CoCo壹番屋 (朗豪坊)

營業中

休息中

今日一個人去food court，喉嚨痛，食唔到熱氣嘢，就試下用自助點餐機，點咗個鮮菇忌廉奄列咖喱飯($57)。點完見到CoCo壹番屋掛起果個電子號碼牌顯示係「--」，於是攞張飛去問係咪等嗌號碼…… 唉，早知直接去counter買，有震震機，可以趁果段時間一個人搵位坐。正題係個咖喱汁好稀，稀得嚟份量多到似湯，一篤開奄列就有汁入侵白飯，令啖啖飯都濕晒，唔係太啱我個人口味，結果要畢走部份汁。菇係唔錯，雖然忌廉味唔出，但咬落都算爽口。算啦，以醫飽個肚嚟講，不過不失嘅。

今天係旺角做運動后差不多6:00 了，去附近嘅朗豪坊逛逛，很久冇嚟 Food Court, 即管去八卦下首先就見到 CoCo壱番屋，日本式咖喱🍛揀左 炸雞球奄列咖喱飯$56嘩！多汁 用嚟撈飯 ，滋味無窮嫩滑蛋蛋包住飯， 靚 靚個人覺得，飯的份量適合女士吃男仕可能吃不飽？？雞球，炸得啱啱好，外面脆卜卜裡面係嫩嫩滑滑雞肉整體來說，好吃😋 ， 下次再來吧

黎到朗豪坊，食晏時間周圍都係人，排隊起碼都要排九嗰字以上呀見勢色唔對都係去food court食算啦不過原來Food court既餐廳得番幾間，但係竟然有我好耐無食既CoCo咖哩啵🤗🤗🤗🤗以前起碼一個星期食一次架，真係勁鐘意，不過自從APM間CoCo執左就無再食過嚕。。。。有時一個人既午餐都幾難選擇，不過CoCo幫到我嗌左碟「吉列豬扒咖哩蛋包飯」，職員會俾嗰震震機您，部機一響同震就可以去拎餐其實都好快就有得拎餐，吉列豬扒炸得都靚既，不過啲炸粉太厚，同埋啲咖哩汁太稀身，如果濃縮番小小就好啦嗰蛋係炒得幾滑既，整體一般啦，但快餐黎講係可以既

唔知食咩好，係food court 見咖哩幾吸引，就叫咗呢個！夜晚8點半度，都好多人，多到連托盤都已經無位擺，要等有人拎咗餐先有位，又等咗一陣先有得拎嘢食！炸雞咖哩: 炸雞ok，炸得啱好，肉質唔鞋，蛋幾大舊，但咖哩就真係好速食咖哩feel, 再加埋”圖片僅供參考” 嘅實物，有小小失望！抵贊嘅係飯量啱好，唔會多到離譜！總括黎講，淨係可以話係飽肚之選，味道正常，無驚無喜！如果有機會去日本都會試試，傳說日本係好食嘅！不過香港就可一不可再了！

香港的夏天真的很熱，不想離開商場吃飯，就來到朗豪坊地下Coco ichibanya吃咖哩飯好了！相信香港人絕不會感到陌生，Coco就是一間日本咖哩飯屋～除了咖哩就是咖哩雖然朗豪坊這間選擇不夠某部分分店多，但是素食和肉食都齊備素食也不怕沒有選擇餐牌上的咖哩飯都可以選擇辣度和飯量。我點了不辣的芝士漢堡咖哩飯$58，味道就像是日本甜咖哩，入口稍甜，到吞下才會覺得有輕微辣味。屬於不能吃辣人士都能接受到的香辣味道。原本有點擔心整碟飯只有一個漢堡不太夠送飯，原來也不會呢！份量剛剛好，香濃芝士配上厚厚漢堡肉和咖哩感覺很濃厚，混和每一口珍珠米，因為味道太融和了，不知不覺就會吃完。一點都不會覺得膩！友人點了不辣的蔬菜咖哩飯，薯仔和紅蘿蔔都很入味，不會過腍！最後必須推介一下扭紋薯條$18，脆口香酥又充滿薯肉和薯香！一定會再點！整體來說，可說是商場內性價比頗高的選擇呢！

最近翻睇一個好舊既日本綜藝節目，一班主持人挑戰24小時內食哂呢間餐廳全份menu既菜式，睇到我流哂口水，所以第二日就即刻走去試下!呢度既菜式選擇冇日本咁多，我同男友分別嗌左吉列豬排奄列咖哩飯同埋炸雞球奄列咖哩飯，咖哩有辣度之分，我地揀左小辣，另外再加一份炸薯條，雖然前面有好幾個人等緊，但都只係用左5分鐘左右就拎到餐。同我想像有點唔同，咖喱偏稀，唔係話佢冇咩色水，而係質地偏水狀，味道方面我就覺得佢唔似日式咖哩，冇我預計中帶甜既感覺，而不太嗜辣既男友覺得小辣對佢來說都係偏辣。至於豬排、炸雞球同埋個奄列都係不過不失，飯量頗大，食哂成份已經好飽肚，想像唔到點樣可以食哂成個menu，話說回來，以佢呢個價錢黎講相信同場有更好選擇，我個人就唔會再試喇。

估唔到朗豪坊Food Court都有日式咖喱屋～又唔算多人就試吓啦～幾十蚊食到日式咖喱～又唔使加一都幾抵嘅～仲要唔使等位～落完單等叫號碼～自己攞self serve我叫咗個焗咖喱雞肉飯～份量比其他咖喱飯細～店員係落單嘅時候都會通知你一聲～焗飯係比平時咖喱飯份量細～問有冇問題～其實我覺得女仔食就啱啱好～日式咖喱比泰式咖喱、印度咖喱味道偏甜～但香口～上面有芝士焗到金黃色都幾嘢味～雞肉好嫩口好淋加埋咖喱食正呀

食咖哩 😄😄朗豪坊4樓 其實都有好多餐廳俾你揀 我未食過CoCo壹番屋 今日就去試下 同埋佢地12點幾都冇咩人排隊 所以好快就出餐👉🏻吉列豬排咖哩飯 $64 唔洗5分鐘就拎到個餐 吉列豬排🥩炸得都可以 唔會好油 都爽口 蛋包飯同平時食嘅差唔多 整體而言不過不失 ————————————————🎯 CoCo壹番屋 (旺角)旺角亞皆老街8號朗豪坊L4A樓F6舖—————————————————

一直食coco咖哩都覺得中規中矩 叫左個咖哩吉列豬扒蛋包飯 咖哩無問題 蛋無問題 d飯難食到呢 係一舊舊架d飯 就收舖都唔洗咁架未試過食飯係可以煮到咁架！ 真係希望可以改善下囉

有時都鍾意食food court， 除咗快，有陣時同friend一齊，佢想食呢間我唔想食， food court就啱曬。 你食呢間我食嗰間， 跟住大家又可以坐埋一齊傾計👍 而且foodcourt多數都係啲大路嘢 ，好少失手。 但今晚我真係中伏了……上網話呢間喺日本有好多分店， 咁應該唔差呀~ 就叫咗個咖哩芝士漢堡飯個樣唔太差正正常常， 但食落隻芝士同漢堡個味一啲都唔夾， 可以用難食黎形容。 不過其實我試過避開啲芝士就咁食漢堡， 都係覺得唔好食😐諗住可能佢個咖哩汁好食呢🤔 都係再一次令人失望， 又唔香又唔惹味 下次去日本~試下係咪得香港先係咁

旺角朗豪坊下午其實過左lunch hour都無咩人去,有時過左2點後,又想多d選擇唔想咁快諗定食咩既,有時都會過黎foodcourt行個圈再決定,由於暴龍今日好肚餓,見到個咖哩飯已經比佢吸引住,叫蜆肉蛋包飯,值得一提既係coco既飯量不嬲都好足,連我呢隻暴龍食完都一定覺得飽,而咖哩汁都以咖哩味為中心,唔似係平時多椰奶味既,我自己偏好咖哩味多既👍🏻不過聽過朋友講話如果叫辣既就唔夠辣,不過我自己無咩所謂,買完飯,等大概5分鐘就有,食完飯前前後後都只係用左30分鐘,對速食暴龍黎講好合符經濟效益

今日去左朗豪坊呢間餐廳食飯，美食廣場間間都好多人，最後食左呢間。叫左個滑蛋豬扒飯，個蛋整得好好味！推薦大家食呢個，但份量較少。等得唔算耐，可接受的。員工態度很好👍🏾

去日本旅行經常都見到呢個品牌嘅日式咖哩餐廳。差不多每一個縣市都有，但從來無試過。今日路經，又咁啱想食咖哩，一於試試。吉列豬扒奄列咖哩飯 $58豬扒用無骨豬扒，食得好方便。醃製OK, 剛剛好。即叫即炸，非常香脆。而且唔算油膩。奄列蛋生熟剛剛好，非常香滑。咖喱汁有驚喜。它唔似一般日式咖喱咁甜。食落有咖喱香料嘅香味。類似係日式咖喱同印度式咖喱之間。好好食。送飯一流。食完上網睇睇，原來他們於2013年被Guinness認定為全球最大咖哩連鎖店。日本好早已經超過1000間分店。我真係有眼不識泰山。

嗰日同女朋友出旺角行朗豪坊，又到食飯時間，我哋就會走咗落去Food Court食飯⋯⋯呢度有幾間餐廳可以選擇，而我地今次就揀左呢間好鍾意食的日式咖哩飯專門店，價錢竟然比獨立鋪頭的平，仲要唔洗加一，超抵食呀⋯⋯我就叫左呢個焗雞肉咖哩飯，都只係 HK$48 ja~ 呢度都係有套餐可以加飲品同埋沙律，我地都加左一份share係！！焗飯表面加了一點芝士，焗至微微焦，配上惹味香口而不辣的日式咖哩汁，十分滋味，雞肉亦都好嫩口易咬，跟舖的質素差不多，但呢度就平啲而且唔洗加一！

輕輕食個酥炸籃（HKD32），份量ok，5-6件炸魷魚鬚，但冇咩鹽味有啲失色。炸雞味道ok，但皮肥咗少少咁多，可以接受。薯角正常，係腍咗少少啫。美咪指數：7/10抵食指數：7/10