CHI Tachinomi (屯門市廣場) (已結業)

聽朋友講屯門市中心新開左間串燒居酒屋，作為大西北日菜愛好者，小妹馬上出黎朝聖一番餐廳室內設計貫徹傳統現代於一身，放滿日本酒瓶，岩哂各位日本酒鬼望下牆身，放滿左水墨壁畫，好似返左鄉下咁晚市新推套餐，$158就可揀前菜、飯類各一款，串燒兩款及飲品一杯另外，加錢仲可以加個牛肉飯（$58）或者鰻魚飯（$78），岩哂同好朋友share 啦前菜:胡麻蕃茄 開胃清新，如果份量多d就好啦串燒：京蔥雞髀肉+秋葵雞肉燒完仲keep到多汁，京蔥乾脆夠香，perfect秋葵燒得外脆內多汁，有鹽香燒蠔6隻大大隻燒蠔貌相新鮮，小妹有d怕腥味，落埋檸檬汁成個味道馬上變鮮甜鰻魚飯幼細既蛋黃絲，綿綿口感好特別甜蜜蜜燒汁鰻魚加上珍珠米飯，好滋味大阪牛肉飯朋友揀左呢款牛肉飯，牛肉汁惹味，牛肉脂肪比例較少，係健康之選估唔到屯門都食到咁高質既串燒居酒屋🏮，朋友晚餐聚會又多左個選擇

好耐無食過串燒,約埋朋友黎屯門呢度食下串燒，吹下水。餐廳環境唔錯，裝橫有串燒店味道。一坐低就點左4隻生蠔，新鮮肥美。土手燒：食落近似炆牛腩，淋身又入味，不愧係店家推介。燒鯖魚：串燒必點，無腥味，魚肉結實。燒雞皮同燒冬菇：朋友最愛，雞皮炸到熱辣辣，香脆可口。燒蜜糖西班牙牛餐肉：很大的一塊，抵食之選。日式炸雞塊：雞肉滑溜，唔會炸到收晒水而乾爭爭。燒雞泡魚干：我既推介，味道濃郁，一路飲啤酒，一路食，好快就食晒。推介比中意食串燒既朋友仔，屯門好難搵到間甘有質素既串燒了。

屯門新開日式居酒屋，環境幾特別。街頭風既裝橫令人諗起喺日本街頭既居酒屋，當然呢度就坐得舒服好多啦。定食：飯類+小食+飲品最平$70左右就有一個餐我叫咗鰻魚飯$85，玉子燒，另外加左幾串串燒🍢牛舌，秋葵，鵪鶉蛋鰻魚無叫特盛，但都幾大舊一個女仔份量算係岩岩好問過店員，特盛成碗飯都會大d串燒方面，牛舌一黎到生左少少我咬開左之後店員好細心留意到主動話燒返熟d👍🏻秋葵，鵪鶉蛋調味都唔錯，幾好食幾鍾意個環境，陽光好充足，放假黎chill chill都唔錯

今日去左搵屯門牛，發現一間新開既日式串燒店 🍢佢嘅位置係屯市一期舊許留山個位，都容易搵唔會蕩失路😁全舖都係滿滿嘅日式裝潢，再加上小小嘅工業風別樹一格，有種去左日本居酒屋嘅感覺🤟🏿🍱晚飯套餐 $158（前菜 飯類 串燒兩串 飲品）🧄鰹蒜味噌漬細細碟嘅錢菜，雖然份量唔多但係醃製嘅蒜頭10分入味，係一個開胃嘅首選！大阪牛肉飯期待嘅大阪牛肉飯，滿滿嘅兩三層牛肉鋪住喺日本飯上面，啲牛肉入晒味入口都叫做溶化，再加上沉澱喺白飯底嘅肉汁，撈起一齊食簡直係至高嘅享受！秋葵串燒雖然秋葵就冇乜味道，但係店舖加咗少少嘅調味製成串燒，香脆嘅外表令到佢生色不少！🥚玉子燒厚切嘅玉子燒食落去一啲都唔會一坺嘢咁，咬落去層次都分明，加埋脆皮嘅表面一層層嘅口感十分之推介！☕️麥茶相對起麥茶就比較失色，以為佢好似特色飲品咁樣一杯上，但係只係用普通嘅玻璃杯反而細細杯唔夠喉！🍚細鰻魚飯 $78呢個真係要推介俾大家，鋪滿晒白飯面嘅鰻魚肉，本來我對啲腥嘅嘢都好敏感，不過呢個鰻魚飯一食落口簡直叫再添飯，佢將鰻魚切做細細粒等你可以容易啲拌飯一齊食，十分貼心！🧀芝士年糕 $32芝士年糕嘅份量就有啲少喇得兩嚿，不過水準都係一流，炸到香脆嘅外皮

今日黎到呢間日式小店，有主食，佐酒小食，串燒等等，好有居酒屋既feel~正好可以懷念下回鄉既感覺😭選擇唔算少，仲有d幾特別既野，例如冰菜沙律，土手燒，雞蠔肉等等。冰菜沙律識食一定係點呢個！！冰菜本身已經唔常見，佢地既冰菜仲要十分新鮮同脆身，加啲胡麻醬就已經好好食👍磯煮鮑魚一份有三粒，彈牙，鮮甜得黎帶啲咸味，係幾好既佐酒小食。土手燒應該算係日式既滷牛肉？係一款有媽媽味道既煮牛肉～一份既份量都唔少，有牛肉同牛筋，味道偏甜少少，感覺幾好送飯～～～鹽燒牛舌係我最愛既牛舌！！大塊～厚切～又彈牙，無得彈～～～推薦❤️牛肉粒牛肉味夠香，口感都唔錯，有咬口得黎仲keep到肉汁，係正既～私心推薦柚子酒～果汁酒黎講，我都好鐘意柚子味🤤香濃好味😋

屯門市廣場，電器部的盡頭，有一間低調的日本料理店，門口看不到裡面，又不太看到店名，引起我的好奇心。仔細一看發覺，原來另一邊有落地玻璃，原來這麼開揚，比我想像中有空間感。在市中心一帶，很少這類的串燒居酒屋選擇，所以要支持一下。胡麻蕃茄$38冷盤胡麻蕃茄，甜又多汁，給人清新感覺。是開胃小食也是吃肉的平衡。土手燒$38店家推介的土手燒，是鎮店的大阪牛肉飯的牛肉，可另加日本米飯吃。牛肉有豐富汁料，一夾起感覺很軟嫩，入口果然也是，醬汁輕調味，令人吃到牛肉的香味。燒蠔$88是日special的燒蠔，輕輕燒過沒太熟，保留蠔隻應有的質感，帶出蠔香，配上鮮檸更開胃。秋葵$28鹽燒秋葵簡簡單單，卻吃得出來選材優質，也處理過沒有秋葵的刺，燒到軟硬適中，也是有技巧的。鹽燒牛舌$48牛舌有一定厚度，口感更令人享受，帶著爽口的感覺，一口一件，如果配上酒更開心。日本雞皮$38也是餐廳推介和很多食客的選擇，雞皮小件小件脆如薯片，高熱炸過已迫出雞皮油，完全沒有油膩感覺。

串燒定食嘅體驗

特盛大阪牛肉 $98開頭見到唔係燒牛肉飯就有啲Sad，心諗要賣$98. 但係食到佢有軟林林嘅牛腩筋位嘅時候，感受到牛腩變左做啫喱狀咁滑，又覺得值回票價。不過，個汁都係多左少少，如果唔係想食軟飯嘅，可以同佢講少汁
豬腩葡萄卷 $42葡萄其實係青提子，不過唔洗擔心，唔係酸味味果隻，所以係好甜甜地，入口都幾開胃鰻魚小丼 $85
本身好怕好多汁醬汁過濃嘅鰻魚飯，但呢個無之餘，醬汁啱啱好，鰻魚燒到啱啱好，仲有少少燶邊！惹味啊﹗
跟餐牛肉粒串燒 +$16原本以為會好韌，但出奇地佢燒得裡面係tender pink，下面嘅牛舌都係一樣。跟餐牛舌串燒 +22彈下QQ好好食😋 而且係幾厚身，超越左我見過嘅average 厚度! 加少少七味粉都幾正。餐茶有玄米、煎茶、麥茶揀。煎茶嘅茶飽佢可以幫你斟熱水再refill

平時都會過黎元天屯食好野，意外比我發現左位於屯門呢間食串燒既good place餐廳裝修同環境唔錯，好岩約埋朋友小酌一杯。餐廳晚市唔會有套飯，變左點各式各樣既串燒。當中亦不失有特色或者少見既串燒選擇。我同朋友耐無見都點左唔同既串燒，其實都可以好飽。鯖魚係我食串燒必點既，熱辣辣,唔會燒到條魚好鞋～店職員推介既土手燒，以前未聽過，食落有啲似慢煮牛腩，煮到牛肉林身，另外多點個飯，用黎送白飯一流。呢個都係我推介，燒味林雞泡魚乾，又夠惹味，愈食愈停唔到口。燒蠔：一人2隻， 啲蠔好大隻，有鮮味。燒雞皮係我第二私心推介，脆卜卜，而且夠熱，好想再encore! 牛舌都唔錯，唔會燒得過韌，咬落去爽口！燒牛餐肉，估佢唔到係甘厚～外面卜卜脆，入面軟綿綿牛餐肉。

去開屯門市中心拎化妝品順便約個friend 係屯市食dinner 朋友話帶我食日本野 呢間餐廳係市中心衛訊行出少少就見到 入到去裝修都有日本小店feel 感覺十分親切晚市主打燒物 燒鰻魚配蛋絲個賣相好吸引 燒到火喉啱啱好 完全唔腥入口好肥美配碗飯一流錦爽雞雞翼個名好funny 雞翼燒到外皮脆脆地咬地雞肉好嫩滑又juicy 日式吉列炸蝦一份有4隻 size都幾大即叫即炸 外脆蝦肉又彈牙豬朒葡萄卷個賣相幾有創意用肉包住葡萄好少見到食落葡萄都甜 估唔到同肉嘅配搭又幾match雞肉串都好好味鹽燒牛舌好令人驚艷本身以前係薄薄一片串埋點知原來係厚切食落好嫩好重牛味

尼到大西北以為要走好遠先食到好食的，點知行行下喺屯市比我地發現CHI Tachinomi 呢間串燒居酒屋！出面門口位暗暗嘅燈光加上藍色嘅門口簾，望一望已經覺得好有特色，我地就入咗去醫下肚仔喇！入到去第一個感覺就係職員服務態度好好！見到有客人會即刻嚟幫手！然後佢地會同每一枱客人介紹Menu, 講下有咩限時優惠！令人覺得好窩心！然後價錢都頗合理！同一般香港嘅居酒屋價錢相約嘅。最重要係食物係性價比高的！第一樣尼嘅食物係日本雞皮口感脆脆的，有啲似米餅嘅口感。上面鋪左小小鹽，令成個味道升華！脆香嘅口感同咸味非常夾！第二樣係牛肉粒 肉汁飽滿注意⚠️牛肉粒大件，肉汁非常爆滿，咬開小小都見內裏嘅肉汁！而且咬入去鬆軟，唔會難咬或者要咬好耐。推薦！而第三樣係鹽燒牛舌剛好我地未食牛肉粒，牛舌都到左，於是就合照啦！上菜速度好快！自從喺日本食過牛舌之後，就一直好想念嗰種味道！呢次絕對無令我失望！牛舌好厚，咬落去爽口彈牙！而且新鮮！同樣地，鹽嘅味道再加上熱辣辣放入口，咸咸嘅味就喺口到散開，實在正！第四樣就係京蔥雞髀肉肉汁豐富再注意⚠️😆雞肉軟熟，肉汁亦都係好飽滿。蔥頗脆口！重頭戲係燒油甘魚餃朋友平時唔鐘意海鮮都食到！

又到星期五晚時候啦，係時候約下朋友食晚飯晚時候啦！呢排好想食日本野，朋友係屯門，於是就地取材，去左時代廣場附近食日本料理。入到去間餐廳，環境有特色，座位都舒服！事不宜遲，睇下個餐單先！餐廳主要係小食為主，可以比大家吹水閒聊一下，比大家放鬆下，有前菜，串燒，海鮮，特飲等等！咁我地叫左一啲小食：燒生蠔🦪：好味指數：10/10味道勁鮮鮮甜，仲熱辣辣，脹卜卜，咬落去勁多汁，再加少少檸檬汁，將個蠔既鮮味帶到另一個層次，推薦大家去食！燒三文魚：好味指數：10/10炸到香脆可口，炸到連骨都食得，魚肉一梳梳，香滑鮮甜，勁好食！燒牛肉串：好味指數：10/107成熟，無點加調味料，咬落去鮮嫩多汁，好香既牛肉味，完全唔會黐牙同「鞋」燒鯖魚：好味指數：10/10燒到非常之香！啲魚肉一梳梳，勁香滑，淋上少少照燒汁，味道簡直一流！玉子燒：好味指數：10/10 我勁鐘意食雞翼，所以玉子燒必叫！厚厚既蛋卷，加上一浸牛油香，香滑可口！最後我當然叫左特飲：梳打水同白桃果汁，兩款都好清涼可口，唔會太甜，消暑解渴之選！！

今晚兩個人去左呢間位於屯門「Chi Tachinomi」嘅串燒舖頭度撐枱腳😁款式 和 店內位置雖然唔多，但整體質素上，都尚算唔錯！豬腩葡萄卷$42/串一開始睇個Menu，以為格格不入嘅菜式，估唔到係咁match！鹽燒牛舌$48/份燒得好香，又冇膻味，又有口感！燒三文魚鰭🐟$68油脂含量極高但又唔會好油膩👍飯團🍙$42/份估唔到個飯團可以燒到有飯焦，入口脆卜卜，非常香口！燒蠔🦪$88/6隻呢個燒蠔就不算太特別了！土手燒🐮$38睇字面，唔知係乜嚟，睇返個Menu佢個英文原來係牛肉，煮得好冧好入味！蜜糖西班牙午餐肉🐷$38/份呢款亦係冇乜特別！整體嚟講：喺屯門好難食到啲咁高質素嘅串燒餐廳，價錢亦不算十分貴！如果款式可以再多一點就好了！但如果你是比較大食的就不太適合了！因為佢嘅份量都比較的骰😝

今次再黎到呢間日式居酒屋，因為附近真係冇同類型既店，所以黎黎去去都係呢間今次午餐黎，就比上次多人，店員都幾忙呀！燒飯團呢個飯團入面既涵都幾多，係幾juicy既肉黎， 出面就輕輕燒過，令到啲飯都有脆脆地既感覺，唔錯燒三文魚鰭呢個鰭係推介！燒到脆卜卜！加埋啲鹽，好食！仲要啲魚唔腥，有肉食！最正係啲鰭既骨膠原，女士必點！燒秋葵秋葵既賣相就一般般，上到碟已經少少黑，好似放玩耐左咁，麻麻地玉子燒玉魚燒就好食！成舊都好香多味，同埋有啲香既燒焦味，好夾！清酒（good)清酒都係一般般，入口有啲嗆同乾身，唔太岩我中意甜既口味

見到呢間野好有日本既感覺就去到飲幾杯野,食少少野。冇諗過呢度有棉花糖食,燒得焦香,外脆內軟!價錢又唔貴。店員話88蚊有半打燒蠔,就試下啦!蠔新鮮好味,真抵食!甜品叫左燒菠羅,酸甜,面層好似焦糖咁,好正呀!飲品就有好地道既日本梳打水,第一次飲呢隻牌子,好滿足呢!另外都叫左杯梅酒,叫燒物點都要飲少少酒呢!呢度有唔同類型既TABLE,真係好特別呢!而且好近MTR!下次想食鮑魚呀!仲有好多燒物可以試試!HEHE!

今日嚟到屯門呢一間啱啱開嘅日本串燒店，個位置有啲難搵，但係裏面嘅裝修己有日本居酒屋的味道，咁就試吓叫杯啤酒同埋一啲小食食啦。因為嚟食晚市的關係，嗰啲lunch set就冇啦，一定要散叫，個Menu都有好多款唔同嘅串燒揀，有前菜、佐酒菜、炸物、海鮮、串燒同埋啤酒飲。咁第一個咁就一定要試吓佢嘅黑啤兩溝啦，來到居酒屋唔係唔飲啤酒呀嗎？跟住叫多咗個雞泡魚乾嚟送酒一流，個雞泡魚乾燒得好好食， 10分推薦，啤酒好好飲，因為係suntory，仲有一個好靚嘅卡片套送添。玉子燒都燒得唔錯幾甜下，蛋味都幾濃～跟住就到串燒啦，叫咗個京蔥雞髀肉來試吓，京蔥同雞肉嘅配搭10分match，又係用嚟送酒一流。呢一個雞翼都燒得好好食，好有日本名古屋燒雞嘅味道。到個土手燒啦，味道普通，正正常常啦。一般來講呢一個價錢來食到日本嘅串燒都幾抵食。