Chow Chow Cafe

營業中

休息中

疫情時食過一次，跟住好耐冇食過，再去食服務態度都係超級好～～～～女店員一入坐就問你要唔要暖水，唔要就比凍水你，跟住就比滾水你消毒餐具。其他餐廳你叫杯熱水都好麻煩，何況仲要主動問你要唔要暖水，認真抵讚仲可以帶狗仔～～唔好要餐廳難做，記得要坐出面呀～～個漢堡餐包薯條，水果杯，餐飲同甜品，承惠$138（未加一），咁既服務態度再加一個完整既set，百零蚊就食到真係好值得一再食支持～不過個人唔推招牌漢堡，個肉似其他肉合成既肉，我自己唔太鍾意～你地可以試其他既漢堡～但個薯條好好食，好大條同埋食到薯仔味嫁，唔係個啲急凍波浪薯條成口粉個啲，係真係有薯仔味既薯條每個晚餐都有跟餐餐包（暖笠笠），三堆牛油超cute~~餐包好軟熟,食唔哂個女店員仲主動比個紙袋你袋番屋企，超級貼心下次去開元朗都會幫襯，咁好服務態度真係第一次覺得有加一既服務質素～好值得支持既小店大家去開元朗既可以去感受下香港少有既好服務餐廳啦～～（p.s，女廁好乾淨好pinkpink仲有好多狗仔相，怕污糟既女士如果人有三急可以放心使用）

忙咗成日，想搵間餐廳坐得舒服d食個early dinner。今日星期三6:30左右去到餐廳，老闆話7:30有人包咗場，無問題，我哋一個鐘食得曬嘅😎有室外同室內，揀咗室內。-晚餐包埋餐包，如果要埋餐湯就+$10每去一間西餐廳，我都好著重個餐包，因為係好睇得出間餐廳係咪每個細節都係用心。呢度嘅餐包係暖笠笠好軟熟❤️牛油都係軟嘅，一搽就化開，唔會雪到好硬嗰隻-點咗胡麻醬凍豆腐冷烏冬+吉列豬扒烏冬好Q彈又夠多麻醬😋吉列豬扒好香脆👍🏻-巴馬火腿華度夫蘋果沙律分量好多，好足料👍🏻-晚餐送埋甜品+飲品有幾款揀，我點咗焦糖燉蛋😋幫襯咗呢間餐廳好多年，都見佢轉過幾個員工，而不約而同每個員工都係好有禮貌，服務好好👍🏻老闆都係好有禮貌。每次食完，除咗享受美食之外，仲得到用心嘅服務❤️食完係帶住開心嘅心情返屋企，完滿嘅一天😊2人食咗$230，人均$115，性價比好高🤩

今日放假去元朗行街街，所以想食返個豐富嘅西餐。講返呢間餐廳先，以我嘅認知，佢開咗好多年，係一間動物友善餐廳。平時經過，都有好多主人帶埋佢地既寵物坐喺門口用餐。我中意店主好細心，例如佢會俾一個保暖杯放啲好熱既熱水俾你消毒啲餐具。🍴🌟招牌漢堡包味道不錯，但係略嫌塊漢堡肉比較細，可能比較大食嘅人食呢個餐會唔夠飽，薯條炸得夠脆，幾好味。🌟健怡All day Breakfast呢個餐夠多蛋白質同埋纖維，啱晒注重健康嘅人食🌟跟餐嘅甜品超級鍾意食呢個朱古力布朗尼，入面有啲棉花糖，朱古力味濃，口感豐富

今日過來雞地搵食，雖然門面平凡，但平時行過見到都多人，相信都應該唔會伏，結果有驚喜，非常喜歡👍🏼早咗少少5:45到，由於店內未預備好，店員好Nice好友善地解釋要等多陣，可以入坐時立即通知/接待。💕入內坐低比想像中舒服，空氣質素好好(因我有鼻敏感，對餐廳的油煙/微粒很敏感)，懷舊音樂選曲很好很舒服，每枱有不同款式的小盤栽，裝修比較老派但舒服，唯獨有盞老舊枱燈仔有點格格不入，如果換為爉焟或懷舊款枱燈就Perfect。❣️餐牌內容看出是港式西餐，看完餐單開始感受到店主的細心和注重健康，有素食及健怡全日早餐等，我和太太分別點了「招牌漢堡」和「健怡全日早餐」，餐牌內所有主食都包括麵包、飲品及甜品，很體貼👍🏼👍🏼😊

今天不想留在家，於是就到元朗找一間可以坐得較為耐的餐廳，放空、悠閒一下。離遠見到這間餐廳有室外位置，而且很多人帶同寵物一起來，正是我想要的「悠閒」畫面，所以便選這間餐廳吃個下午茶。手打蝦餅漢堡-蝦餅超級厚，菠蘿是燒烤過的好吃！還有少少沙律菜可解油膩感。多士脆口，有齊牛油、花生醬、煉奶，擺盤精美，賣相吸引。這裏的紅豆冰是配忌廉，非常邪惡間中這樣吃就好了，哈哈由於是下午茶時間，所以價錢不貴，都是幾十蚊一個餐抵吃！

恢復晚市,梗係要帶愛犬一齐食飯啦！我哋都成日会去 chow chow cafe, 因為職員对寵物真係好friendly and welcome, 仲提供水及麵包給愛兒,地方又坐得舒服,价錢又合理,冇理由唔去幫襯囉黑松露蘑菇湯- 超好飲,唔會比黑松露蓋曬啲味餐包- 外脆內軟,又夠大個蝦帶子意粉- 味道及分量都可以豬鞍配薯菜 - 今次份豬鞍一般,比較鞋,以往食開都不是這樣,薯條新鮮炸,好香脆甜品都不過不失,有很多款選擇 總括來說, 帶愛犬出去食飯,這裏是一個好選擇

果一邊都好多Cafe，但係見到呢間餐廳好多狗仔擺設幾有趣於是就入去試吓，咁啱佢有午市套餐，漢堡包份量真係好大，可能要兩個人先食得晒，而我叫咗塊扒，份量就相對細煎得有啲濃，唔係特別驚喜，但係佢個餐湯黑松露味都好香唔錯

雖然住在元朗，但很少會過雞地，再入些的地方更加很少去。今晚偶然經過雞地，見到一間裝修舒適的餐廳，有三款素食晚餐，我們點了其中兩款：天使面及素炒蛋漢堡。店員很細心先送上暖水，再給熱水洗叉，很貼心。點餐的時候也細心解釋，飲品我們吃不吃五辛之類。因為我們是蛋奶素，只是不吃肉，所以也不太麻煩。送上的兩個晚餐賣相很好。漢堡本身有生果小食，最好吃的就是薯條，是剛剛炸好很新鮮的。黑松露炒蛋也很美味。天使麵也很入味。最後送上甜品，我們點了焦糖燉蛋及椰子雪糕新地，也很美味。甜品是有幾款可以選擇的。價錢方面雖然不算便宜，也不太貴，個人覺得合理。分量方面，如果是男士，應該是不夠吃的。如果是女士或是不太大食的男士，剛剛好，整體來說很滿足，會再幫襯。

行完山出元朗市區搵野食，見到這間餐廳有平價下午茶餐又竟然有幾款素食，環境望落去幾舒服就入去試下，估唔到都幾好食丫。元朗鳳攸南街一帶都幾多咖啡店和餐廳仔，我繞了一圈都有一兩間有提供素食。除了這間Chow Chow Cafe，另一間有純素串燒飯都幾吸引。餐廳有戶外和室內座位，外面可以帶狗狗，入面就有沙發坐有冷氣吹幾舒服。順帶一提，餐廳隔壁個廁所佈置得好溫馨，我覺得非常可愛。店內周圍都見到鬆獅狗照片，我猜是老闆養的狗狗。下午茶餐價錢 HK$38 - 64，包一杯飲品，當中都有三四個係素食可用。店內送上一個熱水壺然後解說是用來洗餐具，我覺得這件事太搞笑，第一次遇到。朋友叫的茶餐 HK$38 有豬扒包和紅豆冰，賣相和味道都合格。(素)黑松露鮮茄炒蛋配牛角酥 HK$58我本來想食菠蘿包，點知無貨就換左牛角酥，份量比想像中細。黑松露炒蛋炒得幾滑幾靚，不過餡料偏少不夠飽滿。元朗區食下午茶消費都算抵，街坊感覺的服務，食起來都幾有人情味既。

喺呢區住左咁耐都冇食過呢一間餐廳, 平時行開行埋見到好多狗狗都可以一齊喺戶外位置一起進食真係好開心今次黎左呢到晚餐, 好好彩唔駛等好耐位, 一開始完全冇咩期待, 之後侍應拎左個Menu嚟, 好詳細咁講有主打等, 但完全唔hard sell, 聽得好舒服, 好有禮貌同埋唔止一個侍應好禮貌, 係其他仲有兩個有同我地交流都十分之好👍🏾👍🏾👍🏾👍🏾不過當然嚟得餐廳最重要嘅係食物質素, 我哋二人行叫咗兩個set dinner1/ 海蝦欖油扁意粉$138 - 海蝦大大隻意粉味道不錯2/ 松露蘑菇Risotto$168 - 呢個價錢比成條鰻魚都算唔錯而且食唔到有骨本身兩個餐都包餐湯, 飲品同甜品(甜品同飲品一般), 但性價比真係好高, 唔怪得咁多人都嚟食😋😋👍🏾

朋友介紹，今晚來這裏試試，一入門坐下就覺得環境很舒服(這裏分室內、室外坐位，室外可帶寵物一起進餐)，微暗的燈光帶点柔和，最 適合情侶撑枱腳，雖然是小店，但環境、服務、食物品質一点都不(媽夫)，睇得出用心經營。是晚我們点了两個Set，鹅肝牛柳、羊架，因本人不吃牛，問可否鹅肝另上，他們也照客人去做，讚！牛柳、羊架味道、生熟度做得剛好，正！餐湯都有幾款選擇，好飲！餐包夠鬆軟，好食！ 甜品和餐飲都有多款選擇，值得讚！今晚食了一次滿足又滿意的晚餐，值得再來！多謝各員工细心的服務！

這個巨無霸10分足料，蛋也很厚身， 肉相對比較薄， 但有兩片都好食。 麵包很鬆軟再配合10分Juicy的內在材料, 算是100分~ 配菜: 反而當中的薯條比較硬身, 水果還可以。另外叫了雞扒， 雞髀位置的肉質汁10分鮮嫩，雞胸肉雖然比較硬，趁熱食也10分美味。 整體來說兩個餐都OK！最驚喜是原來有甜品🍮，也很不錯。 店員的服務也10分窩心，會提供熱水杯供洗用具，我們在室外比較暗，他們也會提供照明燈給我們看餐牌👏🏻

幾年前第一次幫襯chow chow係因為做facial間店係同一條街，就腳方便醫肚，餐咖啡都有一定水準，而且店員服務都非常好，所以之後久唔久都會光顧一次。今日再一次光顧，除咗食物味道保持一貫水準之外，又比我發現多兩處細心位。第一件事係我進餐其間一路睇劇，用隻水杯頂住部電話咁睇，店員好貼心咁主動拎咗個座枱架比我輕鬆睇劇，此舉真係super sweet❣️第二件事係到我食到3分2先發覺，酷熱天氣下坐outdoor位自己竟然無比蚊咬，原來室外每張枱底都放置咗蚊香，可見經營者真係以客為本。仲有一件事我都覺得chow chow好難得嘅係，佢就算多咗人幫襯，都無限制客人進餐時間，比大家有個輕鬆嘅用餐體驗。是日嗌咗卡邦尼意粉跟餐羅宋湯，餐飲熱咖啡。羅宋湯足料嘅，係偏淡咗少少卡邦尼意粉份量 與 意粉軟硬度都適中，係o個汁稀咗啲Coffee齋啡都可以

今日天氣吾錯，當然要撐下台腳12點去到冇咩人，冇book台就只可以walk in坐出邊好在天氣吾熱，涼涼地，幾舒服可以帶埋狗仔去ga！無論食咩set, 都會有餐包送餐包的確好正，外層脆，入面軟熟令我呢個麵包控心花怒放餐湯係南瓜忌廉湯不錯的，有d南瓜肉咬下仲有waiter過黎問是否需要白胡椒粒用機即磨餐飲叫左熱咖啡奶另上，可以自己決定奶既多少咖啡既味都吾錯個人覺得主菜反而遜色蒜辣炒蝦意粉辣就夠辣，蝦都小彈牙不過冇咩特別＄88 再加一cp值吾高lo

第一次帶同狗狗一齊去食野🐶 揀左間有空外座位嘅cafe😙 呢間寵物友善餐廳職員對人都好友善😆叫左兩個下午茶餐 跟餐有杯熱飲chow chow 招牌漢堡 ($58)煙三文魚扁意粉 ($58)另設加一味道來講都唔錯 招牌漢堡都幾多料 包括有芝士🧀 豬柳漢堡扒 蛋🍳 菜 蕃茄🍅 同煙三文魚 漢堡比較軟身 幾易咬😋 另外個煙三文魚扁意粉都正常味道 幾好食🤤如果以cafe 來講 咁樣一個下午茶餐都算唔差😍 不過飲品就係茶餐廳式😂 不過服務來講都幾唔錯😙 餐廳職員幾細心😛 俾餐具個陣仲有俾壺熱水 用保暖壺裝住熱水😳 話用來淥餐具😆 呢點好欣賞 加分👍🏻