Chow Chow Cafe

營業中

休息中

難得放假出街搵下食，就發現呢間西餐廳都幾多人食，所以就試吓食呢一間啦星期日都幾多人，唔知係咪因為係假期，所以冇下午茶餐嘅餐牌，只可以食all day breakfast 同埋午餐。唔想頭痛於是就揀咗食all day breakfast～個餐有跟湯既，紅白任揀，當日係蘑菇湯，味道都幾濃郁，蘑菇雖然切碎左，但係都幾有咬口。而個all day breakfast 其實有小小失望，因為呢個價錢應該可以做得更好，先講個麵包多士，雖然張相睇落冇乜嘢，但係後面係完全黑晒咁濟，然後水果都有啲普通，雞蛋算係炒得幾滑幾好食，漢堡扒唔知係咪自家製，同出面食嘅有少少唔一樣，但係腸仔呢啲就係行貨啦，仲要比得半條腸....如果知道係咁嘅樣，我唔會食呢個餐囉因為見到其他客食嘅，睇唔落去賣相唔錯，應該幾好食，如果下次有機會，都會試吓其他餐。

元朗雞地開左好多新餐廳，晚行過見到佢環境黑黑地，就入左去。唔知佢係想慳錢定想整到好有格調，成個環境都好黑！但如果溝女的話，靜靜地，黑黑地都唔錯既。我地二人叫左兩個餐，同一般西餐一樣有湯，又有飽，無咩太大特別，所以無影lu。呢個蕃茄帶子闊條麵，普普通通，正正常常，但小店都算唔錯，雖然價錢唔係平。最後仲食埋個set包埋的焦糖燉蛋做甜品，都算幾滿足。整體來說，如果作為住雞地的居民，又想近近地揾個地方談情，都係個唔錯的選擇。

野食不錯 百幾蚊有湯有飲品有正餐😋超級讚👍🏻👍🏻👍🏻服務態度🙇🏻‍♀️🙇🏻意外💥女廁乾淨香氣獨立冷氣仲有M巾提供有意粉、飯、扒、沙律 多選擇 性價比高👹

有次約咗同學食tea，是旦揀咗呢間Chow Chow Cafe。有露天座位適合有養寵物嘅食客，入面係黑色簡約風格嘅建築，兩則有梳化座，坐得都幾舒服。唔知係咪tea time冇乜人，所以啲services都算快，waiters都幾有禮貌，加水都加得好快。Tea time menu其實唔算太吸引，唯一特別啲係個mini all day breakfast 迷你版嘅all day breakfast 又真係少見啲，又係港女最愛，所以三個人都叫咗呢個餐。可惜嘅係個賣相真係好麻麻，全部都係好cheap嘅野。唔知係咪已經俾外面又靚又好食嘅all day breakfast 洗哂腦，認真覺得呢碟野掛羊頭賣狗肉。個包係極普通嘅牛油多士，有塊火腿，一個太陽蛋，手打漢堡，法蘭克福腸，仲有啲茄汁豆。除咗條腸係叫好食啲之外其他都好普通。如果你想食好野可以唔黎呢間，如果係想hea時間都可以考慮，畢竟人流唔多。

餐廳有室內同室外用餐的，而家嘅天氣涼涼哋，所以今晚我揀咗室外用餐💕今晚叫咗1.《雙重漢堡$88》～每樣配料層次分明，食得出師傅烹調的用心♥️配菜仲有粗薯條同少量雜果😋2.《Angus 肉眼$258》～扒嘅質素對得住個價錢👍🏻最後仲有幾款飯後甜品🍮俾你揀🤤！跟餐有埋餐飲（揀咗奶茶☕️&特色冰涼雜果冰梳打），唔錯的晚餐喔🥣

在7月中，街坊食友好姊妹很有心找我，原來她打算請我到元朗一間她喜歡的男韓星黃致列主題餐廳 <Chow Chow Cafe> 食西餐慶祝我生日！令我感到驚喜又開心！真是好多謝她的安排呀！元朗區我不太熟，所以，不論搭西鐵抑或巴士，落車都要找一找！ 當晚在3號颱風之下，天氣惡劣，下著大雨！這間西餐廳分為室內室外用餐區，天黑了，燈光昏暗頗有情調！除了有主角及餐廳名的狗狗 Chow Chow 之外，還有男韓星黃致列！屬於超級粉絲的她當然也很喜歡到這裡用餐，一邊進食又可以一邊看到黃致列的產品！黃致列好似無處不在，遍佈餐廳每一角落！ 相信他的粉絲來到這裡，會超開心又滿足呢！在晚上，食客可以選擇晚餐 $128~$258 或漢堡包 $78~$88 配汽水/ 橙汁/ 咖啡或茶 (+$15 配餐湯及牛油餐包)！以份量來說都幾抵食！(另加一服務費)我恐怕晚餐會吃不消，點份漢堡包也不錯吧！特別一提，值得一讚店方的細心位，入夜後，環境昏暗，送上餐牌及埋單時，店員會放上枱燈，方便食客睇清睇楚！+$15 配餐湯及牛油餐包餐湯：蘑菇湯 質感看起來稀薄，卻是入口滿載蘑菇的菌味！牛油餐包烘焗後的餐包，溫熱鬆

食材新鮮，服務一流！由入座開始服務員以有禮貌態度服務，呢度餐包好好食，餐包軟熟外脆內熱。而主菜亦好新鮮入味。仲可以帶狗狗一齊共享晚餐。好嘅服務態度已經唔多，好難得甘細心。

今次入元朗揀左依間叫chow chow cafe 🐶, 入面唔係好大 不過好彩時間尚早即刻有位坐.. 同店員示意冷氣比較涷立刻作岀調較, thank you !餐前會有沙律 餐湯同餐包, 每次食西餐我都好期待個湯同包, 如果兩樣都做得不錯咁嗰餐都唔會差得去邊！果然個包無令我失望, 超級鬆軟, 個湯服務員仲會細心問你要唔要加胡椒粉即刻幫你落.. 而個忌廉湯有肉絲, 味道亦不錯, 都算有誠意，而沙律開胃好味好評👍🏻蝦🦐寶菠蘿Burger配薯條個漢堡包烘過 鬆脆, 蝦寶都夠味, 薯條之餘又好貼心加幾口水果, 咁就唔怕漏啦餐後會有個甜品送，仲有幾款揀添! 是日雪糕有椰子🥥/ 榴連, 穩陣起見我揀椰子.. 好味呀無揀錯, 清甜唔似係現成雪糕.. 配餐仲有杯餐飲, 認真抵食！

今日放假係要陪下屋企人架啦 帶左媽咪入元朗搵食hea番一日假期recharge下energy😽😽😽 搵左呢間好似幾特別嘅Cafe食burger同意粉😽原來間cafe叫chow chow🐶🐶 所以牆身全部都係chow chow嘅相🐶 我哋叫咗個招牌漢堡同埋意式卡邦尼溫泉蛋扁意粉 午餐仲有成個set跟！可跟餐湯或者沙律 兩者都唔錯！😺😺招牌漢堡仲跟埋粗薯條🍟 粗薯條即炸 熱辣辣幾好味 塊漢堡係手打嘅 肉質超級淋 如果係想食有咬口嘅牛肉嘅話就唔係好適合啦 不過我同媽咪就覺得幾好味😋 仲有幾舊生果添喎 食得健康啲！😽😽意式卡邦尼溫泉蛋扁意粉有好多配料蘑菇洋蔥煙肉 不過意粉嘅份量就正常 卡邦尼醬都煮得幾creamy 撈埋溫泉蛋特別香！！😻跟餐飲品就普通啲啦 朱古力濃 不過唔夠奶所以唔夠香滑 可以改善下😺😺

今次要介紹的cafe位於元朗，餐廳內外都佈滿黃致列oppa~ 不單止外面有宣傳海報，內裡每張枱上都有oppa的相片，而且店內還播著韓歌~ 這是下午茶時間，於是我點了一客日式咖哩雞肉漢堡飯及凍奶茶，都成四五十蚊一客。 雞肉漢堡只有兩小塊T_T味道是好的，但份量少得可怕(可能我大食) 反而我覺得整碟飯最好食的是配菜西蘭花，哈哈！ 咖哩入面有薯仔、紅蘿蔔 飯的份量是小點，但味道取勝，反而杯凍奶茶就好大杯， 這裡的凍奶茶是自己放糖漿喔！ 最後送多張OPPA相！

行完山.朋友介紹左依間餐廳👏🏻👏🏻.四個女仔.各自叫左吾同ge野食！.當你見到d野食黎到.完全係一間性價比好高的餐廳！.而且員工服務態度好好😁😁.我叫左香煎帶子全蛋寬麪.豚肉好滑！食落去吾干👍🏻👍🏻👍🏻👍🏻👍🏻👍🏻👍🏻搞到我好後悔叫麪食😂😂😂😂😂😂但我覺得依間餐廳水準都好好！！老闆又好人！！愉快的一餐❤️❤️❤️.多謝朋友們幫我預祝生日！.好有愛的一餐飯❤️..

行過Chow Chow Cafe好多次，終於沈晚有機會去試下。我地兩位帶住隻狗就坐外面啦，個門面唔差嘅，環境尚算可以。我地叫咗兩個set，一個”Double Cheeseburgers”一個”卡邦尼Pasta”。Order完後等咗一陣個頭盤沙律就到咗，頭盤個味道唔差，啲腸有少少辣但幾入味。諗住食完頭盤之後個Main Course就嚟啦，點知等咗成20分鐘都未見咪問一問，問完後都再要等多大概10分鐘先到。我一見到個Double Cheeseburgers時我真係打個突，個burger都幾細個，比我expect嘅差幾遠吓！塊肉正常厚度但唔juicy加一塊芝士少少菜同一塊番茄就算，我覺得如果你收緊under$100嘅就差唔多啦，但個burger收$158就over咗啲。隔一陣卡邦尼都嚟埋，一個好重芝士味卡邦尼但portion都係偏細，食完唔應該要再order。最後甜品我地都選擇咗焦糖燉蛋，成餐飯最好就呢一樣，唔算太甜同入口質感都唔差。但呢間餐廳嘅收費同質素唔成正比，我諗我地應該未必再嚟。

打風前夕約了好友去元朗食個下午茶先～chow chow cafe依到有室內同室外的坐位，室外適合給毛孩同主人一同用饍怕熱可選擇室內。看過下午茶餐單同今日下午茶之選後～點了特式 芝士雞肉漢堡飽同吞拿魚碎蛋沙律牛角酥。即叫即做等下都值得～服務親切兩個餐都幫我倆分了一半這樣就可以品嚐到兩款下午茶了～雞肉漢幾雞肉熱辣辣又鎖住肉汁好好味，加上芝士真係唔錯。而吞拿魚碎蛋沙律牛角酥，吞拿魚碎蛋份量剛剛好配上牛角酥整體服務，食物，環境都好滿意會再來的

聽朋友介紹，話呢到抵食又好好服務，咁岩朋友生日想搵個坐得耐既地方，就決定試下chow chow cafe 我地叫左兩個套餐share，揀左帶子意大利飯（加左個鵝肝）同埋一個豬扒配薯菜一黎個前菜已經好有驚喜！係魷魚配沙律菜，加埋黑醋好fresh好開胃湯我地都叫左羅宋湯，好多料好夠味，真材實料👍 最意外係個包又脆又暖，我平時好少食晒餐包都食晒佢，因為實在太軟啦，唔係空氣包好難得主菜方面都好出色，個扒份量好大件，肉質火候掌控得好好，連薯條都薯味好濃，絕對無將貨就價而意大利飯就相當比較普通，雖然好食但無咩特別驚豔P.S.上甜品時佢知我朋友生日，幫我地畫左個碟，好窩心！

有時係元朗想食西餐，或者想搵個環境好d既地方同朋友一邊食飯一邊傾計都會諗起呢到！佢set dinner包好多野，而且全部都係心機之作👍首先佢有兩款湯俾人揀，而且個包都係heat過先黎，唔會凍冰冰硬晒咁，牛油亦都係，唔會太硬/太水，呢d細節都做得好好而且前菜通常都係沙律跟小食，沙律用黑醋做汁好開胃！主菜既選擇好多，沙律、扒、意粉、意大利飯、漢堡包....應有盡有😋😋而我都試過好多，真係未食過係伏既，每次同唔同朋友黎都話無介紹錯！飲品都好多揀，通常我都揀梳打！唯一少少想佢改返就係..以前係成枝梳打俾你自己倒，個感覺會開心d😆甜品都唔係行貨，好多坊間餐廳都係派雀巢雪糕/維記雪米滋就算，但呢到係有得揀焦糖燉蛋，香蕉奶凍，雜果涼粉等等，誠意十足！