Cherry Tokyo Cafe (愉景新城) (已結業)

帶住仔女同朋友食dinner，星期五六日無得book，但六點未有人唔駛等位。開放式餐廳，bb車拍住餐枱，有足夠位可放。亦有小朋友餐具提供。叫左一個意粉、飯、兩個小食，兩大一小，覺得唔太夠飽！但味道算唔錯！南瓜薯餅甜甜地幾好食。兩大塊。蓮藕魚餅就一般，又少😂。牛油果三文魚焗飯較咸，小朋友唔太啱食。最好食係個意粉（好似蟹子忌廉），蟹味濃👍🏼）p.s.單點main course，可加配沙律/飲品/甜品。

今天和朋友去了愉景新城逛街，行到累找地方地吃午飯。這間餐廳没有一個enclosed area, 坐任何一張枱都可以被外面的人看到，感覺不太良好。但因其他餐廳也有很多人排隊，在不想等的情況下便進去試試。打開餐牌，發現有很多不同種類的選擇。有 all day breakfast, 意粉、焗飯、咖哩、甚至壽司也有。還有小食，甜品等等。圖片亦相當吸引，花了我不少時間去選吃什麼。最後我選了all day breakfast, 加$45轉了set, set有沙律、麵豉湯、飲品和甜品。真實的樣子跟圖片一樣吸引，味道也好。mushroom 用了蜜糖來煮，十分美味。芝士蕃茄也很好吃，平日不愛吃番茄的我，也把他吃完。其他如蛋、腸等等也不錯。餐飲也有很多選擇，連cappuccino, 花茶等也可選。甜品是蛋糕，味道也很好。最後我還加了一杯綠茶軟雪糕，感覺很滿足。雖然我和朋友二人只點了一個餐，但已經非常足夠。今次對這餐廳真是另眼相看，下次一定會再光顧。

讚1. 西餐類還好，意粉做得唔算港式，料足，唔腍身，咖啡算係呢個場入面最好果間2. 唔使等就有位彈：1. 環境扣分，呢間真係同坐係商場條巷食無分別咁，同途人零距離2. 服務係負分，係呢區咁多間餐廳，都好難搵到有人既服務差得過呢間，落單唔會應客聽唔聽到，上檯唔會問客係咪你既，問一句就答一個字，我都唔要求有無笑容啦，但都起碼有正常交港卦？3. 意粉醬汁太多太厚身，本身質感其實好好，但醬汁一落，就唔得啦，太漿住左咁

今日同一班媽媽帶小朋友去上完堂，到了下午，我們想找個地方食下午茶，來到荃灣，我就帶媽媽們來到我平時食開呢間CHERRY餐廳食tea，因為這裡環境舒適，因為我們帶著BB, 最重要係有bb椅，又有地方可以安放bb車，還有bb餐具，我們點選了限定下午茶，我選了三文魚甜蝦蓉迷你丼，點餐來到，三文魚甜蝦蓉迷你丼, 有埋麵豉湯, 沙律，甜蝦蓉第一次咁樣食法，口感甜甜、配埋新鮮三文魚，味道好鮮甜，好好味，下次再來會再食呢個。

我本身都好鐘意食雞翼,燒雞翼我鐘意食,哈哈,不過我對食雞翼都有少許要求,如果雞翼皮太厚,又或雞翼太雪藏味,我就唔太鐘意食了,我又來介紹一下Cherry日式西餐廳,打開餐牌看到了我最喜愛食既雞翼,仲要係單骨雞翼,還有蜜糖味,看圖太吸引,就點選了這個來試試,點餐來了,外脆蜜糖單骨雞翼賣相實在太吸引,急不及待要食,一口咬落去食到脆脆地甜甜地,肉質嫩滑,食到好滋味,下次再來食的話蜜糖單骨雞翼必定要點選,也值得推介大家點選呢

每次到假期，我和老公帶埋阿囡來愉景新城行街，一到要搵餐廳醫肚，必選Cherry, 因為地方夠大，整潔乾淨，又可以有空置位放BB車，望到餐牌每一樣食物都好吸引，有沙律、意粉、壽司，丼丼飯還有好吸引的甜品今次看到門口餐牌寫著限定意粉，看到一個蟹意粉價錢兩百幾，我們就點這個試試，還叫了刺身沙律，首先來的刺身沙律🥗沙律汁好好味，刺身好新鮮，實在太好味，輪到蟹意粉到了，首先食蟹腳，好鮮甜呢，蟹汁配意粉簡直絕配，食完意粉連蟹汁都要飲埋呢，真係好好好好食，值得再回味。

已食這間餐廳多次，今次是一家人齊齊整整，同時間又有位，所以入來試試。服務滿意，擔心有點辣的咖哩會不適合女兒也先向我們提示。（其實一點也不辣）炸雞和豬扒也是用日式的材料和處理。他們讚不絕口。平時細食的細佬也能KO整個意粉。（可能份量比較少）我自己最欣賞是加錢的芝士蛋糕，因為很滑，又有芝士味，加上士多啤梨汁酸酸地很fresh。

We arrived at 12:45pm, no need to wait.Half of the restaurant was empty.We took a seat, waited for 2-3 mins and no one came to us.My friend went to the service stand and took the menu.I told her they should have lunch menu.A waiter came to us, and i asked for lunch menu.He told us, they combined the menu.We asked the other waitress to take an order.She told us, Here was the Lunch menu. We were  .We ordered pasta and burger for sharing.For lunch, it came with salad, soup and drinks.Smelled good a

我哋每次食午餐嘅時間呢就黎到愉景新城，呢度啲食物選擇呢就唔係好多，而呢間餐廳下午茶非常抵食只要你叫一杯飲品就可以用一個好超值嘅價錢叫一個飯或者意粉，起初我哋都仲喺度諗會唔會佢下午茶嘅份量會變得少左，因為我之前同朋友食過佢嘅晚餐， 份量都唔少。最後成份餐嚟到份量係一模一樣㗎，而且杯飲品好好味，食物平同平時正價嘅份量同質素都係一模一樣。所以如果想飲一杯好味嘅飲品為主，再簡單嗰啲食物，咁呢間餐廳非常適合。

星期日去咗愉景新城覓食，喺Cherry食咗兩樣嘢都冇令我失望。個人一向比較鍾意有日式風格嘅西餐，佢嘅葡萄酒煮大蜆意粉絕對冇令我失望！濃濃嘅蒜香配上葡萄再加上少少嘅辣味令成碟菜加分，以佢嘅大顯亦都好大隻好多肉！另外亦要左佢嘅芥末籽醬六安士牛肉芝士漢堡餐，佢嘅包係用牛油烘過嘅芝麻麵包，很趣很香，而芥末只亦令醬汁味道更豐富。牛肉亦很足料，但稍有點兒乾。值得一讚嘅係佢嘅粗切炸薯條，外面好脆，而裏面好起粉，非常好味！不過餐廳嘅服務方面略待改進，店員態度不太友善，而且服務效率低，建議餐廳增加人手。

逢星期六日，愉景新城午飯時間每間餐廳都爆棚。今日個仔玩到冇晒電又累又餓，決定搵間最少人既餐廳醫肚！又好好彩咁等10分鐘就有位喇！叫左幾樣野，除左個漢堡飽份量我覺得細左啲，其他都唔錯，上菜都係5-10分鐘就有！我食蕃茄焗黑豚豬扒飯，番茄味好濃，豬扒軟熟度，拍得住大家樂焗豬喎！黑咖喱豬扒飯係咸左少少，不過整體上都高性價比既！至於唐揚手羽都係不過不失，$38/3隻來說，係有少少貴嘅！環境方面，話哂都處於親子商場，配套方面做足，見到我有小朋友都主動提供BB櫈+餐具，值得一讚！

經過裝修之後，重新引進了非常多的餐廳。呢一間餐廳經常見到人流非常之多，今日見人流比較少，於是就攞飛等位，都等了2張大枱，前後44分鐘才入座。餐廳開放式設計，選擇多而且味道非常好逐一介紹下先叫主食加錢就可以order, 味道唔錯，一碟份量剛好亦係叫主食加錢order, 餐前小食沙律可以開胃最愛既卡邦尼，味道夠濃夠香，如果大碟少少更好日式咖哩牛肉漢堡，味道少少甜，唔辣，口感亦不錯呢個係職員錯手落order, 但見上左枱又幾吸引就照食吧呢個亦係非常香濃好味，但飯有少少硬身唔慣，但亦好快清旦單骨雞翅，必叫之選叫左2款甜品，綠茶雪係呢度主打，真係好好味，不能錯過

今年復活節假期冇出外旅遊，留港消費嘅人原來都幾多。今日嚟到荃灣愉景新城，人流極多，而且機乎所有家庭都係同小朋友嚟，無他，因為呢個商場真係太適合小朋友嚟了。餐廳位於地下個層，係面就係玩具反斗城。我點了這個黑松露野菌忌廉意粉，但我覺得忌廉味太濃，完全覆蓋了黑松露嘅味道。兒童餐共有4款可選擇，其實3款都吸引，賣相似乎唔錯。呢款有炸蝦、三文魚飯團、蜜糖雞腿、薯仔米沙律同麵包布丁甜品。老公揀了葡萄酒煮大蜆意粉，佢話味道幾好，而且好多蜆肉好juice。不過要留意，用餐時間有限制。

呢間餐廳通常吾洗卜麵大把位且坐得舒服，至於食物方面呢⋯⋯全間餐廳最令我滿意既係頭盤，有餐湯同蒜融包。主菜有飯，壽司或意粉甜品方面認真吾欣賞，太甜且吾特別好味而且吾便，

本來夜晚係打算食元氣壽司，但礙於太多人排隊等位，又趕住去睇戲，唯有臨時轉場。同樣位於地下嘅Cherry Tokyo Cafe，餐廳格局十分開揚。加上唔使等位，諗咗陣就決定食呢間。見menu啲菜式好似幾好食，一共叫咗4樣，諗住開心share，點知樣樣野份量都細到喊。火灸波波壽司盛（＄88）一共有6件，三文魚親子、帶子、蔥拖羅蓉、牛油果、鰻魚、左口魚邊。味道其實都唔錯，食落都新鮮。但每件壽司個size仲細過卷物壽司，一上枱見到碟野個刻真係嚇親，完全唔可以當主食。明太子焗新薯（＄38）明太子味道幾突出，加上香口熱辣辣嘅焗薯，都幾夾。呢碟又係超級細，同壽司size係一樣。好難得食完兩樣餸，其中一碟係薯仔都可以好似只係食完前菜咁唔飽肚。黑毛粒粒豬（＄58）黑毛豬炒得惹味，豬肉有少許醬汁味道，係幾出色。但都有同樣問題，size同頭先兩碟係一樣......呢三碟嘅size大概比手掌大少少，食完都只係得4－5成飽。Tiramisu雪糕（＄38）呢款係做得幾有tiramisu風味，雪糕面層撒咗唔少咖啡粉，底層則有再加醬汁，營造返冧酒嘅味道。不過雪糕質感唔夠軟身同滑溜，食落冰感較重，亦無乜牛奶香。個人認為