CHICKEN FACTORY (將軍澳廣場)

營業中

休息中

今日去咗 Chicken Factory試海南雞飯，味道不錯🍗 海南雞飯雞肉滑嫩，保持咗應有嘅鮮味，皮嘅部分帶有少許啫喱感，食落口感唔錯。不過雞味稍淡，如果可以再濃郁啲會更好。飯煮得粒粒分明，有淡淡嘅雞油香，整體係好味既。🥗 配菜（酸醃菜）酸醃菜味道唔錯，帶有清新感，解膩之餘亦好開胃👍總結：作為快餐式海南雞飯，Chicken Factory呢個版本算係中規中矩，雞肉滑嫩，飯啱啱好，但調味方面可以再強調啲特色。價錢合理，快速解決一餐係唔錯嘅選擇，但要有高級海南雞飯嘅水準可能仲有進步空間～

Chicken Factory成日係唔知食咩好嘅時候，就會幫襯。今次第一次堂食，原來鋪頭都有D裝飾，會有好多雞仔望住你食佢地同伴🤣🤣無骨海南雞飯 ($49)份量冇挑剔，油飯同雞肉量都多，仲有醃蘿蔔食下👍🏻味道亦唔差，雞肉肉質嫩滑，油飯香氣十足又鬆軟黏稠，配埋薑蓉汁超級好送飯。不過海南雞本身都夠味，醬汁岩鐘意濃味既朋友點。我都冇食雞皮，好似有陳膏喺度。隨套餐送紫菜豆腐雞湯，雞湯係有雞香，係咪味精湯唔肯定，但唔會太鹹，整體味道同價錢成正比。外賣平台自取夠$120仲有得平，仲有折，$3x一個餐，冇得輸！🤩結論🫰抵食🫰全港好多分店，周圍都係~⚡️堂食唔算多位CP值：9/10 (1分俾外賣平台外賣自取價錢)餐廳資料餐廳名稱：Chicken Factory餐廳地址：將軍澳唐德街1號將軍澳廣場2樓L2-072號舖營業時間：11:00-21:00

［📍將軍澳｜Chicken Factory］久仰大名既Chicken Factory 之前不斷聽身邊朋友盛讚佢地既出品今次終於可以試到 首先要大讚佢地既價錢學生餐既價錢已經食到四分一隻烤雞 仲要配埋配菜醬汁同野飲烤雞質素絕對冇求其 烤雞夠入味 外皮微脆微脆的 配菜既烤雜菜同焗薯 份量比到好足 好大份如果細食小小 都未必食得哂呢個餐 好抵食

🌻一隻大燒雞🐱呢間集團式經營嘅燒雞店，好似好多地方都有，但係每次行過我都未試過入去，今次入去睇吓咩料😂我哋叫咗一隻大燒雞兩個人食，估佢唔到隻燒雞咁鬼大隻，而且完全冇切開淨係俾咗手套我哋！回復原始人嘅本性，用手將佢撕開逐件逐件擺入口！隻雞好熱，睇得出係啱啱燒起，而且佢嘅調味都好足夠，滲晒入雞肉入面！燒嘅時間啱啱好，唔會覺得好柴！雖然會咁樣食一隻雞嘅機會率唔係好多，但係都值得試！📍 Chicken Factory (將軍澳廣場) (將軍澳)將軍澳唐德街1號將軍澳廣場2樓L2-072號舖⚡️為食貓：😻😻😻⚡️氣氛貓：😹😹😹⚡️翻食貓：😸😸

燒雞是相對較健康的外食選擇減肥期間chicken factory就是我其中一間最鍾意既餐廳1/4 燒雞餐+飲品 $50以內如果想更健康，可以選擇醬汁另上（不過要加$1）羊肝菌醬味道正常辣醬汁惹味，不過超多油，我會加錢另上低糖檸檬水幾清新冷泡茶都唔錯，大大枝，好抵飲

有一次晚餐諗唔到食咩，聽屋企人講將軍澳廣場有間烤雞，就諗住去試一試，叫下佢嘅烤雞嚟食，點知一點真係令人好難忘，因為價錢真係好平，而且係大大隻烤好咗嘅雞拎返屋企，加餸嘅話都冇得頂！❤️❤️❤️而且佢嘅玩法好得意，每小時都會推出新嘅烤雞，過咗嘅話就可能俾人買晒，所以每次都要好準時過去排隊買嫁！講返烤雞，佢本身有百里香烤雞，百里香嘅香料味好豐富，令到成隻雞都好香，而且撕開雞髀或者雞胸，都係啖啖肉，而且好Juicy!✅✅✅✅

次次買外賣，唔係整錯就整漏野明明話要轉酸辣湯，錢就收咗，但又冇轉第二次加小食，又係錢收咗，但冇比我見住你哋員工望住張單整，差個小食都可以同我講齊晒！啲員工做嘢真係好求其雖然味道還可以，但服務質素真係唔得

今日放假，筆者一個靜靜雞去【Chicken Factory】。食店以我外賣為主，因此食店細細只有幾個座位。這間雞工廠非常專門，餐牌只有雞：麻辣雞、海南雞及百里香烤雞。外賣原隻烤雞只要$48，筆者在超市買隻雪藏春雞都差不多這價，唔使煮又好味的話真係抵食。到來當然要招牌百里香烤雞及兩款配菜（$50），有三種醬汁選擇：咖哩汁、牛肝菌汁及麻辣醬；另外可以還可以揀兩款配菜：焗薯、烤雜菜、雞油飯，三選二；又有汽水或冷泡茶。價格$50相當吸引！難怪店內都是學生哥。筆者堂食，但是變成外賣包裝，$50半隻烤雞餐及豆漿+$2。打開外賣盒，有些似三餸飯，份量滿滿。這裡用上專業旋轉烤箱，令雞肉均勻受熱又可以縮短烘烤時間，好處是防止因內外溫度不均造成過度烘烤，肉汁精流失。因此，這裡的烤雞不用太多的調味料，但是烤出來的雞脆皮又多汁，就算雞胸肉也不覺得嚡口。烤薯仔用上細細個薯仔，連皮烤焗，加入少許調味已經相當美味。烤雜菜有四季豆、菇及椰菜花，主要是四季豆，比較乾身又嚡口，味道一般。今時今日而韓式烤雞或炸雞店大熱，其實這個本地烤雞味道美味而且又平，可以試下！

［將軍澳美食推介🍽 ] Chicken Factory 🐔🍗行街時聞到好香既烤雞味，禁岩撞正佢新鮮出爐時間，就比佢吸引住，見到佢價錢吾貴，$48蚊有全隻烤雞，所以我地就叫左一隻返屋企試試。#冬甩仔女_將軍澳區#冬甩仔女_烤雞🍩冬甩仔女👦🏻👧🏻🍩食評👅👦🏻👧🏻🐔🍗將軍澳烤雞(8/10) $48買完拎到隻雞，已經聞到香噴噴，拎上手都好重手，好似幾大隻咁。買完之後我地即刻搭車反屋企食😆 一打開，驚喜既係佢吾係普通bb春雞咁細隻，隻雞差唔多大過冬甩女個頭，以$48蚊尼講抵到爛。而係味道方面，香草味重，配埋濃濃既黑椒汁，味道超級正。另外，冬甩女覺得個皮最好食，佢既火候控制岩岩好，烤雞外脆嫩肉多汁，好入味，而佢雞嘅中間亦唔會焗得太嚡，正到爆。而份量尼講，兩人一隻岩岩好，大食既人可以加薯菜配料應該會飽。👧🏻👦🏻薯角🥔(7/10) (跟餐+$12)薯角份量多，大約有10至12粒左右，用真薯仔整，薯角鹹味同埋黑椒味允足，吾點醬料都好好食，另外可以自備茄汁點，你會食到另外一種既味道。 🍩冬甩小資訊🍩1️⃣ 冇堂食2️⃣ 冇加一3️⃣ 15:00至20:00每1個鐘都會新鮮出爐一次4️⃣ 多人買，售完即止💲抵食:9/10👅

本人去外賣半隻雞 ，畀錯咗普通飯，我跟住電話，打極都唔通 ，其同事簡單sorry之，隨便執過俾我，其實係第二次發生㗎啦，希望佢地同事呢做好啲，唔好成日執錯，另外佢哋又冇投訴熱線畀我，問佢地又唔理， 繼續收錢 too bad

依間餐廳唔係第一次食，最鍾意佢又抵食又大份。佢呢度有兩個配菜可以揀如果兩個配菜你可以揀雜菜，薯仔，或者雞飯。我自己就最鍾意食佢嘅集材，佢嘅雜菜唔係白烚，而係有味道的👍🏼👍🏼另外我好鍾意佢有個自助吧枱，佢放咗啲奶粉喺度，可以任你自己加😍無辣不歡嘅我次次都落勁多，同埋我試過佢好多個醬汁之後，我發現我最鍾意都係食佢個麻辣汁。佢個麻辣汁都真係有少少辣，如果唔食得辣嘅人建議可以食返牛肝菌汁或其他汁😍

這次體驗非常之差，明明買的半隻雞的至尊海南雞餐。結果只有手掌般大小的雞胸肉。打電話過去兩次無人接聽。十分差。絕不再去。烤雞味道還不錯，希望改善。不要再搞錯，讓消費者失望

住將軍澳嘅我，當然不斷試暈周邊唔同嘅新餐廳🤤果日同我表姐叫外賣平台自取，見到呢間幾得意，所以就試下😬😬😬我叫左個麻辣無骨雞飯，佢就叫左燒雞🐔🐔麻辣無骨雞飯: ⭐️⭐️⭐️⭐️個飯底真係要讚下！佢類似油飯，但我覺得更好味！咸咸地，又有少少油😛😛送雞真係好夾😍一d都唔寡！佢雞都好滑！無骨可以一啖咬哂！而且佢個麻辣汁好野味！唔算太辣，偏向麻較多😙😙我表姐唔食得辣都接受到👋🏻😛烤雞: ⭐️⭐️⭐️⭐️⭐️佢個烤雞係幾抵食，我印象中$50左右就有半隻，仲配2個餸~~~ 相信男士們都一定夠飽👌🏻👌🏻佢烤雞好香！連d雞肉都有烤味！而且雞肉都有味！雞皮更正更香🤤🤤 唯一就係有少少麻煩 食呢個既時候😂不過唔緊要啦，我係屋企食🙈可以點食都得！配菜揀左焗薯，同烤雜菇😙都唔差嫁！焗薯好香脆，仲好多舊添(BB薯)烤雜菇則有少少BBQ味，都十分香😛整體黎講，呢個烤雞性價比十分高😘😘飲品: 樽裝奶茶☕️我覺得呢個比較普通，偏向淡味！不過奶茶比例飲落都好平均既😇

這一年，食過好多間叫正宗的海南雞飯都不外如事。但這天真的比我找到了，肉質滑有口感，湯更好味，可以話絕無味精。6時食飯時，等外買的人不少。可能新店和在比較隱蔽的地方，所以暫時不須等待好耐。店舖不大，但亦有6張小型枱面可以堂食。一句講晒，好食。服務員亦十分有禮。

之前叫foodpanda 執錯過唔記得2次定3次餐俾我 以為係中間有啲咩出錯啦點知自己去買外賣都係俾錯嘢我雞唔難食但都唔係話好好食但次次都俾錯嘢/俾少嘢已經好火滾Blacklist