $15脆漿略厚 但內膽火喉剛好 取回分數餐飲🔸凍檸水正常野🔸果味茶桃味果茶 唔駛加錢黎計高質喎 甜度剛好 又唔係成日啲現成橙汁之類 有點新鮮感·⚠️餐廳採用膠地板一類材質的地面 潮濕天比較跣 店員都有細心提醒🔔不過尤其帶住小朋友 真係要小心行

講真大商場租比較貴都唔期望會搵到太抵食既野就試試呢間西日fushion菜🤫主餐牌就真係價位較高而唔特別但午餐價錢都可接受其中有個set岩曬心大心細既朋友迷你丼餐($88)佢有六款迷你丼可以簡其中兩款午市再跟麵豉湯同前菜所以都幾豐富🤫不過味道就唔算特別感覺上呢間餐廳定位唔太清晰希望會有番多少少特色🤫

今天慶祝朋友嘅生日，朋友決定選擇了這間跟她同名嘅咖啡店慶祝。我哋嗌左三樣主菜，分別為芝士焗肉醬意粉、松葉蟹肉三文魚子醬油漬及車海老洞庭烏冬配伊勢海老濃湯、鐵板飛驒黃牛漢堡及車海路配飯，還有甜品Cherry麵包布甸繽紛金字塔。我們食嘅時間大約係晏晝3:30pm, 可能是星期日嘅關係，沒有下午茶需要單點，所以決定單點個意粉，再選了兩個set menu. 兩個set main course包括松葉蟹肉三文魚子醬油漬及海老洞庭烏冬配伊勢海老湯，名就又長又有氣勢，餸菜嚟到時發現分量超細，幾粒松葉蟹肉，兩至三隻蝦，價錢為$168。另外，鐵板飛驒和牛漢堡及車海老配飯，個名又係好勁，其實係一塊用鐵板裝住的小漢堡及白飯，價錢又係$168。最後，到佢甜品嗰part，嗰個麵包布甸繽紛金字塔，其實即係而家好大路嘅粒粒西多士，仲有三個雪糕球，價錢為$148， 味道沒有特別，我真心覺得價錢真係set貴咗。一個下午茶時間，食緊晚餐嘅價錢，更何況係一個大眾化嘅荃灣區商場入面，真心覺得性價比低。

其實呢間日式cafe 原來開左好耐 但係就從來都未去食過 因為距係商場既位置唔係好起眼鋪面比較open ,staff 都好殷勤 而且一間鋪4枱客 得距一個staff 都照顧得好好下午茶時間 我叫左個下午茶set黑松露雜菌意粉 小朋友揀左吉列豬扒漢堡配薯條松露意粉 🍝松露味道非常濃 好creamy 小朋友鐘意到不得了 個碟如果可以吞 距都差d食埋個吉列豬扒漢堡個豬扒都算厚 豬扒其實好食只係個包烘得太乾 失色少少另外加杯焦糖咖啡 杯咖啡都算好味 總括嚟講 我都覺得可以再去

放工同另一半拍拖撐枱腳，愉景新城咁多餐廳，決定食呢間試吓新野今日唔知點解好想食日本嘢，於是照左個迷你丼set（包左兩款唔同嘅刺身丼同埋湯），但丼既迷你程度真係好驚人食完好似冇食咁不過刺身整體味質素非常唔錯！另外叫咗一個晚餐，可以加錢追加湯、飲品、甜品、沙律！我哋就加咗一個蜆湯，個湯嘅味道非常濃郁，當然蜆肉就得幾粒，飲完都有少少好飽肚感叫咗個北海道帆立貝車海老意大利飯，即蝦完全無鮮甜味，口感好「鞋」，飯嘅口感因為係意大利飯關係所以比較硬身，我唔太喜歡好似食生米既感覺葡萄酒煮大蜆，因為我好鍾意食海鮮所以一定會叫！餐牌係咪寫住微辣，但係一啲都唔辣$118黎講真係好唔抵！

早排食了次外賣。因為晚市有6折便第一次試。食了一個漢堡牛咖喱飯，食了炸生蠔，燒烤豚肉。見個Menu 好似幾好食，所以便試吓。個咖喱飯，講真好一般，沒有特別驚喜。 有點失望。個牛都有少少乾，只係因為同埋d 汁一齊食，先沒咁覺佢咁乾。而個炸生蠔外面層粉漿便略厚，所以食落口，口感不好，麻麻地啦。反而，見到$68 豚肉，一打開個盒，好似得8粒定10粒，細細舊肉。一見到便覺得。。。。。下？咁少？但食了第一口，便有驚喜，佢醃製味道好好，食到少少孜然味，而且肉質鮮嫩，好彈牙，不錯👍🏻。可是，整體來講，實在一般。因此，食完呢次之後，便沒再幫襯啦！ 餐廳周圍都有好多別的選擇。如果未食過，都沒損失。如果用正價食，我個人便覺得不抵。 但如果想試，便趁佢仲有特價先試，我會覺得比較抵。

一家三口係愉景新城玩，行到差唔多，揾餐飯坐諗住食晚飯見到呢間餐飯個餐牌，有好多選擇，小食，主菜，兒童餐。。有日式有西式，有熟食有生野食，一家大細去總有一款啱兒童餐，小朋友就好開心。有薯條，四件壽司，三粒肉丸，兩件泡芙。。如果小朋友大食，可能唔夠。我小朋友就剛剛好。大人呢。。叫咗個迷你薯蓉焗田螺，size 係一隻手掌咁大，真係好迷你，唔係好夠食。再加個迷你丼，食埋都未算好飽。另外，叫左個凱撒沙律，有啲失望，因為啲菜唔係好新鮮，仲有啲黃。個醬汁就OK！整體來講，價錢唔算好平，但都算坐得舒服。好啱一家大細去

今日係荃灣路過見到cherry Tokyo cafe 餐牌覺得幾吸引，決定入去一試！叫左牛油果三文魚焗飯，蕃茄黑豚焗飯，仲叫左個北海道cheesecake 做甜品。三文魚焗飯唔錯，唔會太乾，魚同牛油果幾match蕃茄黑豚肉焗飯比想像中好，豬扒幾淋易入口Cheesecake 望落雖然簡單，但芝士味好濃

今日去完一田行街，就決定要離開荃灣廣場，因為實在太多人喇......於是行左去愉景新城，呢間cherry Tokyo cafe 之前已經留意到佢，不過未有機會試，今日一個人食晚餐，所以就一於試一試今日我試左和風咖喱雞扒飯$88 + $45有湯+湯律+飲品+甜品，四樣嘢都係加$45咁當然唔會錯過啦😆，另外再加左$15試埋吉列廣島蠔，一個人食真係好飽🤣🤣🤣🤣不過大家要留意番，係無咩服務可言的。我星期六晚20:20入座，其實係無咩客人，得幾枱客，但我飲完的湯碗，食完的沙律及其他碟完全無人收，最後上的芝士蛋糕都差點無位放都唔同我收野囉係一田買左鬆弛熊欖枕，所以今晚由佢陪我食晚餐一黎就上左麵豉湯、沙律、荔枝茶、吉列廣島蠔。麵豉湯有少少偏鹹沙律🥗好食😋荔枝茶唔會太甜，幾好飲主角：和風咖喱雞扒飯甜咖喱帶點微辣，雞扒十分嫩滑飯係日本珍珠米，所以好好食我最後成碟清哂吉列廣島蠔炸得剛剛好，好有蠔味仲有少少配菜添甜品：芝士蛋糕🍰芝士味唔太出，蛋糕好有蛋味

同朋友相聚, 又有小朋友, 所以特意揀左愉景新城食個下午茶!2點半已過繁忙時間, 到達時店內只有一半客人, 店外亦無咩人等位, 但仍然要等上10-15mins先可以安座~全場只有兩位侍應, 而且都是態度麻麻, 面黑黑的, 但明明都不是很繁忙吧!食物方面, 最後點了肉醬薯條、雪糕多士山同一個三文魚牛油果焗飯,味道都是幾好的, 不會太重味精, 只是上菜時間都是非常慢慢慢慢!最後有要求侍應添水, 不過只添給一位, 其餘都沒添, 這不算是過分要求吧!如此服務態度, 再更好味的食物都影響了心情, 而且價錢亦不算超值!!強烈不推薦此餐廳啊!!!!!!

呢間餐廳好靚，LUNCH又唔算好貴，就同朋友黎左食，叫左個帶子忌廉意粉，意粉個汁好好味，好夠味又夠傑身，口感好豐富，不過食左大半就覺得好溜。個湯都好好味，好夠料同埋飲落好足海鮮味。小食加錢要左雞餃子同埋春卷(不好意思我忘記了它是否叫春卷)，兩個都好好食，全部都好夠熱，個雞餃子好JUICY，非常好食，不過D汁好熱，要擺一陣先好食，否則啲汁會熱親個口。個春卷好脆都好好味。呢間餐廳我係絕對會再黎食多次，因為真係好食。不過叫埋小食好啲，雖然個意粉溜，但都覺得同朋友一齊SHARE埋小食先夠食，同埋先夠滿足啊！