Coffee Break (鴻輝大廈)

營業中

休息中

兩年前既時候已經黎過兩次,位置喺女人街尾,都幾方便,而且下午想傾下偈既話,呢度d野食都ok,而且cafe嚟計都幾有空間感,又唔算會好嘈靜靜地,相隔兩年再嚟食嘅時候發現佢打通埋隔離個單位,呢個時勢可以喺旺角打通多一個單位做食肆,認真唔容易,亦證明呢兩年應該都做得幾好,品質有一定保證。呢度好得意,午餐餐牌有嘅嘢如果下午茶都有,個價錢係會一樣嘅,冇好似平時嘅餐廳咁下午茶平咗。揀咗松露雜菌意大利飯配蜂蜜玫瑰花茶,花茶細細壺好別緻,沖出嚟都幾香,加埋蜂蜜甜甜地飲落好舒服。至於松露意大利飯,黑松露都幾香不過飯就偏硬身,我覺得就不過不失啦,不過佢呢度又真係幾有空間感,坐下食下嘢係舒服嘅。提議可以留意一下新加座位嘅cushion,有幾個cushion都黐住咗客人嘅頭髮感覺冇咁衛生,侍應可以留意一下會比較好,而且由於打通咗隔離個單位,有時候侍應都比較少留意到呢邊,要搵佢哋過嚟落單或者執嘢,可能就要主動行去叫佢哋先得。