Coffee Break (鴻輝大廈)

營業中

休息中

今日上水居民放工後自己一個，去咗旺角，啲大商場都好早收晒，嚟到通菜街，去咗呢間coffee break嗌咗青醬意粉，加$18做套餐，有飲品同沙律或湯，上水居民揀咗沙律，沙律用嘅係黑醋，而且都係相對高質嘅沙律菜，有別於一般樓上咖啡店常用嘅普通平價西生菜加錢要左杯特飲朱古力，賣相非常吸引嚟到主食青醬意粉，熱辣辣，非常有鑊氣，有即炒嘅感覺，上面嘅帶子亦有好香嘅燒烤味，一入口唔會太油膩，但又有美味嘅煙燻風味。好難得可以食到好食嘅青醬，各位街坊絕對可以encore！

兩年前既時候已經黎過兩次,位置喺女人街尾,都幾方便,而且下午想傾下偈既話,呢度d野食都ok,而且cafe嚟計都幾有空間感,又唔算會好嘈靜靜地,相隔兩年再嚟食嘅時候發現佢打通埋隔離個單位,呢個時勢可以喺旺角打通多一個單位做食肆,認真唔容易,亦證明呢兩年應該都做得幾好,品質有一定保證。呢度好得意,午餐餐牌有嘅嘢如果下午茶都有,個價錢係會一樣嘅,冇好似平時嘅餐廳咁下午茶平咗。揀咗松露雜菌意大利飯配蜂蜜玫瑰花茶,花茶細細壺好別緻,沖出嚟都幾香,加埋蜂蜜甜甜地飲落好舒服。至於松露意大利飯,黑松露都幾香不過飯就偏硬身,我覺得就不過不失啦,不過佢呢度又真係幾有空間感,坐下食下嘢係舒服嘅。提議可以留意一下新加座位嘅cushion,有幾個cushion都黐住咗客人嘅頭髮感覺冇咁衛生,侍應可以留意一下會比較好,而且由於打通咗隔離個單位,有時候侍應都比較少留意到呢邊,要搵佢哋過嚟落單或者執嘢,可能就要主動行去叫佢哋先得。

呢晚陪爸到他工作附近食飯，呢頭有好多食肆，揀揀下就選左呢間。餐廳幾乎全滿，剛好有食客已食完，於是我地就有枱喇。我地被安排在較入既area坐，雖然得兩人，都可以坐側面有梳化位，舒服。不過侍應太忙又無暇入黎我地既area, 於是我自行出去搵人點餐。爸點左波菜忌廉雞肉意粉，而我就叫松子仁青醬帶子意粉。我地只加左一set$18湯同餐飲。湯同餐飲都好快就送到。當天的湯係椰菜花薯仔湯。味道清清既，好味。（當天我地枱冇餐具，侍應唔夠醒目，要問才俾）。等左起碼20分鐘才有正餐...餐飲一早就放凍晒.....我地兩個意粉青BB好似樣，不過味道係有分別既。爸果個有忌廉味，creamy d, 雞肉都煎得香口，但如果可以大塊d就更好。而我果個帶子有兩大粒，都煎得好食，熟得黎嫩滑，個青醬有少少薄荷味，兩個醬汁都好均勻，味道恰到好處。

今天要去九龍區工作，不知不覺間已經過了午餐時間，喺通菜街發現有間裝修唔錯既cafe, 於是入內一試餐廳入面簡㓗，光缐充足，枱與枱又唔會太迫，予人舒適感覺原來已到下午茶時間，餐廳tea set 有很多選擇，又唔貴，有飯、意粉、蛋糕菠菜忌廉雞肉意粉，雞肉切成薄片，方便進食，意粉呈現綠色，顏色吸引，意粉煮得軟硬度適中，有囗感英式全日早餐，有火煺牛角飽，德國腸，炒滑蛋，蕃茄仔、火箭菜沙律及薯餅，好豐富牛角麵包外面鬆脆，裡面柔軟，十分滋味薯餅炸得唔油，脆卜卜火箭沙律菜，新鮮爽脆，加左黑醋醬汁，即是淸新哂配上榛子咖啡及抹茶牛奶，即是満足哂　　

搵食途中搵到呢間餐廳，俾呢間餐廳嘅門面吸引左入去餐廳設計走文青簡約風，燈光好柔和，感覺好舒服，幾適合假日嘅時候去。.餐廳主要提供西式食物同飲品，我去嘅時候係午市，餐廳有提供lunch set，一個lunch set包左一個主食同一杯$30嘅餐飲。.我地叫左兩個餐:野菌黑松露忌廉意大利燴飯呢個燴飯好香，都幾creamy，不過啲飯粒有啲硬。櫻花蝦明太子忌廉汁意粉呢個調味甜甜地幾開胃，好食。Caramel Latte, Lemon Water杯caramel latte 係over $30，所以要加錢，味道一般，我覺得太甜同太稀。如果你想搵個地方同朋友hea下，呢到都幾啱嘅。溫馨提示: 呢間餐廳嘅位置係女人街尾，係家樂坊嗰邊行入去比較方便D。

兩個人叫左鵝肝芝士牛肉漢堡，好正！Juicy! 大份！肥美！香！薯條就麻麻地仲有叫左個菠菜忌廉雞意粉我覺得唔夠味我自己加左啲鹽同黑椒加完好正！因為佢個creamy texture好夠！最中意就係夠濃厚 又唔太溜

只係大約一個月左右無來食嘢,餐廳擴充左，坐嘅位置多咗而且新擴充範圍有沙發，坐得舒服。加上推出左下午茶嘅甜品Menu非常岩文青們tea time嚟打躉有新Menu，當然要即刻試吓呢個甜品窩夫配士多啤梨同乳酪，再加上Movenpick雪糕， 試食價$69上到枱度窩夫仲係熱熱地配埋雪糕味道同賣相都一流下午茶套餐既Egg Benedic 沙律菜夠新鮮配上黑醋開開地胃鍾意佢個sauce 唔太溜跟餐仲送一杯menu上$30嘅嘢飲煙鴨胸panini 配沙侓呢個冇得跟套餐， 嘢飲要另叫個包烘得啱啱好， 芝士仲要係熔緊嘢食真係非常有水準

啱啱係旺角買完野，見時間都差唔多，梗係要搵返間餐廳食下飯啦結果比我search到呢間coffee break ,睇落都幾吸引，於是入去試下先。一入到去個感覺好舒服，好文青既感覺，而且仲有啲board game 提供，幾開心首先叫左個菠菜忌廉雞肉意粉，份量唔算好多，菠菜汁幾香幾滑，雞肉嫩滑好食，整體唔錯我叫左個香煎紐西蘭羊架，佢無切開就上店，自己處理時比較麻煩，羊架唔算好特出，無乜香煎既感覺，有少少失色最後仲有個芝士黑松露薯條，份量幾多，薯條粗身幾好食，芝士黑松露醬好香，一流

其實我同老公已經唔記得第幾次去呢間Cafe 了😆呢間Cafe可以說是由他們新開張幫襯到而家，今天經過看到店內擴充了，打通埋隔離鋪位，係今時今日的香港，仲可以捱得到貴租而大展鴻圖的店一定有佢過人之處。的確佢每次都唔會令我地失望，呢間的咖啡☕️的確是很好飲，佢果杯Hazelnut Latte 永遠是我的No.1今天午餐叫了一個芝士肉醬意粉，一道看似簡單的菜，其實要煮得好吃也是很考功夫的，（我試過食過一間好難食的肉醬意粉，佢D汁好似湯咁😖）而呢度的意粉質地非常合我口味，總之每次食完都會有種的滿足感。老公今日就叫左三文魚三文治🥪，佢哋個三文治包都好好食呀，還配有少許新鮮的沙拉菜。

銷售員A和會計員M，今晚來到女人街揾食，女人街選擇頗多，每次經過coffee break 門外，都會有員工在門外極力推銷，今晚終有機會一試。未知是否原有相鄰鋪位有裝修工程進行中，故今晚餐廳內位置較為迫狹，如果確實想到來一個coffee break，相信要非晚餐時段較好。銷售員A的晚餐，頭盤黑醋蕃茄火箭菜沙律，味道屬水準之作。主菜為蕃茄蓉大蝦意大利燴飯，銷售員A一直對港產意大利燴飯不存厚望，但此意大利燴飯確實有驚喜，蕃茄味濃內有雜菇加強口厚，配以意大微硬的意大利飯，驚喜之作。會計員M的晚餐，芝士牛肉漢堡，芝士味濃，牛肉汁豐富，麵包略有脆皮，確實非美式快餐店之流。Coffee Break 屬於可以再次回頭之餐廳。

夜晚經過女人街見到呢間Cafe幾靚所以就入咗去試吓。叫咗一個番茄大蝦意大利飯同一個芝士牛肉漢堡配薯菜。個飯偏硬不過我自己個人都鍾意硬身嘅意大利飯所以覺得幾好味。不過就略嫌有啲過酸。個Burger好大份，味道唔錯。薯條外脆內軟好正。

以為旺角得樓上cafe，其實旺角行人專用區隔離都有一間地舖cafe。除左有Board Game、Wifi、叉電器，仲有旅遊書比客人。有Lunch Set價錢合理，想係旺角坐下同朋友傾下計，都係一個唔錯嘅選擇。----------😋蕃茄忌廉煙三文魚意粉 $68 (另設加一)蕃茄忌廉醬汁味道濃，醬汁係比較傑身，酸酸地幾開胃。煙三文魚嘅份量都多，除左面有一片，意粉入面都有。除左煙三文魚仲有洋蔥、紅椒、黃椒。不過份量唔算多，大食嘅就可能要加小食。另外，Lunch Set包一杯$30嘅飲品。😋烤意式煙鴨胸三文治 $58 (另設加一)除咗三文治仲有沙律，有蕃茄、芝士、羅馬菜加橄欖油，沙律普通唔係太新鮮。三文治入面有蕃茄、芝士、生菜，因為係即刻整所以三文治夠脆，唔想食飯或者意粉，三文治都係一個選擇。---------🔎Coffee Break🚩旺角通菜街2Q-2Z號鴻輝大廈地下4號舖

香港人工作繁忙，能夠係得一個鐘嘅lunch忙裡偷閒，回一回氣，鬧下老細，談下風月，賞心樂事😌菠菜忌廉雞肉意粉 $68>意粉幾爽，不腍不梅>菠菜忌廉汁幾香滑>雞肉不鞋，但無乜雞味==================推介指數 🌕🌕🌕🌘🌑巴馬火腿三文治 $68>擺碟頗有心思，如果可以餡對餡咁放到一個對稱嘅心形就仲好>panini包熱辣辣，脆卜卜，好新鮮>芝士都幾依慷慨，火腿惹味，不太鹹>伴菜沙律都不俗，黑醋甜味幾到位==================推介指數 🌕🌕🌕🌗🌑抺茶拿鐵 跟餐+$8>拉花幾靚，unexpected>綠茶味幾重，但不澀，不甜，好啱我==================推介指數 🌕🌕🌕🌗🌑朱古力 跟餐+$8>拉花令人心花怒放，望咗好耐都未捨得飲>朱古力味香濃順滑，可惜偏甜==================推介指數 🌕🌕🌕🌖🌑

今日約朋友去旺角傾旅行的行程,我們經過女人街發現這裡有間好吸引兼裝修不錯的餐廳,立即決定在這裡食晚餐兼傾行程!! 踏入餐廳門口左邊有一張Bar枱,行入少少有一張高枱和高椅,旁邊有個開放式水吧!裝修簡約以白色和啡色為主,配襯木製和雲石枱椅,猶如置身文青空間!餐牌有小食,沙律,Pizza, Panini和各種咖啡,果茶和花茶,晚上更有Dinner set,分別有意粉,意大利飯和漢堡選擇,那麼多款式,真係好難決定啊!!最後我們選擇了漢堡餐和意大利飯,這個可另加錢配沙律或湯!<菠菜薯仔湯> 薯仔打成薯蓉,質地較為濃稠和幼滑,每一啖都食到一粒粒薯蓉,十分有咬口,配上輕輕的菠菜香甜味,令到味道層次更豐富,絕不單調!!<鮮茄蓉大蝦意大利燴飯> 大蝦好多肉好新鮮,食到非常鮮甜的味道,餐廳好細心將蝦身切開,方便我們進食,肉質鮮嫩彈牙,十分好味!! 意大利飯每粒米都大大粒,全部粒粒分明,配上濃郁的鮮茄蓉好夠味,飯裡夾雜住番茄和各種菇菌,食起來口感非常好!<大烤菇芝士牛肉漢堡配薯條> 漢堡賣相十分吸引,有薯條又有沙律菜!!大大的漢堡包住著厚身的牛肉漢堡和大烤菇

行街行到攰，想搵個地方傾計chill下，原來旺角通菜街都有唔錯嘅選擇。地方唔算太大，但都算幾好坐，可以比幾個朋友坐低食個下午茶同傾下計，打發時間一流。當日因為一早食咗lunch，仲有啲飽肚，所以打算叫個蛋糕就算。見佢加飲品好似抵食啲，所以都叫咗杯拿鐵。「芝士蛋糕」蛋糕頗大件，入口有雪葩個種冰感，有驚喜。芝士濃度適中，配上輕盈滑溜忌廉，食完唔算太膩。「熱抹茶拿鐵」拉花整得幾靚，可惜抹茶味唔濃郁，甜度不足，奶香亦欠奉。有樣值得一讚，侍應會好主動斟水比客人，佢幫我地斟咗幾次水，服務好好。