Comma Cafe

營業中

休息中

好鐘意試新餐廳既我，見到旺角開左間樓上 Cafe，所以今日就約左朋友去試下，打開電梯門就有一幅好大嘅花海牆俾你影相，餐廳以白色灰色為主，感覺幾舒服。蜜糖雞翼 ($48) : 雞翼幾大隻，而且整得幾入味。黑松露炒蛋配明太子多士 ($15) : 跟餐只係追加 $15 蚊都幾抵食，明太子沾滿了整塊多士 😋 就咁食鹹鹹地，配埋炒蛋食更滋味。黑松露香煎帶子燴飯 ($128 連飲品) : 上枱時香噴噴熱辣辣，影完相梗係即刻試試味道 👍🏻 味道唔錯，有帶子、洋蔥、蘑菇等配料。特製蕃茄汁腸仔蛋包飯 ($128 連飲品) : 特製蕃茄汁酸酸地幾醒胃，蛋皮煎得薄身之剩有彈性，口感幾好，如果係流心蛋包飯就重正。😝青蘋果綠茶 (左)，白桃乳酸 (右)。

今日行開登打士街，咁我自己去掃樓想搵下一啲新口味。 見到呢一間Comma cafe 係新開，咁就上去睇下咩狀況， 入面裝修我覺得都幾典雅而且都幾cute, 有我最鍾意嘅水晶燈 ,室內嘅設計亦都幾簡潔， 其實佢嘅裝修我覺得係靚嘅都幾適合去打下卡。特製番茄汁腸仔蛋包飯: 蛋包飯包得幾靚而且入面有我鍾意食嘅炒飯，係茄汁炒飯裏面有D豆同粟米，香腸整到好似八爪魚嘅形狀都好有心思，另外佢特製嘅蕃茄汁我覺得嗰種味道偏酸甜，唔似其他餐廳咁行貨， 鍾意蛋包飯的朋友可以試下，佢包蛋包嗰皮包得都唔錯幾實。Avarum: 荔枝玫瑰乳酸梳打， 酸酸甜甜而隨著冰嘅溶化，可以溝淡咗D甜味去另外一種味道層次，不過我要重點提一下，杯梳打飲落去幾有玫瑰花香，而且賣相都幾靚，適合女士飲用。最後一個大家行開旺角，大家可以去試下呢間餐廳，因為我覺得呢間餐廳都幾特別，而且佢製作啲食物及飲品都幾用心， 可以一試。

一件簡單嘅法國點心Madeleines，絕對可以Made my day，配上花茶同有格調嘅茶具，有種𣊬間飛往法國嘅感覺。-🧆黑松露香煎帶子燴飯($128 連飲品)帶子飽滿嫩滑，碌向右邊可以見到頗多嘅黑松露，每啖燴飯都層層松露香，而且雜菌、洋蔥等配料令口感更豐富。👍🏻7.5/10🦐奶油蒜香大蝦意粉 ($128連飲品)蒜香十足，非常足料嘅蒜粒，意粉汁夠濃厚，包住每條意粉，大蝦醃過，入口彈牙。👍🏻7.5/10🥧The Death of Witch - 瑪德蓮蛋糕 (+$38)一盤岩岩出爐嘅瑪德蓮，外層焗得焦脆，內裡鬆軟，溶入極細顆嘅檸檬皮，果香四溢，爭啲想叫多份打包。👍🏻8.5/10🌸茉莉綠茶(+$20)一壺清新嘅茉莉綠茶，再配上蜜糖嘅微甜，加上蠟燭同精緻嘅茶具，真係格外relaxing。