Comma Cafe

營業中

休息中

適逢放假，朋友約我出嚟食個下午茶🫖，由她帶路入到小巷，上了這幢商業中心，一踏出電梯門，眼前是滿滿少女風的裝潢。坐低不久，店員準備了餐牌給我們，翻開一看，每一頁菜單都設計得十分精美。要了一壺紫玫瑰花茶🌹，紫玫瑰花有抗氧美顏作用，好適合我兩位貪靚女士，茶壺底下有蠟燭燒着保溫，保持每口玫瑰花茶都是溫暖的，也可以加入蜜糖去調整味道。Oreo吐司盒🍞，比較需時製作，賣相看起來很吸引，麵包上有Oreo朱古力粒、百力支、朱古力蛋卷、曲奇餅🍪、雪糕大福，口感豐富，外脆內軟，兩個人食的話剛剛好。如果吐司裡邊切開好一塊塊就更方便吃了🥰

忙咗一個禮拜，星期日最好就係瞓到自然醒，然後就搵一間舒服嘅cafe食個早餐/午餐/下午茶！呢間Comma Cafe,一聽個名就覺得文青啦~不過有少少難搵，其實大廈門口要係高氏大廈旁邊的巷仔轉入去！但上到去Cafe都唔少人食架！我估一來因為文青風（門口裝修都靚）🥰；二來係因為食物質素都應該唔錯！😍叫咗個黑松露香煎帶子燴飯，因為會包一杯38蚊飲品，所以就叫咗個熱薄荷朱古力~黑松露香煎帶子燴飯一上枱感覺細份咗少少，都諗住如果真係食唔飽就嗌過小食~白汁燴飯配洋蔥同蘑菇真係冇得頂！帶子我相信佢用刺身級，因為表面煎香左，裡面係刺身帶子的嫩滑~黑松露味唔會蓋過整體燴飯的味道！食晒成個飯都夠飽，唔駛叫小食😋薄荷朱古力好重薄荷香，好濃朱古力味，不過對我黎講比較甜，冬天飲熱朱古力就最爽！😍店主主要係兩個好可愛好靚女的文青妹妹，我覺得同店內裝修真係好夾,睇住佢地好忙咁行黎行去，我會覺得我的休閒其實係得來不易~要好好珍惜😚

嚟到一間充滿少女魔幻美嘅西餐廳有兩個 女仔打理㗎 你佢真係要支持下 裝修與花同埋魔幻甜美為主裝修好架著手前美夢幻風嘢食嘅名都係好魔幻嘅我就 叫咗一個龍蝦汁三文魚意粉 三文魚好大嚿都算抵食同幾好食半個加20蚊就有一個花茶哪點一個月桂蘋果茶係好好味今日好少女嘅感覺我真係被融化了茶具好靚好優雅同優雅嘅裝修融為一體但係都坐得好舒服感覺優雅魔幻有神秘感又不失少女感覺 覺得呢度包場或者超下都係一個好嘅地方門呢比較難搵要喺一間壽司店轉入去先得呢間都真係一個好選擇

叫咗蛋包飯，真係好伏。d飯冇味，D蛋太乾軟加咗好多水。重點係我等咗超過1 hour, 明明得4 台人，問極都話整緊。真係好嬲！熱朱古力都冇味。egg-wrapped rice: tasteless, with egg too watery and too soft. speculating there is too much milk. waited for over an hr although there are only 4 tables. Hot choc was also too watery.

這間COMMA CAFe 店舖位於旺角登打士街!店舖環境都唔錯!坐落感覺都好舒適!用來打咭都好適合!.瑪德蓮蛋糕朱古力芭菲TOAST Box白桃蘇打焦糖瑪琪雅朶.T0AST BOX賣相都好吸引!份量十足!放滿唔同味道嘅雪糕😋😋😋!TOAST BOX入面搽咗咸咸甜甜嘅牛油同埋蜜糖!增加麵包嘅味道!食入口好好味!再食埋放滿整個TOAST Box嘅雪糕真係好有滿足感😙😙😙!.朱古力芭菲呢杯芭菲睇見都好想食😋😋😋!可以一次食到幾款嘅食物!真係好開心!真係睇得吓!好軟滑嘅雪糕!香脆嘅餅干!好好味嘅朱古力條!真係好正嘅配答👍👍👍!.瑪德蓮嘅蛋糕好特別嘅蛋糕🤔🤔🤔!賣相都唔錯!內軟外脆!口感都唔錯!又唔會好甜!味道恰恰好!.白桃梳打飲入口好清香嘅白桃味😙😙😙!又唔會好甜!味道恰恰好!.*價錢一般!食物同埋環境都算唔錯*

同朋友去旺角行完街想找間cafe靜靜地抖下傾下計，知道旺角登打士街附近最多cafe，就選了這間佈置得非常精美的cafe，打下卡都好！餐廳佈置得真的非常適合打卡，周圍都係花海。而食物同餐牌都充滿故事性，好似睇緊故事書咁。店內還有好多不同款嘅soda選擇，都幾特別。carbonara名為「吃掉美食的鳥」，好香芝士味，而且還有好多菇，味道不錯。朋友則點了「獵巫之計」-黑松露香煎帶子燴飯，舖滿面的是帶子。如果想找個地方和朋友靜靜地坐下打下卡，食物中規中矩，餐廳內也播著jay chow的歌，感覺很年輕，的確不錯。

下午茶時間在旺角，想找咖啡店吃甜品嘆咖啡🤤，去了咖啡店集中地的登打士街，去了位於恆威商業中心14樓的小店。門面有一大幅花花打卡牆，店舖環境不太大，但挻寧靜舒適的☺。💥回家的記號(是日甜品)，這個每天的甜品款式也會有所不同，所以每一次去也會有驚喜🙈。當天吃的是朱古力芭菲，看到很多配料📸。這個味道不太甜，口感豐富🤤。💥女巫審判，這個是瑪德蓮蛋糕，一份有四件。新鮮熱辣辣做出來口感脆身，裡面軟綿綿很鬆化☺。味道不會太甜，很快就吃光光了。💥Toast Box，這個份量十足的甜品，面頭鋪滿有雪糕/忌廉/Oreo/朱古力醬，底下有脆脆。味道甜而不膩，是個口感豐富的甜品🤤。吐司加入牛油/蜜糖，味道少少甜，口感鬆軟挻不錯。另外點了焦糖瑪奇朵和白桃梳打，味道適中不會很甜，用來配甜品就最好不過🙈。平日來人流不會太多，可以慢慢地享受悠閒時光💕。

是日同朋友來哩間新開的花花CAFE COMMA CAFE佢門口位置的花花佈置，真的打卡一流，加上佢地CAFE有魔術的感覺，真的好啱少女們的天地，哈哈同朋友點左魔女盛宴(龍蝦汁三文魚意粉)，孩童的快樂(朱古力TOAST BOX)另外也點了花茶(血橙果粒茶，月季蘋果茶)花茶(血橙果粒茶，月季蘋果茶)花茶(血橙果粒茶，月季蘋果茶)可以加水REFILL，血橙果粒茶味道酸酸，都開胃唔錯，月季蘋果甜甜地，清新的味道~~佢的茶具真的好靚~~魔女盛宴(龍蝦汁三文魚意粉)龍蝦汁三文魚意粉都唔錯，汁都會掛在意粉到，如果再熱一點會更好，三文魚正常~~孩童的快樂(朱古力TOAST BOX)朱古力TOAST BOX真的好大碟，會有D百力棒，樂X熊仔餅，朱古力雪榚同埋脆粒，三層的TOAST BOX，真的食唔曬~~~

Openrice d相靚咁多，圖文不符到連隻餐碟都呃我! 如果唔係就黎限聚 搵唔到餐廳食飯, 真係唔可以再走入呢幢大廈!持平d講，呢間真係好啱打卡，一開Lift門就有個好靚嘅花花牆，同埋胡桃鉗子畀人影相。枱椅，燈飾同枱上嘅擺設都有心思，設計好夾。本身都諗住旺角Cafe質素係差dd ，不過飲品上到黎，都OK喎! 薄荷朱古力同埋榛子朱古力咖啡，不過不失，係咖啡無咖啡味但ok嘅。但食物質素真係... 焗芝士西蘭花，ok! 芝士夠味，不過應該焗果陣有d倒汗水，西蘭花浸住左d水咁，但還好跟住Main叫左蝦意粉，某d 意粉未熟透硬d，但還可以，不過味道唔夠，汁又好稀，食落無咩味... 蝦就食到係爽口, 不過就係白灼蝦嘅味。上碟方面 同之前d相 用西餐大邊嘅碟 完全唔同，打卡餐廳都變左茶記上菜。最嚴重係呢碟小食，明太子多士配黑松露炒蛋。遠睇ok，認真一望，炒蛋仲有d蛋汁(?) 定係加左水(?) 大家食完第一啖，都係話，佢真係唔識架喎! 個friend就食兩下唔敢再食，我就為左唔好浪費食物，就食埋佢la, 諗住夾埋做炒蛋多士，點知明太子同松露蛋係一d都唔夾! ❗食完喺mk行左陣, 肚痛,淨係我肚痛..

早排同朋友諗住喺旺角行完街之後搵間樓上Cafe坐吓，今次就揀咗呢間少女心滿滿既餐廳食個靚靚下午茶😆門口都已經有一道花花牆可以比大家打卡，餐廳以白色簡約風作為主調，吊燈同餐牌都非常有心思，成個感覺幾童話feel，人唔算太多，可以同朋友靜靜地坐喺度傾吓計食下野😎_🍩那天的故事係Cafe即將供應嘅三層架Tea Set👍🏻打卡一流之餘味道都唔錯㗎🥰菜式名仲好有心思🌈🔮底層鹹點包括：蛋沙律&牛油果麥包手指三文治薯餅佐煙三文魚花配青瓜聖女果培根芝士意式烘蛋⚗️中層係司康配果醬🍯上層甜點包括：朱古力泡芙、瑪德琳同布甸塔_朱古力心太軟甜蜜蜜有流心，食落濃濃朱古力舌，味道好香不會太甜

旺角出名多樓上Cafe，今次就同朋友去咗試新野，餐廳比較隱蔽，要係小巷進入，一開門口就見到有大大片花牆，非常適合各位鍾意影相既大家打卡，地方非常舒適，係白色童話風格，週末同朋友嚟打個靚卡都唔錯㗎，另外就係餐廳嘅菜式名非常有特色，大家可以向店員查詢_🍫朱古力心太軟一切開d流心朱古力已經流哂出黎，朱古力味唔會話太甜，入口味道香濃，而且十分幼滑月桂蘋果茶 $68值得一提Cafe有提供多款花茶選擇，今次就揀咗Special Tea，茶壺非常精美，非常有少女心，打卡一流，加上味道清甜帶蘋果香，帶有淡淡香氣，一邊飲一邊傾計，係午後既享受草莓綠茶本人就好鐘意食草莓，所以就叫左草莓綠茶，味道甜中帶小許酸，飲落好清新

週末瞓得晏 嚟咗登打士街呢間樓上餐廳食brunch 可以慢慢食兼打卡影靚相-🍛#蕃茄汁腸仔蛋包飯 $128食茄汁撈飯幾時都咁開胃 裏面有洋蔥粒🧅同紅蘿蔔粒🥕 旁邊係一條巨型法蘭克福腸 -🌹#花茶 加$20點嘅係紫蕾玫瑰花茶 泡出茶嚟變咗淡黃色 飲落順喉 玫瑰花香依然-🥪#黑松露炒蛋配明太子多士 $68炒蛋有黑松露香不過過於水汪汪 明太子醬如果搽厚啲 就唔會俾炒蛋蓋過味道-🍰#半熟芝士蛋糕 $48蛋糕放喺室溫10分鐘先食 質感厚實 唔係嗰種招牌嘅柔軟濕潤感 真可惜-📍#Comma Cafe旺角登打士街36號恆威工業中心14樓

今次喺旺角附近搵咗個地方傾吓計食下飯想靜靜地所以揾咗間樓上 Cafe入到去見餐廳佈置睇落都有啲少女情懷而且門口已經有打卡位比人tim hahaha自己本身係好鍾意食雞翼所以見到有蜜糖雞翼咁就梗一定要試吓先嚟到見雞翼幾大隻 而且啲肉都好嫩之後仲叫咗個蛋包飯成日睇蛋包飯好似好簡單但我覺得做到一個出色嘅蛋包飯一啲都唔易🤔蛋皮要夠簿又要2邊熟度均等所以我覺得佢呢個蛋皮都好唔錯 都好恰到好處不過期待餐廳會做出流心蛋包飯😆😆黑松露帶子飯都唔錯飯粒夠煙韌而且有咬口松露味亦好濃郁但當然無得同啲高級餐廳比較啦不過細細cafe都已經做得好出色～總括而言我都覺得呢間Cafe細細地又舒適地理位置又方便如果一班朋友包場都幾好🤩

這幢大廈有點難找，要到巷仔先見到入口。估唔到呢度，都會有精心設計的打卡餐廳。一到3樓，就畀成幅花海牆吸引左，同樓下成為強烈對比﹗隔離仲放有半個人咁高嘅胡桃夾子，可以好好影相一番。坐低認真睇環境，枱櫈加上枱上擺設都有心思安排，成間餐廳都係童話般佈置，有吊燈，餐牌都係好有心思，整到好似故事書咁。主菜叫左蝦意粉，同埋2個小食。芝士焗西蘭花，同埋明太子多士配黑松露炒蛋。芝士好夠味，西蘭花又唔會焗到乾晒一上菜，無諗過有2大片多士，仲要明太子係塗滿整片多士，而炒蛋配松露真係無得輸。意粉熟得剛剛好，有咬口而鮮蝦好爽甜，唔會太濃味。至於飲品方面，一D 都唔失色，薄荷朱古力每一啖就好似食緊一片真薄荷朱古力咁，但我嘅Mocha 就偏甜一D。

打卡位多嘅樓上cafe同男朋友去到旺角專登上左一間有打卡位，以貓同魔術師作主題嘅cafe，一上到去就會有一道花花牆俾人打卡，最後同男朋友決定叫兩個主菜再加個toast box.🔻卡邦尼意粉價錢：$118意粉軟硬適中，個汁算creamy，有唔少嘅煙肉同蘑菇，份量好唔多 不過實夠女仔食.🔻芝士咖喱漢堡扒飯價錢：$118漢堡扒表面有層煎左嘅芝士，都算幾大舊下.🔻Oreo曲奇Toast Box價錢：主菜+$68蚊4塊有牛油焗左嘅多士疊埋一齊，面頭有好多朱古力醬同oreo曲奇嘅甜品。好大份而且幾岩打卡❤️.值得一提，店主會係每樣嘅菜式都加上一個好特別嘅名子，令到客人更加代入餐廳主題故事💕而且仲會見到好多關於餐廳主題嘅detail位，例如杯墊...鐘意fantasy嘅朋友一定要去試下！