Chill Vietnam Cuisine and Bar

營業中

休息中

餐廳的裝修環境舒適優雅，輕快的越南流行曲在耳邊迴盪，微黃的燈光透出柔和的氛圍，令人放鬆。📌優質有氣水一坐下，首先點了無限添飲的有氣水，微酸加上清涼的口感，讓熱焫焫的我馬上降溫。📌會安鮮雞湯檬粉無論是檬粉還是雞絲，都份量十足。清湯配菜有炸蒜、芽菜、洋蔥、青蔥、芫荽及越式湯粉不能或缺的金不換，讓湯底更加惹味。帶皮的雞肉，散發著濃郁的雞油香，充分汲入清湯的檬粉入口順滑。📌越式芝士咖喱農夫包半溶的芝士覆蓋着麪包面，包內填滿浸泡在香濃咖喱汁的牛柳片和薯仔，份量絕不欺場。農夫包外脆內軟，切開時，酥脆聲令人振奮，入口則鬆化可口。咖哩香滑而辣度適中，牛柳肉質軟嫩一咬即開，無怪乎這道主菜是這店家一眾食客的熱門選擇，果然沒讓人失望。📌越式芋圓椰汁凍當侍應端上這道甜品的一刻，真是太驚喜了，可謂今晚的亮點😃！一糰滑嘟嘟公仔造型的椰汁奶凍端坐在粉紅色浴缸🛁樣的器皿中，忙不迭瘋狂打卡一番，才仔細一看，趣緻的椰汁寶寶正沐浴在色彩繽紛的紫薯圓、芋頭圓、地瓜圓、西米、紅豆、芒果粒及脆脆片中，視覺與豐富味覺的雙重享受。值得一讚的是侍應非常有禮，讓客人感覺親切。此外，餐廳是寵物友善餐廳，歡迎各位毛爸毛媽帶埋毛孩🐶🐱一起來享

最近去咗間越南餐廳試新嘢，晚餐都唔少人。首先呢度嘅Sparkling Water $5/位，餐廳會裝落個玻璃樽度俾你，無限refill。桔仔芥露燴虎蝦（4隻）$158呢道菜真係幾特別，虎蝦大隻，肉質爽口，芥露嘅酸辣味同桔仔嘅清香好配合，平衡得啱啱好。兩個人share okay~ 香葉辣椒膏豬頸肉炒河 $98呢道炒河係我覺得最抵食嘅一份，豬頸肉香嫩，炒河煙韌唔油膩，辣椒膏味道唔會太搶，香葉加得啱啱好，食落幾有越南風味。$98 價錢算合理，份量兩個人分都夠。 越式芋圓椰汁凍 $68，甜品係餐廳嘅壓軸，造成兔仔造型嘅適合打卡。椰汁濃郁香滑，配埋芋圓嘅煙韌口感，食完有種清新嘅感覺。

Chill Vietnam Cuisine and Bar (荔枝角)荔枝角長義街9號D2 Place ONE 3樓301號舖🌟峴港鮮蟹肉炒飯 $118炒飯很有鑊氣，上碟仲係熱騰騰。材料很豐富，切成細細粒，有小蝦子、魷魚、肉丸、帶子、生菜、炒蛋等，配九層塔和炸蒜做調味，份量超十足，不怕吃不飽。🌟香茅熱情果醬燒春雞$128燒春雞半隻有4件，件件都啖啖肉，色澤金黃誘人，外皮酥脆，雞胸肉就稍微有些嚼勁，但亦不失風味，搭配上特製的醬汁，醬汁有熱情果、芒果和蕃茄，味道酸酸甜甜的。🌟越式芋圓椰汁凍$68擺碟見心思，成個浴缸🛁裝住隻小動物，仲可以有Q彈的效果，好Cute，睇得亦食得，材料有脆脆片、薏米、紅豆、芒果、士多啤梨，心形芋圓，椰子果凍濃郁，最緊它不甜。

今日如常光顧CHILL VIETNAM 但遇到非常不愉快經歷。事情經過如下:下午12時41分於餐廳 Order餐點，水吧比較忙，飲品可能漏左單，但催單後即時補回。食湯粉用既檸檬辣椒，發現有頭髮，備用時無遮蓋。下午13時20分有一名身穿綠色黑色格仔衫，染有淺色短頭髮，身型略為肥胖既員工，用力 “派” 張單俾我地，當時已經覺得奇怪，唔知我地有咩得罪左佢? 我地核對完張單，打算飲埋杯飲品就離開，但不足2-3分鐘，僅僅飲左兩啖野既時間，該名員工又再度催促我地，今次做埋動作態度極差地講坐多5分鐘丫。餐廳推出優惠 : 13:15pm 後入座9折，理解餐廳想增加人流，為左配合優惠，態度惡劣地趕走使用 正價 光顧既客人而增人翻桌率，是否明智做法???

D2Place 附近行下，順便搵嘢食，見到呢間環境幾舒服就試下🤎越式芋圓椰汁凍俾個甜品吸引咗，可愛嘅貓貓奶凍坐係浴缸入面，多款配料都變成佢嘅泡泡浴，可愛到唔捨得食😆🤎越式芝士咖喱農夫包大大塊芝士舖係農夫包面，麵包索灑咖喱汁，非常邪惡😌可以選牛柳/豬頸肉配搭咖喱食，麵包入面仲有薯仔🥔🤎蝦膏海鮮炒河粉炒河非常大碟，仲有彈牙嘅蝦肉，炒得幾有鑊氣加$5可以無限暢飲Sparkling /Still Water 🥛🦥Chill Vietnam Cuisine and Bar (荔枝角)荔枝角長義街9號D2 Place ONE 3樓301號舖🌲🌲🌲🌲🌲🌲🌲🌲🌼懶好食指數：4.4/5🌼懶住去指數：4.4/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

中午點了二人套餐，400幾蚊，可接受價錢。食物味道一般，加錢點了蝦，蝦冇味。最開心是套餐飲品，可以在餐牌內任選二款，除了有酒精飲品，點了一個椰青，一杯橙茶，都好好飲。

今日中午決定試試D2 Place One嘅 Chill Vietnam Cuisine & Bar，主打越南菜，選擇多之餘環境亦都唔錯，非常適合返工lunch。今次我就揀咗最經典嘅 生牛肉湯河 來試試！生牛肉湯河 $70🥩 生牛肉上枱時仲係生嘅，放入滾熱嘅湯底後慢慢變熟，肉質保持嫩滑，口感一流！🥬 配料如芽菜、香葉份量充足，帶嚟爽脆口感，仲增添咗層次感。🍜 河粉質感唔錯，唔會過淋，掛湯能力剛剛好。🍋 湯底鮮甜清香，唔會過濃或油膩，非常符合越南傳統湯粉風格，仲有附上青檸同辣椒粒，可以按個人口味調整風味。雖然湯底冇去到越南當地咁濃厚，但還原度已經相當高，味道令人滿意。如果可以提供無限量嘅芽菜、青檸等配料，整體體驗就會更加完美！總體而言，喺香港想食返碗正宗越南牛肉河，呢間都算係唔錯嘅選擇！😋

Chill Vietnam Cuisine and Bar地址：荔枝角長義街9號D2 Place ONE 3樓301號舖D2 Place超正越南美食，😋性價比高！價錢唔算貴，但野食好有水準，D2 Place一期3樓有好多美食，眼花繚亂。咁啱依間餐廳有位，裝備簡潔，地方企理乾淨，加上好耐無食過越南菜，果然無令人失望！！可以推薦俾大家試吓！叫咗個咖哩農夫包！好有地道口感，同埋食得越南菜，點可以無檬粉？ 依碗蟹肉湯檬粉份量夠，好開胃😊好快成碗食晒！最後叫多個甜品，好有特色～好味😋😊值得下次再黎食呀😆！越式芝士咖喱農夫包牛柳海防蟹肉湯檬粉越式芋圓椰汁凍

去長沙灣看電影之前去咗D2 Place one搵嘢食行過有一間好有人氣嘅越南餐廳就走咗入去嚟個快食，佢哋出餐好快。餐廳選Tap water / 加$5 轉Sparkling Water。生牛肉湯河有很多香草及芽藥在湯內，河粉晶凝通透，非常爽口彈牙。牛肉切到好薄，肉質好鮮嫩，食落唔會韌，仲要好多塊。成個湯底好有牛肉鮮味。還有青檸及辣椒給你調味。越式芋園椰汁凍超可愛以浴缸裝住隻白兔布甸，白兔會郁吓郁吓動L動L, 旁邊仲有紅豆、芋圓、芒果粒、西米、士多啤梨粒一齊，食落去口感層次豐富，此甜品唔會過甜。椰汁叻沙葉燴青口伴油條油炸鬼夠熱，食落非常脆，入面麵粉夠軟熟。餐廳用個金色架掛住油條，非常得意打卡必點。餐廳還好細心提供小鉸剪，可以剪開一細舊油炸鬼來點椰汁食。就算唔叫飯，都好飽肚。Chill Vietnam Cuisine and Bar 地址: 荔枝角長義街9號D2 Place ONE3樓301號舖#ChillVietnamCuisineandBar #D2Place美食 #Vietnam #荔枝角 #荔枝角美食 #長沙灣 #長沙灣美食 #越式 #越南菜

越南菜是我至愛，今日經過 荔枝角D2 Place 發現一間新派越南菜餐廳， 裝修明亮清新，大方簡潔炙燒虎蝦鮮芒米紙卷米紙卷包住有炙燒虎蝦、芒果、白紅蘿蔔、青瓜及牛油果、咬落非常爽口，新鮮芒果多汁，味道清新律康，色彩繽紛，灑上花生碎好有口感香茅熱情果醬燒春雞 (半隻）燒春雞好juicy , 加入香茅燒好惹味，皮脆肉香，雞肉好嫩滑，沾少少熱情果醬，甜甜酸酸更加好味越式竽圓椰汁凍滑嘟嘟Q版河馬公仔，白雪雪造型，是椰汁奶凍，幼滑香甜，非常Q彈，坐在浴缸🛀好可愛，沐浴在色彩斑斕的芒果粒、竽圓，西米、士多啤梨及脆片，見到個造型，真係可愛到唔捨得食Still Water 越南品牌 Still Water , 味道清純入口順滑，好飲

同朋友到D2 place 睇戲前食飽先去，朋友想食越南菜，chill Vietnam Cuisine n bar就啱曬。咖喱牛肉農夫包農夫包外酥內軟，咖喱牛肉的味道濃郁，牛肉軟嫩入味，每一口都能感受到濃厚的香料氣息，讓人一試難忘。🥖🥩生牛肉湯河湯底清甜鮮美，配上新鮮的生牛肉片和嫩滑的河粉，簡直是絕配。每一口都充滿了鮮美的牛肉味道和爽滑的口感。🍜最後，椰汁奶凍則是這裡的甜品亮點。椰汁奶凍口感細膩，椰香濃郁，入口即化，非常適合作為結束這頓美餐的完美點睛之筆。🥥🍮

法越fushion菜🧏🏻‍♀️ 餐廳主打越南菜 更有混合法式的fushion菜式及創意cocktail 裝潢設計清新舒適 除咗openrice優惠套餐更有每日晚市馒惠====᪥ 白夏酸子鮮魚窩 $138本來以為類似酸菜魚咁 但湯底完全不一樣～ 充滿泰式風味 係冬蔭公嗰種酸 都幾酸吓😂 好開胃！鮮魚片爽彈鮮甜 入面仲有豆卜、芽菜、蕃茄、金針菇等配菜᪥ 香葉辣椒膏豬頸肉炒河 $98經典泰菜之一～ 炒河都唔會太油 夠鑊氣 味道適中᪥ 越式芋圓椰汁凍 $68 好可愛嘅甜品！好動L嘅椰汁凍 仲配咗各款toppings

這家餐廳裝潢融合了現代與傳統中式元素,竹編燈籠和紅色春節裝飾營造溫暖氛圍。木質座椅搭配米色牆面,空間明亮舒適。整體設計簡約雅致,適合朋友聚餐！軟殼蟹牛油果米紙卷 $108米紙包住香脆的軟殼蟹、牛油果、青瓜、紅蘿蔔絲、生菜、檬粉，餡料豐富，色彩繽紛，口感清新，配搭鮮香嘅魚露增添獨特風味。桔仔芥露燴虎蝦（4隻）$158個汁味道真係好唔錯，香茅味好出又酸酸甜甜，蝦都好食新鮮又好大隻！新鮮沙律菜伴碟感覺好健康😊越式芋圓椰汁凍 $68超可愛兔兔造型椰汁糕放在迷你浴缸，浴缸底仲有心形芋圓、西米、紅豆、脆片、士多啤梨🍓芒果粒⋯淡淡椰汁香氣唔太甜 滑嘟嘟！Sparkling water @$5

今日同朋友去咗一間好有特色嘅越南餐廳，環境非常之富有越南嘅色彩，而且食物相當之色香味俱全，打卡影相都係一個好地方，餐廳非常之整潔乾淨。我今日叫咗椰汁叻沙燴青口伴炸油條，油條新鮮炸氣，特別好味，好鬆脆，青口好肥美新鮮，而且滿滿嘅白汁，配搭非常之好。還有這個生牛肉湯河河粉，湯底是牛肉湯底，濃濃的牛肉味還有甜甜的，實在太好味了，河粉爽滑爽口，加埋湯一齊食用，個感覺實在太豐富了，生牛肉切得剛剛好口感非常好，而且入口有口感同容易咬開，再加上佢嘅配菜實在太好啦，甜品越式芋圓椰汁凍，下一隻好可愛嘅兔仔，用椰奶去做嘅，實在係大滿足，又可愛，仲有一啲配料，有紅豆士多啤梨西米同芒果，配搭埋呢一個芋圓同椰汁奶凍，實在係味道層次感豐富，而且好香嘅椰奶味，簡直係大滿足，全部食物實物如圖，我10分推薦這間餐廳。仲有有個Sparkling Water 我最鍾意飲。服務方面，非常之有禮貌，有細心體貼，我好滿意交通方便，喺地鐵站旁邊，非常之方便又有的士站同小巴上落客位。Chill Vietnam Cuisine and Bar 地址: 荔枝角長義街9號D2 Place ONE3樓301號舖@chill_vietnamc

今次去了這間越南餐廳吃飯，朋友介紹食物質素非常不錯，就來試一試 😆🔸越式芝士咖喱農夫包農夫包外皮略硬，不過內裡十分軟！包裹著香辣濃香的咖喱，再配上芝士口感超級豐富 🥰 咖喱與包是絕配 😍🔸會安鮮雞湯河湯頭清爽鮮美，鮮嫩雞肉份量不少，搭配滑順河粉好好味 😋🔸越式芋圓椰汁凍造型超可愛 ❣️ 是椰汁味的好好味 🤩 還有Q彈芋圓和生果，簡直是完美組合，甜而不膩 ❤️餐廳裝修略有文青風，非常適合一邊慢慢吃飯一邊閒聊 😚