Cova Pasticceria & Confetteria (太古城中心)

營業中

休息中

老友記同我講，話COVA飲咖啡食CAKE其實唔算好貴，又多位，咁我就喺一個平日傍晚黎左試，兼且溫書，發現又真係幾好坐。咖啡價錢同附近連鎖的差唔多，仲可以半價加件蛋糕。我大鄉里出城，未食過COVA蛋糕，店員話招牌係芒果，但就賣晒，之後佢推介下我揀左開心果味，加埋$87。味道就冇乜特別。另外用電子優惠券比錢係用唔到呢個半價加蛋糕優惠。雖然呢度食野係自助，但係四周有野圍住，就唔會話見到有路人經過就入黎坐低玩下電話，可以好專心溫書。我最欣賞係張櫈，坐同挨都好舒服！過左幾日我又黎多次，今次只係飲Mocha，$50坐兩個鐘，可以專心睇書加寫閱讀心得，覺得比少少錢都好值得。

COVA @covahongkong 最近推出咗全新cake nano系列，每個4吋大，只係有大約手掌咁嘅大細，啱哂倆小口或同friend子隨時隨地分享滋味，包括3款口味：Pistachio Passion nano（開心果碎忌廉蛋糕）💚、Dolcefrutto nano（雜果忌廉蛋糕）🍓及Sacher nano（朱古力蛋糕）🍫， 各款口味都有特色，精緻造型「打卡」一流😍.今次就食咗佢哋嘅Sacher nano朱古力蛋糕，朱古力蛋糕香濃紮實，包著醇香幼滑嘅朱古力牛油忌廉，夾著酸甜黃梅果醬，味道甜而不膩，蛋糕表面仲淋上一層絲滑朱古力醬，再喺蛋糕四周鋪滿朱古力碎碎，每一啖都可以品嚐到濃郁朱古力醇香，chocolate lover一定勁like🤩.蛋糕只限喺4間指定香港 COVA 餅店現場發售，包括中環太子大廈、中環IFC 國際金融中心商場、太古城中心及觀塘 apm，暫不設預訂‼️

就快過農歷新年，諗買咩送禮都有啲難度...入去COVA 𥄫下有冇選擇，最後揀咗佢哋 全新推出王牌迷你扇子酥禮盒 (Mini Fans Puff Pastry Giftbox). 呢個王牌迷你扇子蘇禮盒...只要打開盒蓋，獨特馥鬱濃香法國AOP牛油香氣、令人彷彿陶醉於『時尚之都』 意大利。米蘭🥰再咬一口迷你扇子酥...完全感受到糕點大師嘅精心製作，金黃酥脆千層酥皮、淡淡滋味😋**AOP的縮寫,意思是原產地法定保護區的認證 該產品來自於特定的區域,並使用傳統的工法攪乳製作,從乳源、產區、製作方法、發酵時間、溫度掌控等,都有著嚴格的規範」,且每年會再複查一次,確保其出產的乳製品均保有最高的品質

今天買了六個蛋糕回家，$48一件，價錢尚可，味道仍可口，但其中一個店員在售賣過程中以藐視的態度對佢待，實在極度點不解為何如此出名的餅店有這種劣質員工❓❓❓❓連一個正常的員工都沒有嗎❓❓❓❓

咖啡控又出動 睇吓太古城有咩好味嘅下午茶，今日一於試吓Cova 先！佢位於商場嘅中庭地方，係Open area。座位都幾寬敞，唔算太嘈，梳化幾舒服，適合三五知己下午茶傾偈，一齊嘆吓甜品我叫咗一杯鮮奶咖啡 + 肉桂卷肉桂卷食落凍冰冰，同麵包舖嗰啲差唔多，冇乜特別；鮮奶咖啡飲落味道係正常，容易入口，尚算balance，但唔係好飲到你會再想幫襯嗰啲 cafe 其實佢哋用即棄餐具，令人食慾有啲下降，冇咗享受下午茶嗰種感覺

自從食過COVA 既蛋糕，基本上有屋企人同朋友生日我都會選擇COVA. 佢地既蛋糕款式唔算好多，亦唔會有特別造型，但味道一直保持水準．通常生日蛋糕都係食飽飯先拎出黎，但COVA 係絕對令人開左第二個胃，以前食開mango dome, 見佢有士多啤梨味，今次試下新口味．佢地既cream 好細滑，份量唔會太多太油膩，蛋糕同cream 既比例剛剛好，整體都非常可口，散發住士多啤梨香味，最重要係我好怕蛋糕上既水果都係酸，COVA 既蛋糕唔會食到酸既水果非常值得一試

以往每次生日 ，必買cova芒果蛋糕， 今次行街經過太古城有一間cova， 雖然已經食飽飯， 但係都忍唔住買咗件蛋糕食， 所以成日講食甜品係 第二個胃。本身想買返signature嘅cova芒果蛋糕， 可能太耐冇食， 唔知佢出咗另外隻味士多啤梨， 所以今次試食士多啤梨味蛋糕。口感完全 同signature 芒果蛋糕一樣， 軟綿綿士多啤梨味亦很香濃 ，上面粒士多啤梨亦很清甜，不會酸， 蛋糕好軟熟忌廉亦都很滑溜， 大家經過cova 可以買件試下

連續幾日雪糕買一送一早嚟太古城 買咗雙球變咗四球揀咗朱古力雲呢拿 咖啡 芒果雪葩😋😋可惜今日冇開心果😅咁買雪糕嘅時候問佢哋嘅咖啡係帶酸呀定係帶苦咁撞啱一位叫子健嘅同事解釋畀我聽佢有少少酸同埋有啲焦糖味嘅。咁食完雪糕中途呢位同事見到我係差唔多食完雪糕就特登拎杯水過嚟畀我服務非常好👍👍👏👏。咁之後都買杯咖啡飲唔好飲😋😋之後同他再要杯熱水嘅時候傾開啲咖啡佢仲畀咗一杯double shot我試下😊😊good service 回再來😊😊

沒有帶位人員！內裡的座位已經全部被人霸去，放手袋，放水杯，全部人都是上網，沒有規定用餐時間！在門外一直呆等了30分鐘，亦沒有任何位置！但是在餐廳的另一邊，卻沒有任何職員攔截，很多人自出自入，喜歡有位置就自己坐！這樣叫人在外面等什麼？這個是~免費休閒的地方吧~

門口冇人， 入去櫃枱問係等位定自己揾， 答案係自己， 行兩步去左邊冇位， 原來右邊有1 個就黎走， 有2 個客係個牌後面排隊， 係遲過我地到既， 有個執位既婆婆就叫佢地去坐， 我地表明我地先到， 但個執位既婆婆好似聽唔明， 佢其實係一直見到我地揾位既，再揾返櫃枱個侍應， 完全冇諗住調停，又解釋唔到同時叫自己揾又有排隊， 淨係叫我地再揾過！COVA安排竟然仲亂過茶餐廳！

一向都喜歡食甜品既我，對Cake 會有D要求，首先唔好太甜，最好要靚啦，因為相機食先🤣 Tiramisu 撻$45上面Cream 打得好滑，忌廉味夠濃👍🏻有小小酒味加上佢個撻底好鬆脆，整體90分😃Chocolate Mousse $45 朱古力味🍫香濃，上面配上酸酸既莓恰到好處，中間有少少海綿蛋糕🍰，上層雖然有朱古力醬，但唔會太甜，整體有100分❤️‍🔥芒果海棉蛋糕🍰$48清香芒果味🥭， 喜歡清清地可以選擇佢✨

由於疫情原因在家辦公，所以下午會在非繁忙時段出來喝咖啡吃甜點。原本每週光顧一兩趟這間Cova，但今日的經歷實在令人不快。Cafe本身沒有帶位服務，客人通常看到有空位而前往櫃檯落單給錢。由於只我一人，見到有空位當然第一時間擺低自己的物品表示會係度堂食，跟住前往櫃檯落單，我前面那位女仕也是一人，對於我擺低物件霸位有些不滿，於是同服務小姐投訴如果我霸座而令到佢冇位點算⋯⋯服務小姐回答會保證她一定有位因為她排係我之前，她算是滿意的坐低係另一張台。如果事情發展到此為止，我落單然後坐係我張台度便冇事發生，Cafe是有幾張空位的。偏偏這位服務小姐唔比我入坐，話人數唔比超過50%，所以我只可以係度等有客離開先可以入去。一，作為街坊我每日經過Cova多次，從沒見客人少過50%。二，如果巨扮下嘢數下的客跟住講超過半數叫我等也OK。但好明顯巨係因為頭先客人的投訴而要懲罰第二個客人，這種態度令人厭惡，我即刻離開。我前面那位女士投訴安排混亂，絕對正確。