Cova Pasticceria & Confetteria (港威商場)

營業中

休息中

間唔中就會黎COVA 買甜品食，價錢唔算平，不過出品有質素保證，店員都好有禮貌同耐性介紹各款甜品！ 建議早少少黎買，6:00 後會少好多款揀$50 | 🍰Mango Dome Slice | COVA 招牌！每次必點，海綿蛋糕好鬆化加埋鮮芒果同鮮忌廉，口感好輕盈$58 | 🍰Oatmeat Dessert cup | 坊間比較少見的燕麥慕絲，入面有少少Baileys忌廉甜酒$50 | 🍰Pistachio Dream Pastry | 忌廉芝士味濃郁帶有開心果甘香，口感比較細膩$58 | 🍰Tiramisu cup | 都係招牌之一！唔係經常見到，Tiramisu 好軟滑，帶少少酒香$50 | 🍰Dolcefrutto Pastry | 開心果碎鮮忌廉海綿蛋糕，開心果真係好好食$50 | 🍰Baked Cheese Cake with Fruits | 比較硬身既焗芝士蛋糕，好香芝士味，加埋水果唔會太溜🏠店名：Cova Pasticceria & Confetteria (港威商場)🚘地址：尖沙咀廣東道3-27號海港城港威商場地下G315號舖

step into the refined elegance at @covahongkong to indulge in a royal afternoon tea 🕊️ opulent interior and noble ambiance 👑 from exquisite savoury bites to elegant artisanal sweets 🍰 meticulously crafted with finest ingredients 💫 elegantly served on an Italian tea stand imported from Milan 🫖 truly a royal’s choice! 走進 @covahongkong 優雅殿堂，享受貴族式的精緻典雅下午茶 🕊️ 華麗裝潢 高貴氛圍 👑 從精緻鹹點 🥧 到典雅手工甜點 🍰 採用優質食材精心製作 💫 呈現在從米蘭進口的意大利製餐具 🫖 絕對是貴族之選！🫖 𝗔𝗙𝗧𝗘𝗥𝗡𝗢𝗢𝗡 𝗧𝗘𝗔 𝗦𝗘𝗧 HKD$538 for two—— 𝗧𝗢𝗣 𝗧𝗜𝗘𝗥 上層 ——🍖 parma ham and cantal

近5年最Hit食材除咗芝士、芋頭之類，仲有開心果，而且開心果比起其他邪惡食物更為健康有益。呢間西餅舖聽係聽過，但一直冇機會食，終於今次推出開心果系列，全部蛋糕既開心果都落得勁重手，味道同口感都非常濃厚，絕對岩晒鍾意開心果既人！creamy既開心果忌廉醬，配合潔白色純粹既cream，望落去以為好厚身好實心，但其實軟林林又輕盈，唔肥膩，唔似一般街邊奶油或whipped cream，食多幾件都冇壓力。海綿蛋糕唔會乾，好soft，夾埋開心果醬一齊食剛好平衡。我敢肯定呢間西餅舖既開心果系列必然爆紅。

今年生日唔食傳統朱古力士多啤梨栗子蛋糕，想試吓新口味😆開心果蛋糕， 果然有驚喜，Cova嘅蛋糕有質素又心思😍，餅底嘅咖啡味，淡淡地又感覺到，唔會太搶，主角開心果，綠色忌廉最濃郁開心果味道，感到用料十足，白色芝士忌廉香滑，整體唔會膩甜，食完可以再食，完全冇失望。😋😋😋一個半磅開心果蛋糕，兩人食到好飽，可能開心果忌廉本身較為飽肚🙂另外，包裝大方得體，會送一個膠刀、一支金蠟燭、一包保冷劑👍🏻半磅價錢$298，如用佢哋apps做會員，可有新會員九折蛋糕優惠，但係要在店舖即時購買才可使用，網上訂購用唔到呢個優惠⭐️

之前za bank做活動派cova晚餐買一送一卷，所以拖咗朋友過黎食(佢平時都有食開cova啲cake，而我真係從來冇幫襯過cova)本身期待都幾高既，但...餐包其實唔錯，但本身餐包就好難會出事所以唔計啦，沙律真係敗筆，食得出啲菜唔新鮮，唔整仲好。湯一般般，冇乜記憶點。主菜都一般般，唔難食，但亦唔係好食，只有份量唔多既印象。甜品，好驚喜！兩個cake都好好食，唔怪得我朋友平時會食佢啲cake啦，想試曬佢啲蛋糕🎂環境幾好，服務態度都好好，但餐廳始終嘢食係靈魂，其他都只係錦上添花，而佢真係得甜品係好食，再睇翻價錢，cp值其實一般

母親節去COVA買咗最多人推介既Mango cream dome 半磅裝，🍰本身$258一個，加母親節插牌另加$12一共$270🍰首先包裝得好精美，送人非常得體而且蛋糕底會附上冰包，非常貼心蛋糕啲cream好滑，入口即溶而且唔會過甜，成個感覺唔似食緊蛋糕咁🍰以呢個價錢買到咁高質素嘅蛋糕好值得，不過因為太好食，半磅真係唔夠喉下次會再買其他蛋糕試下🍰而且店員全部都好友善，願意解答客人問題，當日好多人買蛋糕亦都好快手

話說正日生日同屋企人去左呢間野食好野聽講好耐歷史嘅老店嚟果然係有返老店嘅風範呀吓🦞龍蝦湯🦞講講佢個湯先吖佢個龍蝦湯真係唔講得笑一啖食落口除左有滿滿嘅龍蝦鮮味又濃又香又鮮甜之外仲會有一下少少嘅回甘而嗰一下回甘冇估錯佢應該係有將啲殼再打碎再濾嘅嗰種細心嚟所以會有殼嗰種嘅鮮味甜味🥗Caprese Salad🥗跟住又一驚喜我真係冇諗過佢個前菜Salad會俾到咁大portion而且係真係好食嘅佢個mozzarella cheese大大片擺喺度上面仲有啲類pesto嘅物體一放入口嗰陣嗰個味唔會好似其他嘅乾芝士咁濃咁heavy但係個After taste就真係一絕臨食完嗰下會有個奶香滲返出嚟襯返曬成個沙律啲蔬菜當然係新鮮又好食啦再加埋個芝士將幾個味道混合真係好舒服又清新🥓凍肉拼盤🥓當然亦都係非常之夾啦佢個凍肉香加返落塊蜜瓜去淡化個咸味然後再俾多個芝士嘅衝擊你🦪青口+蜆🦪個portion又係驚喜級😂點解可以咁多🤣青口同蜆個咸鮮味都非常突出之餘個咸味亦都唔會令人太辛苦係非常出色嘅配搭🥩牛扒🥩抵讚地用左美國Prime級牛扒嘅肉眼去做冇昆你水而佢個牛扒係久違地終於唔洗喺高級餐廳退扒嘅熟度😭😭有啲感動😭😭叫5

同事買既生日蛋糕🎂連續2年都係食佢🤣 不過覺得佢清清地又幾好味有2層都充滿住芒果🥭👏🏼口感鬆軟 芒果唔酸 食落完全唔會覺得溜 細細個岩哂我地幾個同事仔一齊分享✨

得個殼嘅餐廳佢真係實至名歸🤦🏻‍♀️ 今次又係因為清coupon所以泥食 🎈白酒燴青口 $158個青口一上枱就勁大陣腥味，好彩食落無事😂雖然係咁但係跟青口個2塊包竟然好食，焗到好鬆脆又唔會乾👍🏻🎈 布袋芝士伴雜色蕃茄，西瓜 $138呢個簡直係垃圾🤦🏻‍♀️ 啲Mozzarella cheese完全無味，究竟係咩垃圾芝士先會無味，好心入貨入好啲🤷🏻‍♀️🎈焗法國鱈魚配蒜蓉牛油檸檬汁 $268個鱈魚其實不太差 但係$268泥講就好差囉😂佢係個啲超市冰櫃會揾到然後救其煎熟個啲味😂

食過幾間cova, 依間分店d 服務真係好令我同班朋友唔滿意，唔係話佢真係好差好差，但你唔會想係依個價位遇到啲咁嘅安排。首先我同同事尋日已經打電話book 左位，10:45。我地已經早到左 5-10分鐘，跟住去到門口，佢話就快午市，又話將枱未執好，叫我地行下11:15先再番黎（其實我地都唔mind 係入面坐住等😩）如果book 左位都要等多半個鐘，咁點解book 位個陣又要比10:45分嘅booking 我地呢？之後又話叫我地唔好食set lunch, 散點，如果唔係嘅話用餐時間就要短啲，因為趕住交枱。我地真係完全無語🙃跟住search 左好近嘅附近有另一間分店，即刻轉場走人。冇對比冇傷害，另一間分店d 服務真係正常好多囉，又冇佢咁多規則🤦🏻‍♀️

位於尖沙咀的Cova，是一間在1817年創立的意大利著名甜品老店。首間餐廳選址在米蘭的斯卡拉大劇院旁，是當代貴族、政治家和藝術家的熱門聚餐之地。二戰之後，搬遷去時尚潮流中心蒙特拿破崙大街，變成明星和名人的首選相聚地點。 品牌建業多年，所創造的意大利菜、蛋糕、甜點等都受到各界人士喜愛。至今屹立不倒204年，在全球有25間分店，在香港亦有26歷史，食物質素備受肯定。 香港的分店保留米蘭總店的設計元素，給予人一種典雅高貴的感覺。以藍、白、金為主調，揉合傳統和現代裝潢概念，環境優美，華麗高雅，時尚大方，很適合女生們拍拍照呢。 其實我是COVA的粉絲，已經光顧過無數次了。好友得知我很喜歡吃它的蛋糕，亦知餐廳有下午茶供應，所以便帶我來這裡慶祝生日啦。 Tradizione Cova $528/2位 COVA的下午茶用自家品牌的首飾盒呈上，比起用一般的三層𣕧，更加華麗，更加獨特，超級漂亮呀! 在每日的下午2時半開始供應，每人5款鹹點、4款甜點、1件鬆餅。 鹹點包括: 龍蝦蜜瓜薄脆、鵝肝慕絲撻、迷你和牛三文治、蘆筍青瓜小點、紅菜頭煙三文魚。 龍蝦蜜瓜薄脆和蘆筍青瓜小點，味道較為淡和清新，建議率先品嚐。

星期日想喺尖沙咀約朋友休閒食下午茶，最後揀咗尖沙咀海港城Cova，預早book職員話枱已滿，要walk-in. 當天去到Walk in, 完全冇人等位，得我地一行三人，等左45分鐘終於順利入座，入到去發現超級多吉枱，應該與疫情有關，這點我明白的。我哋叫左一set 二人下午茶 $488, 食物份量好少，每一件甜品或鹹點分量亦很小，亦不會像酒店的下午茶般有鬆餅在旁，所以都不夠飽。佢嘅鹹點批底好味，但甜品就一般，佢嘅迷你水果撻冇乜特別，水果亦不甜，大多數是酸的。最後我地叫多份薯條$88，又係分量超級細，好肯定薯條唔超過10條😭😭兩杯跟餐飲品我們叫了latte, 都係果句，份量超級少，兩三啖就飲完，亦唔會有得添飲，最後我哋都係飲水算。服務方面，幫我哋叫餐嘅服務員完全沒有禮貌，我哋有我哋點歺，點完佢一聲不響即刻一枝箭咁標走，係呢種餐廳有呢一種服務感覺十分奇怪，總括而言如果唔係食環境，建議可以去其他地方食下午茶餐，或者酒店嘅下午茶餐一定比呢度好。

話說老闆今日主動請食cake 🌝 太開心 問我地想食邊間 大家一致認為食Cova最好😂 即刻叫左同事買左幾盒返黎一打開盒 不得了 大家都忍唔住影返幾張靚相即刻打返個卡先 因為真係好精緻 勁精美 未食已經覺得好掂！ 我今次就揀左佈滿白色糖霜既cake. 糖霜脆脆地 蛋糕軟綿綿 一口一啖 真係幾match 幾好食 蛋糕係有jelly 小量cream 不過唔好甜既朋友就唔好揀呢個口味啦！ 唯一唔好就係佢個膠😂😂真係痴得非常實 同事搣極都搣唔到 殘念下次有機會要試埋其他口味先！

C.O.V.A.一聽到呢個名就諗起精緻嘅朱古力甜品，為咗減肥已經好耐冇食，最近工作好忙，今日心血來潮，行過尖沙咀店就買一個朱古力mousse cake 放肆一下！首先要講一個唔好處，就係雖然包裝好細緻，但係外面層膠實在痴得太實，摵開嘅時候破壞左蛋糕嘅美感。不過對我來講味道更實際！平時我唔會買紅莓蛋糕食，因為我好怕佢嗰陣酸酸嘅味道，但係今次呢件蛋糕，濃厚嘅朱古力正好中和苺嘅酸味蛋糕細細但已經充滿極豐富嘅層次，面頭鋪左紅苺、藍莓、士多啤梨等等，緊貼住係一層濃厚嘅朱古力醬，中間有一層幼滑嘅mousse,再經過一層海綿蛋糕先到餅底。小小一匙羹已經品嚐到多重滋味，食完真係非常滿足，叉滿電又可以繼續工作！！

呢度環境舒適，招呼週到。主菜選了五成西冷牛扒，火候控制得宜，肉汁豐富，份量足夠，加上款式多多的自助食品，火腿，Parma ham夾上甜甜蜜瓜，十分匹配。車厘茄，矮瓜，三色椒，頗適合喜歡食物清淡人士，確是物有所值。