CJ Cafe (已結業)

六月十八日夜晚黎食。一行四人。其實早幾個月已經聽聞過泳池側邊有餐廳，但做左無耐又執左，最後又開返。而且賣廣告賣到好行下，美食沙漠的綠洲？！炭燒西冷138蚊，炭燒肉眼148蚊，羊架148蚊。前兩者一黎到已經呆左，燶曬咁喎，真係黑色既燶。食落口直情係苦添架，完全係平時燒野食燒燶左咁樣，喂大佬平時bbq燒燶我都係咬走燶果個位置者，但佢成舊個面都係燶架。其後我望下其他枱都係一樣黑曬燶曬咁，呢一刻我明白了，應該係呢間餐廳既特色，炭燒既特色。平心而論，味道係可以既，肉質都不俗，但佢成個面都係黑色既燶真係接受唔到，每一口都係燶曬既苦。我唔明白點解會有人讚好。黑松露薯條係腍身既，完全唔似係食緊薯條囉。而且好明顯啲醬同黑松露係放得唔均勻。水牛城雞翼竟然係唔辣既？！但佢個醬怪怪地味，說不出的怪。藍蝶水晶特飲係幾特別，呃下like ，味道不錯。講真佢環境係好好，但食物有待改善。

馬鞍山泳池餐廳主攻扒房西餐，開業後吸引不少街坊慕名而來，餐廳裝修將一般食堂格局翻新，而食物訂價亦頗為進取，味道如何呢？首先試點午餐黑松露醬焗雞扒飯，質素一般，但仍算足料；肉眼牛扒及西冷牛扒餐價錢介乎$138 -148, 可選黑椒汁、洋蔥汁，飯、意粉或薯菜，牛肉有扒爐的碳烤味，但肉質一般，而上菜有點混亂，走單漏單竟然反覆催促仍未有跟進，以這個價錢來說，食物水準只算不過不失，而服務需要改善。

星期日行完馬鞍山公園既石春路後黎食lunch叫左:西冷扒配薯菜: 叫左6成熟，但黎到幾乎全熟，d肉完全無紅色，但肉質非常嫩滑，然而邊位有筋燒三文魚雜果沙律伴芥末醬：非常大碟，非常夠飽，三文魚可以再多d，個人唔太中意沙律菜，略嫌無得叫set(無配飲品)

大熱天時，最好就是游水暢泳一番啦！今次特登入到馬鞍山同朋友游水，他介紹我運動過後可以去旁邊的餐廳晚飯，起初擔心會否是員工飯堂之類的質素，但吃完之後所有憂慮一掃而空呢！餐廳可以望到泳池的環境，正！😍😍其實餐廳位置略為僻遠，只在泳池旁邊並不近商場位置，但晚市時間也全場滿座，質素也有一定保證呢！👍🏻👍🏻餐廳主要以西餐為主！晚餐選擇也頗多，還有其他焗飯意粉沙律小食可選，照顧不同口味的人士！餐飲的凍檸茶和羅宋湯，酸甜開胃配料足，愈飲愈滋味！😆😆一上台已經非常吸眼，唔單止係海鮮足料又大隻，再加上三色椒絲，賣相、色彩都令人食慾大增，以價錢來說十分抵食！蝦肉爽口，帶子厚身不韌，天使麵夾雜了不少蜆肉，仲有大大隻既青口，海鮮種類絕不欺場！而且天使麵爽口，醬汁亦不會過多，吃完都不覺油膩👍🏻👍🏻朋友點的凱薩沙律，超誇張大份，怪不得他單點沙律不食其他都夠飽！整體來說，食物質素不差，而且的確抵食夾大件，運動過後醫肚也絕對夠飽，加上觀景開揚，座位寬敞，有時間的話坐低慢慢歎，欣賞其他泳客嬉水也是一個好選擇呢！😎😎😎

住附近一直都唔知馬鞍山泳池餐廳變左一間西餐廳，31/7星期日下午黎試下叫左雞扒魚柳意粉set，餐湯係白湯，麻麻地雞扒魚柳超大份，菜新鮮，雞扒煎到好脆，魚柳更加係我食過數一數二既，外面脆，但入面仍然好juicy！食得出D野食係真係用心整既隔離台All day breakfast睇落都非常吸引係呢度度過左一個休閒既上午後，正當我滿意地離開比錢時，點知就衰左啦個收銀阿姐寸到爆，我都唔洗你講「多謝晒」個D，但佢黑口黑面，講野無尾音，比錢好似欠左佢咁成件事好可惜，我唔知佢係咪員工啦，睇得出老闆有heart經營，但就衰在係呢位收銀阿姐手上，層次拉低晒原本一定會再返兜，但係而家就算再黎，我都會睇下係咪呢位收銀阿姐座陣先又或者...佢係老細掛

夏天留連嘅地方就係游泳池，馬鞍山游泳池有2條又高又多彎的滑梯，點都要去玩，游完水貪就腳就響隔離嘅餐廳開飯Cafe環境闊落，裝潢有情調，有落地玻璃睇住日落食晚飯，食景都唔錯，餐廳仲有bar枱可以坐，俾有性格的獨個兒欣賞風景炸魚薯條($58)好足料薯條係粗薯條，不但食落有口感，外脆，而且有好豐富既薯蓉餡料，內軟炸魚也毫不欺場，份量多，魚肉厚身，大條之餘，炸漿薄，不會食落成口粉，食落脆口，魚肉結實不鬆散紐西蘭青口意大利飯（$98）一上枱，擺盤經已好吸引，青口大隻肥美，食落鮮甜，意大利飯creamy，夠香，配上磨菇粒，入口啖啖忌廉磨菇香，而且一點都不覺膩，連埋大隻青口更令人滿足餐廳仲有啤酒飲，可以佐小食，岩哂坐底慢慢傾兼欣賞風景。。。悠閒嘅下午

早前在網上看過有報導馬鞍山泳池旁開了家新餐廳。晚上和媽媽做完運動便順路過來試試吃個晚飯。已過了晚餐時間所以人數不多，坐到近窗的位置，可以看到晚上的泳池景。炭燒紐西蘭草飼牛肉眼扒 $148配了薯菜，有炸薯條、蕃茄和豆。本來叫了五成熟，但上到桌切開後發現已經有八成熟了。幸好整體也肉質也夠稔，而且煎得夠香。石榴藍蝶水晶特飲 (套餐+$6)味道偏甜。漸變色的碟豆花飲品夠特別，不是很多地方可以喝到。南瓜汁雞肉意大利飯 $42雖然有意大利飯的軟稔，飯粒分明，忌廉味也有，有少許雞肉在中間。大大碟，兩個人分享來吃也夠飽肚。地方夠大，食物環境等整體也不錯。樓底夠高，適合朋友一起食飯談天。

夏天來到，天氣也愈來愈熱，所以很適合去游泳。馬鞍山泳池以其刺激的滑梯聞名，所以我倆決定去玩一下。.玩樂過後，剛好差不多是晚餐時間，而前往前已經留意到泳池旁有一間cafe，就決定前往試一試。.一進去就看到餐廳的logo作裝飾。.因為開設在泳池旁，所以可以在餐廳內清楚看到泳池的兒童區域跟滑梯區域。.另一邊是高餐桌位子，看起來很有feel ~.餐牌簡單的有五頁，分別有套餐、散叫的食物、小食跟飲品，而食物加$12就可以加牛角包跟餐湯，所以我倆就加了兩set。.先送來的是牛角包跟餐湯。是日餐湯是法式龍蝦湯，味道不錯而內裏也有一些餡料；但牛角包沒有烘熱過，所以很腍，有點失望；不過只是加$12 就有兩款食物，也不能要求太多。.曬了一個下午，很想吃一點較涼食的食物，就點了煙三文魚鮮果雜菜沙律伴芥末汁。很大的一碟，鮮果不但有火龍果及蘋果，還有很適合夏天吃的西瓜，而煙三文魚配以雜菜跟香醋也很清新。.再來是熱食的南瓜汁雞肉意大利飯，意大利飯隱約中呈現一個心型。很大的一碟，份量很色，吃下去雞肉嫩滑，南瓜汁濃稠度適中，不錯的risotto。.整體來說，雖然食物質素不能媲美高級西餐廳，但勝在地點方便，位於泳池旁，

馬鞍山泳池旁邊開左一間新西餐店，評論也好壞參半，因為個人有不同評論，所以決定一試，去到人都幾多，需要等一排先可以入座，環境夠光，服務還可以接受，同女朋友坐下選擇一個主餐及沙律前菜，眼見沙律上枱個一刻十分吃驚，太大碟吧...，味道唔太差，可以多一些沙律醬汁比較好，之後再上一碗南瓜湯，味道比較淡，可以接受，到主菜牛排五成，這個都比想像好，牛不太硬，而且味道還十分好，薯菜也令人帶起食欲，好滿意，有機會可以再試

有時候會經過游泳池，旁邊或許會有餐廳，就像今晚經過馬鞍山游泳池，旁邊就有間 CJ Cafe，於是走入了這餐廳食個晚飯。閱讀過餐牌，以西式為主，有意大利飯意粉等，亦有漢堡包沙律等，其中惠顧任何食品均可加銀兩，就有餐湯及牛角包等，而晚市則有套餐供應。餐湯為雜菜湯，湯頭顏色較深，稠結度很高，而且味道濃郁，且具有酸酸微微的味覺，內裡蔬菜頗為足料，是一個濃湯，味道不錯。主菜為炭燒美國菲力豬柳。豬柳外圍以培根圍著，是令人意想不到的。豬柳肉質鬆化，又夠脆口。醬汁入口則有種甜味在內，令豬柳更具食味。煙肉長長一條，頗為脆口，且有微微的鹹香味道。小食則選自水牛城雞翼，一客共有六隻，大小均勻。雞翼以醬汁醃製，味道濃郁而帶香甜味道，雞翼亦夠滑溜。餐飲為水蜜桃水晶綠茶。綠茶清新而帶有應有的茶味，為剛才濃郁味道的晚餐加添清新的味道。坐在泳池旁食個晚飯，是另一番體驗。

聽人講尼個食物沙漠有正野食，琴晚就去試下! 一去到已覺環境唔錯是日餐點我嗌左G, 加個小食同特飲:先黎個餐湯，係我最愛嘅雜菜湯: 好多菜，啲湯嘅味好濃，好開胃，又不會太咸，茄味強! 我好中意黑松露鮮蝦炒意粉: 最近愛上黑松露嘅味道，就點黎試下! 果然有令我失望，雖然松露唔多，但食落都帶淡淡松露香，加埋啲菇類真係好夾啲意粉仲好好口感，非常彈牙，我最怕煮林晒嘅意粉。另外，本來怕炒意粉會好油，但又唔會喎鮮蝦非常彈牙，亦算大隻，鮮味一般，但勝在口感非凡! 讚加$6特飲→蘆薈水晶綠茶(少甜): 尼個完全係我杯茶! 少甜後果然唔會好甜，好岩我飲有蘆薈粒粒同綠色啫喱物體，有得食有得飲芝士焗西蘭花: 好大份! 上枱熱辣辣芝士味唔算好重，忌廉味多，但又幾夾喎令成件事! D cream又好滑~ 西蘭花焗嘅火喉剛好，爽口得黎唔係好硬唔夠熟個種，推介! 另外，待應都好有禮物，有笑容。住馬鞍山人士可多黎食

呢日約咗馬鞍山朋友食lunch 崇尚健康生活嘅友人原來去咗游早水 佢帶了小妹到泳池旁邊 獨市經營的CJ Cafe... 整體格局與飯堂無異 不過企理好多 非常乾淨坐窗邊可以望到大小朋友玩水的情況... btw 呢幾日陰晴不定 有時太陽好猛 有時天又暗返 店員都會細心咁主動過來調較窗簾...一打開餐牌 發現呢度嘅食物平到喊先來一杯「韓國蘋果杞子茶」 (熱$16/凍$18) 食一粒蘋果 覺得好甜 再喝一口茶 又唔係甜到想嘔嗰隻喎 看來係選用的蘋果本身夠甜夠新鮮想不到呢度有「意大利巴瑪火腿配Camembert芝士拼盤」($98) 好多餐廳都係將Parma Ham和芝士拼盤份做兩道appetizer 但小妹認為 它們雙劍合璧才是王道！！！拼盤上除了火腿和芝士 還有迷你多士 和沙律 面頭淋上溝咗蛋黃醬的沙律醬選用的Camembert芝士味道較淡 相比起超級鹹的藍芝士 較容易單獨入口 加上Parma Ham本身濃味 用Camembert來襯托Parma Ham 真是恰到好處呢度有好幾款意大利飯 餐牌上說明大概要等20分鐘 我們點了「黑松露牛肋粒野菌意大利飯」($108) 小妹食過好多唔同餐廳的意大

今日去左馬鞍山泳池隔離既CJ Cafe，呢間cafe比人一個好健康既感覺，一入到去就會望到游泳池既設施，搞到小妹都好想出去一齊玩啊！環境方面，睇得出cafe都有花心思去設計。cafe既logo都好陽光，下面仲有單車同滑板添，好似呼喚緊我地齊齊做運動咁啊！而另外一面就比較復古，櫃上面胡桃夾子既擺設好靚呀！宜家天氣咁熱，入到黎梗系先睇凍飲！小妹叫左杯白桃藍蝶花水晶特飲($22)，顏色非常吸引，價錢亦相當大眾化。杯野飲未搞勻之前上面系透明紫色下面系奶白色既，搞勻左之後就變左實色既淺紫色。呢杯特飲仲有d啫哩，非常有咬口啊！小妹揀左個煙三文魚鮮果雜菜沙律伴芥末($88)做頭盤，頭盤黎講都算幾大碟，而三文魚既份量都算多(張相影得吾系幾好T^T)。值得一讚既系佢竟然有紫洋蔥！同三文魚絕配啊真系！黎到主食，就系小妹最愛既risotto，黑松露野菌牛肋粒意大利飯($108)，佢送黎個陣仲有煙架！味道都吾錯，而且幾大碟，岩哂大食既朋友啊哈哈哈哈哈！個risotto好入味，而且材料好新鮮，特別系d菇，非常爽口！

今日收工後去左搵男朋友，去左男朋友屋企附近諗住搵間餐廳食晚飯。本身都無乜期望有咩餐廳好食架喇，因為係馬鞍山出左名美食沙漠 點知無意中係網上見到馬鞍山泳池隔離原來有間餐廳，見到啲野食好似都唔錯，所以就決定同男朋友去試下喇係馬鞍山站落車，行過去餐廳都唔算特別遠，大概都係5分鐘左右商場入面既餐廳其實大多時候晚市都爆哂，要等好耐先可以入座，如果唔嫌遠既話呢間都係一間唔錯既選擇黎架男朋友話住左馬鞍山咁多年，都唔知道原來泳池隔離有間咁既餐廳，裝修睇落好新淨之餘，地方都好闊落，比想像中大同舒服，啱哂靜靜地坐低嘆下食飯傾下偈架睇睇menu ，估唔到都幾多野食架喎，本身以為係泳池隔離既餐廳，應該都唔會有太多選擇比客人揀啦，點知就啱啱相反，不論食物定飲品都好多花款架喎，有嚴重選擇困難症既我真係好多野都想食唯有留返下次再試其他啦哈哈叫完野食好快就有碗餐湯比我地飲住頂下肚先，味道唔錯重幾足料tim望到餐牌上而既飲品，有種叫做藍蝶水晶系列既飲品，從來都未聽過，所以就叫左一杯黎試下啦，顏色好靚味道又唔錯，佢下面紅色果啲點搞都吾會散開架好搞笑等左10零分鐘終於有野食喇👏我地就叫左兩個小食兩個主食既，小食就係呢個肉丸

上星期六突然想食西餐，諗起泳池嗰邊開左間西餐廳，即刻同老公，媽咪爸爸晏晝去試～餐廳位置響泳池隔離，我覺得尚算ok，入面環境唔算嘈，傾到計，抵讚我地叫左3個餐，比目魚柳配和風燒汁飯，煙三文魚雜菌南瓜汁闊條麵，南瓜汁雞肉意大利飯，再加個肉醬薯條。野食唔係等左好耐就黎，比起上次響觀塘等左45分鐘先有得食，呢度好好多👏🏾 仲要份量超大碟，我地4個人食都夠～ 味道方面，比目魚柳無雪味，同埋個燒汁好好味，如果多啲汁仲正，送飯一流個雞肉意大利飯係我至愛，好好味 而爸爸就覺得個煙三文魚闊條麵可以多汁少少，味道還可以。而個肉醬薯條都好好味呀...粗薯條先正諗起都想再去食～ 埋單3百幾，我覺得價錢合理。起碼唔會趕你走已經抵返晒！我同老公會繼續幫襯，試下其他野食架～