CHICKEN FACTORY (海趣坊)

營業中

休息中

呢間連鎖店都好多分店咁岩下午茶時段經過試下輕食下午茶餐 ($38)烤焗巨人雞髀+迷你蘑菇飯 配低糖檸檬水隻雞髀真係好大隻 不過唔似烤焗似炸 因為勁脆😂 啖啖肉勁邪惡！不過近骨個位有d紅好似未熟透 味就夠嘅 唔會好咸至於蘑菇飯嘅醬就主要集中係面下面就靠雞髀送飯 蘑菇醬味有d唔同唔係我鐘意食嘅味 一般😐飲品送嘅 一枝枝幾好低糖檸檬水好似濃縮檸檬汁少酸少苦可接受整體都抵食！

Lunch外賣返公司食半隻烤雞跟薯菜烤雞份量算多 而且唔鞋 都幾juicy 同個汁幾夾烤薯仔幾出色 但烤菜好多四季豆 我麻麻地鐘意食Lunch黎講呢個價錢好抵食😋😋😋

早排天寒地凍，買咗呢個燒雞餐分享。記憶中價錢唔算貴，兩個人食就更加抵。烤雞有半隻，非常抵食。加埋佢個醬汁，就更加惹味。個餐仲有啲葉菜伴碟，食落就更加惹味。個餐仲送冷泡茶，非常健康。

在外賣平台嗌嘅外賣見到佢幅圖成隻雞咁 好似好吸引所以就嗌左嚟食·嚟到隻雞 好細一隻 好精緻🤭一個人食還可以但兩個人絕對唔夠食😂但個調味調得真係幾好食😋·椰子紅棗煲雞湯好好味嘅湯 好濃郁的椰子味😍·還有非常珍貴嘅烤雜菜🤭

環境 7/10味道 7/10服務 7/10衛生 7/10性價比 7/10人均消費$100-$200二人份量底食！原隻大烤雞，成隻手掌咁大隻可惜醬料不瘋夠，如需另加醬料$10味道偏咸店名:Chicken Factory地址:屯門湖翠路168-236號海趣坊1樓S46-548號舖電話：24773200

以前屯門海南雞食開龍門居入面嗰間不過因爲已經執咗實在太可惜口痕唯有試下哩間 chicken factory用機落order 之後喺櫃面pick up自助喺fridge度拎 drinks有位坐可以堂食，不過我都係揀take away用啲奄蘿白嚟送雞幾好雞胸都唔會話好鞋，不過一定就唔係滑㗎喇同埋哩啲始終都係撞手神睇下佢斬到咩部位畀你嘅啫唔使畀太多期望不過都算叫做食得落口嘅因為呢個區都已經冇乜好食嘅海南雞如果大家有都可以推薦一下

Chicken Factory (海趣坊) 網址: https://s.openrice.com/QrbS0PyK5W0~uCv_fAw地址: 屯門湖翠路168-236號海趣坊1樓S46-S48號舖電話: 24773200原來寫食評都幾好玩，橫掂一日三餐都要出街食，今日午餐去咗海趣坊入面搵嘢食，呢間36蚊有個迷你焗飯配一支嘢飲都唔錯個飯就等於平時嘅焗豬扒飯一半，原來真係好迷你，不過味道就好好食夠曬多料有好多款果汁任揀免費，呢枝係紅菜頭汁，淡淡地唔錯

我係喺櫃檯同職員點餐既，我仲同佢講明，兩個餐飲我都係要茶！ 點知外賣返到屋企，發現佢地跟本冇比飲品我，我打電話落餐廳同佢地講返，佢話飲品係自取個喎（態度輕佻），但職員完全係冇提過飲品係自取，我問佢係咪齊晒佢仲話係，我仲問佢拎多套餐具，佢仲屈我話我聽唔到，我話肯定佢冇講，一係check返CCTV，佢即刻改口話咁你下次嚟拎返，但叫我記得帶埋張單落去拎喎，我即刻講 : 張單我攞外賣嘅時候你已經收咗啦。都係嗰句睇返CCTV啦， 我係買外賣並唔係堂食嘅，我亦唔知你間舖頭有咩潛規則係自取，你職員完全冇提過！職員仲要推卸責任，態度極差。

次次經過都想食，今次終於的起心肝買返屋企食。叫咗一個$68加大皇牌烤雞餐配牛肝菌汁+雞油飯+烤雜菜+低糖檸檬水+$12加配焗薯一個茶餐$36烤焗雞髀蘑菇飯+$6配手工奶茶皇牌烤雞餐隻雞係幾好食嘅，肉好嫩滑，牛肝菌汁都幾好味。不過隻雞有少少生，有啲位置有血紅色，啲肉有啲黐住骨。雞油飯有啲乾，可能係因為佢用微波爐加熱的。烤雜菜有好香嘅孜然味，但係都係比較乾，我估都係因為微波爐加熱所以乾。低糖檸檬水，我覺得有啲甜，可能係因為我平時飲檸檬水唔加糖😝焗薯好好味😋茶餐烤焗雞髀蘑菇飯烤焗雞髀，肉比皇牌烤雞乾，味道我覺得皇牌烤雞好食啲，唯一比皇牌烤雞好就係隻雞脾係熟嘅蘑菇飯好食，但汁比較少，食到中間已經冇汁了手工奶茶變壞咗，有陣酸味🤮🤮🤮，波子頭問我係咪山楂奶茶，有啲酸酸哋，我試飲咗一啖立即吐出嚟🤮🤮🤮，最後全支倒咗冇飲之前有屋企人係屯門另一間分店買過返嚟食，我覺得另一間分店味道比較好，份量亦都比較多。下次可能寧願行遠啲去另一間分店買😝😝😝

本人不嬲都喜歡食海南雞飯，經過海趣坊，唔知食乜，見有間新店舖，有海南雞飯，就急不及待試下新食店，雞多夠滑，飯多，價錢不貴$46，味道可以，值得回頭再食，套餐可加優惠價飲品，我加左$6元換了檸檬洛神花茶，好飲，原價$10元。😋😋😋PS#用餐後請自行處理棄置用餐具到餐廳內垃圾桶，因餐廳內員工人手有限，埸內都有提示，煩請客人自行清理。🤗🤗🤗

磨菇飯冇極小汁飯又細杯，我並非買下午茶餐喎！炸雞份糧先誇張只有5粒仲要大倍份都係雞皮，低糖檸檬水並非低糖。以後都唔會再去呢間分店買。補充：我平時去屯門海x灣那間買外賣一切好正常。

新開雞飯快餐店，快靚正！快餐店既佈局，爽手既員工，好味既雞飯😋😋😋門口企住一堆買外賣既人，有啲買半隻雞返屋企加餸。今次分別叫左海南雞飯同口水雞飯🤓，兩個都揀左油飯，佢唔係平時食開既幼身米，反而用左珍珠米，油飯好香。兩款雞主要分別在於個醬汁唔同，雞以快餐質素黎講都真係幾抵食，雞皮薄無乜多餘既脂肪，雞肉唔會太老鞋口，一啖食落去感覺岩岩好，海南雞既醬汁惹味，口水雞醬略嫌較油，尚可接受，整體黎講大約五十蚊黎講真係抵食，佢仲配有前菜同湯，個湯好熱，好過平時茶餐廳既例湯啦😎

各位屯門之友，海趣坊最近開了新店啊！當然要第一時間向大家報導報導啦！今天路經海趣坊，看見有一新食店，看見它們的餐牌，款式不少呢！屯碼區又多一個新食肆，為屯碼居民又多一個選擇，真開心呢！跟大家分享一下餐牌吧！而這裡的店內裝修，光線充足，設計新穎，相信年輕人也喜歡呢！這裡還有自助店餐機，就算多人也不怕！也許我鄉下婆少出城，在Openrice查一查，才知這間店有不少分店，但屯門居應該是第一間呢！大家可快快去試菜吧！等看大家的食評呢！ （我也會努力盡快試試，大家一齊交流交流！）