影片
港鐵太子站 B2 出口, 步行約5分鐘
繼續閱讀
電話號碼
23282287
開飯介紹
小店以space age時代為靈感，打造舒服又充滿玩味的retro pop空間，讓前來享用日式定食、美式漢堡等料理的客人，享受放鬆身心的時光。
繼續閱讀
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
有關獎賞計劃
係旺角行完街，想搵間cafe chill下，見到呢間裝修別具特色，於是入嚟試吓點了一個2 GOOD 2 CHILL (2人餐)是日餐湯(南瓜忌廉湯)飲落去很creamy好濃郁南瓜味道，而且仲食到粒粒南瓜，口感很豐富日式山葵醬餃子(4隻)餃子煎得皮薄餡靚，表面更放上少量的山葵醬，食落帶洗辣味，尤其刺激味蕾，作為前菜一流!日式鰻魚丼鰻魚非常大條，而且不會有任何魚刺骨，再配上粒粒分明的珍珠米飯，味道尤其特出!唐揚炸雞楓糖漿班戟雞肉嫩滑，而且炸得非常香脆表面放上一隻溏心蛋&淋上楓糖漿再配上班戟一起吃，味道既甜又鹹有雙重嘅享受!柚子牛角窩夫一上菜以為係雞蛋仔，估唔到原來係牛角包嘅餡料，所以食落去好酥脆!再配上一球凍冰冰的雲尼拿雪糕一齊食，絕對係冰火二重奏嘅享受!白桃芒果冰茶喝下去有濃郁的fruity，而且甜度適中，喝下去有冰涼快感，尤其解渴!開心果奶昔超濃郁的開心果味道，飲落去好順滑，唔會太甜/太膩，仲食到粒粒開心果添呀~
繼續閱讀
喺MOKO行完街，來到附近嘅洗衣街搵食！呢間Chill Pill係一間主打西日料理嘅Cafe，環境以木系為主，仲擺放咗綠色植物做點綴，比人一種悠閒舒適嘅感覺～2 Good 2 Chill💰HK$528叫咗個好豐富嘅晚市二人套餐～✨是日餐湯係口感綿密嘅南瓜湯，啖啖都食到南瓜蓉～✨柚子蜜糖雞翼雞翼外脆內嫩，表層仲有柚子蜜糖，味道酸酸甜甜，令人好開胃～✨日式鰻魚丼鰻魚大大條，肉質嫩滑細膩！鰻魚充滿咗香甜惹味嘅鰻魚汁，表面仲有啲紫菜碎碎，用來撈飯一流～✨香煎美國Prime頂級牛小排牛小排食落去味道鮮美，柔軟多汁！個口感有少少似食緊慢煮牛肉咁～✨柚子牛角窩夫牛角窩夫即叫即整熱辣辣，表面仲灑滿咗柚子醬，點埋旁邊冰涼嘅雲呢拿雪糕一齊食，形成咗一種強烈嘅對比，口感豐富～✨白桃芒果冰茶每一啖都充滿住白桃同埋芒果嘅果香，比人一種好清爽嘅感覺～✨熱桂花烏龍茶除咗濃厚嘅烏龍茶茶味之外，桂花嘅花香亦非常突出～
繼續閱讀
幾次喺附近剪頭髮都見到呢間餐廳，今次終於有機會試吓。餐廳座位唔係好多，但係環境乾淨、舒適。🔹2 Good 2 Chill套餐🔹 $528🍽️是日餐湯餐湯係熱焫焫嘅洋蔥濃湯，味道濃郁，甜得嚟好有深度，忍唔住一啖接一啖好快就飲唒！🍽️日式山葵醬餃子（4隻）煎香嘅餃子上面有山葵同埋紫菜絲，咬落有啲似食緊章魚燒嘅感覺。餃子外皮香脆，內餡濕潤多汁，加上山葵醬味道好豐富。🍽️黑松露雜菌粗管通粉黑松露醬汁絕對唔手鬆，每條粗管通粉都好掛汁，充滿住濃郁嘅黑松露味道，而且硬度剛剛好！菇菌類除咗增添更多香氣，亦令口感更豐富。🍽️唐揚炸雞楓糖漿班戟炸雞同班戟都比想像中大件！炸雞外皮炸得好鬆脆，唔會炸到過火及唔油膩，肉質濕潤多汁而且好入味。班戟蛋香味濃郁，配上楓糖醬及青蘋果片食好幸福~~🍽️柚子牛角窩夫窩夫外型好特別，係用牛角包做成嘅「雞蛋仔」。牛角包味道突出，入口鬆軟，配上柚子醬汁帶啲甘甜。除咗雪糕，仲有我好鍾意食嘅焦糖脆脆！🍹靜岡焙茶鮮奶（冷） (+$30升級)焙茶醇厚濃郁，口感滑順，唔會好甜，非常解渴。🍹開心果奶昔 (+$48升級)奶昔口感綿滑，開心果味十分濃郁，配上cream同開心果碎相當邪惡！飲完好滿足~~
繼續閱讀
0 瀏覽
因為工作關係，同個學弟久唔久會出嚟食飯傾吓偈之餘，仲會講講工作上合作嘅嘢。最近又出嚟聚聚，就番大家方便，就搵到晌太子嘅「Chill Pill」，餐廳離太子站或旺角東站都喺大概5min步程，非常就腳，加上喺咖啡店，比較清靜，方便傾偈。從店面已大概可以感受到佢喺間走文青風路線嘅咖啡店，一室以白為主調，裝修簡約，燈光柔和，整潔乾淨，加上少少擺設，整體予人感覺舒服、輕鬆自在。細看餐牌，食物就應該走西日路線，先介紹一下散點菜式，啲分類名稱都好別出心裁，但離不開小食、輕食、主食、甜品……等等，另外，飲品亦多元化，兼頗有特色。當然，套餐計落點都比散點划算，店家就提供多款套餐，包括：Mix & Match套餐、丼物套餐、2 Good 2 Chill 二人套餐，可謂各有特色。大家都想食得豐富啲，就揀個二人餐，包好多嘢，有餐湯、餐飲、小食、兩份主食及甜品，定價都喺$478。枱上擺咗隻好得意嘅公仔，而落單就以二維碼下單，介面分類清晰，易用！是日餐湯近排同南瓜忌廉湯幾有緣，早幾日同舊同學食晏，餐湯又喺南瓜湯，但今回晌賣相上就攞晒分，一來以小木托盤盛上，二來用「金寶」罐頭碗裝住啲湯，非常得意，再者，加咗少少食用花做點綴，喺靚咗唔少。至於啲湯，質感較厚身綿密，南瓜味道勁濃郁，仲有夠熱焫，好飲。白桃芒果冰茶雖然可以轉其他嘢飲（減$20優惠），不過，白桃芒果冰茶都啱我哋，慳番啲就唔轉喇。估唔到，杯冰茶幾好飲喎，白桃味頗突出，並滲出陣陣芒果清甜味，茶底亦好唔錯，幾幽香。冰涼清爽，配一陣嘅吉列豬扒同羊架都好搭配。日式山葵醬餃子一客有4隻，外觀包得好靚仔，有別煎餃，喺用炸嚟做，咬落好脆口，又唔油膩，裡面嘅餡料好鬆化，有少少芥末味，唔錯！唔錯！日式咖喱豬扒飯賣相就好傳統樣，不過，加咗少少食用花做裝飾，感覺喺唔同咗啲。而飯粒軟熟而黏糯，咖喱喺日式般帶點甜味，撈飯食好唔錯，咖喱內仲有好多蘿蔔同薯仔，至於啲豬扒肉質鬆化，外層嘅炸漿幾香脆，亦唔油膩。香烤羊架 +$18難得有老友都鍾意食羊，咁就梗喺補少少錢揀香烤羊架啦，上到枱一客3支羊架做得非常靚仔，仲伴有大量烤薯同色彩鮮艷嘅燈籠椒。羊架做法採用寶雲酥，肉面沾滿麵包糠，食落有少少焦脆感，而羊肉切開透出粉嫩色澤，煎得啱啱好，肉質非常軟腍，帶濃濃羊羶味，好啱食。柚子牛角窩夫有一陣子牛角窩夫好大熱，雖然依家熱度稍降，但其本身都幾有特色。索性以牛角酥夾成雞蛋仔，所以，入口酥脆並有牛油香，仲伴有雲呢嗱雪糕球、焦糖脆脆，幾樣夾埋再沾回柚子醬一齊食，真喺口感、味道都變得更豐富、更具層次。因為客人唔太多，都喺斯文客居多，而且，啲招呼好，環境又舒服，所以，幽幽靜靜好適合幾個朋友短聚。
繼續閱讀
今次同朋友嚟咗 Chill Pill 食飯，點咗佢哋嘅兩人餐，推介！✨🥗 Chill Pill 沙律碗呢個沙律碗真係幾fresh，有紫薯南瓜藜麥，啲菜脆口又清新，配埋油醋汁，好開胃。清爽又健康，食落好舒服！🍛 日式咖喱吉列豬扒飯咖喱係日式甜口個隻，吉列豬扒炸得香脆，薯仔好淋好好食，整體味道好夾，食完好滿足！🥩 香煎美國牛小排牛小排煎得剛剛好，外層微焦香，肉質嫩滑多汁，牛味濃，份量唔算大，但質素好高，慢慢咀嚼超享受！🍵 宇治抹茶牛角窩夫甜品時間到！係雞蛋仔造型嘅牛角包窩夫，外脆內軟，甜度岩岩好，抹茶味香濃，完美ending！✨Chill Pill✨📍太子洗衣街167-175A號嘉德大廈地舖
繼續閱讀