CoCo壹番屋 (朗豪坊)

營業中

休息中

Coco以前算係貴既日式咖哩店。每人平均消費都不少於一百蚊但在food court令我印象有所改變價格上平左。大約50-60蚊。而我推介個咖哩是:鮮菇忌廉奄列咖哩飯 ( $58)我自己覺得有驚喜,因為蛋好滑身,咖哩唔算好濃烈既味有淡淡既香味, 好容易入口令人想一啖接一啖甘食加上無肉,感覺上會健康DD另外,自己加配左扭紋薯條,一心係脆身既薯仔但佢只係一個外少少脆,內軟既薯仔可能期待太高飲品跟餐加7蚊~如果下次再食鮮菇忌廉奄列咖哩飯,會ENCORE~

放工極攰, 只想快快的吃過晚飯便回家休息; 走在朗豪坊附近, 太多選擇太少時間, 唯有走上foodcourt找找吃, 一見到原來這裡有 coco curry , 即時就坐; 以前經常幫襯尖沙咀新港中心的那間, 味道價錢與環境都不錯, 不過朗豪這間可能在 foodcourt關係, 食物選擇不及店舖的多, 味道也有少少差別, 不過水準還可以, 要快靚正的晚飯, coco 仍會是我一直的選擇

行街行到好攰，晚餐求其喺food court食。男友人揀左呢間食咖哩，我自己有野食所以無試佢個飯，見佢食哂應該唔差掛。佢加左個薯角比我，嗯太乾啦，唔好食，點左茄汁都唔得。

經過很多次，看著很吸引。今天終於買了一份八爪魚球+日式燒餅來試試。但是非常非常失望，燒汁太鹹，幾乎蓋過了所有食物的味道。八爪魚球已經放很久都涼了，外皮一點都不脆，裡面的餡也有點惡心。燒餅比八爪魚球好一點，但是其實兩個的味道都是一樣的，沒有食物本來應有的味道。再也不會再光顧了。

黎到朗豪坊food court，每一次必食既一定係coco咖哩。雖然有林林總總咁多食肆，但每次都一定係食呢度。coco一番屋有好多分店，而喺food court呢間呢就係比較上細啲，雖然選擇係無咁多，但價錢係相對上相宜。而每一次必叫既一定係咖哩豬排飯大家都知道日式咖哩係比較上甜啲，無咁辣，岩哂我口味。而豬排炸得鬆鬆脆脆，個皮唔會同肉分離，新鮮炸起。我都有試過吓其他款，例如忌廉咖喱雞肉飯，其實個味都幾好食，加左忌廉既咖哩有一份香，不過我就鍾意就咁咖哩多啲加幾蚊就有多份沙律同埋野飲，個沙律都ok，酸酸地，菜都幾新鮮。野飲就普通機沖嗰啲。

一心想食coco curry 既菠菜魷魚須咖喱飯，點知原來MK呢間係無呢兩樣配料。希望係Food Court 既 coco curry 都可以同其他coco分店保持一樣既standard。

今日起身已經黃朝百晏，捉左親弟同我兩個人一齊食lunch😆依幾日都好想食蛋包飯，所以近近地就去左朗豪坊，順便陪親弟買禮物😄忌廉雞肉奄列飯 $58親弟叫的，由於沒有偷吃一兩口，所以沒有評價🙆吉列豬扒奄列飯 $58想念左好幾日，終於食到你啦😆吉列豬扒沒有炸過頭，而奄列都煮得岩岩好滑一滑，個辣仲有得揀程度，岩哂我依啲吃辣的小廢人yeah😂Btw我都食過銅鑼灣or尖沙咀既分店，唔知係咪因為旺角依間係food court，所以記得好似價格上比較低啦🙆

一個人岩岩睇完醫生,時候尚早,諗住早點食LUNCH,發現朗豪坊很多餐廳都未開門,所以近近地就去左CoCo壹番屋。我自己都幾喜歡它的咖喱飯,因為可以自行選取辣度。怕辣的人可以不點辣,不過我認為咖喱有少少辣,才會更惹味和好食。今次就點了奄列咖喱飯。看似份量很少,其實沾左咖喱之後,都會覺得容易飽肚!它的煎蛋不會太過熟,能夠持持滑嫩的口感。而咖喱我選了微辣,也不會太辣,也有咖喱的香濃和甜味,一口咖喱配上蛋包飯,在這個秋冬裡,真的溫暖我的胃!雖然配菜並不多,但它的咖喱味和滑蛋夠惹味,都用珍珠米,不會覺得飯粒好硬,那些咖喱汁又夠多,也不會太杰身,我也很快就食光,而且份量都剛剛好!所以一個人食LUNCH,其實都唔怕冇選擇!

星期五第2日係紅假周街都係人,上完堂1個人去朗豪坊 food court食比較方便唔洗等位咁耐選擇困難症又出現,9點幾太夜唔想食太多拉麵係好選擇,但臨俾錢發現有焗飯即轉焗雞肉咖哩飯-估唔到賣相同張相一樣吸引,咖哩偏甜但杰杰地香料味唔太重,飯係用珍珠米但好多一團團嘅飯好硬,雞肉分量都可以但size可以再細小小,忌廉汁好滑但奶味唔會好濃,面頭有小小燶左嘅芝士好香嫌太小焗飯份量唔太大女仔一個都食得晒

I have always wanted to try this curry place in Kwun Tong but never had the chance to before it closed down. I was wandering in Langham Plaza a few days ago waiting for my movie to begin and looking for a place for quick lunch. There were plenty of options at the food court but I decided to finally give CoCo Ichibanya a try. I went to the counter to place my order and I had the option to choose the level of spiciness. I ordered the mild curry with pork cutlet and the meal took a short while to p

自從食開APM果間執左後, 都有一段時間無幫襯過, 今次出開旺角行街, 見到呢間商場有分店, 二話不說就拎飛等位, 等左一陣就有位! 佢有單點或加錢再可配沙律, 飲品及甜品, 食開加"兩點",即係另配沙律及飲品! 沙律可選芝麻醬/醋汁, 最喜歡佢個芝麻汁, 沙律夠凍, 菜夠爽脆, 份量少少但就岩岩好! 食完個人都refresh D!主食我選左咖喱炸鷄球飯(辛辣程度係:3分辣), 咖哩汁好香又夠多, 就算無餸都可以就咁伴飯食; 鷄球炸得幾乾身, 唔會油淋淋, 入口熱辣辣, 鷄肉幾滑, 唯個炸漿皮厚左少少; 辛辣中飲返杯凍檸茶中和返, 認真過癮!!

日式咖喱飯對我來說是百搭的，係諗唔到食咩既時候，或者要好快食個hea飯既時候，總會覺得食返個日式咖喱飯，夠快夠方便又好味。今次來到朗豪坊，太多選擇，同時又太多人，行行下入了food court，最方便就食佢了！主角，吉列豬扒庵列咖喱飯，$58！辣度有得選，這個選了少辣，食落得少少辣，又有日式咖喱的香。值得讚的是蛋依然滑，而且有好濃的蛋香！我最愛加茄汁食，因為日式咖喱的少辣加上香配上茄汁的甜帶微酸，味覺更加刺激，更加豐富！最後當然要講講吉列豬扒，沒有很巨型，只是鬆脆，內很暖，正常水準。講日式咖喱同蛋包飯，實在有更多更貴更高級更正，但以$60有找這個價來說，佢交足功課了

CoCo 壹番屋晏晝黎左呢間食，要等位。坐底左之後叫左個紅酒燴牛肉庵列飯，賣相幾好，不過香味似乎就冇乜；試下個飯，個汁都係幾稀，食落我覺得係少少偏甜既，冇咩香味或者特別口感；牛肉一股，就係冇咩牛肉味。食快餐店就一股水準啦。

哈日族的我愛食日本野，講到怕辣又想吃咖哩的話，就非日本咖哩不可！來到朗豪坊Food Court 就幫襯了它，我跟男友吃了不下數十次，可算是我們的飯堂！這間分店無加一，而且比其他店更便宜，但質素一樣，太正了！鮮菇忌廉庵列咖哩飯（HK$55)份量跟味道同其他分店無異，咖哩汁我選了少辣，微辣易入口！庵列內包著日本珍珠飯！而上面淋上滿滿的忌廉和雜菇，忌廉好香，跟微辣咖哩混合一齊食好夾，而雜菇數量都算多！這是我經常點的款式，好正！

運動完, 係醫肚時候了,   近近吔,  旺角亞皆老街 8號朗豪坊L4A樓  , 美食廣場 , 時間尚早 17:35搵到個單人座位, 太好了  發現  CurryHouse CoCo壱番屋  第一次來啊 ! 不妨試吓,   主打是日式咖哩 ,  睇吓餐牌,  呢張相 好吸引,  靚靚揀了吉列豬扒奄列咖哩飯    $58 ,   可選擇不辣及小辣 , 我要求不辣吧另外, 可以加錢 改套餐,  分別係迷你沙拉, 飲品,  三款不同價錢,   噢 ! 不要看看電子顯示號碼 , 自行去取食物   嘩然 咖哩汁好多, 急不及待, 先品嚐一 啖,  濕濕哋撈 珍珠米飯 , 配搭好好好 yummy ，喜歡日式咖喱 帶少許甜, 入口香濃, 適合不吃辣的人 大大塊吉列豬扒 表面皮薄薄  炸得香脆 ，而且不油膩 , 肉質鬆軟, 蛋煎得剛熟...香滑滑 整體來說, 頗為不錯, 份量大 , 吃豬扒 滑蛋 都感覺飽飽了, 浪費一點點香飯